Baverset oyo Eyebani Mpenza ewuti na Lukas 5

Kabola

Opah majar, Are mantun ma Simon, “Pokocu jukung cotuh ingkan banut hia topit co jalom. Paluh nimbai jalamu ika haba ngahat ocin.”

Simon museh, “Guru, momi-momi tuh kaih monyala, aroko haba ome-ome. Tapi, awi Iko co nyuhu, maka akuh nyuwah nimbai jala cotuh kole,” Hayak are nimbai jala cioh, maka jala cioh norek buah ocin hintang mias kuhat haba doh ocin dapot jala cioh molai tirat.

Maka Yesus derek pokocu arop-Eh hia ika co ngolohiui ina boraoi bodoa.

Jadi Akuh dombut aroh ika naah iroh co bujur. Tapi Akuh dombut ika naah kawan dulun co bodosa ina naat kawan dosan doh.”

Kokon dulun co tukang ngocin yoh potohurong-hurong tului kongorong ocin co haba doh yoh. Kawan jolahan Simon mahi, araieh Yokobus hintang Yohanes, kawan anak Jebedeus. Noto kuasan Yesus co ingkan Mohotara yoh, Simon nongkomo arop eh dulun co bodosa. Are paluh bolutut nukup nyan tohimo Yesus. Hieeh, “Pokocu arop mu ingkan akuh Tuhan! Awi akuh tuh bolum bodosa.” Tapi Yesus mantun ma are, “Aroh takut. Batuh iko tukang nganyap ocin, tapi ingkan makitu iko angar nganyap dulun ika jarin murid-Kuh.”

Yesus museh, “Kawan dulun co nongkomo arop eh sehat aroko porulu ma dokter, tapi kawan dulun co hotoro mositi porulu ma dokter.

Simon hintang kawan tongkanyoh eh ngocet duo jukung yoh hia saran banut. Paluh iroh molenteng kokoieh kawun jarin murid Yesus.

Nyan ico ondo, dahat Yesus nyan ico desa nyan derah Galelia yoh, oko ico bakah, kokon betieh buah boro. Kotika noto Yesus, are bolutut paluh nyawot dohop, “Tuan, dohop ngompio akuh. Amun Tuan kolu, Tuan boraoi ngompio akuh.” Yesus nyoro silui-Eh, ika ngoncamak dulun cioh. Hie-Eh, “Akuh kolu, pio bat!” Paluh toro cioh niho ingkan betieh.

Oluco tongosiit Yesus dulun cioh maraeh, tarung cioh tenden tosebar hantin-hanoh, dapot orong dulun dombut ika ngoneh Yesus. Iroh yoh mahi nyawot ika topomambuh ingkan toro doh.