Baverset oyo Eyebani Mpenza ewuti na Eksodas 2

Kabola

Hemi herem prea blong olketa, an hemi lukim dat olketa gohed fo filnogud tumas. Nao hemi tingim strongfala agrimen wea hemi bin mekem bifoa wetem Ebraham, an Aesak, an Jekob. So God hemi lukim dat olketa gohed fo waka had tumas olsem slev, nao hemi sore tumas long olketa.

Plande yia hemi gopas, nao king blong Ijip hemi dae, bat olketa traeb blong Israel i gohed fo filnogud tumas long olketa hadwaka wea olketa gohed fo duim. Oltaem olketa gohed fo kraeaot long God, bikos olketa laekem tumas fo hemi helpem olketa. An prea blong olketa hemi go kasem God.

Bihaen, taem pikinini ya hemi kamap bikfala, mami blong hem hemi tekem gobaek long dota blong king, hu hemi gohed fo lukaftarem hem moa olsem barava pikinini blong hem. An hemi tok olsem, “Bikos mi tekem hem aot from riva, bae mi kolem hem Mosis.”

Dota blong king hemi tok olsem long mami ya, “Yu tekem disfala pikinini, an yu susum kam fo mi, an bae mi peim yu.” So woman ya hemi tekem pikinini ya, an hemi gohed fo susum hem.

Long datfala taem, dota blong king wetem olketa wakagele blong hem, olketa kamdaon long riva ya fo hemi suim. Taem hemi gohed fo suim, olketa gele i gohed fo wakabaot long saet long riva ya. Hemi lukim go basket ya wea hemi flot midol long olketa longfala gras. So hemi sendem wanfala slev gele fo hemi go karim kam basket ya long hem.

Wanfala de, taem Mosis hemi kamap bikfala man finis, hemi wakabaot go lukluk long olketa wantok blong hem, an hemi lukim dat olketa blong Ijip i gohed fo fosim olketa fo waka had tumas. Long datfala taem, hemi lukim dat wanfala man blong Ijip hemi wipim nogud wanfala long olketa wantok blong olketa Hibru. Hemi luklukraon, an taem hemi lukim dat no eniwan hemi stap kolsap, hemi wipim nogud disfala man blong Ijip, mekem hemi dae. Den hemi haedem bodi blong hem kuiktaem insaet long graon.