Baverset oyo Eyebani Mpenza ewuti na LUKA 8

Share

Dɔ̧ɔ̧t wɔ hi kpɔm a hɛbt rɔb lɛl du, doodya̧ hii gɔ kɛm Bɛt dɔglɛ hi wa̧a̧ hi kpoos du gaati hi bis gɛ. Yɔ hi waa hinmɔŋk hi kpoos rɔbo, dɔgl bɔ gaa humlɔ gɔ hi kpoos du be.

Dɔ̧ɔ̧t wɔ hi kpɔm a kobs teesdu be, doodya̧ hii gɔ kɛm Bɛt dɔglɛ hi wa̧a̧ gbɔnɔ hi rekɔ, wɛɛ waalmɔkili, rɔɔsɛ hi waabil hɛmnt yɔ waal du yɛ̧g dɔgl bɔ hi kpoos du, dɔgl bɔ humlɔ wɛɛ hin tɔsi ma.

Dood zaadɛ hi riitin an betwaat lɛlɛ: doodya̧ hii gɔ kɛm Bɛt dɔglɛ hi ta̧a̧ hi hato; wɛɛ hi ɔ̄ɔ̄ dɔgl bɔ an gi yaa yɛ̧ɛ̧sɔ hi kpoos du gɛ, hi ɗɔbs am kaasi, hinza gɔ bɛɛhi maatugo hi ɔɔ dɔgl bɔ ɔɔ.

Wɛɛ raahi: a ɗɔbsig nɛ gi ay? Yɔ hoobha̧a̧ wɔrɔ gi wɛɛ gi kɔmsihi gɛrsɛ hi ɛtinu: a bɔ za̧a̧n yɛrɛ gɔ gi raa zɛko hi mɛmɛ hi kɛmsig tɔn wɛ yɔ?

Dood zaadɛ hi riitin an gbɔnɔya̧yɔ: gɔ hi kɛm Bɛt dɔglɔ, loorɛha̧a̧l zaa wɔɔ dɔgl bɔ hi kpoos du an bɔ hi ɗɔbsɔ hi za̧a̧.

Hinza yaatilya taa an hi ɔɔg midigɔ. Wɛɛ hinza gɛdya taa an hi ɔɔg mɛksigɔ hi midigɔ a ɔ̧t du.

Yɔ nis bɔ gbɛn an hi midigmidɔ, zaa zagl a Yeesu dɔɔ dɔŋdi gi beek hoobo; wɛɛ fɔk hinyɔ ki̧i̧ Yeesu dɔŋgɔ ge a dood lɔlgbar sɛw, wɛɛ dɔg za̧a̧tigɔ dɔgl ɓɔrbɔ sɛw. Yeesu raage: a waa be siŋgo, ɗɔbsig mɔ za̧a̧sumza̧a̧sɔ, rekum rɔbtɔnɔ.

Hi sɔɔ hi rɛmsige hi raage: a Hingokya! Hingokya! Wɛ wɔrɔ! Yɔ Yeesu rɛmɔ, ya̧a̧l zɛk ha̧a̧l bɔ hi mɛmɗukil wɔ hi erɔ, lɛl kɔm gɔ seseg.