Baverset oyo Eyebani Mpenza ewuti na Matiyu, echî 27

Share

Ńkánínká ésá a kpo to a sí, Jisos a kûk káŋ káŋ káŋ se, “ Erayi! Erayi! lámá sabatani? ” Nâ é fap se, “Obhasi omé! Obhasi omé! O jiŋî ə̂m jen?”

Nji a sére, íkpéghé mfi á bhúi ka nnyo-mbá ókʉ́rí achot Obhasi í yâ mbat ébháe é róghé ka ósô ta o sî esə́n. Nsi a nyíŋi, akpatə́m atáé á jogha. Ayəm á rə́bhe, ane Obhasi etî-etî mba á kpóe ta éməné, á chə́bhe njəm á nyə́me.

Jisos a kpô kúk, a sére.

Ntûfâm ane-enok na ane abhê mba á rî áfo á bhabha Jisos, á kpó yen nsi a nyíŋi, a yên fə́ne iyîm mbi í fábhe, efup é gyê ábho á kâm mân sê, “Ka etʉri, ńgyê Mmon Obhasi.”

Nji ńkánínká a síi ófó na ébháe nnyi nchên, njúí a tân. Ejírim é bhúi eték ndə́m tata a sî ésá nnyi egu.

A kpô bhə́p ábho se, “O kí wom ên mân sê ń yîm nan na Jisos nnyo á kamá se Krayis, nne nnyo Obhasi a túmi se a yim ngun á sém?” Á táme chénchén sê, “Kûm yê ka ego.” Kən Piratus a kpô bhə́p ábho se, “Nne nnyó a yimî bhaghé obhí?” Kən ekam ane njí á róghe ekughúm na ikom-ikom sê, “Kûm yê ka ego.”