Baverset oyo Eyebani Mpenza ewuti na Matiyu, echî 8

Share

Jisos a fáme ábho se, “Jen nji o kí fup ên ka ekpak njí, ḿbə́ŋé nnyi o kíi ên na Obhasi á ka son kpe mkpât.” A rúi mân ngyím a nyân mfêp na aya, ngûm fə́ne a nâ chák.

Kən ntûfâm enok nnyó se, “Ntûfâm, ń ka bhik nnyo o kə́ bha ó bhá gyé njû amé. Karê a ri ikom, ḿgbán omé tîk a sôn.

Nji Jisos a yúghi nchot nnyí, biji í mân yê kpe-eji. A sə́re ane mba á tóbha yê se, “Deê ń sə́ré ên bəre ń ka nok oyén nne kpe yót ka eték Isrel ndə́m nnyo a kíi ḿbə́ŋé na Obhasi ka ekpak njí.

Jisos a sə́re mân ntûfâm nnyó se, “Choŋ kʉ́ri ka njû eya, ḿgbán owa tîk a sôn ka ekpak nji o kamê.” Ḿgbán i nne-ndûm nnyó fə́ne a sôn ka nkúbhi ebhú áji.

Biji í kpô ábho kpe-eji. Á kí bhəp sê, “Bhaghé ekpak í nne nná nnyo kpe mfêp, kpe aya, í kí yuk yê?”