Baverset oyo Eyebani Mpenza ewuti na Matiu 5

Share

Na u katuun ema ron hakuluperi u lam bate kopo kap narien a sosopene. E möa. Nori e haka seie rien tara makumun gumgum turu lam bate alesala uana turu katuun hoboto te ka ria iahana luma. Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

“Alimiou e here hasemi u ualesala tara mamana makum. Na taun te kana i ouluna u pokus ema antunan hamous nari.

Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.

Na u katuun te ngil korueier a markato te matsköna i matana e Sunahan egi sasaala. Nori e here rari u katuun te besir na te maka siler a ka a niga. E Sunahan e ngö ranoien u katunun sasaala, taraha nori e masul riou.

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

Na u katuun te nolo pouts rer a pala te hiaraharahar egi sasaala. E Sunahan e ngö ranoien u katunun sasaala, taraha nonei e ngö has ranoien romana a galapien i tanen.

Na u katuun te taatagir egi sasaala. E Sunahan e ngö raneien u katunun sasaala, taraha nonei e kato hagigaha poutse nou a nitaatagi i taren.

Na u katuun te kato hamatskö ria i matana e Sunahan ba palair u katuun te kato homi raren egi sasaala. E Sunahan e ngö ranoien u katunun sasaala, taraha a Nipepeito tere Sunahan e ka uana i taren.

Na u katuun te taatagi rer a palair u katuun egi sasaala. E Sunahan e ngö ranoien u katunun sasaala, taraha nonei e taatagi has ranoien.

“Alimiou te ka uamiou tara pala i tar, ba nori te ranga hohomi rariou limiou, bate kato hohomi rariou limiou, bate saka rari limiou u mamana u mar ranga u gamo, alimiou e tatei sasaala noahas miou. Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

Na u katuun te kakamotor batema tatei raharahari egi sasaala. E Sunahan e ngö raneien u katunun sasaala, taraha nori e lue riou a han i puta.

E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”

“Alimiou u hengo naiam u raranga te poeiena, ‘Tego kato homiea a katuun a matamölö, balö te kato homi hasem a matanen, na tego kato homi haseien a lihomölö balö te kato homi hasem a lihonen.’ Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.

Tega kato homieia a pal mata tara pal matou i tamölö, balö te hasemen bate ba namen! Taraha, ema niga korunei tegi lapo ba mei u tuenrei hoboto i tamölö turu tula i hel, kaba ema omi bala nei tego tia uu a tsi töa a tsi makum turu tuenrei i tamölö. Tega kato homieia ualima tara pal matou i tamölö, balö te ngats kotsemen bate ba namen! Taraha, e omi koruna tegi lapo ba menai u tuenrei hoboto i tamölö turu tulana i hel, kaba ema omi bala nei tego tia uu a tsi töa puku a tsi makum turu tuenrei i tamölö.”