Baverset oyo Eyebani Mpenza ewuti na Jon 14

Share

“Ija ijana malol bilec adigina, wawaga malol bilec eu culiadigina. Mahanadec malol bilec adeginawe odi qee ija adigina. Wawaga cain qeleleiaunle, dumanaga ha cain culiaunle.

Odocob Jisas uqa jejeg hewi madon, “Jic eu ija, mele gug eu ija, cebac bilec silig eu ija. Oso Memige Anutca qee leiaun, ija dih odocomin Memige Anutca loqagan.

Jisas uqa maaden, “Age wawaga cain qeleleiaun, cain cucuiuwain. Age Anutnu wawaga meleeiale, ijanu ha wawaga meleeiale.

Agena Tutuanaga Oc eu Kis Gun, Memige Anut uqa ija ijanina sulduadigian eu humei uqa ceteteh cunug iwaladigian. Odimei uqa je cunug ija age maadem eu tulidocob dahiniga qolocijigian,” aden.

Oso ijana loo je umei toodu odona eu uqa ija naluni mena. Mei uqa dana eu ija naluni mena eunu nalug migian. Odocob ija uqanu nalug mimig ijana gugnu camasac mudigen,” aden.

Odocobil ija Memige Anut inondocomin uqa Tutuanaga Oc oso sulduadigian. Eu uqa ageca bileceb catanigian. Eu mele jenu Kis. Mahanadec age uqa qee fifi dudu egina. Eunu age uqa ocnu qee nijel. Euqa uqa ageca bilina, uqa age dunuhna biligian. Eunu age uqanu dogina,” aden.

Memige Anut binan eu Melah odocna ben migiannu age ija ijanina ceteh osonu inondoqagaqa eu ija odigen. Age ija ijanina ceteh osonu inontecebilfi eu ija odigen,” aden.

Jisas je haun maaden, “Age ija naluni moqagaqa age ijana loo je toodu odoqagan.

Meina jona bilec hamol mati nijadeiga. Eu odi qee nijoubmi ija qee maadoum, ‘Ija ono agena bilec cudun eeldocnu nuigen,’ adoum.

Ija nui agena bilec cudun eeldu hedumig ija ceseli humig ija biligina euna age ijaca bileqannu age cedadi ehadigen.

Odocob Tomas uqa madon, “Tibud, hina ana nuuguna, eu ege qee doqona. Eunu jic eu adi feqan?” don.