GENESIS 2

1Lei leh vân leh thil engkim siam chu zawh a ni ta a. 2A ni sarihna#2:2 LXX lamah ‘a ni ruk ni chuan’ tih a ni. ni-ah Pathianin a thilsiam hna chu a zawh fel tâk avângin a ni sarih ni chuan a châwl ta a.#Heb. 4:4-10. 3A thilsiam hna zawng zawng a tih zawha a chawlhsan tâk avângin Pathian chuan a ni sarih ni chu mal a sâwm a, a serh ta a. #Exod. 20:11.

4Chu chu lei leh vân siam dân chanchin chu a ni.

Eden huan

5 Lalpa #2:5 Hebrai Bible-a Pathian hming IAHUA tia chhiar tûr ni-a lang chu Adonai (LALPA) tiin an chhiar thên ṭhîn. Mizo Bible-ah hawrawppuiin LALPA tia ziak a ni. Pathianin lei leh vân a siam lai khân thlai rêng rêng leiah a la ṭo lo va, hnim pawh a la chawr hek lo; Pathianin ruah a sûrtîr rih lo va, lo neitu tûr mihring pawh an la awm lo. 6Lei aṭangin tuihu a lo chhuak a, chu chuan lei chu a tihnâwng ṭhîn a ni. 7Lalpa Pathian chuan lei vaivutin mihring#2:7 Heb. ṭawngin lei hi Adama an ti. a siam a, a hnârah chuan nunna thaw a thaw lût a, mihring chu mi nung a lo ni ta a. #1 Kor. 15:45.

8 Lalpa Pathian chuan khawchhak ram, Eden-ah huan a siam a; tah chuan a mihring siam chu a dah a. 9Lalpa Pathian chuan thing mawi tak tak leh rah tui tak huanah chuan a ṭotîr a, huan lai takah chuan nunna thing leh a chhia a ṭha thleina thing a ṭotîr bawk a.#Thup. 2:7; 22:2,14. 10Huan tihnâwng tûr chuan lui pakhat a luang tlang a, huan pâwnah chuan pêng liin a pêng darh a. 11Pêng khat hming chu Pison a ni a, rangkachak tamna Havila ramah a luang a. 12Chu rama rangkachak chu a ṭha bîk a, lungmantam Bidela leh Soham pawh a awm. 13Lui pakhat hming chu Gihon a ni a, Kus ramah a luang tlang a. 14Lui pathumna chu Hidekal#2:14 Tûnlaia a hming chu Tigris a ni. a ni a, Asuria chhak lamah a luang a. A palina chu Eufretis lui hi a ni.

15 Lalpa Pathian chuan mihring chu a hruai a, huan enkawla vêng tûrin huanah chuan a dah a. 16Lalpa Pathian chuan mihring chu a hrilh a, “Huana thing rah hi i duh duh i ei thei ang. 17A chhia a ṭha thleina thei erawh hi chu ei tûr a ni lo, i ei phawt chuan i ei niin i thi ngei ang,” a ti a.

18 Lalpa Pathian chuan, “Mihring, amah maia a awm hi a ṭha lo ve, ṭanpuitu tûr, a kawppui âwm tak ka siamsak teh ang,” a ti a. 19Lalpa Pathian chuan leiin ramsa tinrêng leh chunglêng sava tinrêng a han siam a. Mihring chuan engtin nge a lo koh dâwn hriat nân a hnênah a rawn hruai zêl a; mihringin a lo koh dân ang zêl chu thil nung tinrêng chuan hmingah an pu ta a. 20Mihring chuan ran te, chunglêng sava te leh ramsa tinrêng te chu hming a neihtîr a; mahse, mihring chuan amah ṭanpuitu tûr, kawppui âwm a hmu lo.

21 Lalpa Pathian chuan mihring chu tui takin a muttîr a, a muthilh hlân chuan a nâkruh pakhat a lâksak a, tisain a tiping leh a. 22Mipa nâkruh a lâk aṭang chuan Lalpa Pathian chuan hmeichhia a siam a, mipa hnênah chuan a rawn hruai ve a. 23Ani chuan, “Hei zet zawng, ka ruh ang ruh nei, ka tisa ang tisa pu zu nia le! Mipa aṭanga lâk chhuah a nih avângin ‘hmeichhia’ tih tûr a ni,” a ti a. 24Hei vâng hian mipain a nu leh a pa a thlah a, a nupui a vuan a, tisa pumkhat an lo ni ta a ni.#Mt. 19:5; Mk. 10:7,8; 1 Kor. 6:16; Efe. 5:31.

25Mipa leh hmeichhia chu saruakin an awm a; mahse, an zak lêm lo.

Currently Selected:

GENESIS 2: MIZCLBSI

Tya elembo

Copy