Kulawa 5
5
Musa na Aruna mbere ya Firyauna
1Bandi ya evi, Musa na Aruna wamúkira Firyauna, wamwámbira: “Mola, Nlungu wa Iziraeli kaamba javi: ‘Wase wanu wangu woke kulanga wakanifurahikire na wakanitukuze.’ ” 2Falakini Firyauna kawajíbu: “Mola ndi nani, wakunsikira omi, kuwasa waIziraeli kuka? Simwijiwa Mola wala waIziraeli siwasa kuka.” 3Ikisa ewo wakinjíbu: “Nlungu wa Waebraniya katijírira. Sambi, tase tuke kulanga kitambo ca muda wa suku natu, tikantendere kafara Mola, Nlungu wetu. Tikitówa kutenda javyo, tíhukumiwa kwa maradi au vita.” 4Fala nfalume wa Miswiri akiwajibu: “Epa umwe Musa na Aruna, kwa sababuni kuwalávya wanu-wa mmakazi mwawo? Ludirani kukazi!” 5Na akizídi kuwambira: “Ewa wanu-wa muinti-mu sambi wengi, na umwe wasiseni wakore kazi!” 6Noyo suku-yo, Firyauna akiwamuru wakulungwa wa kazi pamoja na maamiri wa kazi, akamba: 7“Kulawa ka rero-vi mpaka mbere, musiwape tena wanu makovya kutendera tijolu, kamba vyamúkiwapanga mida, wasakure wanyewe! 8Falakini muwashurutise kutenda tijolu isabu mmoja noyo yawátendanga-pa daima. Ziringane wala isibaki anta tijolu mmoja, konta wanu-wo wafuko. Ndi ntamana wanyangula wakwamba, ‘Tase tuke tikantendere kafara Nlungu wetu.’ 9Ewo wanu-wo zidini kúwapa kazi ngumu, ipate wakore kazi tu basi, wasisíkirize masemo a ulongo awambiríwanga-wo.”
10Kwa javyo, wakulungwa wa kazi pamoja na maamiri wakilawa wakuka wakiwambira wanu ware: “Firyauna akamba javi: ‘Sukupani tena makovya. 11Kasakureni wanyewe mpaka mupate, fala isabu ya tijolu iturewe-yo isikose kutimu.’ ” 12Basi, waIziraeli ware wakitawanyikana inti ya Miswiri ire piya kupita wakisakula makovya. 13Wakulungwa wa kazi ware wakiwakaza wakamba: “Timizani kazi yenu suku daima kamba vyamúkipewanga makovya.” 14Maamiri wa waIziraeli, waturiwe na wakulungwa wa kazi wa Firyauna, wakiwebíya, ikisa wakiwambira: “Mbana ijana na rero amutimize kazi yenu ya tijolu kamba daima?”
15Sambi, maamiri wa waIziraeli wakuka wakirishuku ka Firyauna, wakamba: “Umwe, ofwe watumisi wenu sababuni kutitenda javi? 16Atipewa tena makovya, fala tishurutisiwa ‘Tendani tijolu!’ Visitoshe ofwe watumisi wenu tukwibiiwa, fala wanu wenu ndi waténza. Konta ya kinani?” 17Fala iye akijibu: “Umwe muwa wafuko, wakulu wa wafuko! Ndi ntamana múpita mukamba: ‘Tísaka tikantendere kafara Mola!’ 18Ukani mukakore kazi-ko! Hapana asáka kukupani makovya, fala mujuzi mutimize tijolu isabu mmoja noyo ituríwe-yo!” 19Maamiri wa waIziraeli ware wakiriwóna kuwa ntabu, konta wambíriwa kuwa “amupungúriwa mbarawanya ya tijolu ya kila suku”. 20Pawalawire nnyumba ya kifalume Firyauna, wawasingana Musa na Aruna, wákiwa panja pare wakiwarínda, 21na wakiwambira wó-wawiri: “Mola awone eya mambo-ya akuhukumuni, konta kutitenda ofwe tiwe wadainfu ka Firyauna pamoja na watumisi wake. Umwe muwasukuza upanga watúlaye!”
22Ikisa Musa akuka mbere ya Mola, akamba: “Yarabi Mola, sababuni kuwatabisha wanu wako-wa? Kunipereka kuno konta ya kinani? 23Tangu panukire nikisowera na Firyauna kwa zina rako, iye ndi paazidi kuwatabisha wanu-wa. Na uwe aunátenda anta kimoja ca kuwanusuru.”
Currently Selected:
Kulawa 5: wmwBI
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.
Kulawa 5
5
Musa na Aruna mbere ya Firyauna
1Bandi ya evi, Musa na Aruna wamúkira Firyauna, wamwámbira: “Mola, Nlungu wa Iziraeli kaamba javi: ‘Wase wanu wangu woke kulanga wakanifurahikire na wakanitukuze.’ ” 2Falakini Firyauna kawajíbu: “Mola ndi nani, wakunsikira omi, kuwasa waIziraeli kuka? Simwijiwa Mola wala waIziraeli siwasa kuka.” 3Ikisa ewo wakinjíbu: “Nlungu wa Waebraniya katijírira. Sambi, tase tuke kulanga kitambo ca muda wa suku natu, tikantendere kafara Mola, Nlungu wetu. Tikitówa kutenda javyo, tíhukumiwa kwa maradi au vita.” 4Fala nfalume wa Miswiri akiwajibu: “Epa umwe Musa na Aruna, kwa sababuni kuwalávya wanu-wa mmakazi mwawo? Ludirani kukazi!” 5Na akizídi kuwambira: “Ewa wanu-wa muinti-mu sambi wengi, na umwe wasiseni wakore kazi!” 6Noyo suku-yo, Firyauna akiwamuru wakulungwa wa kazi pamoja na maamiri wa kazi, akamba: 7“Kulawa ka rero-vi mpaka mbere, musiwape tena wanu makovya kutendera tijolu, kamba vyamúkiwapanga mida, wasakure wanyewe! 8Falakini muwashurutise kutenda tijolu isabu mmoja noyo yawátendanga-pa daima. Ziringane wala isibaki anta tijolu mmoja, konta wanu-wo wafuko. Ndi ntamana wanyangula wakwamba, ‘Tase tuke tikantendere kafara Nlungu wetu.’ 9Ewo wanu-wo zidini kúwapa kazi ngumu, ipate wakore kazi tu basi, wasisíkirize masemo a ulongo awambiríwanga-wo.”
10Kwa javyo, wakulungwa wa kazi pamoja na maamiri wakilawa wakuka wakiwambira wanu ware: “Firyauna akamba javi: ‘Sukupani tena makovya. 11Kasakureni wanyewe mpaka mupate, fala isabu ya tijolu iturewe-yo isikose kutimu.’ ” 12Basi, waIziraeli ware wakitawanyikana inti ya Miswiri ire piya kupita wakisakula makovya. 13Wakulungwa wa kazi ware wakiwakaza wakamba: “Timizani kazi yenu suku daima kamba vyamúkipewanga makovya.” 14Maamiri wa waIziraeli, waturiwe na wakulungwa wa kazi wa Firyauna, wakiwebíya, ikisa wakiwambira: “Mbana ijana na rero amutimize kazi yenu ya tijolu kamba daima?”
15Sambi, maamiri wa waIziraeli wakuka wakirishuku ka Firyauna, wakamba: “Umwe, ofwe watumisi wenu sababuni kutitenda javi? 16Atipewa tena makovya, fala tishurutisiwa ‘Tendani tijolu!’ Visitoshe ofwe watumisi wenu tukwibiiwa, fala wanu wenu ndi waténza. Konta ya kinani?” 17Fala iye akijibu: “Umwe muwa wafuko, wakulu wa wafuko! Ndi ntamana múpita mukamba: ‘Tísaka tikantendere kafara Mola!’ 18Ukani mukakore kazi-ko! Hapana asáka kukupani makovya, fala mujuzi mutimize tijolu isabu mmoja noyo ituríwe-yo!” 19Maamiri wa waIziraeli ware wakiriwóna kuwa ntabu, konta wambíriwa kuwa “amupungúriwa mbarawanya ya tijolu ya kila suku”. 20Pawalawire nnyumba ya kifalume Firyauna, wawasingana Musa na Aruna, wákiwa panja pare wakiwarínda, 21na wakiwambira wó-wawiri: “Mola awone eya mambo-ya akuhukumuni, konta kutitenda ofwe tiwe wadainfu ka Firyauna pamoja na watumisi wake. Umwe muwasukuza upanga watúlaye!”
22Ikisa Musa akuka mbere ya Mola, akamba: “Yarabi Mola, sababuni kuwatabisha wanu wako-wa? Kunipereka kuno konta ya kinani? 23Tangu panukire nikisowera na Firyauna kwa zina rako, iye ndi paazidi kuwatabisha wanu-wa. Na uwe aunátenda anta kimoja ca kuwanusuru.”
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.