Mwanzo 19
19
Loti wamwisukira malaika wawiri
1Pariswere juwa malaika wawiri ware wakifika Sodoma. Na kumbe Loti kêkala panryango wa kwingirira Sodoma. Basi, na kuwawona akilamuka akúka karibu yawo akisujudi akiwakomaza, 2akiwambira: “Tafadali mamwenye, karibuni kwingira nyumba ya kitumisi wenu, ipate mutawade mulare nopa, subuu namapema mupwesere muke na safari yenu.” Fala malaika ware wakinjibu: “La, atisakula nnyumba, tílala anta pawe paruwa nopa.” 3Fala Loti akiwakenekezera mpaka wakikubali kwingira nnyumba mwake, akiwatendera jambo ra sherehe. Loti wayeni ware akiwatendera mikate ya nakuwale wakitafuna.
4Falakini usiku sawanamba kulala, wanu wa kaya ya Sodoma ire piya ntoto kamba nkulu, piya wanu wakizunguriza nyumba ya Loti. 5Na wakimwita Loti wakindairi: “Wanu wajire usiku mwako-mu wandepi? Walavire panja-pa tísaka tiwalore!” 6Loti akilawa akifunga nryango kinyumanyuma 7akiwambira: “Tafadali wenzangu, musikunishe kitendo kamba eco! 8Onani! Mukwijiwa sana-sana kuwa niwa nawo wanangu wari wawiri wa nnyumba. Mukisaka, nikuja nawo nukupeni muwatende camusaka conse. Fala musiwatende kinu wanawalume ware, kwa sababu wayeni wangu!” 9Fala wanu ware wakisema wakamba: “Tipitise-po! Uwe nkaya-mu kuwa myeni, sambi úsaka uriture kuwa ndi nfalume wa kulamula shariya namunani? Basi uwona tísaka tukutabishe, vyatilangele kuwatabisha ewo ndi aba.” 10Basi sambi wanawalume wawiri ware wakolosa makono wakinkola wakinvutira Loti nnyumba wakifunga nryango. 11Ikisa wayeni ware wakiwapanja maso wanu wákiwa panryango ware. Piya ntoto kamba nkulu, wakanza kupamana watupu, anta nryango awákiwona.
12Wayeni ware wakimwambira Loti: “Sama nkaya-mu pamoja na wanu wauri nawo pamoja. Walozi wako, wanawo waka na walume na piya cauri nawo conse nkaya-mu, mulawe nawo piya! 13Konta tísaka tidangure, kamana malalamiko makulu futi ari kufika ka Mola wetu kwa ubaya wa wanu wa eyi kaya-yi, ndi sababu yake yatiperékiwe kuja kudangula.” 14Loti akilawa akúka ka walozi wake ware akiwambira akamba: “Lawani nkaya-mu, konta Mola wetu ásaka kudangula kaya-yi.” Falakini ewo watula kuwa Loti kankuwamangari.
15Pakucere mangu-mangu, malaika ware wanza kunkenekeza Loti ire, wakimwambira: “Lamuka upesi untware nkawako na wanawo wawiri wauri nawo-wa, mulawe, ikiwa músaka isukupáteni hukumu ya eyi kaya-yi.” 16Basi kwa kuwa Loti ákikawa, wayeni ware wakinkola nkono iye na nkawake pamoja na wanawe, wakiwalavya nkaya mure, kamana Mola wetu ákisaka awavushe. 17Pawawalavire nkaya mure, laika mmojawapo pare akimwambira Loti: “Epa sambi rivushe, usinang'anize nyuma, wala usimire mpepi munrati-mu. Tuwirirani kumyango baidi ipate musikoriwe!” 18Fala Loti akimwambira akamba: “Tafadali, javi sivyo, mamwenye wangu! 19Omi ntumisi wenu muniténdera fadili ulu na munolótera huruma zenu pakulu sana, konta munivusha mainsha angu. Falakini sijuzi kutirira kumyango, níropereza kuja kunipata mashaka mpaka kufwa. 20Fala sambi, karibu nopapa iwapo kaya nyengine noto ya kujuzi kutirira omi. Epa naseni nuke noko, nipate kuvusha mainsha angu. Eyo kaya-yo noto javi-pa.” 21Mmoja akinjibu: “Vyema sana, javyo nikubali kukutendera kamba vyaunilebele novyo. Eyo kaya yawamba-yo sidangula. 22Basi tuwirira upesi noyo kaya-yo, kamana omi sitenda kinu tena kábula saunamba kufika eko.” Ndi ntamana ikitiwa noyo kaya-yo Sowari. 23Wakati warilawire juwa, Loti ndi paafikire kaya ya Sowari.
Kudanguriwa ka Sodoma na Gomora
24Sambi novyo, Mola wetu binguni kesusira kaya za Sodoma na Gomora unga na moto. 25Iye akidangula-dangulanga kaya zire pamoja na mirati ire, wanu wa kaya zire piya pamoja na cîwotire pansi conse. 26Falakini muka wa Loti, ákinfulata nyuma yake, akinang'aniza nyuma akitaduka noparepare swanamu wa munyu.
27Kwa noire suku ire, subuu namapema, Iburahima koka mpaka nopare mahala pemire ákisowera na Mola wetu pare. 28Paanang'anize upande wa Sodoma na Gomora na nrati ure piya, kawona rosi ríkifukira julu pwe-pwe-pwe, kamba rosi ra forunu ulu pakulu. 29Javyo, Mola wetu paadangure kaya za nrati ure, kankumbikira Iburahima akinvusha Loti kati ya makutuba yaapereke inti ire, kaya zaákikalanga.
Loti na wanawe waka
30Basi ire Loti ire, kwa kuwa kopa kuinshi Sowari kure, akisama iye pamoja na wanawe wari wawiri ware, akúka nvungu ra mwango akiikala. 31Kwa suku moja, mwana kifundi ire kamwimbira nduye kifindi akamba: “Nduyangu! Epa wawa yetu-yu kankuluvala na eyi inti-yi piya, aapo nanga nlume mmoja wa kutilomba, kamba tabiya za kila mahala. 32Basi tuke tinrevye wawa yetu-yu, ikisa tilare naye ipate tipongore naye wana.” 33Kweli-kwelini usiku wakinrevya wawa yawo ire, mwana kifundi ire akúka akilala naye. Kalala naye mpaka kalamuka wawaye ire saafamire.
34Subuu yake mwana kifundi ire akimwambira nduye akamba: “Ijana usiku omi nilala na wawa. Na rero usiku tuke tinrevye ipate na uwe novyo ukalare naye, ipate tipongore naye wana.” 35Basi usiku wakinrevya tena, kifindi ire akuka akilala naye. Na iye kalala naye mpaka kalamuka wawaye ire saafamire. 36Kwa javyo, iwa pare wana wó-wawiri wa Loti ware wemitísiwa na wawa yawo noire. 37Basi mwana ntanzi akimpongola mwana nlume, akimwita Mowabu. Ndi babu mwenye kabila ya waMowabu mpaka rero. 38Kifindi ire neye akimpongola mwana nlume, akimwita Ben-ami. Ndi babu mwenyé kabila ya waAmoni mpaka rero.
Currently Selected:
Mwanzo 19: wmwBI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.
Mwanzo 19
19
Loti wamwisukira malaika wawiri
1Pariswere juwa malaika wawiri ware wakifika Sodoma. Na kumbe Loti kêkala panryango wa kwingirira Sodoma. Basi, na kuwawona akilamuka akúka karibu yawo akisujudi akiwakomaza, 2akiwambira: “Tafadali mamwenye, karibuni kwingira nyumba ya kitumisi wenu, ipate mutawade mulare nopa, subuu namapema mupwesere muke na safari yenu.” Fala malaika ware wakinjibu: “La, atisakula nnyumba, tílala anta pawe paruwa nopa.” 3Fala Loti akiwakenekezera mpaka wakikubali kwingira nnyumba mwake, akiwatendera jambo ra sherehe. Loti wayeni ware akiwatendera mikate ya nakuwale wakitafuna.
4Falakini usiku sawanamba kulala, wanu wa kaya ya Sodoma ire piya ntoto kamba nkulu, piya wanu wakizunguriza nyumba ya Loti. 5Na wakimwita Loti wakindairi: “Wanu wajire usiku mwako-mu wandepi? Walavire panja-pa tísaka tiwalore!” 6Loti akilawa akifunga nryango kinyumanyuma 7akiwambira: “Tafadali wenzangu, musikunishe kitendo kamba eco! 8Onani! Mukwijiwa sana-sana kuwa niwa nawo wanangu wari wawiri wa nnyumba. Mukisaka, nikuja nawo nukupeni muwatende camusaka conse. Fala musiwatende kinu wanawalume ware, kwa sababu wayeni wangu!” 9Fala wanu ware wakisema wakamba: “Tipitise-po! Uwe nkaya-mu kuwa myeni, sambi úsaka uriture kuwa ndi nfalume wa kulamula shariya namunani? Basi uwona tísaka tukutabishe, vyatilangele kuwatabisha ewo ndi aba.” 10Basi sambi wanawalume wawiri ware wakolosa makono wakinkola wakinvutira Loti nnyumba wakifunga nryango. 11Ikisa wayeni ware wakiwapanja maso wanu wákiwa panryango ware. Piya ntoto kamba nkulu, wakanza kupamana watupu, anta nryango awákiwona.
12Wayeni ware wakimwambira Loti: “Sama nkaya-mu pamoja na wanu wauri nawo pamoja. Walozi wako, wanawo waka na walume na piya cauri nawo conse nkaya-mu, mulawe nawo piya! 13Konta tísaka tidangure, kamana malalamiko makulu futi ari kufika ka Mola wetu kwa ubaya wa wanu wa eyi kaya-yi, ndi sababu yake yatiperékiwe kuja kudangula.” 14Loti akilawa akúka ka walozi wake ware akiwambira akamba: “Lawani nkaya-mu, konta Mola wetu ásaka kudangula kaya-yi.” Falakini ewo watula kuwa Loti kankuwamangari.
15Pakucere mangu-mangu, malaika ware wanza kunkenekeza Loti ire, wakimwambira: “Lamuka upesi untware nkawako na wanawo wawiri wauri nawo-wa, mulawe, ikiwa músaka isukupáteni hukumu ya eyi kaya-yi.” 16Basi kwa kuwa Loti ákikawa, wayeni ware wakinkola nkono iye na nkawake pamoja na wanawe, wakiwalavya nkaya mure, kamana Mola wetu ákisaka awavushe. 17Pawawalavire nkaya mure, laika mmojawapo pare akimwambira Loti: “Epa sambi rivushe, usinang'anize nyuma, wala usimire mpepi munrati-mu. Tuwirirani kumyango baidi ipate musikoriwe!” 18Fala Loti akimwambira akamba: “Tafadali, javi sivyo, mamwenye wangu! 19Omi ntumisi wenu muniténdera fadili ulu na munolótera huruma zenu pakulu sana, konta munivusha mainsha angu. Falakini sijuzi kutirira kumyango, níropereza kuja kunipata mashaka mpaka kufwa. 20Fala sambi, karibu nopapa iwapo kaya nyengine noto ya kujuzi kutirira omi. Epa naseni nuke noko, nipate kuvusha mainsha angu. Eyo kaya-yo noto javi-pa.” 21Mmoja akinjibu: “Vyema sana, javyo nikubali kukutendera kamba vyaunilebele novyo. Eyo kaya yawamba-yo sidangula. 22Basi tuwirira upesi noyo kaya-yo, kamana omi sitenda kinu tena kábula saunamba kufika eko.” Ndi ntamana ikitiwa noyo kaya-yo Sowari. 23Wakati warilawire juwa, Loti ndi paafikire kaya ya Sowari.
Kudanguriwa ka Sodoma na Gomora
24Sambi novyo, Mola wetu binguni kesusira kaya za Sodoma na Gomora unga na moto. 25Iye akidangula-dangulanga kaya zire pamoja na mirati ire, wanu wa kaya zire piya pamoja na cîwotire pansi conse. 26Falakini muka wa Loti, ákinfulata nyuma yake, akinang'aniza nyuma akitaduka noparepare swanamu wa munyu.
27Kwa noire suku ire, subuu namapema, Iburahima koka mpaka nopare mahala pemire ákisowera na Mola wetu pare. 28Paanang'anize upande wa Sodoma na Gomora na nrati ure piya, kawona rosi ríkifukira julu pwe-pwe-pwe, kamba rosi ra forunu ulu pakulu. 29Javyo, Mola wetu paadangure kaya za nrati ure, kankumbikira Iburahima akinvusha Loti kati ya makutuba yaapereke inti ire, kaya zaákikalanga.
Loti na wanawe waka
30Basi ire Loti ire, kwa kuwa kopa kuinshi Sowari kure, akisama iye pamoja na wanawe wari wawiri ware, akúka nvungu ra mwango akiikala. 31Kwa suku moja, mwana kifundi ire kamwimbira nduye kifindi akamba: “Nduyangu! Epa wawa yetu-yu kankuluvala na eyi inti-yi piya, aapo nanga nlume mmoja wa kutilomba, kamba tabiya za kila mahala. 32Basi tuke tinrevye wawa yetu-yu, ikisa tilare naye ipate tipongore naye wana.” 33Kweli-kwelini usiku wakinrevya wawa yawo ire, mwana kifundi ire akúka akilala naye. Kalala naye mpaka kalamuka wawaye ire saafamire.
34Subuu yake mwana kifundi ire akimwambira nduye akamba: “Ijana usiku omi nilala na wawa. Na rero usiku tuke tinrevye ipate na uwe novyo ukalare naye, ipate tipongore naye wana.” 35Basi usiku wakinrevya tena, kifindi ire akuka akilala naye. Na iye kalala naye mpaka kalamuka wawaye ire saafamire. 36Kwa javyo, iwa pare wana wó-wawiri wa Loti ware wemitísiwa na wawa yawo noire. 37Basi mwana ntanzi akimpongola mwana nlume, akimwita Mowabu. Ndi babu mwenye kabila ya waMowabu mpaka rero. 38Kifindi ire neye akimpongola mwana nlume, akimwita Ben-ami. Ndi babu mwenyé kabila ya waAmoni mpaka rero.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.