Mwanzo 23
23
Kufwa na kuzikiwa ka Sara
11 Sara, bandi ya kuinshi myaka miya na shirini na saba, 2kafwira Kiriyati-Arba, kwitiwa Heboroni, kaya iri inti ya Kanaa. Iburahima kengira nnyumba kuntendera matanga na kunririra kwake iye.
3Ikisa Iburahima kalawa pamaiti pare akúka akiwambira waHeti akamba: 4“Ingawa omi niwa myeni, nankuinshi pamoja nomwe, fala niurizeni mahala penu pamojawapo nitende kaburi ninzike nkawangu.” 5WaHita wakinjibu Iburahima wakamba: 6“Mwenye, tafadali tisikirizeni sana-sana! Ofwe túkutulani umwe kuwa nlongozi maalumu. Epa nzikeni nkawenu mahala pamuwona kuwa pema ponse kumakaburi kwetu. Ofwe piya hapana asaka kukukatazani mahala pakunzika nkawenu.” 7Noparepare Iburahima akilamuka akiwenamira wenye kaya waHeti ware, mbere ya wanu piya, 8akiwambira javi: “Ikiwa kweli-kwelini muwa radi ninzike nkawangu, nlebeleni upesi Efroni mwana wa Sohari, 9ipate aniurize jonga rake ra Makpela riri nanyenje ya masamba ake. Omi níuza kwa beyi ya haki nopapa mbere yenu na nikuwa mwenye jonga-ro emu nkaya mwenu-mu.”
10Sambi Efroni muHita ire, ekare kati-kati ya waHita, kanjibu Iburahima kwa namuna yakuwa wásikira wanu ware pamoja na kaumu ya wazee panryango wa kaya ire#23:10 Kiebraniya: “Wanu piya wákipita panryango wa kaya ire.” Nryango wa kaya úkiwa mahala pamoja pawanu, pákitendiwa shuguli ya kazi za kifalume na ucuruzi., kaamba: 11“La! Mwenye tafadali nisikirizeni, nukupani uweru-wo na jonga rake riri nkati. Nukupani piya-vyo mbere ya ariya. Nzikeni nkawenu.” 12Iburahima akiwenamira wanu piya wenye kaya ware, 13na akinjibu Efroni mbere ya piya ware akamba: “Tafadali tuke tisikizane sana! Kubali kupokerera nzuruku wanukupa-wu iwe ndi beyi ya uweru-wo. Omi javyo ndi vyanisaka ninzike nkawangu.” 14Basi Efroni akinjibu: 15“Onani mwenye! Pare mahala pare beyi yake ndi jarajara miya nne za parata basi, kinani kwenu umwe? Kanzikeni nkawenu!” 16Iburahima, na kusikira javire, akikubali beyi noire. Akipima nzuruku wambiriwe ure kiyasi ca kuremera kwake miya nne ya parata kadiri ya vipimo vya wacuruzi wa nowo wakati-wo, akimpa Efroni mbere ya mashahidi ware piya.
17Basi uweru wa Efroni wa Makpela, karibu ya Mamre, uweru ure pamoja na jonga rire na miti yake nkati nomure, piya vikiwa vyake Iburahima, 18mbere ya waHeti piya wákiwa kati ya kaumu ware. 19Bandi ya vire, Iburahima ndi panzikire nkawake Sara njonga ra uweru wa Makpela, karibu ya Mamre, yani Heboroni inti ya Kanaa. 20Kwa javyo, waHeti wakakikisha uweru ure na jonga ríkiwa nkati rire kuwa rake Iburahima, awazike jamaa zake.
Currently Selected:
Mwanzo 23: wmwBI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.