Mwanzo 38
38
Yuda na nkwewe Tamari
1Kwa nowo wakati-wo, Yuda kawasa wanduze akúka akifikira nyumba ya mMwadulamu mmoja wakwitiwa Ira. 2Yuda nokurekure kammonerera mwanamuka mmoja nKanaa, wakwitiwa Shuwa, wakijiwana akinlomba. 3Muka ire akimita akimpongola mwana nlume. Yuda wawaye mwana ire akimwita Heri. 4Ikisa akimita tena akimpongola mwana nlume. Mamaye akimwita zina ra Onani. 5Visitoshe, akimita tena akimpongola mwana mwengine nlume, akimwita Shela. Kezibu ndi kaâmpongórere eyu mwana-yu.
6Yuda mwanawe kifundi Heri kanlombesa na mwanamuka mmoja wa kwitiwa Tamari. 7Falakini Heri mwana kifundi wa Yuda, ákiwa mbaya mbere ya Mola wetu. Ndi ntamana Mola wetu akimulaya. 8Basi Yuda akimwambira Onani: “Mwingire manyumba nankweli-yu muka wa maremu nyenyeyo-yu, utimize vikulazimire kumwingira manyumba, ipate nyenyeyo apate ujukulu.” 9Falakini Onani akijiwa kuwa akipongola naye mwana awalángiwa kuwa mwanawe. Ndi ntamana wakati wákimwijiwa onse nankweli muka wa nduye ire, pakusaka kupumuzika, ákipumuzikira pansi, ipate asimpe ujukulu nduye. 10Nocire kitendo cire acikimwajibu Mola wetu, ntamana neye akimulaya Onani ire. 11Basi Yuda akimwambira Tamari nkwewe: “Ludira kwenu ka wawayo, ukekare kinankweli novyo mpaka mwanangu Shela akure.” Ka ukweli Yuda akimopereza kufwa kamba wanduze. Kwa javi, Tamari akuka akikala ka wawaye.
12Bandi ya wingi wa siku, kafwa muka wa Yuda, mwana wa Shuwa. Yuda, pesire kutenda matanga, kalawa na rafiki yake Ira, Mwadulamu, koka Timna kuwawona wanu wakiwasinja mabururu makondoo wake. 13Tamari akambiriwa javi: “Nkwewo akúka Timna kuwasinja mabururu makondoo wake!” 14Basi Tamari akivula mavazi a unankweli are, akirifinika lusungi, akúka akikala pakwingirira pawenye Eunaimu kaya iri nanjira ya kúka Timna. Katenda javire kwa kuwa iye ákijiwa kuwa ire Shela ire ákiwa munu nzima, fala aaloziwe kuwa nlumake. 15Yuda wakati wansingane Tamari kadanizira kuwa mwanamuka reba, kwa kuwa kârifinika uso wake. 16Akasa njira yaákuka, akisapukira kaakiwa mwari kure, akimwambira javi: “Ngawona! Tuke tikalare.” Iye aákimmanyira kuwa nkwewe. Basi akinjibu: “Ikiwa tilala unipa kinani?” 17Akamba: “Ikisa núkuperekera mbuzi mmojawapo wa mifuwo yangu.” Tamari akisema javi: “Basi, nasire kinu kimojawapo nikorere niwe na tamaa yakuwa uniperekera mbuzi.” 18Akindairi: “Causaka kinani nukupe ukorere?” Akijibu: “Mete na nkufu wako-wo pamoja na bakora yausukure mmakono-yo.” 19Iye akimpa piya vyaalebele vire, akúka akilala naye, noparepare kemita. Na kwisa piya vire, Tamari akilamuka akúka vyake. Akivula lusungi rarifinike rire akivala nguwo zake za unankweli nozire.
20Ikisa Yuda akimperekera mbuzi mmakono mwa rafiki yake Hira Mwadulamu, ipate mwanamuka ire anludisire vinu vyake vire. Kansákula aamonire. 21Basi akiwadairi wenye kaya ware: “Nzinzi Mwenaimu kawa ndepi? Ekalanga nanyenje ya njira-yu?” Fala ewo wakinjibu: “Epa aapo nzinzi anta mmoja.” 22Akiludi tena akúka akisowera na Yuda: “Simmonire! Wenye kaya ware wanijibu kuwa aapo nzinzi nkaya mure.” 23Akinjibu: “Aye basi, mwasire ekare navyo vinu-vyo, asije kutanziri. Omi nukupa mbuzi ukampe, kunsákula aummonire.”
24Bandi ya myezi mitatu, kambiriwa Yuda: “Nkwewo Tamari kengira uzinzi, konta kemita!” Yuda akamuru akamba: “Nlavireni panja mumoce!” 25Fala pawantwarire kuka naye kumhukumu, akitumiza kumwambira nkwewe: “Omi nimita na mwananlume mwanyewe evi vinu-vi: mete na nkufu wake-wu pamoja na bakora-yi. Tafadali nsakureni mwanyewe onse mumwijiwe.” 26Yuda akakikisha kuwa “vinu-vyo vyangu-omi!” Akamba: “Iye ndi ari na shariya, konta omi níkijuzi ninloze mwanangu Shela, fala sitendire.” Mwanzo wa noire suku ire, aalarire naye tena.
27Paufikire wakati wakupongola, kawapongola wana wawiri wa mansa! 28Pawíkipongoriwa, mwana mmoja kolosa nkono, wé! Kipongozi akikola nkono ure akifunga na kipindi ceundu, akamba: “Eyu ndi ája kuwa ntanzi kupongoriwa.” 29Fala mwana ire akiludisa nkono ure. Áwere ntanzi kupongoriwa ndi mwengine. Kipongozi ire akamba: “Wé uwe! Kukidiri kufungula njira yako!” Akípewa zina ra Peresi#38:29 Peresi kiebraniya mana ake “kulawa na nguvu”.. 30Ikisa, akipongoriwa nduye, akija na kipindi ceundu mmakono na akípewa zina ra Zera#38:30 “Zera” kiebraniya mana ake “nuru”..
Currently Selected:
Mwanzo 38: wmwBI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.
Mwanzo 38
38
Yuda na nkwewe Tamari
1Kwa nowo wakati-wo, Yuda kawasa wanduze akúka akifikira nyumba ya mMwadulamu mmoja wakwitiwa Ira. 2Yuda nokurekure kammonerera mwanamuka mmoja nKanaa, wakwitiwa Shuwa, wakijiwana akinlomba. 3Muka ire akimita akimpongola mwana nlume. Yuda wawaye mwana ire akimwita Heri. 4Ikisa akimita tena akimpongola mwana nlume. Mamaye akimwita zina ra Onani. 5Visitoshe, akimita tena akimpongola mwana mwengine nlume, akimwita Shela. Kezibu ndi kaâmpongórere eyu mwana-yu.
6Yuda mwanawe kifundi Heri kanlombesa na mwanamuka mmoja wa kwitiwa Tamari. 7Falakini Heri mwana kifundi wa Yuda, ákiwa mbaya mbere ya Mola wetu. Ndi ntamana Mola wetu akimulaya. 8Basi Yuda akimwambira Onani: “Mwingire manyumba nankweli-yu muka wa maremu nyenyeyo-yu, utimize vikulazimire kumwingira manyumba, ipate nyenyeyo apate ujukulu.” 9Falakini Onani akijiwa kuwa akipongola naye mwana awalángiwa kuwa mwanawe. Ndi ntamana wakati wákimwijiwa onse nankweli muka wa nduye ire, pakusaka kupumuzika, ákipumuzikira pansi, ipate asimpe ujukulu nduye. 10Nocire kitendo cire acikimwajibu Mola wetu, ntamana neye akimulaya Onani ire. 11Basi Yuda akimwambira Tamari nkwewe: “Ludira kwenu ka wawayo, ukekare kinankweli novyo mpaka mwanangu Shela akure.” Ka ukweli Yuda akimopereza kufwa kamba wanduze. Kwa javi, Tamari akuka akikala ka wawaye.
12Bandi ya wingi wa siku, kafwa muka wa Yuda, mwana wa Shuwa. Yuda, pesire kutenda matanga, kalawa na rafiki yake Ira, Mwadulamu, koka Timna kuwawona wanu wakiwasinja mabururu makondoo wake. 13Tamari akambiriwa javi: “Nkwewo akúka Timna kuwasinja mabururu makondoo wake!” 14Basi Tamari akivula mavazi a unankweli are, akirifinika lusungi, akúka akikala pakwingirira pawenye Eunaimu kaya iri nanjira ya kúka Timna. Katenda javire kwa kuwa iye ákijiwa kuwa ire Shela ire ákiwa munu nzima, fala aaloziwe kuwa nlumake. 15Yuda wakati wansingane Tamari kadanizira kuwa mwanamuka reba, kwa kuwa kârifinika uso wake. 16Akasa njira yaákuka, akisapukira kaakiwa mwari kure, akimwambira javi: “Ngawona! Tuke tikalare.” Iye aákimmanyira kuwa nkwewe. Basi akinjibu: “Ikiwa tilala unipa kinani?” 17Akamba: “Ikisa núkuperekera mbuzi mmojawapo wa mifuwo yangu.” Tamari akisema javi: “Basi, nasire kinu kimojawapo nikorere niwe na tamaa yakuwa uniperekera mbuzi.” 18Akindairi: “Causaka kinani nukupe ukorere?” Akijibu: “Mete na nkufu wako-wo pamoja na bakora yausukure mmakono-yo.” 19Iye akimpa piya vyaalebele vire, akúka akilala naye, noparepare kemita. Na kwisa piya vire, Tamari akilamuka akúka vyake. Akivula lusungi rarifinike rire akivala nguwo zake za unankweli nozire.
20Ikisa Yuda akimperekera mbuzi mmakono mwa rafiki yake Hira Mwadulamu, ipate mwanamuka ire anludisire vinu vyake vire. Kansákula aamonire. 21Basi akiwadairi wenye kaya ware: “Nzinzi Mwenaimu kawa ndepi? Ekalanga nanyenje ya njira-yu?” Fala ewo wakinjibu: “Epa aapo nzinzi anta mmoja.” 22Akiludi tena akúka akisowera na Yuda: “Simmonire! Wenye kaya ware wanijibu kuwa aapo nzinzi nkaya mure.” 23Akinjibu: “Aye basi, mwasire ekare navyo vinu-vyo, asije kutanziri. Omi nukupa mbuzi ukampe, kunsákula aummonire.”
24Bandi ya myezi mitatu, kambiriwa Yuda: “Nkwewo Tamari kengira uzinzi, konta kemita!” Yuda akamuru akamba: “Nlavireni panja mumoce!” 25Fala pawantwarire kuka naye kumhukumu, akitumiza kumwambira nkwewe: “Omi nimita na mwananlume mwanyewe evi vinu-vi: mete na nkufu wake-wu pamoja na bakora-yi. Tafadali nsakureni mwanyewe onse mumwijiwe.” 26Yuda akakikisha kuwa “vinu-vyo vyangu-omi!” Akamba: “Iye ndi ari na shariya, konta omi níkijuzi ninloze mwanangu Shela, fala sitendire.” Mwanzo wa noire suku ire, aalarire naye tena.
27Paufikire wakati wakupongola, kawapongola wana wawiri wa mansa! 28Pawíkipongoriwa, mwana mmoja kolosa nkono, wé! Kipongozi akikola nkono ure akifunga na kipindi ceundu, akamba: “Eyu ndi ája kuwa ntanzi kupongoriwa.” 29Fala mwana ire akiludisa nkono ure. Áwere ntanzi kupongoriwa ndi mwengine. Kipongozi ire akamba: “Wé uwe! Kukidiri kufungula njira yako!” Akípewa zina ra Peresi#38:29 Peresi kiebraniya mana ake “kulawa na nguvu”.. 30Ikisa, akipongoriwa nduye, akija na kipindi ceundu mmakono na akípewa zina ra Zera#38:30 “Zera” kiebraniya mana ake “nuru”..
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.