Jonah 4
4
4:1-11 Bajari Dubo Jama Usira Aindae, Jonah Janje Eko Usira.
1Amingetiri, Jonah dumo edo janje eko beká ava usira. 2Edo, nu Bajari kena banungusira, “Arie, Bajari, na nanda reighida irise, emo jo saemota siseni?! Aindae sedo, na tavaraghe kakage Tasisi yari dae iseni. Ni God joka ari a dubo jama ari katori. Gaimboghae janje eko ari kato, a dubo bari kato nimori! Nine joka edo, mema mutari seraesa jo ae eraesa, ava kasama useni. 3Avori, Nanda Bajari, oroko nanda jebuga baso ambari dae resena! Na ambaetena amo evevari!” aminge sisira.
4Avata Bajari mino sisira, “Ni susudae janje eko eresa?”
5Aminge setiri, Jonah ira buvudo reighi bougu begaya iji vitari kena vasa tambu anumbusira. Aminda nunda sasoro iti tere itumoda anumbedo, reighi bogu begaya aminda rea sirorarira ava gari kato use, anumbusira. 6Anumbiriri, God itumo mutari dae setiri ugegera da eni ai viti Jonah itumo teriago mutiri, Jonah vive asi aindae dubo jama beká ava usira.
7Avata sifo atutiri, God sivoro mutiri, vive asiá mindiri gharasa usira. 8Iji viti fakara etiri, God yaura oeno veriveri mutiri iji vitarikena sufiri, iji Jonah da jiroda aviri, jinongu tambari dae usira. Use, nu ambaetira aindae uju use, sisira, “Na ambaetena amo, evevari! Redae jebuga ireni?” 9Avata God Jonah kena sisira, “Ni vive asidae janje eko eresa, susudae eresa, ai?” setiri, Jonah sisira, “Ai, na susudae erena. Na ambari dae uju iri janje eko erena.” 10Avata Bajari sisira, “Ni vive asi eindae dumo eresa emo, jo nine govedo uvu avereguraso vitaeri. Vive asi emo tumba eninda vitido, tumba enida ambira. 11O reighi Nineve mo, natofogo beká, natofo isasambu 120,000 ava kotae kotae irá gheraera, a borumakava barago digari irira. Na nendae joka arena amo, evevari, ai tefo?” God aminge sisira.
Currently Selected:
Jonah 4: kpr
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2003, Wycliffe Bible Translators, Inc. All rights reserved.