Amǝ Mishan 3
3
À twalî gbakǝre ban kwano male
1Aɓe pwari mwashat, Bitǝrus andǝ Yohana ka à ndaban eauwe aban ká a Ndàmǝgule mala Ɓakuli, a bu-pwari tārú mala pwari, a pak hiwi. 2Ɓe ɓwa nakam, mǝnana à ɓǝli ka gbakǝre na. Koya pwari ka à kǝ twali à kǝ ci a giriban, a kun Ndàmǝgule mala Ɓakuli, mǝnana à tunǝki ama, Kunɓala Mǝɓoarjami, acemǝnana ɓǝ̀ kǝ zǝmnggi agir a bu aɓwana mana à kǝ kuti aɓa Ndàmǝgule mala Ɓakuli ka. 3Lang nǝ̀ sǝn Bitǝrus andǝ Yohana aban kutio aɓa Ndàmǝgule mala Ɓakuli ka, zǝmbǝia wia boalo. 4Pǝlǝa Bitǝrus andǝ Yohana soaki wi mǝsǝu, sǝ Bitǝrus banggi wi ama, “Sǝn sǝm!” 5Pǝlǝa gbakǝre-ɓwa tsǝk mǝsǝì a rǝia, kǝ sǝni ama à nǝ̀ pe wi ɓoro.
6Sǝ Bitǝrus banggi wi ama, “Ən panǝ boalo mǝ nǝ po ɗang. Sǝa ma gir mǝnana mǝ ndanǝi ka nda ǝn nggǝ po ka. Aɓa lullǝ Yesu Kǝrǝsti ɓwa Nazarat, lo sǝ wu gya!” 7Pǝlǝa Bitǝrus bwal bui mǝli, loasǝi tamsǝi. Nǝ̀ pa anggo ka, kara akusǝ ɓwabura man andǝ ankpalkusǝi kum rǝcandǝa, 8sǝ yàl a kuli came amur akusǝi, sǝ tita gya! Kǝ gya, kǝ yàl a kuli, aban ɓwangsǝki Ɓakuli. Pǝlǝa kutio atea a Ndàmǝgule mala Ɓakuli. 9Aɓwana kat sǝni aban gya, sǝ kǝ ɓwangsǝki Ɓakuli. 10Lang à yì surǝì ama, nda kǝ gbakǝre, mǝ'zǝmnggiagir mǝnana dukiyi a kunɓala Mǝɓoarjami mala Ndàmǝgule mala Ɓakuli ka, à pak ndali kǝrkǝr nǝ gir mǝnana à pakki wi ka!
Bitǝrus hamnǝ cau aɓa Ndàmǝgule mala Ɓakuli
11Lang mǝnia yì ɓwa na ban kur arǝ Bitǝrus andǝ Yohana aban mǝnana à tunǝki ama, Tara mala Solomon ngga, aɓwana kat mana aban nì ka, à ɓangŋa à yiu à yì came abania aban pak ndalǝki nǝ mǝnia yì gir ka. 12Lang Bitǝrus sǝn ɓwabunda yi ram ka pǝlǝa banggia wia ama:
Wun amǝ Isǝrayila, palang sǝ wu kǝ pak ndali, sǝ palang sǝ wu kǝ soa mǝsǝ wun arǝ sǝm? Wu kǝ sǝni kǝla nǝ rǝcandǝa ma'sǝm andǝ cauɓoarna ma'sǝm sǝ mǝnia yì ɓwa ka kǝ gya ado le? 13Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.#3:13 Ɓalli gbal aɓa: Pur 3:14-16.
14Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.#3:14 Ɓalli gbal aɓa: Mat 27:15-23; Mar 15:6-14; Luk 23:13-23; Yoh 19:12-15. 15Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka. 16Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.
17Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe. 18Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka. 19Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun. 20Sǝ Mǝtalabangŋo ka nǝ̀ pa wun apwari mala kum bǝsa rǝcandǝa, sǝ nǝ̀ tasǝa wun Kǝrǝsti Yesu, Mǝ'amsǝban mǝnana turí ace wun ngga. 21Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.
22Musa bangŋa ama, “Mǝtalabangŋo Ɓakuli ma'wun, nǝ̀ loasǝ ɓe mǝɓangna, kǝla mim aɓalǝ aɓwana ma'wun. Wu tsǝk kir wun arǝ agir mǝnana kat nǝ̀ bangga wun ngga. 23Sǝ ɓwa mǝnana kat pà nǝ̀ oki mǝnia yì mǝɓangna mala Ɓakuli raka, à nǝ̀ pusǝì aɓalǝ aɓwana mala Ɓakuli ɓǝ̀ kiɗikea.”#3:23 Ɓalli gbal aɓa: Nggur 18:15,18,19.
24Tite aban Samuyila, amǝ'ɓangna mala Ɓakuli kat, amǝnana Ɓakuli bang cau nǝia ka, à bangŋa cau amur agir mǝnana à kǝ kumban yalung ngga. 25Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”#3:25 Ɓalli gbal aɓa: Tite 22:18; Tite 26:4. 26Lang Ɓakuli loasǝna guro male Yesu ka, tasǝi aban wun, wun amǝ Isǝrayila peatu, ace mǝnana ɓǝ̀ tsǝka wun bu, a njar mala pǝlǝ koyan ata wun ngga, ɓǝ̀ nying ɓealɓikea male.
Currently Selected:
Amǝ Mishan 3: mbu
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 3
3
À twalî gbakǝre ban kwano male
1Aɓe pwari mwashat, Bitǝrus andǝ Yohana ka à ndaban eauwe aban ká a Ndàmǝgule mala Ɓakuli, a bu-pwari tārú mala pwari, a pak hiwi. 2Ɓe ɓwa nakam, mǝnana à ɓǝli ka gbakǝre na. Koya pwari ka à kǝ twali à kǝ ci a giriban, a kun Ndàmǝgule mala Ɓakuli, mǝnana à tunǝki ama, Kunɓala Mǝɓoarjami, acemǝnana ɓǝ̀ kǝ zǝmnggi agir a bu aɓwana mana à kǝ kuti aɓa Ndàmǝgule mala Ɓakuli ka. 3Lang nǝ̀ sǝn Bitǝrus andǝ Yohana aban kutio aɓa Ndàmǝgule mala Ɓakuli ka, zǝmbǝia wia boalo. 4Pǝlǝa Bitǝrus andǝ Yohana soaki wi mǝsǝu, sǝ Bitǝrus banggi wi ama, “Sǝn sǝm!” 5Pǝlǝa gbakǝre-ɓwa tsǝk mǝsǝì a rǝia, kǝ sǝni ama à nǝ̀ pe wi ɓoro.
6Sǝ Bitǝrus banggi wi ama, “Ən panǝ boalo mǝ nǝ po ɗang. Sǝa ma gir mǝnana mǝ ndanǝi ka nda ǝn nggǝ po ka. Aɓa lullǝ Yesu Kǝrǝsti ɓwa Nazarat, lo sǝ wu gya!” 7Pǝlǝa Bitǝrus bwal bui mǝli, loasǝi tamsǝi. Nǝ̀ pa anggo ka, kara akusǝ ɓwabura man andǝ ankpalkusǝi kum rǝcandǝa, 8sǝ yàl a kuli came amur akusǝi, sǝ tita gya! Kǝ gya, kǝ yàl a kuli, aban ɓwangsǝki Ɓakuli. Pǝlǝa kutio atea a Ndàmǝgule mala Ɓakuli. 9Aɓwana kat sǝni aban gya, sǝ kǝ ɓwangsǝki Ɓakuli. 10Lang à yì surǝì ama, nda kǝ gbakǝre, mǝ'zǝmnggiagir mǝnana dukiyi a kunɓala Mǝɓoarjami mala Ndàmǝgule mala Ɓakuli ka, à pak ndali kǝrkǝr nǝ gir mǝnana à pakki wi ka!
Bitǝrus hamnǝ cau aɓa Ndàmǝgule mala Ɓakuli
11Lang mǝnia yì ɓwa na ban kur arǝ Bitǝrus andǝ Yohana aban mǝnana à tunǝki ama, Tara mala Solomon ngga, aɓwana kat mana aban nì ka, à ɓangŋa à yiu à yì came abania aban pak ndalǝki nǝ mǝnia yì gir ka. 12Lang Bitǝrus sǝn ɓwabunda yi ram ka pǝlǝa banggia wia ama:
Wun amǝ Isǝrayila, palang sǝ wu kǝ pak ndali, sǝ palang sǝ wu kǝ soa mǝsǝ wun arǝ sǝm? Wu kǝ sǝni kǝla nǝ rǝcandǝa ma'sǝm andǝ cauɓoarna ma'sǝm sǝ mǝnia yì ɓwa ka kǝ gya ado le? 13Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.#3:13 Ɓalli gbal aɓa: Pur 3:14-16.
14Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.#3:14 Ɓalli gbal aɓa: Mat 27:15-23; Mar 15:6-14; Luk 23:13-23; Yoh 19:12-15. 15Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka. 16Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.
17Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe. 18Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka. 19Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun. 20Sǝ Mǝtalabangŋo ka nǝ̀ pa wun apwari mala kum bǝsa rǝcandǝa, sǝ nǝ̀ tasǝa wun Kǝrǝsti Yesu, Mǝ'amsǝban mǝnana turí ace wun ngga. 21Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.
22Musa bangŋa ama, “Mǝtalabangŋo Ɓakuli ma'wun, nǝ̀ loasǝ ɓe mǝɓangna, kǝla mim aɓalǝ aɓwana ma'wun. Wu tsǝk kir wun arǝ agir mǝnana kat nǝ̀ bangga wun ngga. 23Sǝ ɓwa mǝnana kat pà nǝ̀ oki mǝnia yì mǝɓangna mala Ɓakuli raka, à nǝ̀ pusǝì aɓalǝ aɓwana mala Ɓakuli ɓǝ̀ kiɗikea.”#3:23 Ɓalli gbal aɓa: Nggur 18:15,18,19.
24Tite aban Samuyila, amǝ'ɓangna mala Ɓakuli kat, amǝnana Ɓakuli bang cau nǝia ka, à bangŋa cau amur agir mǝnana à kǝ kumban yalung ngga. 25Wu nda ka amuna mala amǝno yia amǝ'ɓangna mala Ɓakuli ka, sǝ wu nda aɓa kurcau mala Ɓakuli mǝnana pakki aká wun ngga. Acemǝnana Ɓakuli banggi Ibǝrayim ama, “Nǝ́ bú mǝkeo sǝ mǝ nǝ tsǝki aɓwana a ɓanza kat buam.”#3:25 Ɓalli gbal aɓa: Tite 22:18; Tite 26:4. 26Lang Ɓakuli loasǝna guro male Yesu ka, tasǝi aban wun, wun amǝ Isǝrayila peatu, ace mǝnana ɓǝ̀ tsǝka wun bu, a njar mala pǝlǝ koyan ata wun ngga, ɓǝ̀ nying ɓealɓikea male.
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016