Amǝ Mishan 8
8
Sawul pe amǝkpata Yesu tanni
1Sawul ka ban ɓoari wi arǝ wal-lú Itǝfanu.
Àkǝ̀ pwari mǝno ka pàtanni lo arǝ ikǝlisiya mana a Urǝshalima ka. Amǝkwaɗi kat à mesǝki arǝ aban ɗàngɗáng aɓa nzali Yahudi andǝ Samariya, kǝ amǝ'mishan na nǝmurǝia à ueo aɓa Urǝshalima ka. 2Aɓea amǝ'ɓanggi Ɓakuli na à yì tsǝkban Itǝfanu ka. À ɓua ace kǝrkǝr.
3Pǝlǝa Sawul lo wuni adyan aban pe ikǝlisiya tanni, kǝ kutikio arǝ aɓala, kǝ bwalki aburana andǝ amamǝna, kǝ um nǝia a ndàkurban.#8:3 Ɓalli gbal aɓa: Aturo 22:4,5; 26:9-11.
Filip hamnǝ cau amsǝban a Samariya
4Amǝkwaɗi mǝnana à mesǝki ka, à camarǝ hamnǝ Cau Amsǝban a koya ban mǝnana à wari kam ngga. 5Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana. 6Ɓwabunda kwaki kiria aban ok cau mǝnana Filip kǝ na ka nǝ ɓabumia kat, lang à sǝn agir-ndǝlǝki mǝnana kǝ pea ka. 7Abangŋo mǝɓane kǝ purki rǝ aɓwana pas, nǝ zwalo bang-bang. Sǝ aɓwana mǝnana ɓe barea wú, andǝ agbakǝre ka, à twalia wia ban akwano malea. 8Ace mani ka, banɓoarnado sulǝ kǝrkǝr a mǝno yì nggeala ka.
Shiman mǝɗikalu
9A mǝno yì nggeala ka, ɓeɓwa na kam lullǝi ama Shiman, yì ka, mǝɗikalu na. Kǝ pe aɓwana mǝnana a Samariya ka ndali. Kǝ twali ɓamuri ama yì ka, nggea ɓwa mǝcande na. 10Ɓwapǝndǝa kat, muna andǝ ɓwamǝgule kǝ kwakikiru a rǝì. À kǝ bangŋa ama, “Yì ka, ndanǝ rǝcandǝa mala Ɓakuli mǝnana à tunǝki ama ‘Rǝcandǝa Mǝgule’ ka.” 11Yia ka à nyesǝ ɗenyicau malea abani acemǝnana banì sauwuna, nda aban pea wia ndali nǝ kutan male. 12Sǝ lang aɓwana yi ak cau amsǝban mǝnana Filip kǝ hamnǝi amur Domurǝm mala Ɓakuli andǝ lullǝ Yesu Kǝrǝsti ka, à kya pakkia wia batisǝma, aburana andǝ amamǝna. 13Sǝ Shiman nǝ nggearǝì gbal ka, paɓamuri, pǝlǝa à pakki wi batisǝma. Pǝlǝa yì ka, akrǝi ata Filip, à kǝ gya andǝi a koya ban mǝnana wari kam ngga. Kǝ ndali kǝrkǝr lang sǝn agir-ndǝlǝki andǝ agir-gyambǝliban mǝgulke mǝnana Filip kǝ pea ka.
14Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania. 15À yì bwalǝna ka, pǝlǝa à pakkia aɓwana mǝnia mǝnana à loa ak cau mala Ɓakuli ka hiwi, ace mǝnana ɓǝa kum Bangŋo Mǝfele ka. 16Sǝ Bangŋo Mǝfele ka, malaká sulǝo amur kǝɓwa atea ɗang peatu; kǝ batisǝma na nǝmurǝì à pakkia wia aɓa lullǝ Mǝtalabangŋo Yesu ka. 17Pǝlǝa Bitǝrus andǝ Yohana tsǝk buia amuria, sǝ à kum Bangŋo Mǝfele.
18Lang Shiman sǝnǝna amǝ'mishan à tsǝk buia amur aɓwana sǝ à kum Bangŋo Mǝfele ka, pǝlǝa yinǝia wia nǝ boalo, 19sǝ na ama, “Wu pam mǝnia yì rǝcandǝa gbal, ace mǝnana koyana ǝn tsǝk buam amuri ka, ɓǝ̀ kum Bangŋo Mǝfele.”
20Sǝ Bitǝrus banggi wi ama, “We wunǝ boalo mo ka, wu kya bǝsa, acemǝnana a kǝ sǝni kǝla ɓoro mala Ɓakuli ka, à nǝ̀ kúrí nǝ boalo! 21Kǝ gir oasǝo aɓa mǝnia yì turo ka ɗang, acemǝnana ɓabumo pa pepe a ɓadǝm Ɓakuli ɗang. 22Ado ka, pwanzali, pǝlǝ nzǝmo arǝ mǝnia yì ɓealɓikea ka, sǝ wu pak hiwi aban Mǝtalabangŋo. Ear ka yì ka, nǝ̀ twalo ban mǝnia yì ɗenyicau mala bumo ka. 23Acemǝnana ǝn sǝni ka a lumsǝ nǝ mwararǝu mǝɓike kǝrkǝr, sǝ cauɓikea marǝkino.”
24Pǝlǝa Shiman ear ama, “Ida, zǝmbǝi Mǝtalabangŋo acem, ace mǝnana ɓǝ̀ ɓe kǝgir mwashat aɓalǝ acau mǝnana a na ka, ɓǝ̀ kǝa kumam ɗang!”
25Anzǝm mana Bitǝrus andǝ Yohana bangŋǝna cau mǝnana à surǝì amur Yesu, sǝ à hamǝna nǝ cau mala Mǝtalabangŋo ka, à nyare a Urǝshalima. Amur njar aban o ka, à camarǝ hamnǝ Cau Amsǝban arǝ amuna-là mala amǝ Samariya pas.
Filip andǝ Ɓwamǝgule Itiyopiya
26Ɓe mǝturonjar mala Mǝtalabangŋo ne Filip ama, “Lo, tsǝk muro nǝ njartamur, kyane a njargula njarnza, mǝnana sulǝ a Urǝshalima aban ká Gaza ka.” 27Nda Filip lo, bwal njargula aban ká. Kya je andǝ ɓeɓwa Itiyopiya, bedǝran na. Yì ka, nggea ɓwamǝgule na, mǝnana bwalkiyi ban tsǝk boalo mala Kandis, mamurǝm mala amǝ Itiyopiya ka. Mǝnia yì ɓwa ka, wari a peri aban Ɓakuli a Urǝshalima. 28Sǝ nda rǝ nyare aban o a la ka, do aɓa waru male mǝnana pǝ̀r nǝ̀ nunggiyi ka, sǝ kǝ ɓalgir aɓa malǝmce mala Ishaya mǝɓangna mala Ɓakuli.
29Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”
30Filip pǝlǝa ɓangŋa wario, kya ok mǝno yì ɓwa ka nda aban ɓalgir aɓa malǝmce mala Ishaya mǝɓangna mala Ɓakuli. Sǝ Filip ɗi ama, “A bwalta gir mǝnana a ɓalkiyi ka le?”
31Pǝlǝa eari Filip ama, “Lang sǝ mǝ nǝ bwalte, yì mǝnana kǝɓwa bǝlam ɓālǝi raka?” Pǝlǝa tunǝ Filip ne wi ama ɓǝ̀ eauwe ɓǝ̀ do ate a waru.
32Ban mǝnana Bedǝran ɓalkiyi aɓa Malǝmce ka ndya ka:
“À nunni kǝla nzur aban ká
pwan meali.
Kǝla muna nzur a bu
amǝ'mwa nyang nzur,
loasǝ kuni ɗang.
33À nyesǝ ce ɓà,
à gìrì nǝ mǝsǝcau.
Yana nǝ̀ gandǝ bang cau
amur amǝkè?
Acemǝnana yilǝmi
a ɓanza ka,
à kasǝi mgbeatuk.#8:33 Ɓalli gbal aɓa: Isha 66:1-2.”
34Pǝlǝa bedǝran man ɗi Filip ama, “Banggam, yana ɓwe mǝɓangna mala Ɓakuli nakiyi cau amuri, ɓamur rǝì na le, ko ɓeɓwa ɗàng?” 35Filip tite nǝ́ kǝ mǝnia yì ban aɓa Malǝmce ka, pǝlǝa banggi wi Cau Amsǝban mala Yesu.
36À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?” 37[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]
38Pǝlǝa bedǝran ne mǝkwak waru ama ɓǝ̀ tamsǝ waru. Filip andǝ bedǝran sulǝo à kutio a mùr, sǝ Filip pakki wi batisǝma. 39Lang à eapini mùr ka, kara Bangŋo mala Mǝtalabangŋo twal Filip um nǝi. Bedǝran nyare sǝni ɗǝm ɗang. Sǝa ma bwal njargula male aban o nǝ bumpwasǝa.
40Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.
Currently Selected:
Amǝ Mishan 8: mbu
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 8
8
Sawul pe amǝkpata Yesu tanni
1Sawul ka ban ɓoari wi arǝ wal-lú Itǝfanu.
Àkǝ̀ pwari mǝno ka pàtanni lo arǝ ikǝlisiya mana a Urǝshalima ka. Amǝkwaɗi kat à mesǝki arǝ aban ɗàngɗáng aɓa nzali Yahudi andǝ Samariya, kǝ amǝ'mishan na nǝmurǝia à ueo aɓa Urǝshalima ka. 2Aɓea amǝ'ɓanggi Ɓakuli na à yì tsǝkban Itǝfanu ka. À ɓua ace kǝrkǝr.
3Pǝlǝa Sawul lo wuni adyan aban pe ikǝlisiya tanni, kǝ kutikio arǝ aɓala, kǝ bwalki aburana andǝ amamǝna, kǝ um nǝia a ndàkurban.#8:3 Ɓalli gbal aɓa: Aturo 22:4,5; 26:9-11.
Filip hamnǝ cau amsǝban a Samariya
4Amǝkwaɗi mǝnana à mesǝki ka, à camarǝ hamnǝ Cau Amsǝban a koya ban mǝnana à wari kam ngga. 5Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana. 6Ɓwabunda kwaki kiria aban ok cau mǝnana Filip kǝ na ka nǝ ɓabumia kat, lang à sǝn agir-ndǝlǝki mǝnana kǝ pea ka. 7Abangŋo mǝɓane kǝ purki rǝ aɓwana pas, nǝ zwalo bang-bang. Sǝ aɓwana mǝnana ɓe barea wú, andǝ agbakǝre ka, à twalia wia ban akwano malea. 8Ace mani ka, banɓoarnado sulǝ kǝrkǝr a mǝno yì nggeala ka.
Shiman mǝɗikalu
9A mǝno yì nggeala ka, ɓeɓwa na kam lullǝi ama Shiman, yì ka, mǝɗikalu na. Kǝ pe aɓwana mǝnana a Samariya ka ndali. Kǝ twali ɓamuri ama yì ka, nggea ɓwa mǝcande na. 10Ɓwapǝndǝa kat, muna andǝ ɓwamǝgule kǝ kwakikiru a rǝì. À kǝ bangŋa ama, “Yì ka, ndanǝ rǝcandǝa mala Ɓakuli mǝnana à tunǝki ama ‘Rǝcandǝa Mǝgule’ ka.” 11Yia ka à nyesǝ ɗenyicau malea abani acemǝnana banì sauwuna, nda aban pea wia ndali nǝ kutan male. 12Sǝ lang aɓwana yi ak cau amsǝban mǝnana Filip kǝ hamnǝi amur Domurǝm mala Ɓakuli andǝ lullǝ Yesu Kǝrǝsti ka, à kya pakkia wia batisǝma, aburana andǝ amamǝna. 13Sǝ Shiman nǝ nggearǝì gbal ka, paɓamuri, pǝlǝa à pakki wi batisǝma. Pǝlǝa yì ka, akrǝi ata Filip, à kǝ gya andǝi a koya ban mǝnana wari kam ngga. Kǝ ndali kǝrkǝr lang sǝn agir-ndǝlǝki andǝ agir-gyambǝliban mǝgulke mǝnana Filip kǝ pea ka.
14Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania. 15À yì bwalǝna ka, pǝlǝa à pakkia aɓwana mǝnia mǝnana à loa ak cau mala Ɓakuli ka hiwi, ace mǝnana ɓǝa kum Bangŋo Mǝfele ka. 16Sǝ Bangŋo Mǝfele ka, malaká sulǝo amur kǝɓwa atea ɗang peatu; kǝ batisǝma na nǝmurǝì à pakkia wia aɓa lullǝ Mǝtalabangŋo Yesu ka. 17Pǝlǝa Bitǝrus andǝ Yohana tsǝk buia amuria, sǝ à kum Bangŋo Mǝfele.
18Lang Shiman sǝnǝna amǝ'mishan à tsǝk buia amur aɓwana sǝ à kum Bangŋo Mǝfele ka, pǝlǝa yinǝia wia nǝ boalo, 19sǝ na ama, “Wu pam mǝnia yì rǝcandǝa gbal, ace mǝnana koyana ǝn tsǝk buam amuri ka, ɓǝ̀ kum Bangŋo Mǝfele.”
20Sǝ Bitǝrus banggi wi ama, “We wunǝ boalo mo ka, wu kya bǝsa, acemǝnana a kǝ sǝni kǝla ɓoro mala Ɓakuli ka, à nǝ̀ kúrí nǝ boalo! 21Kǝ gir oasǝo aɓa mǝnia yì turo ka ɗang, acemǝnana ɓabumo pa pepe a ɓadǝm Ɓakuli ɗang. 22Ado ka, pwanzali, pǝlǝ nzǝmo arǝ mǝnia yì ɓealɓikea ka, sǝ wu pak hiwi aban Mǝtalabangŋo. Ear ka yì ka, nǝ̀ twalo ban mǝnia yì ɗenyicau mala bumo ka. 23Acemǝnana ǝn sǝni ka a lumsǝ nǝ mwararǝu mǝɓike kǝrkǝr, sǝ cauɓikea marǝkino.”
24Pǝlǝa Shiman ear ama, “Ida, zǝmbǝi Mǝtalabangŋo acem, ace mǝnana ɓǝ̀ ɓe kǝgir mwashat aɓalǝ acau mǝnana a na ka, ɓǝ̀ kǝa kumam ɗang!”
25Anzǝm mana Bitǝrus andǝ Yohana bangŋǝna cau mǝnana à surǝì amur Yesu, sǝ à hamǝna nǝ cau mala Mǝtalabangŋo ka, à nyare a Urǝshalima. Amur njar aban o ka, à camarǝ hamnǝ Cau Amsǝban arǝ amuna-là mala amǝ Samariya pas.
Filip andǝ Ɓwamǝgule Itiyopiya
26Ɓe mǝturonjar mala Mǝtalabangŋo ne Filip ama, “Lo, tsǝk muro nǝ njartamur, kyane a njargula njarnza, mǝnana sulǝ a Urǝshalima aban ká Gaza ka.” 27Nda Filip lo, bwal njargula aban ká. Kya je andǝ ɓeɓwa Itiyopiya, bedǝran na. Yì ka, nggea ɓwamǝgule na, mǝnana bwalkiyi ban tsǝk boalo mala Kandis, mamurǝm mala amǝ Itiyopiya ka. Mǝnia yì ɓwa ka, wari a peri aban Ɓakuli a Urǝshalima. 28Sǝ nda rǝ nyare aban o a la ka, do aɓa waru male mǝnana pǝ̀r nǝ̀ nunggiyi ka, sǝ kǝ ɓalgir aɓa malǝmce mala Ishaya mǝɓangna mala Ɓakuli.
29Pǝlǝa Bangŋo mala Ɓakuli ne Filip ama, “Kyane, bwalta mǝno yì waru ka.”
30Filip pǝlǝa ɓangŋa wario, kya ok mǝno yì ɓwa ka nda aban ɓalgir aɓa malǝmce mala Ishaya mǝɓangna mala Ɓakuli. Sǝ Filip ɗi ama, “A bwalta gir mǝnana a ɓalkiyi ka le?”
31Pǝlǝa eari Filip ama, “Lang sǝ mǝ nǝ bwalte, yì mǝnana kǝɓwa bǝlam ɓālǝi raka?” Pǝlǝa tunǝ Filip ne wi ama ɓǝ̀ eauwe ɓǝ̀ do ate a waru.
32Ban mǝnana Bedǝran ɓalkiyi aɓa Malǝmce ka ndya ka:
“À nunni kǝla nzur aban ká
pwan meali.
Kǝla muna nzur a bu
amǝ'mwa nyang nzur,
loasǝ kuni ɗang.
33À nyesǝ ce ɓà,
à gìrì nǝ mǝsǝcau.
Yana nǝ̀ gandǝ bang cau
amur amǝkè?
Acemǝnana yilǝmi
a ɓanza ka,
à kasǝi mgbeatuk.#8:33 Ɓalli gbal aɓa: Isha 66:1-2.”
34Pǝlǝa bedǝran man ɗi Filip ama, “Banggam, yana ɓwe mǝɓangna mala Ɓakuli nakiyi cau amuri, ɓamur rǝì na le, ko ɓeɓwa ɗàng?” 35Filip tite nǝ́ kǝ mǝnia yì ban aɓa Malǝmce ka, pǝlǝa banggi wi Cau Amsǝban mala Yesu.
36À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?” 37[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]
38Pǝlǝa bedǝran ne mǝkwak waru ama ɓǝ̀ tamsǝ waru. Filip andǝ bedǝran sulǝo à kutio a mùr, sǝ Filip pakki wi batisǝma. 39Lang à eapini mùr ka, kara Bangŋo mala Mǝtalabangŋo twal Filip um nǝi. Bedǝran nyare sǝni ɗǝm ɗang. Sǝa ma bwal njargula male aban o nǝ bumpwasǝa.
40Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016