Yohana 11
11
Lo mala Liazaro a ɓembe
1Ɓǝ̀ ɓwabura na kam lullǝi ama Liazaro. Rǝi pakki wi. Yì andǝ amǝ'eambǝi amuna-mamǝna ɓari, Maryamu andǝ Marta ka, à ndanǝ do a Betani.#11:1 Ɓalli gbal aɓa: Mar 11:1; Luk 10:38. 2Mǝnia yì Maryamu mǝ'eambǝi Liazaro nong nǝ rǝkwana ka, nda kǝ mɓwama mǝnana nǝ nzǝmo yiu soapi Mǝtalabangŋo Yesu muru mǝ'rǝmɓoarne arǝ akusǝi, sǝ esǝki wi nǝ nyang-múrí ka.#11:2 Ɓalli gbal aɓa: Yoh 12:3; Luk 7:38; Mar 14:3. 3Amǝ'eambu amamǝna mǝnia ɓari ka, à turban ata Mǝtalabangŋo Yesu ɓǝa ne wi ama, gyajam male, mǝnana earkiyi ace raka, rǝì eari wi ɗang.
4Lang Yesu yi ok ce ka, na ama, “Rǝkwana mala Liazaro ka pà nǝ̀ ká nǝi a lú ɗang, nda ace lǝmndǝ gulo mala Ɓakuli, sǝ àkǝ̀ ce gbal sǝ Muna mala Ɓakuli nǝ̀ kum gulo.” 5Yesu ka earce Marta andǝ amǝ'eambǝi Maryamu andǝ Liazaro. 6Kat andǝ a mani ka, lang ok ce rǝkwana mala Liazaro ka, akrǝi pak aɓea nongŋo ɓari aban mǝnana ndakam ngga.
7Anzǝm mani ka pǝlǝa banggi alaggana male ama, “Wu fa sǝm nǝ̀ nyare a Yahudi.”
8Sǝ alaggana male ne wi ama, “Malǝm, àkǝ̀ dyan tu, sǝ amǝ Yahudi lo ama à nǝ̀ ɓukkio nǝ atali, sǝ a kǝ na ama a nǝ nyar kano ɗǝm le?”
9Pǝlǝa Yesu earia wia ama, “Abúpwari mala tǎlaban aɓa pwari mwashat ka à nda lum-nong-ɓari. Nǝ pwari ka ɓwa nǝ̀ gandǝ gya pà nǝ̀ anndǝ ɗang, acemǝnana kǝ sǝn tǎlaban mala ɓanza man. 10Sǝ nǝ dú ka, à nǝ̀ gandǝ annda, acemǝnana à pànǝ tǎlaban ɗang.” 11Pǝlǝa nea wia ama, “Gyajam ma'sǝm yi Liazaro ka kongŋǝna a ntulo, sǝ ado ka mǝ nǝ ká kam mǝ nǝ ngga loasǝi.”
12Sǝ alaggana male na ama, “Mǝtalabangŋo, ɓǝ̀ nda a ntulo ka, lǝmndǝ ama rǝì nǝ̀ malâ.” 13Yia ka à twali ama mǝsǝrǝ ntulo na Yesu nakiyi ce ama Liazaro nonggi ka, sǝ Yesu ka nda arǝ na ama Liazaro wuna.
14Pǝlǝa Yesu puria wia kwas, banggia wia ama, “Liazaro ka wuna. 15Sǝ ace wun ngga, ban kǝ ɓoaram mǝnana ǝn pa abanì raka, acemǝnana ado wuni sǝ wun nǝ̀ pà ɓamur wun a banam pepe. Wu lo, sǝm nǝ̀ o abani.”
16Toma (mǝnana à tunǝki ama Pasa ka) ne aɓi alaggana ama, “Wu longŋi kat sǝm nǝ̀ o ata Malǝm, ace mǝnana ɓǝ̀ sǝm kya wu ate!”
Yesu nda lo mala lú andǝ yilǝmu
17Lang Yesu bwalǝna Betani ka, à banggi wi ama, Liazaro pangŋǝna nongŋo ine a ɓembe. 18Betani ka sapi Urǝshalima ɗang, nda abani tu, yale bwal mel ɓari ɗang, 19sǝ amǝ Yahudi pas yiu aban Marta andǝ Maryamu, à yiua girikia ace lú mala mǝ'eambǝia.#11:19 Ɓalli gbal aɓa: Ayu 2:11.
20Lang Marta ongŋǝna ama Yesu na kǝ yiu ka, puro nǝ̀ ngga kuli. Sǝ Maryamu ka ueo a ɓala. 21Marta ne Yesu ama, “Mǝtalabangŋo, ɓǝ̀ pǝlǝ ama a ndakani ka, ɓǝ́ mǝ'eambǝam pa nǝ̀ wu ɗang! 22Sǝ ǝn sǝlǝna ama, ko ado ka Ɓakuli nǝ̀ po gir mǝnana kat a zǝm ngga.”
23Yesu pǝlǝa banggi wi ama, “Mǝ'eambǝo nǝ̀ lo nǝ yilǝmu ɗǝm.”
24Marta na ama, “Ən sǝlǝna ama nǝ̀ lo nǝ yilǝmu a lo mala alú a masǝlǝata apwari.”#11:24 Ɓalli gbal aɓa: Dan 12:2; Yoh 5:28; Aturo 24:15.
25Yesu ne wi ama, “Mǝ nda lo mala alú andǝ yilǝmu. Ɓwa mǝnana kat pà ɓamuri a banam ngga, ko ɓǝ̀ wu ka, nǝ̀ lo nǝ yilǝmu. 26Sǝ ɓwa mǝnana kat ndanǝ yilǝmu sǝ pà ɓamuri a banam ngga, pà nǝ̀ wu ɗang. A earǝna nǝ cau man le?”#11:26 Ɓalli gbal aɓa: Yoh 6:47; 8:51.
27Pǝlǝa Marta eari wi ama, “E, Mǝtalabangŋo, ǝn earǝna nǝ we, ama a nda Kǝrǝsti Mǝ'amsǝban, Muna mala Ɓakuli, mǝnana Ɓakuli bangŋa ama nǝ̀ yiu a ɓanza ka.”#11:27 Ɓalli gbal aɓa: Mat 16:16.
28Marta pǝlǝa nyare kya tunǝ mǝ'eambǝi Maryamu a giriban, sǝ ne wi ama, “Malǝm yina, sǝ kǝ earce sǝno.” 29Lang Maryamu nǝ̀ ok anggo ka, kara lo a kaurǝa, wario abani. 30Yesu ka malaká bwal là peatu ɗang, nda àkǝ̀ ban mǝnana Marta kumi kam ngga. 31Lang aɓwana mǝnana ata Maryamu a ɓala, aban girike, sǝni lo pur tsuk-tsuk ka, à lo ate. À twali ama kǝ um nǝ o a ɓembe nǝ̀ ngga ɓua abanì.
32Maryamu yi bwal ban Yesu. Lang mǝsǝì nǝ̀ kpa arǝ Yesu ka, yi kūndǝ a ɓadǝmbǝi, kǝ na ama, “Mǝtalabangŋo, ɓǝ̀ pǝlǝ ama a nda kani ka, ɓǝ́ mǝ'eambǝam wu ma ɗang!”
33Lang Yesu sǝni aban ɓua, sǝ sǝn aɓwana mǝnana à yiu ate ka aban ɓua gbal ka, gir nî je Yesu a ɓabumi kǝrkǝr. 34Pǝlǝa ɗia ama, “Ake ɗe sǝ wu ci?”
Sǝ à ne wi ama, “Mǝtalabangŋo, yiu sǝni.”
35Yesu sukki mǝrǝm. 36Aɓwana mǝnana aban came abanì ka à na ama, “Wu sǝn ɓe kǝ earcearǝu mǝnana ndanǝi a rǝì ka!”
37Sǝ aɓia aɓwana na ama, “Mǝnia yì ɓwa ka gandǝ mǝn mǝsǝ nte, anggo re? Man tsǝa sǝ gandǝ tamsǝ lú mala Liazaro ɗang?”
Yesu loasǝ Liazaro a ɓembe
38Nǝ́ cê kùlkùl a ɓabumi piu ka, Yesu yi bik ban ɓembe. Ɓembe ka à gwami aɓa tali, sǝ à gir kuni nǝ tali.#11:38 Ɓalli gbal aɓa: Mat 27:60; Mar 15:46; Luk 24:2; Yoh 20:11. 39Yesu na ama, “Wu gǝshi talî!”
Sǝ Marta mǝ'eam lú ne Yesu ama, “Mǝtalabangŋo, lú ka à ci pangŋǝna nongŋo ine adyan. Rǝmban mǝɓike nǝ̀ akiban!”
40Yesu banggi wi ama, “Ən no nǝma ɓǝ̀ a earnǝ mim ngga a nǝ sǝn gulo mala Ɓakuli re?”
41Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga. 42Ən sǝlǝna nǝma ko aya pwari ka a kǝ oem, sǝ ado ka ǝn na mǝnia yì cau ka ace aɓwana man kani ka, ace mǝnana ɓǝa ear ama a nǝ̀ turam.”
43Lang bangŋǝna anggo ka, sǝ tunǝban nǝ giu mǝcande, ama, “Liazaro, puro!” 44Pǝlǝa Liazaro mǝnana lú na ka puro, abuí andǝ akusǝi ka, à marǝkia nǝ bugir, sǝ ɓamǝsǝi ka, à marǝi nǝ nggurbyau. Yesu banggia wia ama, “Wu panzǝi, sǝ wu nyi ɓǝ̀ o!”
Kurkun amur Yesu
(Matiu 26:1-5; Markus 14:1,2; Luka 22:1,2)
45Pas ata aɓwana mǝnana à yiua makki Maryamu kun, sǝ à sǝn gir mǝnia Yesu pe ka, à pà ɓamuria abani. 46Sǝ aɓea atea ka à o aban amǝ Farisi à kya banggia wia gir mǝnana Yesu pe ka. 47Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka! 48Ɓǝ̀ sǝm ɗeki sǝ lidǝmbǝa anggo ka, muna-ɓwapǝndǝa kat nǝ̀ earnǝi. Sǝ amǝ lwa mala amǝ Roma nǝ̀ yia kiɗiki Ndàmǝgule mala Ɓakuli ma'sǝm andǝ nzali ma'sǝm!”
49Mwashat aɓalǝia, mǝnana à tunǝki ama Kayafas, mǝnana nda Pǝris Mǝgule a baku mǝno ka, bangŋa ama, “Wu surǝ cau mǝnana wu nakiyi ka ɗang! 50Wu sǝlǝ mbo ama nǝ̀ ɓoaribanì ɓǝ̀ ɓwa mwashat wu ace aɓwana, amur mǝnana amǝ Roma ɓǝa yi twalta aɓwana mala nzali Yahudi ma'sǝm ngga?” 51Mǝnia yì cau Kayafas ne ka, bangŋe mala ɓamuri na ɗang. Acemǝnana yì nda Pǝris Mǝgule a mǝno yì pǝlǝa ka, nda ɓangnǝ-ɓangna ama, Yesu nǝ̀ yia wu ace aɓwana mala nzali Yahudi ka. 52Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.
53Twal amǝno yì pwari ka, aɓwana mǝgule mala amǝ Yahudi kutia alkita anjar mǝnana à nǝ̀ wal-lú Yesu ka. 54Ace mani ka Yesu nyare ging ɗǝm bwāng aɓalǝ amǝ Yahudi ɗang. Nying Urǝshalima sǝ o a muna-la Ifǝrem, mǝnana nda nǝ ɓabondo, tu aban kpawanban ngga. Akano sǝ kya do andǝ alaggana male.
55Lang pwari Lamsan mala Yalimuru gbashina ka, amǝ Yahudi pas purkio arǝ aɓea aban aɓa nzali Yahudi sǝ à o a Urǝshalima, ace mǝnana ɓǝa kya gilǝki rǝia aɓa peri ace man yì Lamsan ngga. 56À camarǝ alta Yesu. À yì came aɓa Ndàmǝgule mala Ɓakuli sǝ à kǝ ɗiki rǝarǝia ama, “Lang sǝ wu sǝni? Nǝ̀ yiu a man yì Lamsan ngga le?” 57Anggo ka agbani Pǝris andǝ amǝ Farisi angŋa dǝmbǝa à hamǝna ama, ɓǝ̀ kǝɓwa surǝna rǝ ban mǝnana Yesu na kam ngga, ɓwe ɓǝ̀ yì na ce, ace mǝnana à nǝ̀ bwali ka.
Currently Selected:
Yohana 11: mbu
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016
Yohana 11
11
Lo mala Liazaro a ɓembe
1Ɓǝ̀ ɓwabura na kam lullǝi ama Liazaro. Rǝi pakki wi. Yì andǝ amǝ'eambǝi amuna-mamǝna ɓari, Maryamu andǝ Marta ka, à ndanǝ do a Betani.#11:1 Ɓalli gbal aɓa: Mar 11:1; Luk 10:38. 2Mǝnia yì Maryamu mǝ'eambǝi Liazaro nong nǝ rǝkwana ka, nda kǝ mɓwama mǝnana nǝ nzǝmo yiu soapi Mǝtalabangŋo Yesu muru mǝ'rǝmɓoarne arǝ akusǝi, sǝ esǝki wi nǝ nyang-múrí ka.#11:2 Ɓalli gbal aɓa: Yoh 12:3; Luk 7:38; Mar 14:3. 3Amǝ'eambu amamǝna mǝnia ɓari ka, à turban ata Mǝtalabangŋo Yesu ɓǝa ne wi ama, gyajam male, mǝnana earkiyi ace raka, rǝì eari wi ɗang.
4Lang Yesu yi ok ce ka, na ama, “Rǝkwana mala Liazaro ka pà nǝ̀ ká nǝi a lú ɗang, nda ace lǝmndǝ gulo mala Ɓakuli, sǝ àkǝ̀ ce gbal sǝ Muna mala Ɓakuli nǝ̀ kum gulo.” 5Yesu ka earce Marta andǝ amǝ'eambǝi Maryamu andǝ Liazaro. 6Kat andǝ a mani ka, lang ok ce rǝkwana mala Liazaro ka, akrǝi pak aɓea nongŋo ɓari aban mǝnana ndakam ngga.
7Anzǝm mani ka pǝlǝa banggi alaggana male ama, “Wu fa sǝm nǝ̀ nyare a Yahudi.”
8Sǝ alaggana male ne wi ama, “Malǝm, àkǝ̀ dyan tu, sǝ amǝ Yahudi lo ama à nǝ̀ ɓukkio nǝ atali, sǝ a kǝ na ama a nǝ nyar kano ɗǝm le?”
9Pǝlǝa Yesu earia wia ama, “Abúpwari mala tǎlaban aɓa pwari mwashat ka à nda lum-nong-ɓari. Nǝ pwari ka ɓwa nǝ̀ gandǝ gya pà nǝ̀ anndǝ ɗang, acemǝnana kǝ sǝn tǎlaban mala ɓanza man. 10Sǝ nǝ dú ka, à nǝ̀ gandǝ annda, acemǝnana à pànǝ tǎlaban ɗang.” 11Pǝlǝa nea wia ama, “Gyajam ma'sǝm yi Liazaro ka kongŋǝna a ntulo, sǝ ado ka mǝ nǝ ká kam mǝ nǝ ngga loasǝi.”
12Sǝ alaggana male na ama, “Mǝtalabangŋo, ɓǝ̀ nda a ntulo ka, lǝmndǝ ama rǝì nǝ̀ malâ.” 13Yia ka à twali ama mǝsǝrǝ ntulo na Yesu nakiyi ce ama Liazaro nonggi ka, sǝ Yesu ka nda arǝ na ama Liazaro wuna.
14Pǝlǝa Yesu puria wia kwas, banggia wia ama, “Liazaro ka wuna. 15Sǝ ace wun ngga, ban kǝ ɓoaram mǝnana ǝn pa abanì raka, acemǝnana ado wuni sǝ wun nǝ̀ pà ɓamur wun a banam pepe. Wu lo, sǝm nǝ̀ o abani.”
16Toma (mǝnana à tunǝki ama Pasa ka) ne aɓi alaggana ama, “Wu longŋi kat sǝm nǝ̀ o ata Malǝm, ace mǝnana ɓǝ̀ sǝm kya wu ate!”
Yesu nda lo mala lú andǝ yilǝmu
17Lang Yesu bwalǝna Betani ka, à banggi wi ama, Liazaro pangŋǝna nongŋo ine a ɓembe. 18Betani ka sapi Urǝshalima ɗang, nda abani tu, yale bwal mel ɓari ɗang, 19sǝ amǝ Yahudi pas yiu aban Marta andǝ Maryamu, à yiua girikia ace lú mala mǝ'eambǝia.#11:19 Ɓalli gbal aɓa: Ayu 2:11.
20Lang Marta ongŋǝna ama Yesu na kǝ yiu ka, puro nǝ̀ ngga kuli. Sǝ Maryamu ka ueo a ɓala. 21Marta ne Yesu ama, “Mǝtalabangŋo, ɓǝ̀ pǝlǝ ama a ndakani ka, ɓǝ́ mǝ'eambǝam pa nǝ̀ wu ɗang! 22Sǝ ǝn sǝlǝna ama, ko ado ka Ɓakuli nǝ̀ po gir mǝnana kat a zǝm ngga.”
23Yesu pǝlǝa banggi wi ama, “Mǝ'eambǝo nǝ̀ lo nǝ yilǝmu ɗǝm.”
24Marta na ama, “Ən sǝlǝna ama nǝ̀ lo nǝ yilǝmu a lo mala alú a masǝlǝata apwari.”#11:24 Ɓalli gbal aɓa: Dan 12:2; Yoh 5:28; Aturo 24:15.
25Yesu ne wi ama, “Mǝ nda lo mala alú andǝ yilǝmu. Ɓwa mǝnana kat pà ɓamuri a banam ngga, ko ɓǝ̀ wu ka, nǝ̀ lo nǝ yilǝmu. 26Sǝ ɓwa mǝnana kat ndanǝ yilǝmu sǝ pà ɓamuri a banam ngga, pà nǝ̀ wu ɗang. A earǝna nǝ cau man le?”#11:26 Ɓalli gbal aɓa: Yoh 6:47; 8:51.
27Pǝlǝa Marta eari wi ama, “E, Mǝtalabangŋo, ǝn earǝna nǝ we, ama a nda Kǝrǝsti Mǝ'amsǝban, Muna mala Ɓakuli, mǝnana Ɓakuli bangŋa ama nǝ̀ yiu a ɓanza ka.”#11:27 Ɓalli gbal aɓa: Mat 16:16.
28Marta pǝlǝa nyare kya tunǝ mǝ'eambǝi Maryamu a giriban, sǝ ne wi ama, “Malǝm yina, sǝ kǝ earce sǝno.” 29Lang Maryamu nǝ̀ ok anggo ka, kara lo a kaurǝa, wario abani. 30Yesu ka malaká bwal là peatu ɗang, nda àkǝ̀ ban mǝnana Marta kumi kam ngga. 31Lang aɓwana mǝnana ata Maryamu a ɓala, aban girike, sǝni lo pur tsuk-tsuk ka, à lo ate. À twali ama kǝ um nǝ o a ɓembe nǝ̀ ngga ɓua abanì.
32Maryamu yi bwal ban Yesu. Lang mǝsǝì nǝ̀ kpa arǝ Yesu ka, yi kūndǝ a ɓadǝmbǝi, kǝ na ama, “Mǝtalabangŋo, ɓǝ̀ pǝlǝ ama a nda kani ka, ɓǝ́ mǝ'eambǝam wu ma ɗang!”
33Lang Yesu sǝni aban ɓua, sǝ sǝn aɓwana mǝnana à yiu ate ka aban ɓua gbal ka, gir nî je Yesu a ɓabumi kǝrkǝr. 34Pǝlǝa ɗia ama, “Ake ɗe sǝ wu ci?”
Sǝ à ne wi ama, “Mǝtalabangŋo, yiu sǝni.”
35Yesu sukki mǝrǝm. 36Aɓwana mǝnana aban came abanì ka à na ama, “Wu sǝn ɓe kǝ earcearǝu mǝnana ndanǝi a rǝì ka!”
37Sǝ aɓia aɓwana na ama, “Mǝnia yì ɓwa ka gandǝ mǝn mǝsǝ nte, anggo re? Man tsǝa sǝ gandǝ tamsǝ lú mala Liazaro ɗang?”
Yesu loasǝ Liazaro a ɓembe
38Nǝ́ cê kùlkùl a ɓabumi piu ka, Yesu yi bik ban ɓembe. Ɓembe ka à gwami aɓa tali, sǝ à gir kuni nǝ tali.#11:38 Ɓalli gbal aɓa: Mat 27:60; Mar 15:46; Luk 24:2; Yoh 20:11. 39Yesu na ama, “Wu gǝshi talî!”
Sǝ Marta mǝ'eam lú ne Yesu ama, “Mǝtalabangŋo, lú ka à ci pangŋǝna nongŋo ine adyan. Rǝmban mǝɓike nǝ̀ akiban!”
40Yesu banggi wi ama, “Ən no nǝma ɓǝ̀ a earnǝ mim ngga a nǝ sǝn gulo mala Ɓakuli re?”
41Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga. 42Ən sǝlǝna nǝma ko aya pwari ka a kǝ oem, sǝ ado ka ǝn na mǝnia yì cau ka ace aɓwana man kani ka, ace mǝnana ɓǝa ear ama a nǝ̀ turam.”
43Lang bangŋǝna anggo ka, sǝ tunǝban nǝ giu mǝcande, ama, “Liazaro, puro!” 44Pǝlǝa Liazaro mǝnana lú na ka puro, abuí andǝ akusǝi ka, à marǝkia nǝ bugir, sǝ ɓamǝsǝi ka, à marǝi nǝ nggurbyau. Yesu banggia wia ama, “Wu panzǝi, sǝ wu nyi ɓǝ̀ o!”
Kurkun amur Yesu
(Matiu 26:1-5; Markus 14:1,2; Luka 22:1,2)
45Pas ata aɓwana mǝnana à yiua makki Maryamu kun, sǝ à sǝn gir mǝnia Yesu pe ka, à pà ɓamuria abani. 46Sǝ aɓea atea ka à o aban amǝ Farisi à kya banggia wia gir mǝnana Yesu pe ka. 47Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka! 48Ɓǝ̀ sǝm ɗeki sǝ lidǝmbǝa anggo ka, muna-ɓwapǝndǝa kat nǝ̀ earnǝi. Sǝ amǝ lwa mala amǝ Roma nǝ̀ yia kiɗiki Ndàmǝgule mala Ɓakuli ma'sǝm andǝ nzali ma'sǝm!”
49Mwashat aɓalǝia, mǝnana à tunǝki ama Kayafas, mǝnana nda Pǝris Mǝgule a baku mǝno ka, bangŋa ama, “Wu surǝ cau mǝnana wu nakiyi ka ɗang! 50Wu sǝlǝ mbo ama nǝ̀ ɓoaribanì ɓǝ̀ ɓwa mwashat wu ace aɓwana, amur mǝnana amǝ Roma ɓǝa yi twalta aɓwana mala nzali Yahudi ma'sǝm ngga?” 51Mǝnia yì cau Kayafas ne ka, bangŋe mala ɓamuri na ɗang. Acemǝnana yì nda Pǝris Mǝgule a mǝno yì pǝlǝa ka, nda ɓangnǝ-ɓangna ama, Yesu nǝ̀ yia wu ace aɓwana mala nzali Yahudi ka. 52Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.
53Twal amǝno yì pwari ka, aɓwana mǝgule mala amǝ Yahudi kutia alkita anjar mǝnana à nǝ̀ wal-lú Yesu ka. 54Ace mani ka Yesu nyare ging ɗǝm bwāng aɓalǝ amǝ Yahudi ɗang. Nying Urǝshalima sǝ o a muna-la Ifǝrem, mǝnana nda nǝ ɓabondo, tu aban kpawanban ngga. Akano sǝ kya do andǝ alaggana male.
55Lang pwari Lamsan mala Yalimuru gbashina ka, amǝ Yahudi pas purkio arǝ aɓea aban aɓa nzali Yahudi sǝ à o a Urǝshalima, ace mǝnana ɓǝa kya gilǝki rǝia aɓa peri ace man yì Lamsan ngga. 56À camarǝ alta Yesu. À yì came aɓa Ndàmǝgule mala Ɓakuli sǝ à kǝ ɗiki rǝarǝia ama, “Lang sǝ wu sǝni? Nǝ̀ yiu a man yì Lamsan ngga le?” 57Anggo ka agbani Pǝris andǝ amǝ Farisi angŋa dǝmbǝa à hamǝna ama, ɓǝ̀ kǝɓwa surǝna rǝ ban mǝnana Yesu na kam ngga, ɓwe ɓǝ̀ yì na ce, ace mǝnana à nǝ̀ bwali ka.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016