Yohana 9
9
Yesu mǝn mǝsǝ ɓwa mana à ɓǝlì nte na ka
1Yesu na ban kutio pǝlǝa sǝn ɓeɓwa mǝnana à ɓǝlì nte na ka. 2Alaggana male ɗi ama, “Malǝm, cauɓikea mala yana tsǝa sǝ à ɓǝl ɓwa mǝnia ka nte? Cauɓikea male na le, ko mala angge na andǝ tarrí?”#9:2 Ɓalli gbal aɓa: Luk 13:2; Aturo 28:4; Ezǝk 18:20; Pur 20:5.
3Yesu nea wia ama, “Pà ace cauɓikea male, ko mala tarrí andǝ ngge sǝ à ɓǝlì nte na ka ɗang. À ɓǝlì anggo ace mǝnana ɓǝa lǝmndǝ turo mala Ɓakuli amuri.#9:3 Ɓalli gbal aɓa: Yoh 11:4. 4Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka. 5Ado mǝnana mǝ nda a ɓanza ka, mǝ nda tǎlaban mala ɓanza.”#9:5 Ɓalli gbal aɓa: Mat 5:14; Yoh 1:4; 8:12; 12:46.
6Lang Yesu naná cau anggo ka, pǝlǝa tau ntara a nzali sǝ torǝi pǝlǝ dǝɓang, sǝ hasǝì ɓwabure arǝ amǝsǝì. 7Sǝ ne wi ama, “Kyane kya lak ɓamǝsǝo a guguri Silowam.” (Silowam ngga ɓālǝi nda “Mǝnana à tàsǝì ka.”) Pǝlǝa ɓwabure wario, kya lak ɓamǝsǝi. Nǝ̀ nyar ka amǝsǝì longŋǝna à nǝ̀ nggǝ sǝnban.
8Aɓi amǝ njarmurkala andǝ aɓwana mǝnana à surǝi ama mǝ zǝmnggi agir na ɗiɗyal ka, à ɗi rǝia ama, “Ɓwa mǝnia na mbo dukiyi kani aban zǝmnggi agir ka?” 9Aɓea ɓwana na ama, “Kǝ nda.”
Sǝ aɓea ɓwana bangŋa ama, “Awo, nda ɗang, à pur rǝia nǝ puro.”
Ɓwabure nǝ ɓamuri pǝlǝa nea wia ama, “Mǝ nda kǝ ɓwe.”
10Pǝlǝa à ɗi ama, “Sǝ kar lang, sǝ a kǝ sǝnban?”
11Earia wia ama, “Ɓwa mǝnana à tunǝki ama Yesu ka, nda torǝ dǝɓang sǝ hasǝami arǝ amǝsǝam, sǝ nam ama, ɓǝ̀ ǝn kya Silowam mǝ lak ɓamǝsǝam nggam. Pǝlǝa ǝn wario, ǝn lak mǝsǝam, nda sǝ ǝn tita sǝnban ngga.”
12À ɗi ama, “Ɓwe ka nda a ke?”
Pǝlǝa nea wia ama, “Ən sǝlǝ ɗang.”
Amǝ Farisi bǝlkusǝ twalban rǝkwana mala nte
13Pǝlǝa à twal ɓwabura mǝnia mǝnana nte na ɗiɗyal ka, à wari nǝi aban amǝ Farisi, 14acemǝnana pwari mǝno Yesu torǝna dǝɓang nǝi sǝ hasǝi ɓwabure arǝ amǝsǝì, sǝ amǝsǝì mǝn ngga, pwari Sabbat na, pwari usǝlǝo mala amǝ Yahudi. 15Pǝlǝa amǝ Farisi nyare à ɗi ɓwabure lang sǝ kum sǝnban male. Pǝlǝa nea wia ama, “Hasǝam dǝɓang arǝ amǝsǝam, ǝn lak ɓamǝsǝam, sǝ ado ka ǝn nggǝ sǝnban.”
16Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.”
Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.
17Anzǝm man ngga pǝlǝa à nyare aban ɓwabure à ɗì ɗǝm ama, “We ado ka, mana a na amur mǝno yì ɓwa mǝnana mǝnmbo amǝsǝo ka?”
Pǝlǝa earia wia ama, “Yì ka, mǝɓangna mala Ɓakuli na.”
18Aɓwana-mǝgule mala amǝ Yahudi ka, à ear ama mǝnia yì ɓwa ka nte na ɗiɗyal sǝ ado ka kǝ sǝnban ɗang. Pǝlǝa a turban ɓǝa tunǝ tarrí andǝ ngge. 19Sǝ à ɗia ama, “Mǝnia yì muna ka wun nǝ̀ ɓǝlì le? Wu na ama à ɓǝlì ka nte na? Sǝ kar lang ado sǝ kǝ sǝnban?”
20A tarrí andǝ ngge eare ama, “Sǝm sǝlǝna ama muna ka ma'sǝm na, sǝ sǝm sǝlǝna gbal ama sǝm ɓǝlì ka nte na. 21Sǝ cau mala sǝnban male andǝ ɓwa mǝnana mǝnmbi wi amǝsǝì ka, sǝm sǝlǝ ce ɗang. Wu ɗi, karǝna ɓwa, nǝ̀ gandǝ na kuni.” 22Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang. 23Nda gir mǝnana tsǝa sǝ à na ama, “Wu ɗi, acemǝnana yì ka, karǝna ɓwa” ka.
24Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.” 25Ɓwabure earia wia ama, “Ən sǝlǝ ɗang ko mǝ'cauɓikea na, ko mǝ'cauɓikea na ɗang. Gir mǝnana ǝn sǝlǝ ka nda mǝnana ama, ɗiɗyal ka mǝ nda nte, sǝ ado ka ǝn nggǝ sǝnban.” 26À ɗi ɗǝm ama, “Pakko lang sǝ mǝnmbo amǝsǝo?”
27Sǝ earia wia ama, “Ən nanà wun mǝni, sǝ wu ginǝ kwaki kir wun. Ace mana sǝ wu kǝ earce oe ɗǝm? Wu kǝ earce wu nǝ̀ pǝlǝ amǝkpate gbal le?”
28Kara à lo a rǝi nǝ sanggiban, à ne wi ama, “A nda mǝnana a kpakiyi ata mǝno yì ɓwa ka, sǝm ngga sǝm ndaka amǝkpata Musa. 29Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”
30Sǝ ɓwabure banggia wia ama, “Kúk! Wu okam kǝcau. Wu surǝ ban mǝnana pur kam ngga ɗang, sǝ gandǝ mǝnmbam amǝsǝam! 31Sǝm sǝlǝna ama, Ɓakuli pakkiyi gir mǝnana amǝ'cauɓikea na ama ɓǝ̀ pakkia wia ka ɗang; sǝa ma ɓǝ̀ kǝɓwa kǝ pe Ɓakuli gulo sǝ kǝ kpata gir mǝnana kǝ earce ama ɓǝa pe ka, Ɓakuli nǝ̀ kwaki kiri nǝ̀ oki wi. 32Twal a share ta ɓanza ka, sǝm o àkǝ pwari ama kǝɓwa gandǝ mǝn mǝsǝ kǝɓwa mǝnana à ɓǝli nte na ka ɗang. 33Ɓǝ̀ man yì ɓwa ka pur aban Ɓakuli raka, pà nǝ̀ gandǝ pe ɗang.”
34Pǝlǝa à ne wi ama, “We mǝnana gbal à ɓǝlo aɓa cauɓikea, sǝ à gulo aɓa cauɓikea ka, a kǝ ɓariki ama, a wu nǝ kania sǝm gir?” Kara à pǝri puri ɓa ndakpapi.
Do nte aɓa bangŋo
35Lang Yesu ok ce gir mǝnana à pakki ɓwabure ka, kya kum ɓwabure sǝ ɗi ama, “A earǝna nǝ Muna mala Ɓwa le?”
36Ɓwabure eari wi ama, “Ɓwamǝgule, banggam, yana ɓwe nda Muna mala Ɓwa, ace mǝnana ɓǝn earnǝi ɓǝ̀ ǝn pà ɓamuram abani?”
37Yesu ne wi ama, “A angŋa dǝmbǝa a sǝnǝni, mǝ nda kǝ ɓwe mǝnana ado ǝn nakiyio cau ka.”
38Kara ɓwabure kūndǝo a ɓadǝm Yesu peri, sǝ na ama, “Mǝtalem, e, ǝn earǝna, ǝn panà ɓamuram abano.”
39Pǝlǝa Yesu na ama, “Ən yiu aɓa ɓanza man ace ɓashi, ace mǝnana ɓǝ̀ ante kum sǝnban, sǝ aɓwana mǝnana à kǝ sǝnban ngga, ɓǝa pǝlǝ ante.”#9:39 Ɓalli gbal aɓa: Yoh 5:27; 3:19; Mat 15:14.
40Aɓea amǝ Farisi mana aban came tù abanì ka, ok cau mǝnana Yesu na ka, pǝlǝa à ɗi ama, “A nda ban na ama, sǝm nda ka nte le?”
41Sǝ Yesu pǝlǝia wia ama, “Ɓǝ̀ wu nda ka nte ka, ɓǝ́ mur wun pà nǝ̀ halǝki wun arǝ acauɓikea ma'wun ɗang. Sǝ mǝno ado wu ne nǝ ɓamurǝ wun ama wun nǝ̀ nggǝ sǝnban ngga, lǝmndǝna ama, cauɓikea ma'wun na kam amur wun piu.”
Currently Selected:
Yohana 9: mbu
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016
Yohana 9
9
Yesu mǝn mǝsǝ ɓwa mana à ɓǝlì nte na ka
1Yesu na ban kutio pǝlǝa sǝn ɓeɓwa mǝnana à ɓǝlì nte na ka. 2Alaggana male ɗi ama, “Malǝm, cauɓikea mala yana tsǝa sǝ à ɓǝl ɓwa mǝnia ka nte? Cauɓikea male na le, ko mala angge na andǝ tarrí?”#9:2 Ɓalli gbal aɓa: Luk 13:2; Aturo 28:4; Ezǝk 18:20; Pur 20:5.
3Yesu nea wia ama, “Pà ace cauɓikea male, ko mala tarrí andǝ ngge sǝ à ɓǝlì nte na ka ɗang. À ɓǝlì anggo ace mǝnana ɓǝa lǝmndǝ turo mala Ɓakuli amuri.#9:3 Ɓalli gbal aɓa: Yoh 11:4. 4Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka. 5Ado mǝnana mǝ nda a ɓanza ka, mǝ nda tǎlaban mala ɓanza.”#9:5 Ɓalli gbal aɓa: Mat 5:14; Yoh 1:4; 8:12; 12:46.
6Lang Yesu naná cau anggo ka, pǝlǝa tau ntara a nzali sǝ torǝi pǝlǝ dǝɓang, sǝ hasǝì ɓwabure arǝ amǝsǝì. 7Sǝ ne wi ama, “Kyane kya lak ɓamǝsǝo a guguri Silowam.” (Silowam ngga ɓālǝi nda “Mǝnana à tàsǝì ka.”) Pǝlǝa ɓwabure wario, kya lak ɓamǝsǝi. Nǝ̀ nyar ka amǝsǝì longŋǝna à nǝ̀ nggǝ sǝnban.
8Aɓi amǝ njarmurkala andǝ aɓwana mǝnana à surǝi ama mǝ zǝmnggi agir na ɗiɗyal ka, à ɗi rǝia ama, “Ɓwa mǝnia na mbo dukiyi kani aban zǝmnggi agir ka?” 9Aɓea ɓwana na ama, “Kǝ nda.”
Sǝ aɓea ɓwana bangŋa ama, “Awo, nda ɗang, à pur rǝia nǝ puro.”
Ɓwabure nǝ ɓamuri pǝlǝa nea wia ama, “Mǝ nda kǝ ɓwe.”
10Pǝlǝa à ɗi ama, “Sǝ kar lang, sǝ a kǝ sǝnban?”
11Earia wia ama, “Ɓwa mǝnana à tunǝki ama Yesu ka, nda torǝ dǝɓang sǝ hasǝami arǝ amǝsǝam, sǝ nam ama, ɓǝ̀ ǝn kya Silowam mǝ lak ɓamǝsǝam nggam. Pǝlǝa ǝn wario, ǝn lak mǝsǝam, nda sǝ ǝn tita sǝnban ngga.”
12À ɗi ama, “Ɓwe ka nda a ke?”
Pǝlǝa nea wia ama, “Ən sǝlǝ ɗang.”
Amǝ Farisi bǝlkusǝ twalban rǝkwana mala nte
13Pǝlǝa à twal ɓwabura mǝnia mǝnana nte na ɗiɗyal ka, à wari nǝi aban amǝ Farisi, 14acemǝnana pwari mǝno Yesu torǝna dǝɓang nǝi sǝ hasǝi ɓwabure arǝ amǝsǝì, sǝ amǝsǝì mǝn ngga, pwari Sabbat na, pwari usǝlǝo mala amǝ Yahudi. 15Pǝlǝa amǝ Farisi nyare à ɗi ɓwabure lang sǝ kum sǝnban male. Pǝlǝa nea wia ama, “Hasǝam dǝɓang arǝ amǝsǝam, ǝn lak ɓamǝsǝam, sǝ ado ka ǝn nggǝ sǝnban.”
16Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.”
Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.
17Anzǝm man ngga pǝlǝa à nyare aban ɓwabure à ɗì ɗǝm ama, “We ado ka, mana a na amur mǝno yì ɓwa mǝnana mǝnmbo amǝsǝo ka?”
Pǝlǝa earia wia ama, “Yì ka, mǝɓangna mala Ɓakuli na.”
18Aɓwana-mǝgule mala amǝ Yahudi ka, à ear ama mǝnia yì ɓwa ka nte na ɗiɗyal sǝ ado ka kǝ sǝnban ɗang. Pǝlǝa a turban ɓǝa tunǝ tarrí andǝ ngge. 19Sǝ à ɗia ama, “Mǝnia yì muna ka wun nǝ̀ ɓǝlì le? Wu na ama à ɓǝlì ka nte na? Sǝ kar lang ado sǝ kǝ sǝnban?”
20A tarrí andǝ ngge eare ama, “Sǝm sǝlǝna ama muna ka ma'sǝm na, sǝ sǝm sǝlǝna gbal ama sǝm ɓǝlì ka nte na. 21Sǝ cau mala sǝnban male andǝ ɓwa mǝnana mǝnmbi wi amǝsǝì ka, sǝm sǝlǝ ce ɗang. Wu ɗi, karǝna ɓwa, nǝ̀ gandǝ na kuni.” 22Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang. 23Nda gir mǝnana tsǝa sǝ à na ama, “Wu ɗi, acemǝnana yì ka, karǝna ɓwa” ka.
24Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.” 25Ɓwabure earia wia ama, “Ən sǝlǝ ɗang ko mǝ'cauɓikea na, ko mǝ'cauɓikea na ɗang. Gir mǝnana ǝn sǝlǝ ka nda mǝnana ama, ɗiɗyal ka mǝ nda nte, sǝ ado ka ǝn nggǝ sǝnban.” 26À ɗi ɗǝm ama, “Pakko lang sǝ mǝnmbo amǝsǝo?”
27Sǝ earia wia ama, “Ən nanà wun mǝni, sǝ wu ginǝ kwaki kir wun. Ace mana sǝ wu kǝ earce oe ɗǝm? Wu kǝ earce wu nǝ̀ pǝlǝ amǝkpate gbal le?”
28Kara à lo a rǝi nǝ sanggiban, à ne wi ama, “A nda mǝnana a kpakiyi ata mǝno yì ɓwa ka, sǝm ngga sǝm ndaka amǝkpata Musa. 29Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”
30Sǝ ɓwabure banggia wia ama, “Kúk! Wu okam kǝcau. Wu surǝ ban mǝnana pur kam ngga ɗang, sǝ gandǝ mǝnmbam amǝsǝam! 31Sǝm sǝlǝna ama, Ɓakuli pakkiyi gir mǝnana amǝ'cauɓikea na ama ɓǝ̀ pakkia wia ka ɗang; sǝa ma ɓǝ̀ kǝɓwa kǝ pe Ɓakuli gulo sǝ kǝ kpata gir mǝnana kǝ earce ama ɓǝa pe ka, Ɓakuli nǝ̀ kwaki kiri nǝ̀ oki wi. 32Twal a share ta ɓanza ka, sǝm o àkǝ pwari ama kǝɓwa gandǝ mǝn mǝsǝ kǝɓwa mǝnana à ɓǝli nte na ka ɗang. 33Ɓǝ̀ man yì ɓwa ka pur aban Ɓakuli raka, pà nǝ̀ gandǝ pe ɗang.”
34Pǝlǝa à ne wi ama, “We mǝnana gbal à ɓǝlo aɓa cauɓikea, sǝ à gulo aɓa cauɓikea ka, a kǝ ɓariki ama, a wu nǝ kania sǝm gir?” Kara à pǝri puri ɓa ndakpapi.
Do nte aɓa bangŋo
35Lang Yesu ok ce gir mǝnana à pakki ɓwabure ka, kya kum ɓwabure sǝ ɗi ama, “A earǝna nǝ Muna mala Ɓwa le?”
36Ɓwabure eari wi ama, “Ɓwamǝgule, banggam, yana ɓwe nda Muna mala Ɓwa, ace mǝnana ɓǝn earnǝi ɓǝ̀ ǝn pà ɓamuram abani?”
37Yesu ne wi ama, “A angŋa dǝmbǝa a sǝnǝni, mǝ nda kǝ ɓwe mǝnana ado ǝn nakiyio cau ka.”
38Kara ɓwabure kūndǝo a ɓadǝm Yesu peri, sǝ na ama, “Mǝtalem, e, ǝn earǝna, ǝn panà ɓamuram abano.”
39Pǝlǝa Yesu na ama, “Ən yiu aɓa ɓanza man ace ɓashi, ace mǝnana ɓǝ̀ ante kum sǝnban, sǝ aɓwana mǝnana à kǝ sǝnban ngga, ɓǝa pǝlǝ ante.”#9:39 Ɓalli gbal aɓa: Yoh 5:27; 3:19; Mat 15:14.
40Aɓea amǝ Farisi mana aban came tù abanì ka, ok cau mǝnana Yesu na ka, pǝlǝa à ɗi ama, “A nda ban na ama, sǝm nda ka nte le?”
41Sǝ Yesu pǝlǝia wia ama, “Ɓǝ̀ wu nda ka nte ka, ɓǝ́ mur wun pà nǝ̀ halǝki wun arǝ acauɓikea ma'wun ɗang. Sǝ mǝno ado wu ne nǝ ɓamurǝ wun ama wun nǝ̀ nggǝ sǝnban ngga, lǝmndǝna ama, cauɓikea ma'wun na kam amur wun piu.”
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© Wycliffe Bible Translators, Inc. and © The Nigeria Bible Translation Trust 2016