Matìyò 14
14
Və zhwi Joyn wù ku à mù
(Mak 6.14-29; Luk 9.7-9)
1Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè, 2ghə̀ gàʼ à viʼi shyèʼ wen la,“Ghèn lutə̀ dìʼ tò Joyn wù ku à mù a ghə̀ bwenə li nlu fa pfʉ. A lè kənyʉ̀ a kə nè ghə̀ sə kiʼ kədyòʼ ənè nyʉ̀ venə alə̀.”
3A nsə ndiʼ a lì mu à ngàʼa tò wen la və ghaʼ Joyn wù ku à mù kwiʼ wen ə̀ mòʼ a mfɨŋ. Ghə̀ nè a lì ando wen Helòd nghaʼ shì Helodiyas wì lèmə̀ wen Filib, Joyn mù sə̀ taŋmə̀. 4Ngəʼ yi ndìʼ la, Helòd nlu li làm Helodiyas alì Joyn fàŋ sə kùmtə̀ tò kùmtə̀ à wen la, “Wù ne li kənyʉ̀ kə byɨkə, soʼ ko byɨmə la wù lam wùwì ghèn a diʼì wì lèmə̀ wù.” 5Helòd nkəŋ əzhwi Joyn alì sə fànə̀ viʼi byìʼàndo vəwenə nlyɨ̀ Joyn anə̀ nshə̀ʼtə̀ ghoʼo Nyìngòŋ.
6A lù sə ndiʼ ando və nzhɨ kətsi kə bwi Helòd, wàyn wùwì Helodiyas vì sə benə fa shɨ viʼi, kənyʉ̀ ki sə fwomə a wèn Helòd no nànto. 7Helòd mù ghʉ̀ wenə̀ wàyn wùwì a yì a mə kàyn gàʼà la,“Mà a ku no ghò yì a wu bèmə a mò.”
8Lì wàyn a ghèn nyoʼ ŋàmtə wen ə̀ gàʼ la ghə̀ gàʼ tò la ghə̀ kəŋ la və ku kətʉ kə Joyn wù ku à mù à yì a kyeʼ tyetə tò a zhʉ ayì.
9Fòn Helòd sə sheʼkə̀ no nànto alì ə̀ gàʼ la və tin kətʉ kə Joyn wù ku à mù vì nə̀ kəwenkə kù a wàyn wùwì ayì. Ghə̀ nè a lì byìʼàndo ghə̀ nsə̀ diʼ mu ghə̀ zhɨ li məkàyn a shɨ viʼi ghayn wen. 10Ghə̀ gàʼ və dyʉ̀ a ngə̀ŋ mfɨŋ tin kətʉ kə Joyn, 11bwènə̀ vì nə̀ kəwenkə a tì kyeʼ tyetə kù a wen ghə̀ dyʉ̀ kù à lì wen. 12Ndzɨ̀mtə̀sə bàm Joyn dyʉ̀ lyɨ̀ bvenə wen dyʉ̀ bvɨ̀mə̀ mù dyʉ̀ shə̀ʼtə̀ kənyʉ̀ akì à Yesò.
Yesò zhis viʼi nkamsə tàyn
(Mak 6.30-44; Luk 9.10-17; Jon 6.1-14)
13Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀. 14Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.
15A nè sə ndiʼ a zhʉ mpfwomə, ndzɨ̀mtə̀sə bàm wen sə vì gàʼ à wen la, “Zhʉ dyʉ̀ li no alə̀ kènla kəshi kèn kə boʼsə a ntə̀ʼ tsen, kə bòŋ la wù gàʼ à viʼi venə vəwenə bwenə dyʉ̀ a tì ntə̀ʼsə ə zèn fozhɨvə fa tsu ə̀ zhɨ.”
16Yesò bwènsə̀ gàʼ la “Vəwenə ko diʼi pfwo, no nkàntə̀ ghə̀ŋ ku kəfo vəwenə zhɨ.”
17Vəwenə gàʼ à wen la “Yès kìʼ tò təghɨf tə kəbayn kə məka tə tàyn nə̀ shʉsə sə bò.”
18Yesò gàʼ la “Ghə̀ŋ vi nə̀ wen və à mò.” 19Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi. 20Vəwenə zhɨ kwìʼ no vətsèm. Ndzɨ̀mtə̀sə bàm wen sə boŋtə byəʼ vi a və mfaŋə̀ və lwin a nkyèsə njʉ̀sə̀ bò. 21Viʼi a və nzhɨ fozhɨvə a vyi nzàʼà dyʉ̀ a nkamsə tàyn. Və ko ntàŋ vunə bènə̀ ki.
Yesò Jèʼ a kwi à mù
(Mak 6.45-52; Jon 6.15-21)
22Viʼi vi nè zhɨ mwètə̀ no a zhʉ̀ kò Yesò gàʼ à ndzɨ̀mtə̀sə bàm wen la sə kwen a nkànuʼ ə̀ tɨm ə̀ dyʉ̀ à ndzèn à mù tsen yì, ghə̀ fàŋ a bàm nè la viʼi mpfwo. 23Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ. 24A ndìʼ a zhʉ ayì mu nkanuʼ yì a ndzɨ̀mtə̀sə bàm wen sə nkwen tsu lì sə̀ diʼ mu ghə̀ dyʉ̀ li no kəghaf a tì à mù. Mu sə nə̀ʼə̀ nkanuʼ ayì no nànto byìʼàndo fwof mbòŋsə vì fà vəwenə a mbì.
25A ne sə ndiʼ a nlaynə ətʉ̀ʼ, Yesò lù sə jèʼè dyʉ̀ a kwi à mù ədyʉ̀ yen ndzɨ̀mtə̀sə bàm wen. 26Vəwenə nè yèn ando ghə̀ jèʼè vì a kwi à mù. Vəwenə sə diʼ nə̀ fàynə no nànto ə mù sə zɨmə dì gàʼà la “A diʼi mpfʉ nse.”
27No a zhʉ̀ kò Yesò gàʼ à vəwenə la, “Ghə̀ŋ ghaʼa tətyɨm təŋtə! à diʼ mo,kə ghə̀ŋ à fwàyn.”
28Bità mù gàʼ a wen la, “Bobo! a zhʉ a diʼi wù nəmwèʼè, wu gàʼa mà jèʼ a kwi à mù vì yèn wù.”
29Yesò gàʼ la, “vi” Bità fʉ fa tì nkanuʼ yì sə̀ jèʼè dyʉ̀ a mbyɨ̀ Yesò tò a kwi à mù. 30A sə ndiʼ ando ghə̀ nyènə̀ ando fwof nchò nə̀ʼə̀ mu fwàyn vì à wen, ghə̀ zìtə̀ sə shwemə shiʼi a tì à mù. Ghə̀ mù zɨ̀mə dì la, “Bobo, bwòŋsə mo.”
31No a zhʉ̀ kò Yesò naʼsə̀ kəvu ə̀ ghaʼa wen ə̀ bèm à wen la, “Byɨmə wu tyetə no nànto. Byìʼì ghò a wù yì momə̀ mò a?” 32Vəwenə bwènə̀ kwèn a nkanuʼ, no a zhʉ̀ kò fwof yi bwaʼ. 33Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”
Yesò chʉʼ viʼi a ntə̀ʼ Gènesalèt
(Mak 6.53-56)
34Vəwenə tɨm mu ə̀ zaʼa a ntə̀ʼ Gènesalèt, 35viʼi yèn Yesò ə̀ kɨ wen tsu ə̀ tɨm ə̀ shə̀ʼtə̀ a viʼi no vətsèm a tì loʼ ayì la viʼi lyɨ̀ viʼi vəkwaʼkəvə ə̀ vì nə̀ vəwenə a wen no vətsèm. 36Vəwenə sensə wen la ghə̀ ghʉsə viʼi vəkwaʼkəvə vi və nkùmsə̀ tò su ndisə wen. Ghə̀ kye no məndo a ghə̀ nkùmsə̀ su ndisə wen to.
Currently Selected:
Matìyò 14: bbkDBLnt
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Matìyò 14
14
Və zhwi Joyn wù ku à mù
(Mak 6.14-29; Luk 9.7-9)
1Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè, 2ghə̀ gàʼ à viʼi shyèʼ wen la,“Ghèn lutə̀ dìʼ tò Joyn wù ku à mù a ghə̀ bwenə li nlu fa pfʉ. A lè kənyʉ̀ a kə nè ghə̀ sə kiʼ kədyòʼ ənè nyʉ̀ venə alə̀.”
3A nsə ndiʼ a lì mu à ngàʼa tò wen la və ghaʼ Joyn wù ku à mù kwiʼ wen ə̀ mòʼ a mfɨŋ. Ghə̀ nè a lì ando wen Helòd nghaʼ shì Helodiyas wì lèmə̀ wen Filib, Joyn mù sə̀ taŋmə̀. 4Ngəʼ yi ndìʼ la, Helòd nlu li làm Helodiyas alì Joyn fàŋ sə kùmtə̀ tò kùmtə̀ à wen la, “Wù ne li kənyʉ̀ kə byɨkə, soʼ ko byɨmə la wù lam wùwì ghèn a diʼì wì lèmə̀ wù.” 5Helòd nkəŋ əzhwi Joyn alì sə fànə̀ viʼi byìʼàndo vəwenə nlyɨ̀ Joyn anə̀ nshə̀ʼtə̀ ghoʼo Nyìngòŋ.
6A lù sə ndiʼ ando və nzhɨ kətsi kə bwi Helòd, wàyn wùwì Helodiyas vì sə benə fa shɨ viʼi, kənyʉ̀ ki sə fwomə a wèn Helòd no nànto. 7Helòd mù ghʉ̀ wenə̀ wàyn wùwì a yì a mə kàyn gàʼà la,“Mà a ku no ghò yì a wu bèmə a mò.”
8Lì wàyn a ghèn nyoʼ ŋàmtə wen ə̀ gàʼ la ghə̀ gàʼ tò la ghə̀ kəŋ la və ku kətʉ kə Joyn wù ku à mù à yì a kyeʼ tyetə tò a zhʉ ayì.
9Fòn Helòd sə sheʼkə̀ no nànto alì ə̀ gàʼ la və tin kətʉ kə Joyn wù ku à mù vì nə̀ kəwenkə kù a wàyn wùwì ayì. Ghə̀ nè a lì byìʼàndo ghə̀ nsə̀ diʼ mu ghə̀ zhɨ li məkàyn a shɨ viʼi ghayn wen. 10Ghə̀ gàʼ və dyʉ̀ a ngə̀ŋ mfɨŋ tin kətʉ kə Joyn, 11bwènə̀ vì nə̀ kəwenkə a tì kyeʼ tyetə kù a wen ghə̀ dyʉ̀ kù à lì wen. 12Ndzɨ̀mtə̀sə bàm Joyn dyʉ̀ lyɨ̀ bvenə wen dyʉ̀ bvɨ̀mə̀ mù dyʉ̀ shə̀ʼtə̀ kənyʉ̀ akì à Yesò.
Yesò zhis viʼi nkamsə tàyn
(Mak 6.30-44; Luk 9.10-17; Jon 6.1-14)
13Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀. 14Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.
15A nè sə ndiʼ a zhʉ mpfwomə, ndzɨ̀mtə̀sə bàm wen sə vì gàʼ à wen la, “Zhʉ dyʉ̀ li no alə̀ kènla kəshi kèn kə boʼsə a ntə̀ʼ tsen, kə bòŋ la wù gàʼ à viʼi venə vəwenə bwenə dyʉ̀ a tì ntə̀ʼsə ə zèn fozhɨvə fa tsu ə̀ zhɨ.”
16Yesò bwènsə̀ gàʼ la “Vəwenə ko diʼi pfwo, no nkàntə̀ ghə̀ŋ ku kəfo vəwenə zhɨ.”
17Vəwenə gàʼ à wen la “Yès kìʼ tò təghɨf tə kəbayn kə məka tə tàyn nə̀ shʉsə sə bò.”
18Yesò gàʼ la “Ghə̀ŋ vi nə̀ wen və à mò.” 19Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi. 20Vəwenə zhɨ kwìʼ no vətsèm. Ndzɨ̀mtə̀sə bàm wen sə boŋtə byəʼ vi a və mfaŋə̀ və lwin a nkyèsə njʉ̀sə̀ bò. 21Viʼi a və nzhɨ fozhɨvə a vyi nzàʼà dyʉ̀ a nkamsə tàyn. Və ko ntàŋ vunə bènə̀ ki.
Yesò Jèʼ a kwi à mù
(Mak 6.45-52; Jon 6.15-21)
22Viʼi vi nè zhɨ mwètə̀ no a zhʉ̀ kò Yesò gàʼ à ndzɨ̀mtə̀sə bàm wen la sə kwen a nkànuʼ ə̀ tɨm ə̀ dyʉ̀ à ndzèn à mù tsen yì, ghə̀ fàŋ a bàm nè la viʼi mpfwo. 23Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ. 24A ndìʼ a zhʉ ayì mu nkanuʼ yì a ndzɨ̀mtə̀sə bàm wen sə nkwen tsu lì sə̀ diʼ mu ghə̀ dyʉ̀ li no kəghaf a tì à mù. Mu sə nə̀ʼə̀ nkanuʼ ayì no nànto byìʼàndo fwof mbòŋsə vì fà vəwenə a mbì.
25A ne sə ndiʼ a nlaynə ətʉ̀ʼ, Yesò lù sə jèʼè dyʉ̀ a kwi à mù ədyʉ̀ yen ndzɨ̀mtə̀sə bàm wen. 26Vəwenə nè yèn ando ghə̀ jèʼè vì a kwi à mù. Vəwenə sə diʼ nə̀ fàynə no nànto ə mù sə zɨmə dì gàʼà la “A diʼi mpfʉ nse.”
27No a zhʉ̀ kò Yesò gàʼ à vəwenə la, “Ghə̀ŋ ghaʼa tətyɨm təŋtə! à diʼ mo,kə ghə̀ŋ à fwàyn.”
28Bità mù gàʼ a wen la, “Bobo! a zhʉ a diʼi wù nəmwèʼè, wu gàʼa mà jèʼ a kwi à mù vì yèn wù.”
29Yesò gàʼ la, “vi” Bità fʉ fa tì nkanuʼ yì sə̀ jèʼè dyʉ̀ a mbyɨ̀ Yesò tò a kwi à mù. 30A sə ndiʼ ando ghə̀ nyènə̀ ando fwof nchò nə̀ʼə̀ mu fwàyn vì à wen, ghə̀ zìtə̀ sə shwemə shiʼi a tì à mù. Ghə̀ mù zɨ̀mə dì la, “Bobo, bwòŋsə mo.”
31No a zhʉ̀ kò Yesò naʼsə̀ kəvu ə̀ ghaʼa wen ə̀ bèm à wen la, “Byɨmə wu tyetə no nànto. Byìʼì ghò a wù yì momə̀ mò a?” 32Vəwenə bwènə̀ kwèn a nkanuʼ, no a zhʉ̀ kò fwof yi bwaʼ. 33Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”
Yesò chʉʼ viʼi a ntə̀ʼ Gènesalèt
(Mak 6.53-56)
34Vəwenə tɨm mu ə̀ zaʼa a ntə̀ʼ Gènesalèt, 35viʼi yèn Yesò ə̀ kɨ wen tsu ə̀ tɨm ə̀ shə̀ʼtə̀ a viʼi no vətsèm a tì loʼ ayì la viʼi lyɨ̀ viʼi vəkwaʼkəvə ə̀ vì nə̀ vəwenə a wen no vətsèm. 36Vəwenə sensə wen la ghə̀ ghʉsə viʼi vəkwaʼkəvə vi və nkùmsə̀ tò su ndisə wen. Ghə̀ kye no məndo a ghə̀ nkùmsə̀ su ndisə wen to.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo