Mak 8
8
Yesò zhis viʼi nkamsə səkàʼ
(Mat 15.32-39)
1A sə ndiʼ kətsi kətsenkə tò a mətsì ayì, nòyn ghoʼghə be vì zhùŋtə̀ a mbyɨ̀ Yesò kò kəfo kə ndiʼ vəwenə zhɨ. Ghə̀ mù dzàŋtə̀ ndzɨ̀mtə̀sə bàm wen ə̀ gàʼ à vəwenə la, 2“Mà kusə̀ nshinsə à viʼi venə. Vəwenə tsi li mətsì ntaʼ yo vəwenə luwèn, alì kò kəfo mbè ndiʼ ə vəwenə zhɨ. 3Mà sətsèn gàʼ à vəwenə luwèn la vəwenə bwènə̀ mpfwo dyʉ̀ nə̀ jɨ̀ŋ viʼi vətsenvə à fʉ̀ fəŋkə jɨŋsə a ji byìʼàndo vəwenə vətsenvə lù no fa kəghaf.”
4Ndzɨ̀mtə̀sə bàm wen sə bèm à wen la, “Wìʼ lè zì ghə̀ lyɨ fozhɨvə a və a kwʉʼ fa fe a tì toʼ a shèn ə zhis nki nòyn ghenə tsu a?”
5Yesò bèm à vəwenə la, “Ghə̀ŋ kìʼ təghɨf tə kəbayn tə shyə̀ʼ a fì a? Vəwenə bwènsə̀ la,
“Yès kìʼ təghɨf sòmbo.”
6Ghə̀ gàʼ à nòyn viʼi vi la və ŋwʉʼtə a nse, ghə̀ mù shì təghɨf tə kəbayn tì sòmbo ə̀ kù kəzòŋ à Nyìngòŋ, bwəʼlə kù à ndzɨ̀mtə̀sə bàm wen la vəwenə tomtə dyʉ̀ a shɨ viʼi a vyi. 7Vəwenə bè nkìʼ məshʉ̀tə mə ntsenə̀ tò nshəʼ alə̀. Yesò bè kù kəzòŋ à Nyìngòŋ byìʼì shʉsə ashì mù gàʼ à ndzɨ̀mtə̀sə bàm wen la sə gətə à viʼi a vyi. 8-9Viʼi avenə nkuʼu dyʉ̀ a nkamsə səkàʼ. No məndò zhɨ kwiʼ. Ndzɨ̀mtə̀sə bàm wen sə boŋtə bwəʼ a və mfaŋə̀ və lwin a nkyèsə sòmbo. Yesò mù gàʼ la vəwenə lu mpfwo. 10Vəwenə sə mpfwo, ghə̀ kwen tò a zhʉ ayì a nkànuʼ wenə̀ ndzɨ̀mtə̀sə bàm wen ə̀ dyàŋ dyʉ̀ a shyə loʼ Dalmanuta.
Və Falàsi gàʼ à Yesò la ghə̀ diʼ kəchwitə à vəwenə
(Mat 16.1-4)
11Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ. 12Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”
13Ando ghə̀ ngàʼà a lì, ə̀ ghʉ̀sə vəwenə ə bwènə̀ kwen a nkanuʼ wenə̀ ndzɨ̀mtə̀sə bàm wen ə̀ tɨm a ndzèn mo tsen yì.
Fəshɨ̀ŋ fə Və Falàsi nə̀ fə Helòd fə
(Mat 16.5-12)
14Vəwenə zaʼa a ndzèn ayì mu ndzɨ̀mtə̀sə bàm wen sə lyesə li əlyɨ̀ kəbayn. A ndìʼ tò ghɨfə kəbayn la mùʼ a tì nkànuʼ ayì. 15Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”
16Vəwenə mù sə bèsə̀ kənyʉ̀ ki à vəwenə a ntìntìn gàʼà la, “Ghə̀ gàʼ alə̀ byìʼàndo vəghəŋ ko kiʼ kəbayn.”
17Yesò kɨ kənyʉ̀ a vəwenə mbèsə̀ ə̀ bèm à vəwenə la, “Byìʼì ghò a ghə̀ŋ gàʼà la a dìʼ byìʼàndo ghə̀ŋ ko kiʼ kəbayn a? Kə diʼ la ghə̀ŋ ko təmə̀ kɨ kənyʉ̀ mu? Ghə̀ŋ be ko zì ghə̀ŋ nkwòʼtə̀ nyʉ̀? 18Byìʼì ghò a ghə̀ŋ kiʼì ashɨ ko ghə̀ŋ lə nyenə a? Kiʼ tiʼitiʼi kò andìʼ la və zhʉ a? Ghə̀ŋ ko bè kwòʼtə̀ kənyʉ̀ no a mpfen! 19A ndìʼ ando mà mbyəʼlə, təghɨf tə kəbayn tìtə tətàyn ə zhis viʼi nkamsə sətàyn, ghə̀ŋ mboŋtə byəʼ və lwin a nkyèsə sə shə̀ʼ lì?” Vəwenə gàʼ la,
“A ndiʼi nkyèsə njʉ̀sə̀bò.”
20Yesò bè bèm à vəwenə la, “A mbè ndìʼ ando mà mbyəʼlə̀ tìtə sòmbo ə̀ gə̀tə̀ à viʼi nkamsə səkàʼ, ghə̀ŋ mboŋtə byəʼ vi və lwin a nkyèsə sə shə̀ʼ lì.” Vəwenə gàʼ à wen la,
“A ndiʼi nkyèsə la sòmbo.”
21Yesò mù bèm à vəwenə la,“A lè diʼ la tətof ə təŋtə ko təmə bwènə̀ mvì mu?”
Yesò chʉʼ wù kənshɨ̀f a Betsadà
22Yesò wenə̀ ndzɨ̀mtə̀sə bàm wen nè vì a Betsadà, viʼi vətsenvə vì nə̀ wìʼ à wen mu ghə̀ shɨfə̀li li sə sensə̀ la ghə̀ kum ə wen. 23Yesò ghaʼ kwoŋ wìʼ ayì wenə̀ wen fʉ̀ fa ntə̀ʼ ayì, ghə̀ chʉ mənte à wen a ashɨ mù ghʉ̀ avu wen à wen a kətʉ ə̀ bèm à wen la, “Wu lè zì wù yen kəfo a?”
24Ghə̀ tsòʼsə̀ ashɨ wen ə gàʼ la, “Mà yenə viʼi alì və diʼ to nə̀ nkòʼ a mə jèʼè.”
25Yesò bè ghʉ̀ avu wen a ashɨ wù kənshɨ̀f ayì nò a zhʉ̀ kò ashɨ wen bòʼkə̀ ghə̀ sə bwènsə̀ yenə shi no a nkàyn. 26Yesò gàʼ la ghə̀ bwenə mpfwo a lì la kə ghə̀ be à bwènsə̀ kwèn a ntə̀ʼ yì.
Bità shə̀ʼtə̀ wìʼ a Yesò dìʼi wen
(Mat 16.13-20; Luk 9.18-21)
27Yesò wenə̀ ndzɨ̀mtə̀sə bàm wen sə lù sə dyʉ̀ a ntə̀ʼsə a loʼ Sisalìyà Fìlìbày. Ando vəwenə jèʼè dyʉ̀ a ji ghə̀ bèm à vəwenə la, “Viʼi gàʼà la ma dìʼ ndo?”
28Vəwenə gàʼ à wen la, “Viʼi gàʼà la wù diʼi Joyn wù ku à mù, vətsenvə gàʼà la wù diʼi nshyə̀ʼtə̀ Elijà, vətsenvə gàʼà la wù diʼi nshyə̀ʼtə̀ ghoʼo tsen.”
29Yesò bèm à vəwenə la, “Nkàyntə̀ ghə̀ŋ ə gàʼà la mà dìʼ ndo?” Bità gàʼ à wen la,“Adìʼ wù Klistò.”
30Yesò mù kàyn à vəwenə la kə vəwenə à shə̀ʼtə̀ wìʼ a yi diʼi wen à wìʼ.
Yesò gàʼ byìʼì ngəʼsə wen bènə̀ pfʉ wen
(Mat 16.21-28; Luk 9.22-27)
31Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.” 32Yesò nè gàʼ ə̀ laynsə à vəwenə a lì no a zhʉ̀ kò, Bità gùftə̀ wen a bàm, ə̀ kənkə wen gàʼà la, “Kə ghə̀ be à gàʼ a ji ghèn.” 33Yesò fuʼtə ə̀ ki ndzɨ̀mtə̀sə bàm wen ə̀ kənkə Bità gàʼà la, “Bwènə̀ fà mò a bàm a Satan! Byìʼe Wù ko kiʼì kwòʼtə Nyìngòŋ, wu kwòʼtə̀ to nə̀ wìʼ.”
34Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo, 35byìʼàndo no ndò a mwòmsə̀ ə bwòŋsə̀ ngə̀ŋ kətʉ wen ghə̀ a pfʉ alì mu à pfʉ̀ no ndò byìʼì mò nə̀ ntɨmə jùŋə ghom mu ghə̀ a bwòŋ. 36Wìʼ lè zì ghə̀ se no ghò a zhʉ a ghə̀ sətsèn kiʼi mbi ghèn no tsèm alì lè kəzhwì kəwen a? 37Wìʼ lè zì ghə̀ zen sò kətʉ wen no nə̀ ghò? 38No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”
Currently Selected:
Mak 8: bbkDBLnt
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Mak 8
8
Yesò zhis viʼi nkamsə səkàʼ
(Mat 15.32-39)
1A sə ndiʼ kətsi kətsenkə tò a mətsì ayì, nòyn ghoʼghə be vì zhùŋtə̀ a mbyɨ̀ Yesò kò kəfo kə ndiʼ vəwenə zhɨ. Ghə̀ mù dzàŋtə̀ ndzɨ̀mtə̀sə bàm wen ə̀ gàʼ à vəwenə la, 2“Mà kusə̀ nshinsə à viʼi venə. Vəwenə tsi li mətsì ntaʼ yo vəwenə luwèn, alì kò kəfo mbè ndiʼ ə vəwenə zhɨ. 3Mà sətsèn gàʼ à vəwenə luwèn la vəwenə bwènə̀ mpfwo dyʉ̀ nə̀ jɨ̀ŋ viʼi vətsenvə à fʉ̀ fəŋkə jɨŋsə a ji byìʼàndo vəwenə vətsenvə lù no fa kəghaf.”
4Ndzɨ̀mtə̀sə bàm wen sə bèm à wen la, “Wìʼ lè zì ghə̀ lyɨ fozhɨvə a və a kwʉʼ fa fe a tì toʼ a shèn ə zhis nki nòyn ghenə tsu a?”
5Yesò bèm à vəwenə la, “Ghə̀ŋ kìʼ təghɨf tə kəbayn tə shyə̀ʼ a fì a? Vəwenə bwènsə̀ la,
“Yès kìʼ təghɨf sòmbo.”
6Ghə̀ gàʼ à nòyn viʼi vi la və ŋwʉʼtə a nse, ghə̀ mù shì təghɨf tə kəbayn tì sòmbo ə̀ kù kəzòŋ à Nyìngòŋ, bwəʼlə kù à ndzɨ̀mtə̀sə bàm wen la vəwenə tomtə dyʉ̀ a shɨ viʼi a vyi. 7Vəwenə bè nkìʼ məshʉ̀tə mə ntsenə̀ tò nshəʼ alə̀. Yesò bè kù kəzòŋ à Nyìngòŋ byìʼì shʉsə ashì mù gàʼ à ndzɨ̀mtə̀sə bàm wen la sə gətə à viʼi a vyi. 8-9Viʼi avenə nkuʼu dyʉ̀ a nkamsə səkàʼ. No məndò zhɨ kwiʼ. Ndzɨ̀mtə̀sə bàm wen sə boŋtə bwəʼ a və mfaŋə̀ və lwin a nkyèsə sòmbo. Yesò mù gàʼ la vəwenə lu mpfwo. 10Vəwenə sə mpfwo, ghə̀ kwen tò a zhʉ ayì a nkànuʼ wenə̀ ndzɨ̀mtə̀sə bàm wen ə̀ dyàŋ dyʉ̀ a shyə loʼ Dalmanuta.
Və Falàsi gàʼ à Yesò la ghə̀ diʼ kəchwitə à vəwenə
(Mat 16.1-4)
11Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ. 12Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”
13Ando ghə̀ ngàʼà a lì, ə̀ ghʉ̀sə vəwenə ə bwènə̀ kwen a nkanuʼ wenə̀ ndzɨ̀mtə̀sə bàm wen ə̀ tɨm a ndzèn mo tsen yì.
Fəshɨ̀ŋ fə Və Falàsi nə̀ fə Helòd fə
(Mat 16.5-12)
14Vəwenə zaʼa a ndzèn ayì mu ndzɨ̀mtə̀sə bàm wen sə lyesə li əlyɨ̀ kəbayn. A ndìʼ tò ghɨfə kəbayn la mùʼ a tì nkànuʼ ayì. 15Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”
16Vəwenə mù sə bèsə̀ kənyʉ̀ ki à vəwenə a ntìntìn gàʼà la, “Ghə̀ gàʼ alə̀ byìʼàndo vəghəŋ ko kiʼ kəbayn.”
17Yesò kɨ kənyʉ̀ a vəwenə mbèsə̀ ə̀ bèm à vəwenə la, “Byìʼì ghò a ghə̀ŋ gàʼà la a dìʼ byìʼàndo ghə̀ŋ ko kiʼ kəbayn a? Kə diʼ la ghə̀ŋ ko təmə̀ kɨ kənyʉ̀ mu? Ghə̀ŋ be ko zì ghə̀ŋ nkwòʼtə̀ nyʉ̀? 18Byìʼì ghò a ghə̀ŋ kiʼì ashɨ ko ghə̀ŋ lə nyenə a? Kiʼ tiʼitiʼi kò andìʼ la və zhʉ a? Ghə̀ŋ ko bè kwòʼtə̀ kənyʉ̀ no a mpfen! 19A ndìʼ ando mà mbyəʼlə, təghɨf tə kəbayn tìtə tətàyn ə zhis viʼi nkamsə sətàyn, ghə̀ŋ mboŋtə byəʼ və lwin a nkyèsə sə shə̀ʼ lì?” Vəwenə gàʼ la,
“A ndiʼi nkyèsə njʉ̀sə̀bò.”
20Yesò bè bèm à vəwenə la, “A mbè ndìʼ ando mà mbyəʼlə̀ tìtə sòmbo ə̀ gə̀tə̀ à viʼi nkamsə səkàʼ, ghə̀ŋ mboŋtə byəʼ vi və lwin a nkyèsə sə shə̀ʼ lì.” Vəwenə gàʼ à wen la,
“A ndiʼi nkyèsə la sòmbo.”
21Yesò mù bèm à vəwenə la,“A lè diʼ la tətof ə təŋtə ko təmə bwènə̀ mvì mu?”
Yesò chʉʼ wù kənshɨ̀f a Betsadà
22Yesò wenə̀ ndzɨ̀mtə̀sə bàm wen nè vì a Betsadà, viʼi vətsenvə vì nə̀ wìʼ à wen mu ghə̀ shɨfə̀li li sə sensə̀ la ghə̀ kum ə wen. 23Yesò ghaʼ kwoŋ wìʼ ayì wenə̀ wen fʉ̀ fa ntə̀ʼ ayì, ghə̀ chʉ mənte à wen a ashɨ mù ghʉ̀ avu wen à wen a kətʉ ə̀ bèm à wen la, “Wu lè zì wù yen kəfo a?”
24Ghə̀ tsòʼsə̀ ashɨ wen ə gàʼ la, “Mà yenə viʼi alì və diʼ to nə̀ nkòʼ a mə jèʼè.”
25Yesò bè ghʉ̀ avu wen a ashɨ wù kənshɨ̀f ayì nò a zhʉ̀ kò ashɨ wen bòʼkə̀ ghə̀ sə bwènsə̀ yenə shi no a nkàyn. 26Yesò gàʼ la ghə̀ bwenə mpfwo a lì la kə ghə̀ be à bwènsə̀ kwèn a ntə̀ʼ yì.
Bità shə̀ʼtə̀ wìʼ a Yesò dìʼi wen
(Mat 16.13-20; Luk 9.18-21)
27Yesò wenə̀ ndzɨ̀mtə̀sə bàm wen sə lù sə dyʉ̀ a ntə̀ʼsə a loʼ Sisalìyà Fìlìbày. Ando vəwenə jèʼè dyʉ̀ a ji ghə̀ bèm à vəwenə la, “Viʼi gàʼà la ma dìʼ ndo?”
28Vəwenə gàʼ à wen la, “Viʼi gàʼà la wù diʼi Joyn wù ku à mù, vətsenvə gàʼà la wù diʼi nshyə̀ʼtə̀ Elijà, vətsenvə gàʼà la wù diʼi nshyə̀ʼtə̀ ghoʼo tsen.”
29Yesò bèm à vəwenə la, “Nkàyntə̀ ghə̀ŋ ə gàʼà la mà dìʼ ndo?” Bità gàʼ à wen la,“Adìʼ wù Klistò.”
30Yesò mù kàyn à vəwenə la kə vəwenə à shə̀ʼtə̀ wìʼ a yi diʼi wen à wìʼ.
Yesò gàʼ byìʼì ngəʼsə wen bènə̀ pfʉ wen
(Mat 16.21-28; Luk 9.22-27)
31Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.” 32Yesò nè gàʼ ə̀ laynsə à vəwenə a lì no a zhʉ̀ kò, Bità gùftə̀ wen a bàm, ə̀ kənkə wen gàʼà la, “Kə ghə̀ be à gàʼ a ji ghèn.” 33Yesò fuʼtə ə̀ ki ndzɨ̀mtə̀sə bàm wen ə̀ kənkə Bità gàʼà la, “Bwènə̀ fà mò a bàm a Satan! Byìʼe Wù ko kiʼì kwòʼtə Nyìngòŋ, wu kwòʼtə̀ to nə̀ wìʼ.”
34Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo, 35byìʼàndo no ndò a mwòmsə̀ ə bwòŋsə̀ ngə̀ŋ kətʉ wen ghə̀ a pfʉ alì mu à pfʉ̀ no ndò byìʼì mò nə̀ ntɨmə jùŋə ghom mu ghə̀ a bwòŋ. 36Wìʼ lè zì ghə̀ se no ghò a zhʉ a ghə̀ sətsèn kiʼi mbi ghèn no tsèm alì lè kəzhwì kəwen a? 37Wìʼ lè zì ghə̀ zen sò kətʉ wen no nə̀ ghò? 38No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo