Luka 10
10
Yesu tsu mɛi nyɔŋmai kpawo
1 #
Mar 6.7
Enɛ sɛɛ lɛ, Nuŋtsɔ lɛ famɔ mɛi krokomɛi nyɔŋmai kpawo hu, ni etsu amɛ enyɔnyɔɔnyɔ kɛtsɔ̃ ehiɛ kɛtee maŋ fɛɛ maŋ nɔ kɛ he fɛɛ he ni lɛ diɛŋtsɛ ebaaya lɛ. 2#Yoh 4.35; Mat 9.37, 38 Ni ekɛɛ amɛ akɛ, “Nikpamɔ lɛ fa, shi nitsulɔi lɛ faaa; no hewɔ lɛ, nyɛkpaa nikpamɔ Nuŋtsɔ lɛ fai, koni etsu nitsulɔi kɛba enikpamɔ lɛ mli. 3Nyɛyaa! Naa, miitsu nyɛ tamɔ toobii yɛ klãji ateŋ. 4#Luk 9.3-5; 2 Maŋ 4.29 Nyɛkahiɛa fotro loo kotoku loo tokotai ni nyɛkaŋaa mɔ ko yɛ gbɛ lɛ nɔ. 5Ni shĩa fɛɛ shĩa ni nyɛaabote lɛ, klɛŋklɛŋ lɛ nyɛkɛa akɛ, ‘Hejɔlɛ aba shĩa nɛɛ!’ 6Ni kɛji hejɔlɛ bi ko yɛ jɛi lɛ, nyɛhejɔlɛ lɛ aaahi enɔ; shi kɛjeee nakai lɛ, eeeku esɛɛ eba nyɛŋɔɔ ekoŋŋ. 7#1 Tim 5.18 Ni nyɛhĩa nakai shĩa lɛ mli nɔŋŋ; ni nyɛye ni nyɛnu nii ni amɛaahã nyɛ lɛ, ejaakɛ nitsulɔ lɛ enyɔmɔwoo sa lɛ. Nyɛkajɛa shĩa kɛyaa shĩa. 8Ni maŋ fɛɛ maŋ mli ni nyɛaabote ni amɛahere nyɛ lɛ, nyɛyea nɔ ni akɛaama nyɛhiɛ lɛ; 9ni nyɛtsaa helatsɛmɛi ni yɔɔ mli lɛ, ni nyɛkɛa amɛ akɛ, ‘Nyɔŋmɔ Maŋtsɛyeli lɛ ebɛŋkɛ nyɛ.’ 10Shi maŋ fɛɛ maŋ mli ni nyɛaabote ni amɛhereee nyɛ lɛ, nyɛjea jɛi nyɛyaa eblohui lɛ amli, ni nyɛkɛa akɛ, 11‘Nyɛmaŋ nɛɛŋ mlu tete ni yɔɔ wɔnaji ahe lɛ wɔkpalaa wɔshwieɔ nyɛnɔ nɛɛ; shi kɛ̃lɛ nyɛnaa nyɛlea akɛ Nyɔŋmɔ Maŋtsɛyeli lɛ ebɛŋkɛ nyɛ.’ 12Miikɛɛ nyɛ akɛ, ‘Nakai gbi lɛ nɔ lɛ aaafaŋ Sodom fe nakai maŋ lɛ!’
Maji ni tsakeee amɛtsui lɛ
(Mateo 11.20-24)
13 #
Mat 11.21-23; Yes 23.1-18; Eze 26.1—28.26 “Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, Tiro kɛ Sidon atsu yɛ jikulɛ amɛtara kpekpe kɛ lamlu mli amɛtsake amɛtsui jeeŋmɔ. 14Shi kojomɔ gbi lɛ nɔ lɛ aaafaŋ Tiro kɛ Sidon fe nyɛ! 15Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee!
16 #
Mat 10.40
“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”
Mɛi nyɔŋmai kpawo lɛ asɛɛkuu
17Ni mɛi nyɔŋmai kpawo lɛ ku amɛsɛɛ amɛba kɛ miishɛɛ ni amɛbakɛɛ, “Nuŋtsɔ, mumɔi fɔ̃ji tete baa amɛhe shi amɛhãa wɔ yɛ ogbɛi lɛ hewɔ.” 18#Yoh 12.31; Kpoj 12.8, 9 Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa. 19#Mar 16.18; Lal 91.13 Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko. 20#Ɛks 32.32; Fil 4.3; Kpoj 3.5 Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”
Yesu mli fili lɛ ni ejie Nyɔŋmɔ yi
(Mateo 11.25-27; 13.16-17)
21Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.
22“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.” 23#Mat 13.16, 17 Ni etsɔ̃ ehe ehã ekaselɔi lɛ, ni ekɛɛ amɛ kɔkrɔɔ akɛ, “Ajɔɔ hiŋmɛii ni naa nibii ni nyɛnaa lɛ. 24#1 Pet 1.10 Ejaakɛ miikɛɛ nyɛ akɛ gbalɔi kɛ maŋtsɛmɛi pii tao akɛ amɛna nii ni nyɛnaa nɛɛ, ni amɛyanaaa, ni asaŋ amɛnu nii ni nyɛnuɔ nɛɛ, ni amɛyanuuu.”
Kitã wulu lɛ
(Mateo 22.34-40; Marko 12.28-34)
25 #
Luk 18.18-20
Ni naa, mlatsɔɔlɔ ko te shi damɔ shi, ni eka lɛ ekɛɛ, “Tsɔɔlɔ, mɛni mafee ni mana naanɔ wala?” Yesu bi lɛ akɛ, 26“Mɛni aŋma yɛ Mla lɛ mli lɛ? Te okaneɔ tɛŋŋ?” 27#Deut 6.5; Lev 19.18 Ni eto he ekɛɛ, “Suɔmɔ Nuŋtsɔ oNyɔŋmɔ lɛ, kɛjɛ otsui fɛɛ kɛ osusuma fɛɛ kɛ onyɛmɔ fɛɛ kɛ ojwɛŋmɔ fɛɛ mli, kɛ onaanyo hu tamɔ bɔ ni osumɔɔ bo diɛŋtsɛ ohe.” 28#Lev 18.5; Mat 19.17 Ekɛɛ lɛ akɛ, “Bɔ ni oto he lɛ ja; feemɔ nakai, ni oyi aaana wala.” 29Shi lɛ lɛ, akɛni eetao ehe bem ebu hewɔ lɛ, ebi Yesu akɛ, “Ni namɔ ji minaanyo?”
Samarianyo mɔbɔnalɔ lɛ
30Ni Yesu here nɔ ni ekɛɛ, “Nuu ko yiŋ kɛjɛ Yerusalɛm kɛmiiya Yeriko ni eyagbee ojotswalɔi ateŋ, ni amɛkpɔlɔ ehe atadei ni amɛtswia lɛ nii, ni amɛyiŋ amɛtee, ni amɛshi lɛ ni egbo fã kɛ fã. 31Shi eba mli akɛ osɔfo ko batsɔ̃ nakai gbɛ lɛ nɔ; shi be ni ena lɛ lɛ, egba afã kɛho. 32Ni nakai nɔŋŋ Levinyo ko hu gba afã kɛho, be ni eshɛ jɛi ni ena lɛ lɛ. 33#2 Kron 28.15 Shi Samarianyo ko ni nyiɛ gbɛ lɛ nɔ bashɛ he ni eyɔɔ lɛ, ni be ni ena lɛ lɛ, emusuŋ tsɔ̃ lɛ yɛ ehe, 34ni etee eŋɔɔ ni eyafɔse mu kɛ wain eshwie epilamɔi lɛ anɔ ni efimɔ nɔ, ni esaa ewo lɛ eta lɛ diɛŋtsɛ ekooloo lɛ nɔ ni ekɛ lɛ tee gbɔiatoohe ni eyakwɛ lɛ. 35Ni enɔ jetsɛremɔ be ni eyaa lɛ, ejie denarioi enyɔ ehã gbɔiatoohetsɛ lɛ, ni ekɛɛ lɛ akɛ, ‘Kwɛmɔ lɛ jogbaŋŋ, ni nɔ fɛɛ nɔ ni ooosaa ofite lɛ, kɛ miku misɛɛ miba lɛ mawo bo nyɔmɔ.’ 36Agbɛnɛ, mɛi etɛ̃ nɛɛ ateŋ namɔ osusuɔ akɛ etsɔ̃ mɔ ni gbee ojotswalɔi ateŋ lɛ naanyo?” 37Ni ekɛɛ, “Mɔ ni na lɛ mɔbɔ lɛ ni.” Kɛkɛ ni Yesu kɛɛ lɛ akɛ, “Bo hu yaa ni oyafee nakai nɔŋŋ.”
Marta kɛ Maria
38 #
Yoh 11.1; 12.2, 3 Be ni Yesu kɛ ekaselɔi lɛ nyiɛ gbɛ kɛyaa lɛ eyabote akrowa ko mli. Ni yoo ko ni atsɛɔ lɛ Marta lɛ kpee lɛ kɛtee ewe. 39Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.
40Shi Marta gba ehe naa tuutu yɛ sɔ̃ɔmɔ pii he ni eba Yesu ŋɔɔ ebakɛɛ, “Nuŋtsɔ, ni minyɛmi lɛ eshi mi ni mi kome misɔ̃mɔɔ nɛɛ, jeee ohe sane ko ni lo? No hewɔ lɛ, kɛɛmɔ lɛ ni ebafata mihe.” 41Shi Yesu to he ni ekɛɛ lɛ akɛ, “Marta, Marta! Oogba ohe naa, ni oohao ohe yɛ nibii pii ahe; 42#Mat 6.33 nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”
Currently Selected:
Luka 10: NEGAB
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bible in Ga Language © Bible Society of Ghana, 2020.
Luka 10
10
Yesu tsu mɛi nyɔŋmai kpawo
1 #
Mar 6.7
Enɛ sɛɛ lɛ, Nuŋtsɔ lɛ famɔ mɛi krokomɛi nyɔŋmai kpawo hu, ni etsu amɛ enyɔnyɔɔnyɔ kɛtsɔ̃ ehiɛ kɛtee maŋ fɛɛ maŋ nɔ kɛ he fɛɛ he ni lɛ diɛŋtsɛ ebaaya lɛ. 2#Yoh 4.35; Mat 9.37, 38 Ni ekɛɛ amɛ akɛ, “Nikpamɔ lɛ fa, shi nitsulɔi lɛ faaa; no hewɔ lɛ, nyɛkpaa nikpamɔ Nuŋtsɔ lɛ fai, koni etsu nitsulɔi kɛba enikpamɔ lɛ mli. 3Nyɛyaa! Naa, miitsu nyɛ tamɔ toobii yɛ klãji ateŋ. 4#Luk 9.3-5; 2 Maŋ 4.29 Nyɛkahiɛa fotro loo kotoku loo tokotai ni nyɛkaŋaa mɔ ko yɛ gbɛ lɛ nɔ. 5Ni shĩa fɛɛ shĩa ni nyɛaabote lɛ, klɛŋklɛŋ lɛ nyɛkɛa akɛ, ‘Hejɔlɛ aba shĩa nɛɛ!’ 6Ni kɛji hejɔlɛ bi ko yɛ jɛi lɛ, nyɛhejɔlɛ lɛ aaahi enɔ; shi kɛjeee nakai lɛ, eeeku esɛɛ eba nyɛŋɔɔ ekoŋŋ. 7#1 Tim 5.18 Ni nyɛhĩa nakai shĩa lɛ mli nɔŋŋ; ni nyɛye ni nyɛnu nii ni amɛaahã nyɛ lɛ, ejaakɛ nitsulɔ lɛ enyɔmɔwoo sa lɛ. Nyɛkajɛa shĩa kɛyaa shĩa. 8Ni maŋ fɛɛ maŋ mli ni nyɛaabote ni amɛahere nyɛ lɛ, nyɛyea nɔ ni akɛaama nyɛhiɛ lɛ; 9ni nyɛtsaa helatsɛmɛi ni yɔɔ mli lɛ, ni nyɛkɛa amɛ akɛ, ‘Nyɔŋmɔ Maŋtsɛyeli lɛ ebɛŋkɛ nyɛ.’ 10Shi maŋ fɛɛ maŋ mli ni nyɛaabote ni amɛhereee nyɛ lɛ, nyɛjea jɛi nyɛyaa eblohui lɛ amli, ni nyɛkɛa akɛ, 11‘Nyɛmaŋ nɛɛŋ mlu tete ni yɔɔ wɔnaji ahe lɛ wɔkpalaa wɔshwieɔ nyɛnɔ nɛɛ; shi kɛ̃lɛ nyɛnaa nyɛlea akɛ Nyɔŋmɔ Maŋtsɛyeli lɛ ebɛŋkɛ nyɛ.’ 12Miikɛɛ nyɛ akɛ, ‘Nakai gbi lɛ nɔ lɛ aaafaŋ Sodom fe nakai maŋ lɛ!’
Maji ni tsakeee amɛtsui lɛ
(Mateo 11.20-24)
13 #
Mat 11.21-23; Yes 23.1-18; Eze 26.1—28.26 “Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, Tiro kɛ Sidon atsu yɛ jikulɛ amɛtara kpekpe kɛ lamlu mli amɛtsake amɛtsui jeeŋmɔ. 14Shi kojomɔ gbi lɛ nɔ lɛ aaafaŋ Tiro kɛ Sidon fe nyɛ! 15Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee!
16 #
Mat 10.40
“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”
Mɛi nyɔŋmai kpawo lɛ asɛɛkuu
17Ni mɛi nyɔŋmai kpawo lɛ ku amɛsɛɛ amɛba kɛ miishɛɛ ni amɛbakɛɛ, “Nuŋtsɔ, mumɔi fɔ̃ji tete baa amɛhe shi amɛhãa wɔ yɛ ogbɛi lɛ hewɔ.” 18#Yoh 12.31; Kpoj 12.8, 9 Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa. 19#Mar 16.18; Lal 91.13 Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko. 20#Ɛks 32.32; Fil 4.3; Kpoj 3.5 Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”
Yesu mli fili lɛ ni ejie Nyɔŋmɔ yi
(Mateo 11.25-27; 13.16-17)
21Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.
22“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.” 23#Mat 13.16, 17 Ni etsɔ̃ ehe ehã ekaselɔi lɛ, ni ekɛɛ amɛ kɔkrɔɔ akɛ, “Ajɔɔ hiŋmɛii ni naa nibii ni nyɛnaa lɛ. 24#1 Pet 1.10 Ejaakɛ miikɛɛ nyɛ akɛ gbalɔi kɛ maŋtsɛmɛi pii tao akɛ amɛna nii ni nyɛnaa nɛɛ, ni amɛyanaaa, ni asaŋ amɛnu nii ni nyɛnuɔ nɛɛ, ni amɛyanuuu.”
Kitã wulu lɛ
(Mateo 22.34-40; Marko 12.28-34)
25 #
Luk 18.18-20
Ni naa, mlatsɔɔlɔ ko te shi damɔ shi, ni eka lɛ ekɛɛ, “Tsɔɔlɔ, mɛni mafee ni mana naanɔ wala?” Yesu bi lɛ akɛ, 26“Mɛni aŋma yɛ Mla lɛ mli lɛ? Te okaneɔ tɛŋŋ?” 27#Deut 6.5; Lev 19.18 Ni eto he ekɛɛ, “Suɔmɔ Nuŋtsɔ oNyɔŋmɔ lɛ, kɛjɛ otsui fɛɛ kɛ osusuma fɛɛ kɛ onyɛmɔ fɛɛ kɛ ojwɛŋmɔ fɛɛ mli, kɛ onaanyo hu tamɔ bɔ ni osumɔɔ bo diɛŋtsɛ ohe.” 28#Lev 18.5; Mat 19.17 Ekɛɛ lɛ akɛ, “Bɔ ni oto he lɛ ja; feemɔ nakai, ni oyi aaana wala.” 29Shi lɛ lɛ, akɛni eetao ehe bem ebu hewɔ lɛ, ebi Yesu akɛ, “Ni namɔ ji minaanyo?”
Samarianyo mɔbɔnalɔ lɛ
30Ni Yesu here nɔ ni ekɛɛ, “Nuu ko yiŋ kɛjɛ Yerusalɛm kɛmiiya Yeriko ni eyagbee ojotswalɔi ateŋ, ni amɛkpɔlɔ ehe atadei ni amɛtswia lɛ nii, ni amɛyiŋ amɛtee, ni amɛshi lɛ ni egbo fã kɛ fã. 31Shi eba mli akɛ osɔfo ko batsɔ̃ nakai gbɛ lɛ nɔ; shi be ni ena lɛ lɛ, egba afã kɛho. 32Ni nakai nɔŋŋ Levinyo ko hu gba afã kɛho, be ni eshɛ jɛi ni ena lɛ lɛ. 33#2 Kron 28.15 Shi Samarianyo ko ni nyiɛ gbɛ lɛ nɔ bashɛ he ni eyɔɔ lɛ, ni be ni ena lɛ lɛ, emusuŋ tsɔ̃ lɛ yɛ ehe, 34ni etee eŋɔɔ ni eyafɔse mu kɛ wain eshwie epilamɔi lɛ anɔ ni efimɔ nɔ, ni esaa ewo lɛ eta lɛ diɛŋtsɛ ekooloo lɛ nɔ ni ekɛ lɛ tee gbɔiatoohe ni eyakwɛ lɛ. 35Ni enɔ jetsɛremɔ be ni eyaa lɛ, ejie denarioi enyɔ ehã gbɔiatoohetsɛ lɛ, ni ekɛɛ lɛ akɛ, ‘Kwɛmɔ lɛ jogbaŋŋ, ni nɔ fɛɛ nɔ ni ooosaa ofite lɛ, kɛ miku misɛɛ miba lɛ mawo bo nyɔmɔ.’ 36Agbɛnɛ, mɛi etɛ̃ nɛɛ ateŋ namɔ osusuɔ akɛ etsɔ̃ mɔ ni gbee ojotswalɔi ateŋ lɛ naanyo?” 37Ni ekɛɛ, “Mɔ ni na lɛ mɔbɔ lɛ ni.” Kɛkɛ ni Yesu kɛɛ lɛ akɛ, “Bo hu yaa ni oyafee nakai nɔŋŋ.”
Marta kɛ Maria
38 #
Yoh 11.1; 12.2, 3 Be ni Yesu kɛ ekaselɔi lɛ nyiɛ gbɛ kɛyaa lɛ eyabote akrowa ko mli. Ni yoo ko ni atsɛɔ lɛ Marta lɛ kpee lɛ kɛtee ewe. 39Eyɛ nyɛmi yoo ko ni atsɛɔ lɛ Maria; enyɛmi yoo nɛɛ bata Yesu najianaa ni ebo ewiemɔ toi.
40Shi Marta gba ehe naa tuutu yɛ sɔ̃ɔmɔ pii he ni eba Yesu ŋɔɔ ebakɛɛ, “Nuŋtsɔ, ni minyɛmi lɛ eshi mi ni mi kome misɔ̃mɔɔ nɛɛ, jeee ohe sane ko ni lo? No hewɔ lɛ, kɛɛmɔ lɛ ni ebafata mihe.” 41Shi Yesu to he ni ekɛɛ lɛ akɛ, “Marta, Marta! Oogba ohe naa, ni oohao ohe yɛ nibii pii ahe; 42#Mat 6.33 nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bible in Ga Language © Bible Society of Ghana, 2020.