Luka 24
24
Kũthayũũka kwa Yesũ
(MATHAYO 28.1–10; MALIKO 16.1–8; YOANA 20.1–10)
1Ĩndĩ mũthenya wa mbee wa kyumwa, ũiambĩlĩlya kũkya, mathi mbũanĩ, makuĩte mĩtĩ ĩsu yĩ mũuke mũseo ĩla maseũvĩtye. 2Na meethĩa ĩvia yĩvingilitangĩtw’e kuma mbũanĩ. 3Na mavota nthĩnĩ, na maiaona mwĩĩ wa Mwĩaĩi Yesũ. 4Na kweethĩwa, makĩsũanĩwa nĩ ũu, sisya, aũme elĩ maũngama vakuvĩ nao, mevw’ĩkĩte ngũa ikũtisatisa: 5na aka asu makwatwa nĩ w’ĩa, na makunamĩa nthĩ, makũlw’a, Nĩkĩ mũmũmantha ũla wĩ thayũ katĩ wa ala akw’ũ? 6Nde vaa, nũthayũũkĩte: lilikanai ũndũ wamũtavisye yĩla waĩ Kalilii, 7#Mt 17.22,23.akyasya, Mwana wa mũndũ nde ndĩi ya kũlea kũnenganwe mokonĩ ma ala athe, na kwambwa, na kũthayũũka mũthenya wa katatũ. 8Nao malilikana ndeto syake, 9na masyoka kuma mbũanĩ, na mamatavya ala ĩkũmi na ũmwe, na ala angĩ onthe, maũndũ asu onthe. 10#Lk 8.2,3.Ala mamatavisye atũmwa maũndũ asu nĩ Meli Makatalene, na Yoena, na Meli inyia wa Yakovo, na aka angĩ ala maĩ vamwe nao. 11Na moona ndeto isu ta sya mana; na malea kũsyĩtĩkĩla. 12Ĩndĩ Vetelo ookĩla, asemba athi mbũanĩ; akunama na asisya nthĩnĩ, na oona itambaa sya katane siĩtwe syĩ syoka; na asyoka kwake, aseng’ete ũndũ wa ũndũ ũsu wĩkiwe.
Yesũ ayumĩla nzĩanĩ ya Emau
(MALIKO 16.12–13)
13Na mũthenya o ũsu elĩ moo maendete mũsyĩ wĩtawa Emau, ũla waĩ kũasa na Yelusaleme ta maĩli mũonza na nyunzu. 14Na maneenan’ya ũndũ wa maũndũ asu onthe ala mekĩkĩte. 15#Mt 18.20.Na kweethĩwa, yĩla maneenanasya na kũkũlan’ya, Yesũ mwene athengeea, na aendan’ya nao. 16Ĩndĩ metho moo masiĩĩwa matikamũmanye. 17Na amea, Nĩ maũndũ maũ mũkũneenan’ya mũendete? Na maũngama, matukĩtye mothyũ. 18Na ũmwe, ũla wetawa Kileova, amũsũngĩa, amwĩa, Wĩkalĩte Yelusaleme wĩ weka atĩ ndũmanya maũndũ ala mekĩtwe kw’o mĩthenye ĩno? 19#Mt 21.11.Nake amakũlya, Nĩ maũndũ maũ? Nao mamwĩa, Nĩ maũndũ ma Yesũ Mũnasaleti, ũla ũnaĩ mwathani wĩ vinya wa kwĩka, na wa kũneena mbee wa Ngai na mbee wa andũ onthe: 20na ũndũ athembi anene na asumbĩki maitũ mamũnenganie atw’ĩĩwe kũawa, na mamwamba. 21#Lk 1.68; 2.38; 19.11; Meko 1.6.Ĩndĩ ithyĩ tũneekwetye kana nĩwe ũkovosya Isilaeli. Ĩĩ, na vamwe na ũu w’onthe, ũmũnthĩ nĩ mũthenya wa katatũ kuma maũndũ asu meekwa. 22#Lk 24.1–11.Na ĩngĩ aka amwe ma nguthu yaitũ nĩmatũseng’isye, ala maendie mbũanĩ kĩoko tene; 23na malea kwona mwĩĩ wake, mooka makyasya kana nĩmaumĩlĩlwa nĩ alaĩka, ala mamatavisye e thayũ. 24#Lk 24.12; Yoa 20.3–10.Na amwe ala maĩ vamwe naitũ mathi mbũanĩ, na moona o ũndũ aka maisye: ĩndĩ we mwene mainamwona. 25Nake amea, Inyw’ĩ andũ atumanu, na ene ngoo syĩtĩkĩlaa mbola maũndũ onthe ala maneeniwe nĩ athani! 26Klĩsto ndaaĩlwe nĩ kũnyamaw’a nĩ maũndũ asu, na kũlika ũtheunĩ wake mũtisu? 27#Kũt 18.15; Sav 22.1–21; Isa 53.1–12.Na ambĩlĩlya na Mose na athani onthe, amavuanĩsya maandĩkonĩ onthe maũndũ ala maandĩkiwe ũndũ wake. 28Na mathengeea mũsyĩ ũla meũendaa: nake eeka ta ũnũũvĩta. 29Na mamũingĩĩsya, makyasya, Ĩkala naitũ; nũndũ kũkilĩlye kũtuka, na syũa nĩ ta ĩthũu. Na alika ekale nao. 30#Lk 22.19.Na kweethĩwa, yĩla wailyĩ nao maiya lĩu, oosa kĩmũtũ na akĩathima, na akĩtilanga, na amanenga. 31Na metho moo masalukw’a, na mamũmanya; nake aaa. 32Nao maneenan’ya ene kwa ene, Ngoo sitũ itinew’a muutĩa yĩla ũnũũneenaa naitũ nzĩanĩ, aitũvuanĩsya maandĩko? 33Na mookĩla saa o ũsu, masyoka Yelusaleme, na meethĩa ala ĩkũmi na ũmwe mombanĩte, na ala maĩ vamwe nao, 34#1 Ako 15.4,5.makyasya, Nĩ w’o Mwĩaĩi nũthayũũkie, na nũmumĩlĩle Simoni. 35Na mamatavya maũndũ ma nzĩanĩ, na ũndũ ũmanyĩkie nĩmo yĩla ũnũũtilangaa kĩmũtũ.
Yesũ aimaumĩlĩla amanyĩw’a
(MATHAYO 28.16–20; MALIKO 16.14–18; YOANA 20.19–23; MEKO MA ATŨMWA 1.6–8)
36Na makĩneena maũndũ asu, Yesũ mwene aũngama katĩ woo, na amea, Mũuo nĩwĩthĩwe nenyu. 37#Mt 14.26.Ĩndĩ matw’ika nda na makwatwa nĩ w’ĩa, makĩtalĩthya kana meona veva. 38Na amea, Nĩkĩ mũkũũũya? Na nũndũ wa kĩ mosũanĩo meũkĩla ngoonĩ syenyu? 39Sisyai moko makwa na maũũ makwa, kana ninyie mwene; ngwatangai, mũnzisye; nĩkwĩthĩwa veva ndwĩ nyama na mavĩndĩ, tondũ mũmbona nĩ nasyo. 40Na amina kũneena ũu, amon’ya moko make na maũũ make. 41#Yoa 21.5,10.Nao kavinda kau makĩlea kũĩkĩĩa nũndũ wa ũtanu, na kũseng’a, amea, Mwĩ na kĩndũ kya ũya vaa? 42Na mamũnenga kĩlungu kya ĩkũyũ ĩvĩvye. 43Nake oosa, na aya mene.
44 #
Lk 9.22,45; 18.31–33. Na amea, Ii nĩsyo ndeto syakwa ila namũtavisye yĩla naĩ nenyu, atĩ mũvaka maũndũ onthe meanĩw’e ala maandĩkĩtwe ũndũ wakwa mĩaonĩ ya Mose, na mavukunĩ ma athani, na ĩvukunĩ ya Savuli. 45Na ĩndĩ avindũa ilĩko syoo, nĩ kana mamanye maandĩko; 46#1 Tim 3.16.na amea, Ũu nĩw’o kũandĩkĩtwe, kana Klĩsto akanyamaw’a, na kũthayũũka mũthenya wa katatũ kuma akw’ũni: 47na kana ũalyũlo wa ngoo na kũekewa naĩ kũtavanw’e syĩtwanĩ yake mbaĩnĩ syonthe, kwambĩlĩlya Yelusaleme. 48Nenyu mwĩ ngũsĩ sya maũndũ asu. 49#Yoa 15.26; 16.7; Meko 1.4.Na sisyai, nĩngũmũtũmĩa watho wa Asa wakwa; ĩndĩ ĩkalai ĩ ndũanĩ, mũvaka mũvw’ĩkwe na vinya kuma ĩũlũ.
Kwambata Kwake ĩtunĩ
(MALIKO 16.19–20; MEKO MA ATŨMWA 1.9–11)
50Na amatongoesya kũvika Vethania; na ookĩlya moko make, na amaathima. 51Na kweethĩwa akĩmaathima, ataanĩsya nao, na ambatw’a ĩtunĩ. 52#Yoa 14.28; 16.22.Na mamũthaitha, na masyoka Yelusaleme na ũtanu mũnene: 53na mekalaa ĩkalũnĩ mavinda onthe, makĩmũkatha Ngai.
Currently Selected:
Luka 24: Mbivlia
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956