John 14
14
1Nipea natoqamiu we matmatikotiko; kamiu we nomtup God, tur nomtup mulaŋ inau. 2O nin we tar alo iman Tamak; si gate tamaine, na me vava veta mun kamiu; ape nau we mule si na ge taurmate o vatine mun kamiu. 3Wa si nau we mule we ge taurmate o vatine mun kamiu, pa na te kel mulaŋ ma, wa na te lav kamiu sur nau, si kamiu mulaŋ a toga avea nau we toga aia. 4Wa kamiu we gilala o vatine na we mule aia, wa kamiu we gilala o matesala. 5Naŋ i Thomas ti vet munia wa, Lord, kamam gate gilala ape vatine ko we mule aia, wa kamam te gilala gasei lai o matesala? 6Naŋ i Jesus ti vet munia wa, Inau o matesala, wa o nun, wa o esu; isei gate mule sur o Mama si gate munau. 7Si kam me lolomaran inau, kam me lolomaran mulaŋ o Mama; wa nan ilokenake kam we lolomaran ineia, wa kamiu me sagaragia. 8Naŋ i Philip ti vet munia wa, Lord, ka gaganag lue ma o Mama mun kamam, pa qara sasarita. 9Naŋ i Jesus ti vet munia wa, Na me toga maul tamaike amen kamiu, pa ko gate lolomaran tiqa inau, Philip? isei me sagarag nau, me sagarag o Mama; ko we vava tama avea wa si, Ka gaganag lue ma o Mama mun kamam? 10Ko gate nomtup ape nau alo Mama, wa o Mama alo inau? o vavae ŋaŋ nau we vava mun kamiu na gate vava matapuk, nava o Mama we toga alo inau we ge mon o gagapalag ŋaŋ. 11Tur nomtup nau wasi inau alo Mama wa o Mama alo inau; ta i tagai, tur nomtup nau o manigiu o gagapalag ŋaŋ ilone. 12We nun, we nun, nau we vava mun kamiu wa, Isei qe nomtup nau, ni te ge mona o gagapalag ŋaŋ nau we ge; wa ni te ge o gagapalag ŋaŋ we poa nan iloke ŋaŋ, o manigiu nau we mule sur o Mama. 13Wa o savasava ŋaŋ kam we paere alo sasak na te ge, si o Mama ni ronoga alo Natui. 14Si kam qe paere o sava tea amenau alo sasak, na te ge mok ilone. 15Kam ta tape inau, kamiu te kokor mok o lea vatraŋ ŋaŋ. 16Wa na te paere mun o Mama, wa ni te le at mun kamiu o varue Varagai sin toga galava amen kamiu, 17o Vui nun, o marama gate lavia lai; ape gate sagaragia, wa gate lolomarania. Kamiu we lolomarania, ape ni we toga amen kamiu, wa ni te alo ikamiu.
18Na tete vanovtag kamiu o manua; na we mule ma sur ikamiu. 19Galewora ti o marama tete sagarag mulaŋ inau; nava kamiu we sagarag inau; ape nau we esu, kamiu te esu mulaŋ momiu. 20Alo qoŋ ilone kam te lolomaran ape nau alo Tamak, wa ikamiu alo inau, wa inau alo ikamiu. 21Isei qe taur wa we kokor mok o lea vatraŋ ŋaŋ, ineia iloke we tape inau; wa i Tamak te tape isei we tape inau, wa na te tape ineia, wa te ge ŋaŋalue kel nau munia. 22Naŋ i Judas, gate Iskariot, ti vet munia wa, Lord, o sava me ge veta si ko te ge ŋaŋa lue kelu ko mun kamam apena, wa gate mun o marama? 23Naŋ i Jesus me valuia, ti vet wa, Si o tanun qe tape inau, ni te kokor mok o vavae, wa i Tamak te tape ineia, wa ikara te mule suria, wa te toga amaia. 24Isei qe tete tape inau, ni gate kokor mok o vavae ŋaŋ; wa o vavae kam we roŋotag gate mok, nava mon o Mama i gene me vatraŋ nau ma.
25Na me vava tamaike mun kamiu alo inau qale toga amen kamiu; 26nava i Varagai, o Vui we Roŋo, o Mama te vatraŋia ma alo sasak, ineia te vatogo ikamiu ape gene ŋaŋ, wa ni te ge nomkel kamiu ape gene nol ŋaŋ na me vava veta mun kamiu. 27Na we mapvitag o tamata amen kamiu; nau we la mun kamiu nok o tamata, na gate la mun kamiu tam o marama we la. Nipea natoqamiu we matikotiko, wa nipea gogogolo. 28Kam me roŋotag veta na me vava mun kamiu wa, Nau we va at ti, pa nau we kel ma sur kamiu. Si kam me tape inau, kam me malakalaka ape nau we va at sur o Mama, ape i Tamak we liwoa nan nau. 29Wa ilokenake na me vava mun kamiu alo gate wesu tiqa, si kam te nomtup alo we wesu. 30Na tete vava vaga qoqo mulaŋ mun kamiu; apen i maranaga talo marama iloke we mule ma, pa tagai o sava nanona alo inau. 31Panava si o marama te lolomaran ape nau we tape o Mama, wa tama o Mama me vatraŋ nau, na we ge mok tamaine. Tur tavaraka, nina mule nan o vatike.
Currently Selected:
John 14: MOTA
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament was published by the British and Foreign Bible Society in 1931.
John 14
14
1Nipea natoqamiu we matmatikotiko; kamiu we nomtup God, tur nomtup mulaŋ inau. 2O nin we tar alo iman Tamak; si gate tamaine, na me vava veta mun kamiu; ape nau we mule si na ge taurmate o vatine mun kamiu. 3Wa si nau we mule we ge taurmate o vatine mun kamiu, pa na te kel mulaŋ ma, wa na te lav kamiu sur nau, si kamiu mulaŋ a toga avea nau we toga aia. 4Wa kamiu we gilala o vatine na we mule aia, wa kamiu we gilala o matesala. 5Naŋ i Thomas ti vet munia wa, Lord, kamam gate gilala ape vatine ko we mule aia, wa kamam te gilala gasei lai o matesala? 6Naŋ i Jesus ti vet munia wa, Inau o matesala, wa o nun, wa o esu; isei gate mule sur o Mama si gate munau. 7Si kam me lolomaran inau, kam me lolomaran mulaŋ o Mama; wa nan ilokenake kam we lolomaran ineia, wa kamiu me sagaragia. 8Naŋ i Philip ti vet munia wa, Lord, ka gaganag lue ma o Mama mun kamam, pa qara sasarita. 9Naŋ i Jesus ti vet munia wa, Na me toga maul tamaike amen kamiu, pa ko gate lolomaran tiqa inau, Philip? isei me sagarag nau, me sagarag o Mama; ko we vava tama avea wa si, Ka gaganag lue ma o Mama mun kamam? 10Ko gate nomtup ape nau alo Mama, wa o Mama alo inau? o vavae ŋaŋ nau we vava mun kamiu na gate vava matapuk, nava o Mama we toga alo inau we ge mon o gagapalag ŋaŋ. 11Tur nomtup nau wasi inau alo Mama wa o Mama alo inau; ta i tagai, tur nomtup nau o manigiu o gagapalag ŋaŋ ilone. 12We nun, we nun, nau we vava mun kamiu wa, Isei qe nomtup nau, ni te ge mona o gagapalag ŋaŋ nau we ge; wa ni te ge o gagapalag ŋaŋ we poa nan iloke ŋaŋ, o manigiu nau we mule sur o Mama. 13Wa o savasava ŋaŋ kam we paere alo sasak na te ge, si o Mama ni ronoga alo Natui. 14Si kam qe paere o sava tea amenau alo sasak, na te ge mok ilone. 15Kam ta tape inau, kamiu te kokor mok o lea vatraŋ ŋaŋ. 16Wa na te paere mun o Mama, wa ni te le at mun kamiu o varue Varagai sin toga galava amen kamiu, 17o Vui nun, o marama gate lavia lai; ape gate sagaragia, wa gate lolomarania. Kamiu we lolomarania, ape ni we toga amen kamiu, wa ni te alo ikamiu.
18Na tete vanovtag kamiu o manua; na we mule ma sur ikamiu. 19Galewora ti o marama tete sagarag mulaŋ inau; nava kamiu we sagarag inau; ape nau we esu, kamiu te esu mulaŋ momiu. 20Alo qoŋ ilone kam te lolomaran ape nau alo Tamak, wa ikamiu alo inau, wa inau alo ikamiu. 21Isei qe taur wa we kokor mok o lea vatraŋ ŋaŋ, ineia iloke we tape inau; wa i Tamak te tape isei we tape inau, wa na te tape ineia, wa te ge ŋaŋalue kel nau munia. 22Naŋ i Judas, gate Iskariot, ti vet munia wa, Lord, o sava me ge veta si ko te ge ŋaŋa lue kelu ko mun kamam apena, wa gate mun o marama? 23Naŋ i Jesus me valuia, ti vet wa, Si o tanun qe tape inau, ni te kokor mok o vavae, wa i Tamak te tape ineia, wa ikara te mule suria, wa te toga amaia. 24Isei qe tete tape inau, ni gate kokor mok o vavae ŋaŋ; wa o vavae kam we roŋotag gate mok, nava mon o Mama i gene me vatraŋ nau ma.
25Na me vava tamaike mun kamiu alo inau qale toga amen kamiu; 26nava i Varagai, o Vui we Roŋo, o Mama te vatraŋia ma alo sasak, ineia te vatogo ikamiu ape gene ŋaŋ, wa ni te ge nomkel kamiu ape gene nol ŋaŋ na me vava veta mun kamiu. 27Na we mapvitag o tamata amen kamiu; nau we la mun kamiu nok o tamata, na gate la mun kamiu tam o marama we la. Nipea natoqamiu we matikotiko, wa nipea gogogolo. 28Kam me roŋotag veta na me vava mun kamiu wa, Nau we va at ti, pa nau we kel ma sur kamiu. Si kam me tape inau, kam me malakalaka ape nau we va at sur o Mama, ape i Tamak we liwoa nan nau. 29Wa ilokenake na me vava mun kamiu alo gate wesu tiqa, si kam te nomtup alo we wesu. 30Na tete vava vaga qoqo mulaŋ mun kamiu; apen i maranaga talo marama iloke we mule ma, pa tagai o sava nanona alo inau. 31Panava si o marama te lolomaran ape nau we tape o Mama, wa tama o Mama me vatraŋ nau, na we ge mok tamaine. Tur tavaraka, nina mule nan o vatike.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament was published by the British and Foreign Bible Society in 1931.