Marg 3
3
Jesu poɗɨ ungo dan̰ wɔlɛ gɨ ni dorɨn̰ gɨlale
(Matɨyo 12:9-14; Lug 6:6-11)
1Jesu bɨle jogɨ a duroy ƴaa-daye-di-da-Jubɨn̰əŋ dɨŋ ɗaŋ coŋ ɨni na, ungo gɨ pɨna wo̰ gɨ kobi ma ɨre danage nee. 2Kalaŋ ga ni Parɨsɨn̰a sige cɨndɨge jɛr jɛr cay Jesu solɨn̰ge kɛ, ban na kɨya poɗii dan̰ wɔlɛ gɨ ni dorɨn̰ gɨlale gɨ da Jubɨn̰əŋ ga? Ɗe age na sɨn̰ kɔl cayi. 3Ɨni na, Jesu yen̰ ungo gɨ kobi ma le yeyi hɨn̰: «Sa daa, ɨre ɨr duroyni kɛ.» 4Ɨni na, ban yege hɨn̰: «Kɛ wɔlɛ gɨ ni dorɨn̰ gɨlale le, na wɔlɛ gɨ Kumu gey gɨ na na laan̰gɨŋ hɨnga ga ɗari wala, laan̰gɨŋ hɨnga ga ɨsɨni ga?» Kɛ na wɔlɛ gɨ ni poɗɨn̰ ungo wala, dɨɗɨn̰ ungo ga? Ama kan somge kɨbɨge munduŋ. 5Jesu dor tɨdi solge pɨna pɨna dan̰ kuduroy-hɔmɛ. Homii tɔgɨ kɨya cay kuduroy-osɨwa koge bɨ, ban yen̰ gɨlmi le hɨn̰: «Tara kobɨn̰.» Ungo le tar kobi bɨ, kobi le jɨga poɗɨ. 6Kalaŋ ga ni Parɨsɨn̰a andaŋge doŋ bɨ, kɔl gɨ kɨbɨna kɛ bɨ wayge gusɨge dan̰ kalaŋ ga da Ɛrɔd kɨya wan̰ gɨyəŋ gɨ ni dɨɗɨn̰ Jesu.
Dɨmdɨrdi kalaŋ ɨrgage gusi Jesu
(Matɨyo 4:25; 12:15-16; Lug 6:17-19)
7Jesu dan̰ ka-aye-cay-tɨbayi orge cay gɨba kuray gɨ gumu gɨŋ. Ɨni na, dɨmdɨrdi kalaŋ kobɨge kardɨge. Kan saygage na cay gɨsəŋ ga Galile gaŋ bɨ, Jude gaŋ bɨ, 8cay ƴaa-di-gumu di Jerusalɛm dɨŋ bɨ, a cay gɨsəŋ ga Idume gaŋ bɨ, kardi kuray gɨ Jurdḛ gɨŋ bɨ, cay gɨsəŋ ga Tir gaŋ bɨ, cay gɨsəŋ ga Sido̰ gaŋ bɨ. Dɨmdɨrdi kalaŋ ɨrgage gusii kɨya gɨ kan jege kol hɨnga nɔm ga ban lee le. 9Jesu yen̰ ka-aye-cay-tɨbayi gɨ na ƴɨmage cay tɨbay koburo bii, kɨya gɨ gajanaŋ dɨmdɨrdi kalaŋ na da ɗodɨrdiige. 10Kɨya wa ban lee gɨ ka-hɔmɨn̰ɛ kondɨ poɗɨge, na toy di hɨn̰ wo̰ ma kalaŋ nɔm ga gusɨge leege usgoŋge jɨn̰ gusii kɨya ɨsɨbii. 11Ungo gɨ ani ani gɨ orɨn̰ dan̰ turnɔ ga ɨsɨni na, poy gɨbayi dugo tumoy Jesu kɨɗɨn̰ ga ban solii. Bɨ wɨlalge yen̰ge hɨn̰: «Ji na Kurɨn̰-Kumu.» 12Ama Jesu ay noy bɨge dan̰ dɔnɔ gɨ kan na gɨ lɔɔ gɨ ungo na gɨ solii naŋ pa pa.
Jesu tor ka-gɨye ga mɔjɨ-cayge-sɔɔ
(Matɨyo 10:1-4; Lug 6:12-16)
13Ɨni na, Jesu nay a cay garma gɨŋ bɨ, tee kan ga ban geyge le bɨ, kan ɨrgage gusi. 14Ɨni na, ban tor kan ga mɔjɨ-cayge-sɔɔ [teege ka-gɨre-gɨye] ɗe na somge danayi bɨ, ɗe ay na gɨyge tɔgɛ bɛrnɛ bɨ. 15Ɨni na, ban bɨge dɔnɔ ɗe kan na tan̰ turnɔ ga ɨsɨndəŋ. 16Kan ga mɔjɨ-cayge-sɔɔ ga Jesu torge le ba kɛ: Simo gɨ Jesu si tɨrɨmbalayi na Pɨyɛr bɨ, 17Jag kurɨn̰ Jebede dan̰ kurɨndi Ja̰ gɨ ban si tɨrɨmbalayige naa Bowanɛrjɛs, duroy na «Karɨn̰ ale gɨ da Kumu» le bɨ, 18Andɨre bɨ, Pilib bɨ, Bartelemi bɨ, Matɨyo bɨ, Tomas bɨ, Jag kurɨn̰ Alpe bɨ, Tade bɨ, Simo gɨ teeyige kɨye ba-cay ƴaa gɨ gey dɔrɛ kalaŋ kayi kobi ka-dɔɔ cayge bɨ, 19Judasɨ Isikarɨyɔt ba-aye cay Jesu bɨn̰ ka-baadi le bɨ.
Jesu kandi geyge golii
20Jesu or ƴen̰, ama dɨmdɨrdi kalaŋ dayaŋge nee ƴee, bɨrɨŋ gɨ Jesu dan̰ ka-aye-cay-tɨbayi kalɨn̰ ma waage gɨyəŋ gɨ ni dɨn̰ dɔɔ naŋ. 21Kɨɗɨn̰ ga kandi jege kɔl gɨ nee le na, andaŋge orge kɨya golii, kɨya wa kan yege hɨn̰: «Cayi na wɨya dan̰ durɔ naŋ.»
Jesu bɨ Bɛljebul bɨ
(Matɨyo 12:24-29; Lug 11:15-22)
22Ɨni na, ka-gɨlɨn̰ kalaŋ gasɨn̰-kɔl gɨ da Moyis ga saygage a cay ƴaa-di-gumu di Jerusalɛm le yege hɨn̰: «Na cɨndi, Bɛljebul gɨ na kɨlma gɨ da turnɔn̰əŋ ga ɨsɨndəŋ woy gusii bɨ, na dan̰ gɨyəŋ koyi ma ban tan̰ turnɔn̰əŋ ga ɨsɨndəŋ bɨ.» 23Jesu teege mɨnde gusii bɨ, yege kɔl dan̰ kɨradi hɨn̰: «Sidan gɨ ɓale taye Sidan na mɨna ga?» 24Hɨn̰ gɨ kalaŋ ga a te tɨrɨmbala di pɨna dɨŋ na dɨbɨge kɨmbɨl dan̰ gusɨge na, dɔɔ tɨrɨmbala di nee le kɨya sɔmɛ osɨwa naŋ. 25Hɨn̰ gɨ kalaŋ ga a te baa di pɨna dɨŋ na dɨbge kɨmbɨl dan̰ gusɨge na, te baa di nee le kɨya sɔmɛ osɨwa naŋ. 26Na hɨn̰ wo̰ ma, hɨn̰ gɨ Sidan na dɨbɨ kɨmbɨl dan̰ guso kɔɔ gaŋ na, hɨndi kɨya cudurdoŋ daa, lɔɔ gɨ kɨɗɨn̰ ga hɨndi kɨya somɨn̰ osɨwa kɨya unɔ bɨ, tɔɔ kɨya ayaŋ coŋ bɨ.
27«Ɗe ungo na andaŋ a duroy ƴaa di da bara ba tɔgɨ bɨ, lobɨ hɨnga wɔɔdi orɨn̰, dɨle aye te saɗɨdii dan̰ gangɨ tumɔ pa dɨm le, kɛ gɨ wɔyɛ na mɨna ga? Ban kɨya saɗɨdii pa dɨm ma, ban kɨya andɨn̰ duroy ƴaadi dɨŋ lobɨn̰ hɨnga wɔɔdi orɨn̰ ƴee. 28Aŋ yəgɨŋ daa waŋ na cɨndi: Kumu kɨya ɓale ɗɔɔ kuduroyi jalɨwa cay ɨsɨna nɔm ga kalaŋ leege, ko kan na yagɨdayi naa yagɨde. 29Ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroy jalɨwa cayi naŋ bɨrɨŋ. Ɨsɨna gɨ ƴom cayi gɨ nee le kɨya duroŋ cayi naŋ bɨrɨŋ.» 30Jesu ye kɔl gɨ nee le hɨn̰ wo̰ na kɨya gɨ kan ye hɨn̰: «Ban orɨn̰ dan̰ turnɔ di ɨsɨni.»
Jesu ƴoyi dan̰ karmii
(Matɨyo 12:46-50; Lug 8:19-21)
31Jesu ƴoyi dan̰ karmii ɨrgage ɨrege doŋ bɨ, gɨyge teeyige. 32Dɨmdɨrdi kalaŋ ga somge nɨwriige daa le yeyige hɨn̰: «Sɨla, ƴon̰ dan̰ karmɨn̰ ga ban̰aŋ dan̰ ga [kandɨ] ɨrege doŋ nee, malɨn̰ge.» 33Ban dɨbɨge nee yege hɨn̰: «Na waŋ ma na ƴonɨ bɨ, na ga ani ma na karmɨnɨ bɨ ga?» 34Ɨni na, ban kobɨ kan ga somge kɨwayi ga nɨwriige daa le dan̰ tɨdi bɨ yege hɨn̰: «Na kan ga kɛ le ma na ƴonɨ bɨ, karmɨnɨ bɨ. 35Kɨya wa waŋ waŋ gɨ na laa kuduroy geye gɨ da Kumu na, ban gɨ nee le ma na kurnɨ bɨ, tɨmnɨ bɨ, ƴonɨ bɨ.»
Currently Selected:
Marg 3: gab
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Marg 3
3
Jesu poɗɨ ungo dan̰ wɔlɛ gɨ ni dorɨn̰ gɨlale
(Matɨyo 12:9-14; Lug 6:6-11)
1Jesu bɨle jogɨ a duroy ƴaa-daye-di-da-Jubɨn̰əŋ dɨŋ ɗaŋ coŋ ɨni na, ungo gɨ pɨna wo̰ gɨ kobi ma ɨre danage nee. 2Kalaŋ ga ni Parɨsɨn̰a sige cɨndɨge jɛr jɛr cay Jesu solɨn̰ge kɛ, ban na kɨya poɗii dan̰ wɔlɛ gɨ ni dorɨn̰ gɨlale gɨ da Jubɨn̰əŋ ga? Ɗe age na sɨn̰ kɔl cayi. 3Ɨni na, Jesu yen̰ ungo gɨ kobi ma le yeyi hɨn̰: «Sa daa, ɨre ɨr duroyni kɛ.» 4Ɨni na, ban yege hɨn̰: «Kɛ wɔlɛ gɨ ni dorɨn̰ gɨlale le, na wɔlɛ gɨ Kumu gey gɨ na na laan̰gɨŋ hɨnga ga ɗari wala, laan̰gɨŋ hɨnga ga ɨsɨni ga?» Kɛ na wɔlɛ gɨ ni poɗɨn̰ ungo wala, dɨɗɨn̰ ungo ga? Ama kan somge kɨbɨge munduŋ. 5Jesu dor tɨdi solge pɨna pɨna dan̰ kuduroy-hɔmɛ. Homii tɔgɨ kɨya cay kuduroy-osɨwa koge bɨ, ban yen̰ gɨlmi le hɨn̰: «Tara kobɨn̰.» Ungo le tar kobi bɨ, kobi le jɨga poɗɨ. 6Kalaŋ ga ni Parɨsɨn̰a andaŋge doŋ bɨ, kɔl gɨ kɨbɨna kɛ bɨ wayge gusɨge dan̰ kalaŋ ga da Ɛrɔd kɨya wan̰ gɨyəŋ gɨ ni dɨɗɨn̰ Jesu.
Dɨmdɨrdi kalaŋ ɨrgage gusi Jesu
(Matɨyo 4:25; 12:15-16; Lug 6:17-19)
7Jesu dan̰ ka-aye-cay-tɨbayi orge cay gɨba kuray gɨ gumu gɨŋ. Ɨni na, dɨmdɨrdi kalaŋ kobɨge kardɨge. Kan saygage na cay gɨsəŋ ga Galile gaŋ bɨ, Jude gaŋ bɨ, 8cay ƴaa-di-gumu di Jerusalɛm dɨŋ bɨ, a cay gɨsəŋ ga Idume gaŋ bɨ, kardi kuray gɨ Jurdḛ gɨŋ bɨ, cay gɨsəŋ ga Tir gaŋ bɨ, cay gɨsəŋ ga Sido̰ gaŋ bɨ. Dɨmdɨrdi kalaŋ ɨrgage gusii kɨya gɨ kan jege kol hɨnga nɔm ga ban lee le. 9Jesu yen̰ ka-aye-cay-tɨbayi gɨ na ƴɨmage cay tɨbay koburo bii, kɨya gɨ gajanaŋ dɨmdɨrdi kalaŋ na da ɗodɨrdiige. 10Kɨya wa ban lee gɨ ka-hɔmɨn̰ɛ kondɨ poɗɨge, na toy di hɨn̰ wo̰ ma kalaŋ nɔm ga gusɨge leege usgoŋge jɨn̰ gusii kɨya ɨsɨbii. 11Ungo gɨ ani ani gɨ orɨn̰ dan̰ turnɔ ga ɨsɨni na, poy gɨbayi dugo tumoy Jesu kɨɗɨn̰ ga ban solii. Bɨ wɨlalge yen̰ge hɨn̰: «Ji na Kurɨn̰-Kumu.» 12Ama Jesu ay noy bɨge dan̰ dɔnɔ gɨ kan na gɨ lɔɔ gɨ ungo na gɨ solii naŋ pa pa.
Jesu tor ka-gɨye ga mɔjɨ-cayge-sɔɔ
(Matɨyo 10:1-4; Lug 6:12-16)
13Ɨni na, Jesu nay a cay garma gɨŋ bɨ, tee kan ga ban geyge le bɨ, kan ɨrgage gusi. 14Ɨni na, ban tor kan ga mɔjɨ-cayge-sɔɔ [teege ka-gɨre-gɨye] ɗe na somge danayi bɨ, ɗe ay na gɨyge tɔgɛ bɛrnɛ bɨ. 15Ɨni na, ban bɨge dɔnɔ ɗe kan na tan̰ turnɔ ga ɨsɨndəŋ. 16Kan ga mɔjɨ-cayge-sɔɔ ga Jesu torge le ba kɛ: Simo gɨ Jesu si tɨrɨmbalayi na Pɨyɛr bɨ, 17Jag kurɨn̰ Jebede dan̰ kurɨndi Ja̰ gɨ ban si tɨrɨmbalayige naa Bowanɛrjɛs, duroy na «Karɨn̰ ale gɨ da Kumu» le bɨ, 18Andɨre bɨ, Pilib bɨ, Bartelemi bɨ, Matɨyo bɨ, Tomas bɨ, Jag kurɨn̰ Alpe bɨ, Tade bɨ, Simo gɨ teeyige kɨye ba-cay ƴaa gɨ gey dɔrɛ kalaŋ kayi kobi ka-dɔɔ cayge bɨ, 19Judasɨ Isikarɨyɔt ba-aye cay Jesu bɨn̰ ka-baadi le bɨ.
Jesu kandi geyge golii
20Jesu or ƴen̰, ama dɨmdɨrdi kalaŋ dayaŋge nee ƴee, bɨrɨŋ gɨ Jesu dan̰ ka-aye-cay-tɨbayi kalɨn̰ ma waage gɨyəŋ gɨ ni dɨn̰ dɔɔ naŋ. 21Kɨɗɨn̰ ga kandi jege kɔl gɨ nee le na, andaŋge orge kɨya golii, kɨya wa kan yege hɨn̰: «Cayi na wɨya dan̰ durɔ naŋ.»
Jesu bɨ Bɛljebul bɨ
(Matɨyo 12:24-29; Lug 11:15-22)
22Ɨni na, ka-gɨlɨn̰ kalaŋ gasɨn̰-kɔl gɨ da Moyis ga saygage a cay ƴaa-di-gumu di Jerusalɛm le yege hɨn̰: «Na cɨndi, Bɛljebul gɨ na kɨlma gɨ da turnɔn̰əŋ ga ɨsɨndəŋ woy gusii bɨ, na dan̰ gɨyəŋ koyi ma ban tan̰ turnɔn̰əŋ ga ɨsɨndəŋ bɨ.» 23Jesu teege mɨnde gusii bɨ, yege kɔl dan̰ kɨradi hɨn̰: «Sidan gɨ ɓale taye Sidan na mɨna ga?» 24Hɨn̰ gɨ kalaŋ ga a te tɨrɨmbala di pɨna dɨŋ na dɨbɨge kɨmbɨl dan̰ gusɨge na, dɔɔ tɨrɨmbala di nee le kɨya sɔmɛ osɨwa naŋ. 25Hɨn̰ gɨ kalaŋ ga a te baa di pɨna dɨŋ na dɨbge kɨmbɨl dan̰ gusɨge na, te baa di nee le kɨya sɔmɛ osɨwa naŋ. 26Na hɨn̰ wo̰ ma, hɨn̰ gɨ Sidan na dɨbɨ kɨmbɨl dan̰ guso kɔɔ gaŋ na, hɨndi kɨya cudurdoŋ daa, lɔɔ gɨ kɨɗɨn̰ ga hɨndi kɨya somɨn̰ osɨwa kɨya unɔ bɨ, tɔɔ kɨya ayaŋ coŋ bɨ.
27«Ɗe ungo na andaŋ a duroy ƴaa di da bara ba tɔgɨ bɨ, lobɨ hɨnga wɔɔdi orɨn̰, dɨle aye te saɗɨdii dan̰ gangɨ tumɔ pa dɨm le, kɛ gɨ wɔyɛ na mɨna ga? Ban kɨya saɗɨdii pa dɨm ma, ban kɨya andɨn̰ duroy ƴaadi dɨŋ lobɨn̰ hɨnga wɔɔdi orɨn̰ ƴee. 28Aŋ yəgɨŋ daa waŋ na cɨndi: Kumu kɨya ɓale ɗɔɔ kuduroyi jalɨwa cay ɨsɨna nɔm ga kalaŋ leege, ko kan na yagɨdayi naa yagɨde. 29Ama waŋ waŋ gɨ na yagɨda Turnɔ ɗe-kuduroy-bɛrɛ na, Kumu kɨya ɗɔɔ kuduroy jalɨwa cayi naŋ bɨrɨŋ. Ɨsɨna gɨ ƴom cayi gɨ nee le kɨya duroŋ cayi naŋ bɨrɨŋ.» 30Jesu ye kɔl gɨ nee le hɨn̰ wo̰ na kɨya gɨ kan ye hɨn̰: «Ban orɨn̰ dan̰ turnɔ di ɨsɨni.»
Jesu ƴoyi dan̰ karmii
(Matɨyo 12:46-50; Lug 8:19-21)
31Jesu ƴoyi dan̰ karmii ɨrgage ɨrege doŋ bɨ, gɨyge teeyige. 32Dɨmdɨrdi kalaŋ ga somge nɨwriige daa le yeyige hɨn̰: «Sɨla, ƴon̰ dan̰ karmɨn̰ ga ban̰aŋ dan̰ ga [kandɨ] ɨrege doŋ nee, malɨn̰ge.» 33Ban dɨbɨge nee yege hɨn̰: «Na waŋ ma na ƴonɨ bɨ, na ga ani ma na karmɨnɨ bɨ ga?» 34Ɨni na, ban kobɨ kan ga somge kɨwayi ga nɨwriige daa le dan̰ tɨdi bɨ yege hɨn̰: «Na kan ga kɛ le ma na ƴonɨ bɨ, karmɨnɨ bɨ. 35Kɨya wa waŋ waŋ gɨ na laa kuduroy geye gɨ da Kumu na, ban gɨ nee le ma na kurnɨ bɨ, tɨmnɨ bɨ, ƴonɨ bɨ.»
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.