Marg 9
9
1Jesu yege ɗaŋ coŋ hɨn̰: «Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ba ɨrege kɛ le, kɨya sɔlɛge dɔɔ-ƴaa di da Kumu di kɨya ɨrga dan̰ dɔnɔ le pa dɨm ma kɨya marege ƴee.»
Ka-aye-cay-tɨbayi Jesu solge Jesu duroy asɨn̰a di da Kumu
(Matɨyo 17:1-9; Lug 9:28-36; 1 Pɨyɛr 1:17-18)
2Wɔlɛ jii kardi nee ɨni na, Jesu ay Pɨyɛr bɨ, Ja̰ bɨ, Jag bɨ, orɨn̰ danage a cay garma gɨ sɨngɨɗɨ gɨ pɨna wo̰ gɨŋ kan̰dɨge. Ɨni na, cɨndi bɨle ɗaŋ tumoyge. 3Badɨgedi jɨraŋdaŋ bɨ, bɛdɨrdɛŋ tɨrɨjɨ tɨrɨjɨ gɨ ungo gɨ a cay gɨsəŋ gaŋ gɨ kɨya pɨle badɨgedi ɗe bɛrɛ hɨn̰ wo̰ le unɔ. 4Kɨɗɨn̰di ga nee gaŋ le bɨ ga ma, ka-aye-cay-tɨbayi ga sɨbɨ le solge Eli bɨ, Moyis bɨ, somge arge kɔl dan̰ Jesu. 5Ɨni na, Pɨyɛr say yen̰ Jesu hɨn̰: «Ba-gɨlɨn̰ kalaŋ hɨnga, kuɗa gɨ na somgɨŋ a kɛ. Payanagɨŋ dabaŋ won̰ sɨbɨ, pɨna kon̰ bɨ, pɨna gɨ da Moyis bɨ, pɨna gɨ da Eli bɨ.» 6Ban ye hɨn̰ wo̰ na kɨya gɨ hundɔrɔ leege gɨɗaŋ, lee gɨ kan waage kɔl gɨ ni yɔɔ naŋ. 7Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.» 8Kɔl gɨ kɨbɨna kɛ bɨ, ka-aye-cay-tɨbayi dɨŋdege kɨɗɨn̰ kɨwayge ɨni na, sɨlage ungo gɨ ɗaŋ naŋ, ama na Jesu kan̰di hayi ba ɨre danage. 9Kɨɗɨn̰ ga kan gɨsɨnge cay garma gɨŋ jɨn̰ dugo ɨni na, Jesu ay noyi bɨge gɨ kan na gɨ dɔrɛ kol hɨnga ga kan na sol dan̰ cɨndɨge le bɨn̰ ungo naŋ bɨrɨŋ gɨsɨn̰ gɨ Kurɨn̰-ungo na mara bɨ bɨya lɨbɨ bɨ, pa dɨm. 10Kan beege kɔl a cay te tumoyi di ban ay bɨge le, ama kan ɨngɨrɨn̰ gusɨge kɔl duroyge yen̰ge hɨn̰: «Kɛ kɔl gɨ ban ye gɨ ɗi na kɨya mare bɨ bɔyɛ lɨbe bɨ le kɛ, duroy na wa ga?»
11Ɨni na, ka-aye-cay-tɨbayi ɨngɨriige hɨn̰: «Kɛ na kɨya wa ma ka-gɨlɨn̰ kalaŋ gasɨn̰-kɔl gɨ da Moyis yege gɨ naa wa wa kalɨn̰ ma, Eli na kɨya ɨrga tumɔ pa dɨm le ga?» 12Ban dɨbɨge cay nee hɨn̰: «Na cɨndi, Eli kɨya ɨrga tumɔ pa dɨm, kɨya ɗɔɔ hɨnga nɔm ban̰di nee kɨɗɨn̰dɨge gaŋ. Ama na kɨya wa ma walge duroy Magtubu di da Kumu dɨŋ ojɨn̰ cay Kurɨn̰-ungo gɨ ban na kɨya gɨle-cɨn̰ tɔgɨ bɨ, kalaŋ na gɨ hagɨriige bɨ le ga? 13Ama aŋ yəgɨŋ daa waŋ, Eli le ɨrga ɨni bɨ kalaŋ leeyige hɨnga nɔm ga kuduroyge gey, hɨn̰ gɨ kan ba walge koldi duroy Magtubu di da Kumu dɨŋ ojɨn̰ cayi le.#9:13 Sɨlagɨŋ: Matɨyo 17:11-13.»
Jesu tay turnɔ di ɨsɨni gusi kɨye
(Matɨyo 17:14-21; Lug 9:37-43)
14Jesu bɨ, Pɨyɛr bɨ, Jag bɨ, Ja̰ bɨ, kɨɗɨn̰ ga ɨrgage bugoŋ gusi ka-aye-cay-tɨbayi ga ɗaŋ ɨni na, solge dɨmdɨrdi kalaŋ nɨwɨrege cayge daa bɨ, ka-gɨlɨn̰ kalaŋ gasɨn̰-kɔl gɨ da Moyis ɨrege man̰ge kɔl danage bɨ. 15Kɔl gɨ kɨbɨna kɛ bɨ, kɨɗɨn̰ ga dɨmdɨrdi kalaŋ solge Jesu ɨni na, kan nɔm turnoyige gɨre kayaŋ bɨ gɨrgɨge gusi kɨya looyige lapɨya. 16Ban ɨngɨrge yege hɨn̰: «Kɛ kɨŋ man̰ kɔl danage ojɨn̰ na cay wa ga?» 17Ɨni na, ungo pɨna duroy dɨmdɨrdi kalaŋ le dɨbii cay nee hɨn̰: «Ba-gɨlɨn̰ kalaŋ hɨnga, ɨŋ ɨrgan̰ na dan̰ kuronɨ gusɨn̰. Ban orɨn̰ dan̰ turnɔ gusii lee gɨ ban ya kɔl naŋ.» 18Bɨ kɨɗɨn̰ ga turnɔ le na sayan̰ danayi naa a ani ani kalɨn̰ ma, ayi nayi dugo bɨ, sɨbɨn̰a wadɨldaŋ kɨbi tab tab bɨ, lɔydɛ gasɨndi bɨ, sɨngalde bɨ. Ɨŋ ɨngɨrɨn̰ ka-aye-cay-tɨban̰ ɗe na tayge turnɔ le coŋ, ama togɨyge ɓala naŋ. 19Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ! Kɛ ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ na cay mɨna ma maŋ kɨya dɨbe ɗugonɨ caygɨŋ ga? Ɨren̰gɨŋ danayi bəŋ.» 20Kan ɨrgan̰ge danayi gusii ɨni na, kɔl gɨ kɨbɨna kɛ bɨ kɨɗɨn̰ ga kuroŋ le sol Jesu na, turnɔ le yɨbagdii dan̰ tɔgɔɔ yɨbag yɨbag lee gɨ ban duroŋ baa dugo bɨ, nɨngɨlde bɨ, sɨbɨn̰a wadɨldaŋ kɨbi tab tab bɨ. 21Jesu ɨngɨrɨn̰ kɨye bayi le hɨn̰: «Kɛ hɨnga le ay toyge danayi na wɔlɛ gɨ ani gɨŋ ga?» Ɨni na, kɨye bayi le jɨga dɨbii cay nee yeyi hɨn̰: «Na dan̰ n̰əŋdii hayi. 22Tɨbaa kondɨ turnɔ le laydii boy tɨwa dɨŋ bɨ, boy kaŋ gaŋ bɨ, gɨ ni dɨɗii coŋ. Ama hɨn̰ gɨ ji na ɓala lɔɔ hɨnga pɨna na, sɨla cɨn̰-n̰age toni bɨ, gɨrni nee.» 23Jesu yeyi hɨn̰: «Na kɨya wa ma mɨn̰ yəŋ hɨn̰ gɨ ɨŋ na ɓala lɔɔ le! Ungo gɨ bee kuduroy cay Kumu le ɓal lɔɔ hɨnga nɔm.» 24Kɔl gɨ kɨbɨna kɛ bɨ, kɨye bayi le yeyi hɨn̰: «Ɨŋ bee kuduronɨ cay Kumu, gɨrəŋ daa aye kudurɔ hɨnge wɨye!»
25Kɨɗɨn̰ ga Jesu sol dɨmdɨrdi kalaŋ ga dayaŋge cayi sayge cay kamdɨge bɨ, kalaŋ gɨrgɨge gusi jɨn̰ nee nee ɨni na, ban san̰ dan̰ turnɔ di ɨsɨni bɨ yo hɨn̰: «Me-hɨndi turnɔ ɗe məŋ, ɨŋ ay tumonɨ bɨne andaŋ gusi kuroŋ le coŋ bɨ, jɔgɛ ɨrga gusi naŋ bɨrɨŋ ɨni.» 26Turnɔ le gay gɔsɛ bɨ, yɨbagdii dan̰ tɔgɔɔ yɨbag yɨbag bɨ, andaŋ gusii coŋ. Ɨni na, kuroŋ le woy hɨn̰ gɨ na ma wo̰, lee gɨ kalaŋ kondɨ yege hɨn̰: «Ban ma.» 27Ama Jesu ƴom kobi ayi daa ɨni na, ban say ɨre daa. 28Kɨɗɨn̰ ga Jesu or ɨndi ɨni na, ka-aye-cay-tɨbayi somge danayi kan̰dɨge hage ɨni na, kan ɨngɨriige yege hɨn̰: «Kɛ na kɨya wa ma mani ɓala tɔɔ turnɔ di ɨsɨni le coŋ naŋ ga?» 29Ban dɨbɨge cay nee yege hɨn̰: «Turnɔ ga hɨn̰ wo̰ le kɨya ɓale andaŋ kalɨn̰ wo̰ naŋ, ama na dan̰ ɔlɛ Kumu ƴɔbɨ.»
Jesu jɨga ye kol tɨmaydi ɗaŋ coŋ
(Matɨyo 17:22-23; Lug 9:43-45)
30Jesu dan̰ ka-aye-cay-tɨbayi sayge a kɨɗɨn̰ ga nee gaŋ gan̰ge cay gɨsəŋ ga Galile. Ama Jesu gey gɨ ungo na gɨ sɔlɛ kɨɗɨn̰ ga ɗi na won̰ nee naŋ. 31Kɨya wa ban gɨlɨn̰ ka-aye-cay-tɨbayi kɔl dan̰ kan̰dɨge hage yen̰ hɨn̰: «Baa mɨnde gɨ kan kɨya ƴɔmɛge Kurɨn̰-ungo le dobii kobɨ kalaŋ bɨ, kan kɨya dɨɗiige bɨ. Kɨɗɨn̰ ga kan na dɨɗiige ɨni na, wɔlɛ sɨbɨ kardi nee le, ban kɨya bɔyɛ lɨbe.» 32Ama ka-aye-cay-tɨbayi sɨlage duroy kɔl gɨ nee le naŋ bɨ, hɨndarge ɨngɨrii kɔl bɨ.
Na waŋ ma na gɨ gumu ɗɨn̰ kamdi ga
(Matɨyo 18:1-5; Lug 9:46-48)
33Jesu dan̰ ka-aye-cay-tɨbayi bugoŋge a Kapɛrnɔm. Bɨ kɨɗɨn̰ ga kan bugoŋ ɨndi ɨni na, ban ɨngɨrge hɨn̰: «Tumɔ kɨɗɨn̰ ga kɨŋ ba baan̰ te gɨyəŋ gɨŋ le, kɛ kɨŋ man̰ kɔl ojɨn̰ na cay wa ga?» 34Ama kan sogɨyge sɨndɨŋ, kɨya wa kan man̰ge kɔl te gɨyəŋ gɨŋ yen̰ge hɨn̰: «Kɛ na waŋ ma na gɨ gumu tɔgɨ duroyna ɗɨn̰ kamdi ga?» 35Ɨni na, Jesu som dugo bɨ, te ka-aye-cay-tɨbayi ga mɔjɨ-cayge-sɔɔ bɨ, yege hɨn̰: «Hɨn̰ gɨ ungo na gey bɨləŋ ungo gɨ cay wase tumoy kalaŋ na, kuɗa gɨ ban bɨləŋ ungo gɨ ba kardi kalaŋ nɔm bɨ, marɨna ba-gɨye gɨ da kalaŋ nɔm bɨ.» 36Ɨni na, ban ay kɨye gɨ n̰əŋ sii duroyge bɨ, ƴomii a gasɨbii bɨ, yege hɨn̰: 37«Waŋ waŋ gɨ na ƴɨma kɨye gɨ n̰əŋ gusi hɨn̰ ban gɨ ba kɛ le dan̰ gusonɨ gusii na, ban ƴɔmɔŋ na ɨŋ-bandi gusɨnɨ gusi bɨ. Waŋ waŋ gɨ na ƴɨmaŋ gusii na, ƴɨmaŋ na ɨŋ-bandi naŋ, ama na ban gɨ ba gɨygəŋ gusi ma ban ƴomii gusii bɨ.»
Ungo gɨ kan̰ani naŋ na na danani
(Lug 9:49-50)
38Ja̰ yen̰ Jesu hɨn̰: «Ba-gɨlɨn̰ kalaŋ hɨnga, ni sol gɨlmi gɨ pɨna wo̰ te taye turnɔ ga ɨsɨndəŋ dan̰ gusondɨn̰. Ma mani gey narii coŋ kɨya wa ban kɨba kardɨn̰ danani naŋ.» 39Ama Jesu dɨbii cay nee yeyi hɨn̰: «Nariigɨŋ naŋ, kɨya wa ungo gɨ kɨya lɔɔ hɨnga ga ni beli dan̰ gusonɨ bɨ, kɔl gɨ kɨbɨna kɛ bɨ kɨya bɨle yɔɔ kɔl gɨ ɨsɨni kol canɨ le, unɔ. 40Kɨya wa ungo gɨ na ba-baadɨna naŋ na, na kona. 41Aŋ yəgɨŋ daa waŋ na cɨndi: Waŋ waŋ gɨ na bɨgɨŋ kaŋ ga jali dan̰ ungo di dḛ, kɨya gɨ kɨŋ naa kalaŋ ga da Kɨris na, ban kɨya wɔɔ hɨnga ga ni cay kobi.»
Ɗɔɔ muɗɔlɛ gɨɗaŋ cay gusɨn̰ kɨya cay lɔɔ ɨsɨna
(Matɨyo 18:6-11; Lug 17:1-2)
42Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, na ba boy ɨsɨna gɨŋ na hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayige dɨbii ɗurɔm duroy kuray gɨ gumu taa taa gɨŋ coŋ le, golgo kɨya cayi. 43Hɨn̰ gɨ kobɨn̰ na gey dɨbɨn̰ duroy ɨsɨna gɨŋ na, walayi coŋ. Golgo gɨ ji andaŋ a kɨɗɨn̰ ga sɔmɛ-bɨra gɨ dan̰ cɨndi woy nee gaŋ dan̰ kobɨn̰ gɨ pɨna, ɗɨn̰ gɨ kan na dɨbɨn̰ dan̰ kobɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ. 44[Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ.] 45Hɨn̰ gɨ naa tɨban̰ na ba gey cangɨn̰ danan̰ te gɨyəŋ gɨ ɗari gɨŋ coŋ na, ji walaa coŋ. Golgo andaŋ boy kɨɗɨn̰ ga kalaŋ somɨn̰ge-bɨra dan̰ cɨndɨge nee gaŋ dan̰ tɨban̰ di pɨna, ɗɨn̰ gɨ kan kɨya dɨbɨn̰ dan̰ tɨban̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ. 46[Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ.] 47Hɨn̰ gɨ tɨdɨn̰ na gey cangɨn̰ danan̰ gɨyəŋ gɨ ɗari gɨŋ coŋ na, dɨraa duboo coŋ. Golgo gɨ ji andaŋ a boy dɔɔ-ƴaa di daa Kumu dɨŋ dan̰ tɨdɨn̰ di pɨna, ɗɨn̰ gɨ kan kɨya dɨbɨn̰ dan̰ tɨdɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ le. 48Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ. 49Kɨya wa kan kɨya sugude tɨwa cay kalaŋ nɔm hɨn̰ gɨ kan ba sugudɨn̰ge ɗɔgɔ cay hɨnga gaŋ wo̰.#9:49 Jesu ay kɨradi-kɔl gɨ kɛ le kɨya gɨlɨn̰ na hɨnga ga ni gɨwase ga kɨya lɔɔ gɨ kan ga kobii kɨya arɨn̰age.
50«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»
Currently Selected:
Marg 9: gab
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Marg 9
9
1Jesu yege ɗaŋ coŋ hɨn̰: «Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ba ɨrege kɛ le, kɨya sɔlɛge dɔɔ-ƴaa di da Kumu di kɨya ɨrga dan̰ dɔnɔ le pa dɨm ma kɨya marege ƴee.»
Ka-aye-cay-tɨbayi Jesu solge Jesu duroy asɨn̰a di da Kumu
(Matɨyo 17:1-9; Lug 9:28-36; 1 Pɨyɛr 1:17-18)
2Wɔlɛ jii kardi nee ɨni na, Jesu ay Pɨyɛr bɨ, Ja̰ bɨ, Jag bɨ, orɨn̰ danage a cay garma gɨ sɨngɨɗɨ gɨ pɨna wo̰ gɨŋ kan̰dɨge. Ɨni na, cɨndi bɨle ɗaŋ tumoyge. 3Badɨgedi jɨraŋdaŋ bɨ, bɛdɨrdɛŋ tɨrɨjɨ tɨrɨjɨ gɨ ungo gɨ a cay gɨsəŋ gaŋ gɨ kɨya pɨle badɨgedi ɗe bɛrɛ hɨn̰ wo̰ le unɔ. 4Kɨɗɨn̰di ga nee gaŋ le bɨ ga ma, ka-aye-cay-tɨbayi ga sɨbɨ le solge Eli bɨ, Moyis bɨ, somge arge kɔl dan̰ Jesu. 5Ɨni na, Pɨyɛr say yen̰ Jesu hɨn̰: «Ba-gɨlɨn̰ kalaŋ hɨnga, kuɗa gɨ na somgɨŋ a kɛ. Payanagɨŋ dabaŋ won̰ sɨbɨ, pɨna kon̰ bɨ, pɨna gɨ da Moyis bɨ, pɨna gɨ da Eli bɨ.» 6Ban ye hɨn̰ wo̰ na kɨya gɨ hundɔrɔ leege gɨɗaŋ, lee gɨ kan waage kɔl gɨ ni yɔɔ naŋ. 7Kɨɗɨn̰di ga nee gaŋ le bɨ gɨrɨmbale andaŋ tol cayge bɨ, noy ungo ye kɔl duroy gɨrɨmbale gaŋ le hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, jagɨŋ kɔl koyi.» 8Kɔl gɨ kɨbɨna kɛ bɨ, ka-aye-cay-tɨbayi dɨŋdege kɨɗɨn̰ kɨwayge ɨni na, sɨlage ungo gɨ ɗaŋ naŋ, ama na Jesu kan̰di hayi ba ɨre danage. 9Kɨɗɨn̰ ga kan gɨsɨnge cay garma gɨŋ jɨn̰ dugo ɨni na, Jesu ay noyi bɨge gɨ kan na gɨ dɔrɛ kol hɨnga ga kan na sol dan̰ cɨndɨge le bɨn̰ ungo naŋ bɨrɨŋ gɨsɨn̰ gɨ Kurɨn̰-ungo na mara bɨ bɨya lɨbɨ bɨ, pa dɨm. 10Kan beege kɔl a cay te tumoyi di ban ay bɨge le, ama kan ɨngɨrɨn̰ gusɨge kɔl duroyge yen̰ge hɨn̰: «Kɛ kɔl gɨ ban ye gɨ ɗi na kɨya mare bɨ bɔyɛ lɨbe bɨ le kɛ, duroy na wa ga?»
11Ɨni na, ka-aye-cay-tɨbayi ɨngɨriige hɨn̰: «Kɛ na kɨya wa ma ka-gɨlɨn̰ kalaŋ gasɨn̰-kɔl gɨ da Moyis yege gɨ naa wa wa kalɨn̰ ma, Eli na kɨya ɨrga tumɔ pa dɨm le ga?» 12Ban dɨbɨge cay nee hɨn̰: «Na cɨndi, Eli kɨya ɨrga tumɔ pa dɨm, kɨya ɗɔɔ hɨnga nɔm ban̰di nee kɨɗɨn̰dɨge gaŋ. Ama na kɨya wa ma walge duroy Magtubu di da Kumu dɨŋ ojɨn̰ cay Kurɨn̰-ungo gɨ ban na kɨya gɨle-cɨn̰ tɔgɨ bɨ, kalaŋ na gɨ hagɨriige bɨ le ga? 13Ama aŋ yəgɨŋ daa waŋ, Eli le ɨrga ɨni bɨ kalaŋ leeyige hɨnga nɔm ga kuduroyge gey, hɨn̰ gɨ kan ba walge koldi duroy Magtubu di da Kumu dɨŋ ojɨn̰ cayi le.#9:13 Sɨlagɨŋ: Matɨyo 17:11-13.»
Jesu tay turnɔ di ɨsɨni gusi kɨye
(Matɨyo 17:14-21; Lug 9:37-43)
14Jesu bɨ, Pɨyɛr bɨ, Jag bɨ, Ja̰ bɨ, kɨɗɨn̰ ga ɨrgage bugoŋ gusi ka-aye-cay-tɨbayi ga ɗaŋ ɨni na, solge dɨmdɨrdi kalaŋ nɨwɨrege cayge daa bɨ, ka-gɨlɨn̰ kalaŋ gasɨn̰-kɔl gɨ da Moyis ɨrege man̰ge kɔl danage bɨ. 15Kɔl gɨ kɨbɨna kɛ bɨ, kɨɗɨn̰ ga dɨmdɨrdi kalaŋ solge Jesu ɨni na, kan nɔm turnoyige gɨre kayaŋ bɨ gɨrgɨge gusi kɨya looyige lapɨya. 16Ban ɨngɨrge yege hɨn̰: «Kɛ kɨŋ man̰ kɔl danage ojɨn̰ na cay wa ga?» 17Ɨni na, ungo pɨna duroy dɨmdɨrdi kalaŋ le dɨbii cay nee hɨn̰: «Ba-gɨlɨn̰ kalaŋ hɨnga, ɨŋ ɨrgan̰ na dan̰ kuronɨ gusɨn̰. Ban orɨn̰ dan̰ turnɔ gusii lee gɨ ban ya kɔl naŋ.» 18Bɨ kɨɗɨn̰ ga turnɔ le na sayan̰ danayi naa a ani ani kalɨn̰ ma, ayi nayi dugo bɨ, sɨbɨn̰a wadɨldaŋ kɨbi tab tab bɨ, lɔydɛ gasɨndi bɨ, sɨngalde bɨ. Ɨŋ ɨngɨrɨn̰ ka-aye-cay-tɨban̰ ɗe na tayge turnɔ le coŋ, ama togɨyge ɓala naŋ. 19Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ! Kɛ ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ na cay mɨna ma maŋ kɨya dɨbe ɗugonɨ caygɨŋ ga? Ɨren̰gɨŋ danayi bəŋ.» 20Kan ɨrgan̰ge danayi gusii ɨni na, kɔl gɨ kɨbɨna kɛ bɨ kɨɗɨn̰ ga kuroŋ le sol Jesu na, turnɔ le yɨbagdii dan̰ tɔgɔɔ yɨbag yɨbag lee gɨ ban duroŋ baa dugo bɨ, nɨngɨlde bɨ, sɨbɨn̰a wadɨldaŋ kɨbi tab tab bɨ. 21Jesu ɨngɨrɨn̰ kɨye bayi le hɨn̰: «Kɛ hɨnga le ay toyge danayi na wɔlɛ gɨ ani gɨŋ ga?» Ɨni na, kɨye bayi le jɨga dɨbii cay nee yeyi hɨn̰: «Na dan̰ n̰əŋdii hayi. 22Tɨbaa kondɨ turnɔ le laydii boy tɨwa dɨŋ bɨ, boy kaŋ gaŋ bɨ, gɨ ni dɨɗii coŋ. Ama hɨn̰ gɨ ji na ɓala lɔɔ hɨnga pɨna na, sɨla cɨn̰-n̰age toni bɨ, gɨrni nee.» 23Jesu yeyi hɨn̰: «Na kɨya wa ma mɨn̰ yəŋ hɨn̰ gɨ ɨŋ na ɓala lɔɔ le! Ungo gɨ bee kuduroy cay Kumu le ɓal lɔɔ hɨnga nɔm.» 24Kɔl gɨ kɨbɨna kɛ bɨ, kɨye bayi le yeyi hɨn̰: «Ɨŋ bee kuduronɨ cay Kumu, gɨrəŋ daa aye kudurɔ hɨnge wɨye!»
25Kɨɗɨn̰ ga Jesu sol dɨmdɨrdi kalaŋ ga dayaŋge cayi sayge cay kamdɨge bɨ, kalaŋ gɨrgɨge gusi jɨn̰ nee nee ɨni na, ban san̰ dan̰ turnɔ di ɨsɨni bɨ yo hɨn̰: «Me-hɨndi turnɔ ɗe məŋ, ɨŋ ay tumonɨ bɨne andaŋ gusi kuroŋ le coŋ bɨ, jɔgɛ ɨrga gusi naŋ bɨrɨŋ ɨni.» 26Turnɔ le gay gɔsɛ bɨ, yɨbagdii dan̰ tɔgɔɔ yɨbag yɨbag bɨ, andaŋ gusii coŋ. Ɨni na, kuroŋ le woy hɨn̰ gɨ na ma wo̰, lee gɨ kalaŋ kondɨ yege hɨn̰: «Ban ma.» 27Ama Jesu ƴom kobi ayi daa ɨni na, ban say ɨre daa. 28Kɨɗɨn̰ ga Jesu or ɨndi ɨni na, ka-aye-cay-tɨbayi somge danayi kan̰dɨge hage ɨni na, kan ɨngɨriige yege hɨn̰: «Kɛ na kɨya wa ma mani ɓala tɔɔ turnɔ di ɨsɨni le coŋ naŋ ga?» 29Ban dɨbɨge cay nee yege hɨn̰: «Turnɔ ga hɨn̰ wo̰ le kɨya ɓale andaŋ kalɨn̰ wo̰ naŋ, ama na dan̰ ɔlɛ Kumu ƴɔbɨ.»
Jesu jɨga ye kol tɨmaydi ɗaŋ coŋ
(Matɨyo 17:22-23; Lug 9:43-45)
30Jesu dan̰ ka-aye-cay-tɨbayi sayge a kɨɗɨn̰ ga nee gaŋ gan̰ge cay gɨsəŋ ga Galile. Ama Jesu gey gɨ ungo na gɨ sɔlɛ kɨɗɨn̰ ga ɗi na won̰ nee naŋ. 31Kɨya wa ban gɨlɨn̰ ka-aye-cay-tɨbayi kɔl dan̰ kan̰dɨge hage yen̰ hɨn̰: «Baa mɨnde gɨ kan kɨya ƴɔmɛge Kurɨn̰-ungo le dobii kobɨ kalaŋ bɨ, kan kɨya dɨɗiige bɨ. Kɨɗɨn̰ ga kan na dɨɗiige ɨni na, wɔlɛ sɨbɨ kardi nee le, ban kɨya bɔyɛ lɨbe.» 32Ama ka-aye-cay-tɨbayi sɨlage duroy kɔl gɨ nee le naŋ bɨ, hɨndarge ɨngɨrii kɔl bɨ.
Na waŋ ma na gɨ gumu ɗɨn̰ kamdi ga
(Matɨyo 18:1-5; Lug 9:46-48)
33Jesu dan̰ ka-aye-cay-tɨbayi bugoŋge a Kapɛrnɔm. Bɨ kɨɗɨn̰ ga kan bugoŋ ɨndi ɨni na, ban ɨngɨrge hɨn̰: «Tumɔ kɨɗɨn̰ ga kɨŋ ba baan̰ te gɨyəŋ gɨŋ le, kɛ kɨŋ man̰ kɔl ojɨn̰ na cay wa ga?» 34Ama kan sogɨyge sɨndɨŋ, kɨya wa kan man̰ge kɔl te gɨyəŋ gɨŋ yen̰ge hɨn̰: «Kɛ na waŋ ma na gɨ gumu tɔgɨ duroyna ɗɨn̰ kamdi ga?» 35Ɨni na, Jesu som dugo bɨ, te ka-aye-cay-tɨbayi ga mɔjɨ-cayge-sɔɔ bɨ, yege hɨn̰: «Hɨn̰ gɨ ungo na gey bɨləŋ ungo gɨ cay wase tumoy kalaŋ na, kuɗa gɨ ban bɨləŋ ungo gɨ ba kardi kalaŋ nɔm bɨ, marɨna ba-gɨye gɨ da kalaŋ nɔm bɨ.» 36Ɨni na, ban ay kɨye gɨ n̰əŋ sii duroyge bɨ, ƴomii a gasɨbii bɨ, yege hɨn̰: 37«Waŋ waŋ gɨ na ƴɨma kɨye gɨ n̰əŋ gusi hɨn̰ ban gɨ ba kɛ le dan̰ gusonɨ gusii na, ban ƴɔmɔŋ na ɨŋ-bandi gusɨnɨ gusi bɨ. Waŋ waŋ gɨ na ƴɨmaŋ gusii na, ƴɨmaŋ na ɨŋ-bandi naŋ, ama na ban gɨ ba gɨygəŋ gusi ma ban ƴomii gusii bɨ.»
Ungo gɨ kan̰ani naŋ na na danani
(Lug 9:49-50)
38Ja̰ yen̰ Jesu hɨn̰: «Ba-gɨlɨn̰ kalaŋ hɨnga, ni sol gɨlmi gɨ pɨna wo̰ te taye turnɔ ga ɨsɨndəŋ dan̰ gusondɨn̰. Ma mani gey narii coŋ kɨya wa ban kɨba kardɨn̰ danani naŋ.» 39Ama Jesu dɨbii cay nee yeyi hɨn̰: «Nariigɨŋ naŋ, kɨya wa ungo gɨ kɨya lɔɔ hɨnga ga ni beli dan̰ gusonɨ bɨ, kɔl gɨ kɨbɨna kɛ bɨ kɨya bɨle yɔɔ kɔl gɨ ɨsɨni kol canɨ le, unɔ. 40Kɨya wa ungo gɨ na ba-baadɨna naŋ na, na kona. 41Aŋ yəgɨŋ daa waŋ na cɨndi: Waŋ waŋ gɨ na bɨgɨŋ kaŋ ga jali dan̰ ungo di dḛ, kɨya gɨ kɨŋ naa kalaŋ ga da Kɨris na, ban kɨya wɔɔ hɨnga ga ni cay kobi.»
Ɗɔɔ muɗɔlɛ gɨɗaŋ cay gusɨn̰ kɨya cay lɔɔ ɨsɨna
(Matɨyo 18:6-11; Lug 17:1-2)
42Waŋ waŋ gɨ na laa gɨ kɨye pɨna duroy karɨn̰aŋ ga beege kuduroyge canɨ le, na ba boy ɨsɨna gɨŋ na hɨn̰ gɨ ungo na saɗa garma gɨ gumu kordi ungo gɨ nee le bɨ, kan na ayayige dɨbii ɗurɔm duroy kuray gɨ gumu taa taa gɨŋ coŋ le, golgo kɨya cayi. 43Hɨn̰ gɨ kobɨn̰ na gey dɨbɨn̰ duroy ɨsɨna gɨŋ na, walayi coŋ. Golgo gɨ ji andaŋ a kɨɗɨn̰ ga sɔmɛ-bɨra gɨ dan̰ cɨndi woy nee gaŋ dan̰ kobɨn̰ gɨ pɨna, ɗɨn̰ gɨ kan na dɨbɨn̰ dan̰ kobɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ. 44[Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ.] 45Hɨn̰ gɨ naa tɨban̰ na ba gey cangɨn̰ danan̰ te gɨyəŋ gɨ ɗari gɨŋ coŋ na, ji walaa coŋ. Golgo andaŋ boy kɨɗɨn̰ ga kalaŋ somɨn̰ge-bɨra dan̰ cɨndɨge nee gaŋ dan̰ tɨban̰ di pɨna, ɗɨn̰ gɨ kan kɨya dɨbɨn̰ dan̰ tɨban̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ. 46[Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ.] 47Hɨn̰ gɨ tɨdɨn̰ na gey cangɨn̰ danan̰ gɨyəŋ gɨ ɗari gɨŋ coŋ na, dɨraa duboo coŋ. Golgo gɨ ji andaŋ a boy dɔɔ-ƴaa di daa Kumu dɨŋ dan̰ tɨdɨn̰ di pɨna, ɗɨn̰ gɨ kan kɨya dɨbɨn̰ dan̰ tɨdɨn̰ sɔɗɨmɔŋ boy tɨwa di ƴee dan̰ tumɔɔ di ni gehɛn dɨŋ le. 48Kɨɗɨn̰ ga suboŋn̰əŋ ga diige kuyoŋdi ungo kɨya mare nee naŋ bɨ, tɨwa kɨya bayaŋ nee naŋ bɨ. 49Kɨya wa kan kɨya sugude tɨwa cay kalaŋ nɔm hɨn̰ gɨ kan ba sugudɨn̰ge ɗɔgɔ cay hɨnga gaŋ wo̰.#9:49 Jesu ay kɨradi-kɔl gɨ kɛ le kɨya gɨlɨn̰ na hɨnga ga ni gɨwase ga kɨya lɔɔ gɨ kan ga kobii kɨya arɨn̰age.
50«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.