Улон-вылон 14
14
14-тӥ ЛЮКЕТ
1Та вал Сеннаарлэн Амрафел эксэезлэн улон нуналъёсаз, Елласарлэн Ариох эксэезлэн, Еламлэн Кедорлаомер эксэезлэн, Гоимлэн Фидал эксэезлэн улон нуналъёсазы. 2Соос Содомлэн Бера эксэезлы пумит, Гоморралэн Бирша эксэезлы, Адмалэн Шинав эксэезлы пумит, Севоимлэн Шемевер эксэезлы пумит, Белалэн – Сӥгорлэн – эксэезлы пумит ожмаськыны мынӥзы. 3Сылало зарезь интыысь Сӥддим нёжалын ваньзы огазеяськизы. 4Дас кык ар ӵоже соос Кедорлаомерлэн киулаз ляльчи-медо радын улӥзы, нош дас куинетӥ араз бугырскизы. 5Дас ньылетӥ арын лыктӥз Кедорлаомер но соин ӵош кариськем эксэйёс, соос рефаимъёсты Аштероф-Карнаимын погыртӥзы, зузимъёсты – Гамын, емимъёсты – Шаве-Кириафаимын, 6хоррейёсты – Сеир гурезязы, – луоё кыр дунне вӧзысь Эл-Фаранозь виылыса мынӥзы. 7Отысь берытскем беразы Мишпат, со ик Кадес, ошмес доры вуизы но амалик калыклэсь быдэс шаерзэс куашкатӥзы, озьы ик Хацацон-Фамарын улӥсь аморрей калыкез. 8Соку потӥзы Содомлэн эксэез, Гоморралэн эксэез, Адмалэн эксэез, Севоимлэн эксэез, Белалэн – Сӥгорлэн эксэез; Сӥддим нёжалысен соосын ожмаськыны кутскизы, 9Еламлэн Кедорлаомер эксэеныз, Гоимлэн Фидал эксэеныз, Сеннаарлэн Амрафел эксэеныз, Елласарлэн Ариох эксэеныз: ньыль эксэйёс вить эксэйлы пумит. 10Нош Сӥддим нёжалын трос вал сюй сир (битум) гуос. Содомлэн но Гоморралэн эксэйёссы, бызьыса чигнакузы, со гуосы усьылӥзы; нош кылемез гурезьёсы пегӟизы. 11Вормисьёс Содомлэсь но Гоморралэсь ваньзэ ваньбурзэс басьтӥзы, вань люкам сиён-юонзэс киултӥзы, собере кошкизы. 12Аврамлэн братэзлэсь Содомын улӥсь Лот пизэ сьӧразы нуизы, солэсь ваньбурзэ киултӥзы, собере отысь кошкизы.
13Одӥгез улэп кылем мурт лыктӥз но еврей Аврамлы ивортӥз, соку со аморрей пилэн, Эшколлэн братэзлэн но Анерлэн братэзлэн, Мамрелэн тыпы сурд вӧзаз улэ вал, соос Аврамен тэрыса, огкылысь улӥсь муртъёс вал. 14Аврам кылӥз, солэн ӵыжы-выжыез [Лот] пленэ нуэмын шуыса, соку аслаз ляльчиосыз кие ожмаськон тӥрлык сётъяз – куинь сю дас тямыс муртлы, солэн юртаз вордскемъёслы, собере Дан нимо городозь тушмон сьӧры уйиськыса мынӥз; 15люкылӥськыса уйин со ачиз но, ляльчиосыз но тушмон вылэ урдскизы но погыртӥзы соосты, сьӧразы уйиськыса, Дамасклэн паллян палаз интыяськем Хова дорозь мынӥзы; 16вань талам ваньбурез берыктӥз, ӵыжы-выжызэ Лотэз но ваньбуреныз ӵош, озьы ик кышномуртъёсты, калыкез мозмытыса вайиз.
17Кедорлаомерез но соин ӵош ветлӥсь эксэйёсты погыртыса бертыкуз, та дыре «Эксэй нёжал» шуыса нимаськись Шаве нёжалысен солэн пумитаз Содомлэн эксэез потӥз; 18Салимлэн эксэез Мелхиседек нянен вина поттӥз, – со Вылысь Инмарлэн священникез вал, – 19сое бакель карыса шуиз: «Вылысь Инмар, инлэн но музъемлэн Кузёез Аврамез бакель мед кароз; 20данлыко Вылысь Инмар, тушмонъёстэс тынад киулад Сётӥсь». [Аврам], маиз вал, дасэтӥ люкетсэ солы сётӥз. 21Содомлэн эксэез Аврамлы шуиз: «Адямиосты мыным сёт, нош тушмон киулысь берыктэм ваньбурез аслыд басьты». 22Нош Аврам Содомлэн эксэезлы шуиз: «Киме Вылысь Инмар Кузё-Инмар пала, инлэн но музъемлэн Кузёез пала, ӝутыса кыл сётӥсько: 23сӥньыстэ гинэ но, пыдкутчанэдлэсь езэ но тынэсьтыд уг басьты, берло тон медад шуы: ”Аврамез мон узырмытӥ”; 24басьто сое гинэ, мае ляльчиосы сиыса быдтӥзы, нош монэн ӵош ветлэм Анер, Эшкол но Мамре асьсэлэсь люкетсэс мед басьтозы».
Currently Selected:
Улон-вылон 14: УДМБИБ
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
(c) Библияез берыктонъя Институт, Хельсинки, 2013; 2016
Улон-вылон 14
14
14-тӥ ЛЮКЕТ
1Та вал Сеннаарлэн Амрафел эксэезлэн улон нуналъёсаз, Елласарлэн Ариох эксэезлэн, Еламлэн Кедорлаомер эксэезлэн, Гоимлэн Фидал эксэезлэн улон нуналъёсазы. 2Соос Содомлэн Бера эксэезлы пумит, Гоморралэн Бирша эксэезлы, Адмалэн Шинав эксэезлы пумит, Севоимлэн Шемевер эксэезлы пумит, Белалэн – Сӥгорлэн – эксэезлы пумит ожмаськыны мынӥзы. 3Сылало зарезь интыысь Сӥддим нёжалын ваньзы огазеяськизы. 4Дас кык ар ӵоже соос Кедорлаомерлэн киулаз ляльчи-медо радын улӥзы, нош дас куинетӥ араз бугырскизы. 5Дас ньылетӥ арын лыктӥз Кедорлаомер но соин ӵош кариськем эксэйёс, соос рефаимъёсты Аштероф-Карнаимын погыртӥзы, зузимъёсты – Гамын, емимъёсты – Шаве-Кириафаимын, 6хоррейёсты – Сеир гурезязы, – луоё кыр дунне вӧзысь Эл-Фаранозь виылыса мынӥзы. 7Отысь берытскем беразы Мишпат, со ик Кадес, ошмес доры вуизы но амалик калыклэсь быдэс шаерзэс куашкатӥзы, озьы ик Хацацон-Фамарын улӥсь аморрей калыкез. 8Соку потӥзы Содомлэн эксэез, Гоморралэн эксэез, Адмалэн эксэез, Севоимлэн эксэез, Белалэн – Сӥгорлэн эксэез; Сӥддим нёжалысен соосын ожмаськыны кутскизы, 9Еламлэн Кедорлаомер эксэеныз, Гоимлэн Фидал эксэеныз, Сеннаарлэн Амрафел эксэеныз, Елласарлэн Ариох эксэеныз: ньыль эксэйёс вить эксэйлы пумит. 10Нош Сӥддим нёжалын трос вал сюй сир (битум) гуос. Содомлэн но Гоморралэн эксэйёссы, бызьыса чигнакузы, со гуосы усьылӥзы; нош кылемез гурезьёсы пегӟизы. 11Вормисьёс Содомлэсь но Гоморралэсь ваньзэ ваньбурзэс басьтӥзы, вань люкам сиён-юонзэс киултӥзы, собере кошкизы. 12Аврамлэн братэзлэсь Содомын улӥсь Лот пизэ сьӧразы нуизы, солэсь ваньбурзэ киултӥзы, собере отысь кошкизы.
13Одӥгез улэп кылем мурт лыктӥз но еврей Аврамлы ивортӥз, соку со аморрей пилэн, Эшколлэн братэзлэн но Анерлэн братэзлэн, Мамрелэн тыпы сурд вӧзаз улэ вал, соос Аврамен тэрыса, огкылысь улӥсь муртъёс вал. 14Аврам кылӥз, солэн ӵыжы-выжыез [Лот] пленэ нуэмын шуыса, соку аслаз ляльчиосыз кие ожмаськон тӥрлык сётъяз – куинь сю дас тямыс муртлы, солэн юртаз вордскемъёслы, собере Дан нимо городозь тушмон сьӧры уйиськыса мынӥз; 15люкылӥськыса уйин со ачиз но, ляльчиосыз но тушмон вылэ урдскизы но погыртӥзы соосты, сьӧразы уйиськыса, Дамасклэн паллян палаз интыяськем Хова дорозь мынӥзы; 16вань талам ваньбурез берыктӥз, ӵыжы-выжызэ Лотэз но ваньбуреныз ӵош, озьы ик кышномуртъёсты, калыкез мозмытыса вайиз.
17Кедорлаомерез но соин ӵош ветлӥсь эксэйёсты погыртыса бертыкуз, та дыре «Эксэй нёжал» шуыса нимаськись Шаве нёжалысен солэн пумитаз Содомлэн эксэез потӥз; 18Салимлэн эксэез Мелхиседек нянен вина поттӥз, – со Вылысь Инмарлэн священникез вал, – 19сое бакель карыса шуиз: «Вылысь Инмар, инлэн но музъемлэн Кузёез Аврамез бакель мед кароз; 20данлыко Вылысь Инмар, тушмонъёстэс тынад киулад Сётӥсь». [Аврам], маиз вал, дасэтӥ люкетсэ солы сётӥз. 21Содомлэн эксэез Аврамлы шуиз: «Адямиосты мыным сёт, нош тушмон киулысь берыктэм ваньбурез аслыд басьты». 22Нош Аврам Содомлэн эксэезлы шуиз: «Киме Вылысь Инмар Кузё-Инмар пала, инлэн но музъемлэн Кузёез пала, ӝутыса кыл сётӥсько: 23сӥньыстэ гинэ но, пыдкутчанэдлэсь езэ но тынэсьтыд уг басьты, берло тон медад шуы: ”Аврамез мон узырмытӥ”; 24басьто сое гинэ, мае ляльчиосы сиыса быдтӥзы, нош монэн ӵош ветлэм Анер, Эшкол но Мамре асьсэлэсь люкетсэс мед басьтозы».
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
(c) Библияез берыктонъя Институт, Хельсинки, 2013; 2016