Улон-вылон 9
9
9-тӥ ЛЮКЕТ
1Ноез но солэсь пиоссэ Инмар бакель кариз но соослы шуиз: «Йылэ, трос луэ, музъемез тырмытэ, [сое киулады басьтэ]; 2тӥлесьтыд мед кышкалозы, мед куалекъялозы музъем вылысь вань пӧйшуръёс, [музъем вылысь вань пудо-живот,] музъем вылтӥ вань мынӥсь-ветлӥсьёс, вань ин тылобурдоос, вань зарезь чорыгъёс: соос тӥляд киулады сётэмын; 3вань вырисьёс-ветлӥсьёс – улэп макеос – тӥледлы сиыны сётэмын луозы; вож турынэз кадь ваньзэ тӥледлы сиыны сётӥсько; 4мугорез лулыныз валче, солэн вирыныз валче, эн гинэ сие; 5улондэс возись вирдэс кисьтӥсьёслэсь Мон кылзэс юало, вирдэс кисьтӥз ке, котькыӵе пӧйшурез но вӧсь каро, озьы ик вием муртэзлэн вирыз понна адямилэсь, солэн братэзлэсь, кылзэ юало. 6Кин адямилэсь вирзэ кисьтоз, солэсь вирзэ адямилэн киыз кисьтоз; уго адями Инмарлэн тусэзлы-буезлы укшатыса кылдытэмын; 7нош тӥ йылэ, трос луэ, музъем вылэ вӧлме, тросгес но тросгес луэ».
8Инмар Нойлы но соин огазьын улӥсь пиосызлы шуиз: 9«Тани, Мон тӥледын, тӥляд вордсконо выжыеныды кусып кылдыто, 10тӥледын ӵош улӥсь вань улэп лулоосын но, – тӥ дорысь тылобурдоосын но, пудоосын но, музъем вылысь вань пӧйшуръёсын но – пыжысь вань потэмъёсын, музъем вылысь вань улэп макеосын – кусып кылдыто; 11Мон тӥледын кусып кылдыто: ву нюртон пыр улэп лулъёс азьланяз одӥгтэмак быдтэмын уз луэ ни, музъемез быдтон вылысь азьланяз ву нюртон уз ни луы». 12Инмар [Кузё-Инмар] шуиз: «Асэным тӥ куспын, тӥледын огазьын улӥсь вань улэп лулъёс куспын кылдытэм кусыпелэн таӵе паймымон тодметэз выжыысь выжыосы, ялан но ялан улоз: 13пилемъёс вылэ Аслэсьтым вуюисьме пуктӥсько, со Монэн музъем вискын [пумтэм вапумъёс ӵоже] кусыпез возьматӥсь паймымон тодмет луэ. 14Тазьы луоз: музъем вылэ пилем лэзи ке, пилемын вуюисе возьматскоз; 15соку Мон тодам ваё Асэным но тӥледын, вань улэп лулмугороосын кусып кылдытэмме; азьланяз вань лулмугоръёсты быдтӥсь ву нюртон уз ни луы. 16Вуюисе пилем вылын луоз, Мон сое адӟо но соку тодам ваё Асэным но [музъемен,] музъем вылысь вань улэп лулъёсын пумтэм вапумъёс ӵожелы кылдытэм кусыпме». 17Инмар Нойлы шуиз: «Тани та луоз музъем вылын вань улӥсьёсын кылдытэм кусыпелэн тодметэз».
18Нойлэн пыжысь (ковчегысь) потэм пиосыз: Сӥм, Хам но Иафет. Нош Хам – со Ханаанлэн атаез. 19Таос куиньназы ик Нойлэн пиосыз вал, соос бордысен быдэс музъеме улӥсьёс вӧлмизы.
20Ной музъем ужен вырыны кутскиз, виноградпуд бакчаяз мерттӥз; 21вина юиз но кудӟиз, балаган пушказ гольык куен кыллиз. 22Хам, Ханаанлэн атаез, адӟиз атаезлэсь гольыксэ, потӥз но кык агай-вынъёсызлы та сярысь мадиз. 23Нош Сӥмен Иафет дӥськут басьтӥзы но, пельпум вылазы поныса, мышкынызы мынӥзы но атайзылэсь гольыксэ шобыртӥзы; ымнырынызы мукет пала учкизы, соин ик атайзылэсь гольыксэ ӧз адӟе. 24Ной винаезлэсь сайкиськем бераз тодӥз пичи пиезлэсь солы мар каремзэ, 25Ной шуиз: «Ханаан каргамын, аслаз агайёсызлы ляльчи пӧлысь ляльчи луоз». 26Собере шуиз: «Данлыко Сӥмлэн Инмарез Кузё-Инмар; нош Ханаан солы ляльчи луоз; 27Иафетлэсь выжызэ Инмар паськыт мед вӧлмытоз, Сӥмлэн балаганъёсаз улыны со мед интыяськоз; нош Ханаан солы ляльчи луоз».
28Ву нюртон дугдэм бере Ной куинь сю витьтон ар улӥз. 29Ваньзэ-ӧвӧлзэ Ной укмыс сю витьтон ар улӥз; собере со кулӥз.
Currently Selected:
Улон-вылон 9: УДМБИБ
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
(c) Библияез берыктонъя Институт, Хельсинки, 2013; 2016
Улон-вылон 9
9
9-тӥ ЛЮКЕТ
1Ноез но солэсь пиоссэ Инмар бакель кариз но соослы шуиз: «Йылэ, трос луэ, музъемез тырмытэ, [сое киулады басьтэ]; 2тӥлесьтыд мед кышкалозы, мед куалекъялозы музъем вылысь вань пӧйшуръёс, [музъем вылысь вань пудо-живот,] музъем вылтӥ вань мынӥсь-ветлӥсьёс, вань ин тылобурдоос, вань зарезь чорыгъёс: соос тӥляд киулады сётэмын; 3вань вырисьёс-ветлӥсьёс – улэп макеос – тӥледлы сиыны сётэмын луозы; вож турынэз кадь ваньзэ тӥледлы сиыны сётӥсько; 4мугорез лулыныз валче, солэн вирыныз валче, эн гинэ сие; 5улондэс возись вирдэс кисьтӥсьёслэсь Мон кылзэс юало, вирдэс кисьтӥз ке, котькыӵе пӧйшурез но вӧсь каро, озьы ик вием муртэзлэн вирыз понна адямилэсь, солэн братэзлэсь, кылзэ юало. 6Кин адямилэсь вирзэ кисьтоз, солэсь вирзэ адямилэн киыз кисьтоз; уго адями Инмарлэн тусэзлы-буезлы укшатыса кылдытэмын; 7нош тӥ йылэ, трос луэ, музъем вылэ вӧлме, тросгес но тросгес луэ».
8Инмар Нойлы но соин огазьын улӥсь пиосызлы шуиз: 9«Тани, Мон тӥледын, тӥляд вордсконо выжыеныды кусып кылдыто, 10тӥледын ӵош улӥсь вань улэп лулоосын но, – тӥ дорысь тылобурдоосын но, пудоосын но, музъем вылысь вань пӧйшуръёсын но – пыжысь вань потэмъёсын, музъем вылысь вань улэп макеосын – кусып кылдыто; 11Мон тӥледын кусып кылдыто: ву нюртон пыр улэп лулъёс азьланяз одӥгтэмак быдтэмын уз луэ ни, музъемез быдтон вылысь азьланяз ву нюртон уз ни луы». 12Инмар [Кузё-Инмар] шуиз: «Асэным тӥ куспын, тӥледын огазьын улӥсь вань улэп лулъёс куспын кылдытэм кусыпелэн таӵе паймымон тодметэз выжыысь выжыосы, ялан но ялан улоз: 13пилемъёс вылэ Аслэсьтым вуюисьме пуктӥсько, со Монэн музъем вискын [пумтэм вапумъёс ӵоже] кусыпез возьматӥсь паймымон тодмет луэ. 14Тазьы луоз: музъем вылэ пилем лэзи ке, пилемын вуюисе возьматскоз; 15соку Мон тодам ваё Асэным но тӥледын, вань улэп лулмугороосын кусып кылдытэмме; азьланяз вань лулмугоръёсты быдтӥсь ву нюртон уз ни луы. 16Вуюисе пилем вылын луоз, Мон сое адӟо но соку тодам ваё Асэным но [музъемен,] музъем вылысь вань улэп лулъёсын пумтэм вапумъёс ӵожелы кылдытэм кусыпме». 17Инмар Нойлы шуиз: «Тани та луоз музъем вылын вань улӥсьёсын кылдытэм кусыпелэн тодметэз».
18Нойлэн пыжысь (ковчегысь) потэм пиосыз: Сӥм, Хам но Иафет. Нош Хам – со Ханаанлэн атаез. 19Таос куиньназы ик Нойлэн пиосыз вал, соос бордысен быдэс музъеме улӥсьёс вӧлмизы.
20Ной музъем ужен вырыны кутскиз, виноградпуд бакчаяз мерттӥз; 21вина юиз но кудӟиз, балаган пушказ гольык куен кыллиз. 22Хам, Ханаанлэн атаез, адӟиз атаезлэсь гольыксэ, потӥз но кык агай-вынъёсызлы та сярысь мадиз. 23Нош Сӥмен Иафет дӥськут басьтӥзы но, пельпум вылазы поныса, мышкынызы мынӥзы но атайзылэсь гольыксэ шобыртӥзы; ымнырынызы мукет пала учкизы, соин ик атайзылэсь гольыксэ ӧз адӟе. 24Ной винаезлэсь сайкиськем бераз тодӥз пичи пиезлэсь солы мар каремзэ, 25Ной шуиз: «Ханаан каргамын, аслаз агайёсызлы ляльчи пӧлысь ляльчи луоз». 26Собере шуиз: «Данлыко Сӥмлэн Инмарез Кузё-Инмар; нош Ханаан солы ляльчи луоз; 27Иафетлэсь выжызэ Инмар паськыт мед вӧлмытоз, Сӥмлэн балаганъёсаз улыны со мед интыяськоз; нош Ханаан солы ляльчи луоз».
28Ву нюртон дугдэм бере Ной куинь сю витьтон ар улӥз. 29Ваньзэ-ӧвӧлзэ Ной укмыс сю витьтон ар улӥз; собере со кулӥз.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
(c) Библияез берыктонъя Институт, Хельсинки, 2013; 2016