Matoosa 4
4
C'aafamano kayesuusa
(Mar. 1:12-13; Luk'. 4:1-13)
1Hikkakko abbaabatere Ayyaana k'ulluukki Yesuusa durrisaa goggoc'aafamiro k'alullattokki ul tos aate bee.#Ibr. 2:18; 4:15. 2Hemeen afarttamnna arri afarttam agabuukko abbaabatere uuɂee.#Biy. 34:28; 1 Won. 19:8. 3Kac'aafarekkina Yesuusa tos gabbalamere «Ati ere kawaa golleete hikka eɂemool babo goggolleeroo ajajii» ame.
4Yesuusana, «Ibaaddo hiɂi tawaakko kabiyaaro haafura dubbaa kuwaarre babo kaalaalii lakkogiraro amame mas'aafaa k'ulluukkii s'aafamera» ame abbaabe.#Ada. 8:3.
5Adena durrisa Yesuusa k'ulluutti katamaa Iyyerusaalemi tos aate seetegure k'ulluukki min kawaayi birt'ee aate beegure,#Neh. 11:1; Dan. 9:24.
6«Ati ere kawaa golleete» «hegelddee issii firimi,
luk'aɂootta eɂemooyi goggohanduddufannonkko iso genettisooyi goggokeesinawun erggichchaal ku maraan ajajinara amame mas'aafa k'ulluukkii s'aafamera ame.»#Mez. 91:11-12.
7Yesuusana, abbaabere, «Goottaa Hedokkaa arooc'aafite amame ade mas'aafa k'ulluukkii s'aafamera» ame abbaabe.#Ada. 6:16.
8Adena, durrisa Yesuusa aaloo t'ok'k'i taɂantte wodamii korisegure alamikokki wonolaal kabajjatisoonne wota usuun tusegure, 9«Ati in horee iigudde gilbbisi gosagadde hikka dubba ani kuun sisinnara ame.»
10Yesuusana, «Ati s'alaye in horekko fakkiɂami! ‹Waa Hedokkaawun sagadi; usu kaalaalnna hedoyisa› amame mas'aafa k'ulluukkii s'aafamera» ame.#Ada. 6:13.
11Esekkona durrisa iise seete; erggichchaalnna emeetegure usuun handdaye.
Yesuusa handdaano Galiilaa haggaɂabe
12Yesuusa shaamano kayaannisa maalere ul kagaliila tos abbaabate seete.#Mat. 14:3; Mar. 6:17; Luk'. 3:19-20. 13Tanaazireti katamaa iisegure; Zaabllooninna Nifittaaleemikotti awuraajjaayi tagaliila labu giridii tagitto tak'ifirenaahoomi katamaayi girano haggaɂabe.#Yan. 2:12.
14Hikkaniinna kahegeroo Isiyaasayi haa amameen osegaameran hegero feloo hayeen.
15«Ul kazaabllooninna ul kanifittaaleemi, Yorddaanoskko gama
labu girii kagiro raa dollee kagaliila Ayizaab,
16Mugudii kagire gosa
kaɂatii ifa dee;
Hoos tagoyii kagire ibaaddoonna
ifa bee.»#Isa. 9:1-2.
17Hassu gooratakko haggaɂabere Yesuusa, «Wononnati kadaruuree gabbalamera c'ubbokko gula gala» ame lallabaano haggaɂabe.#Mat. 3:2.
Yesuusa kunɂub kaɂabatare ibaaddo afar uumano
(Mar. 1:16-20; Luk'. 5:1-11)
18Yesuusa tagaliila labu girndde rooraa giraan abbilaal lama P'et'iroosa kaɂamamaro Simoonanne abbikkeessa Indiraasane dee. Kunɂub oɂabatareen mankkoleen maraan maarrabitisoo bekerro lugudataa gireen. 19Yesuusana «Koyeen indebee sesseeyeen» Ibaaddo wononnati kawaa tos goggokeenttanun ani isin yelnnara ame. 20Goorsewa maarrabitisoo iiseengureen usuu debee sesseeteen.
21Esekko goggorooreyi takkalee abbilaal lama ere kazabddoosa Yayik'oobana abbikkeessa Yaannisane dee. Aabbokkisoo Zabddoosane wota wolabo orroo maarrabitisoo ekkaasataa gireen; Yesuusana iso uume; 22Goorsewa iso wolabottisonna Aabbokkisoo iiseen Yesuusa debee sesseeteen.
Yesuusa ibaaddo kamooggan agaalssisanona fayyiisano
(Luk'. 6:17-19)
23Yesuusana Ayihuudikokki min kaɂebii wononnati kawaakokki kageggeloo haafura agaalssisaanna lallabaa; gosa orroo kagiro maamisikki hawɂaamikkona maarii gutii tagitto rakkoo tamooggankko fayyiisaa kagaliila ul dubbaa maraamuraa gire.#Mat. 9:35; Mar. 1:39.#4:23 Mikurabochi, amano ibaaddo takkokukkumaro banɂe golleeto, Ayihuudikokki min kaɂebi Mikuraab amamara. 24Hikkakko kakkeeyi ataankkeessa kasooriya ul dubbaa maalssame; gosana kalekaleekki hawɂaami hawɂaamaa kagirena; maar orrookki hawɂaami kameellanii abboosamaren; durrisa gutii kakkogirena kagaggadduu hawɂaami oɂabanaayen; naafaleessaal dubba usu tos keenen; usuna iso fayyiise. 25Hikkakko kakkeeyi; Galiilakkona, katamaa tomonkko Iyyerusaalemikko, Yihuudakona, laga kayorddaanosi gamakko kaɂemeetera kamooggan ibaaddo Yesuusaa debee sesseete.#4:25 Katamaal tomon, heɂi tagirikkii oɂayeesaranna Ayihuudi kalleenoon gosa raattoo takkogiro banɂe katamaal tomon amamatta. Hikki katamaal gama kahori kakkogiraan ogaliila bekekko mina tabiyaannenna taɂiyaan biyaanneya.
Currently Selected:
Matoosa 4: BayNT
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Word for the World Northern Africa