ลามูลา 4
4
คาอิน บูนอฮ เฮเบน
1กะฆีเตอ_ กีลากี อีตู ญา บือเลฮ บือซามา ฌางัน ฮาวา_ บีนี นะ ญา. กะฆีเตอ_ ฮาวา ญา บือโปรจ_ ดูโดะ เดะ อาปี_ นานะ กีลากี_ ปือนามา จะ_ คาอิน. กะฆีเตอ_ ฮาวา มือเลา จะ_ “กู บือเลฮ#4.1 ปือนามา จะ คาอิน_ ญา ดืองัยํ ซือรูปา กะ ปือมือเลา บาซา ฮีบรู จะ_ “กู บือเลฮ.” นานะ กีลากี_ ซืออูรัก เตอ_ กรานา ตูฮัด บือซัยํ เดะ อาตัซ_ ตูโลก กู.”
2เดะ บลากัก เตอ_ ญา ดูโดะ เดะ อาปี_ นานะ กีลากี ปูลัก_ ฌาดี อาดี เดะ คาอิน_ ปือนามา จะ_ เฮเบน. โซะ เฮเบน เตอ_ ญา ฌาดี ซือมียา ปือบือลา กาเมก_ ตาปี คาอิน_ ญา ฌาดี ซือมียา กรือฌา มือนานัม ปูโฮด.
3อาดา ซืออารี_ คาอิน ญา บาวา อาเมด โกะ บูวัฮ เดะ กือโบด_ มาแรฮ มือญือมัฮ กะ ตูฮัด บือซัยํ เดะ อาตัซ. 4ตาปี เฮเบน เตอ_ ญา อาเมด อานะ กาเมก นู ซูโลก_ เดะ ลูมอฮ กาวัด กาเมก นะ ญา_ บาวา มาแรฮ_ มือญือมัฮ กะ ตูฮัด บือซัยํ เดะ อาตัซ_ ฆือนะ ฌางัน ลือมะ นะ ญา ฌูฆา. กะฆีเตอ_ ตูฮัด บือซัยํ เดะ อาตัซ_ ญา ซูกา ฮาตี กะ เฮเบน_ ฌางัน บารัก มือญือมัฮ นะ ญา. 5ตาปี ตูฮัด ญา เตด ซูกา ฮาตี_ กะ คาอิน_ ฌางัน บารัก มือญือมัฮ นะ ญา. กะฆีเตอ_ คาอิน ญา มูซัยํ โตระ_ มูคา นมดาฮานม. 6ตาปี ตูฮัด บือซัยํ เดะ อาตัซ_ ญา ตาญา คาอิน จะ_ “บูวัจ นามา_ เกา มูซัยํ กะฆีนี? บูวัจ นามา_ มูคา นะ เกา นมดาฮานม? 7ดัฮ เกา บูวัจ บาฌิ_ กู นะ ซาโงะ เกา บาฌิ_ บูกัด เฆอ? ดัฮ เกา บูวัจ ลาฆู นู เตด บาฌิ_ ฌาดี ซือรูปา กะ ดูซา ตือมะ เดะ ปีตู_ บือคานะ นะ ซรือโกะ เกา. ตาปี บรี กะ เกา ฌือนัฮ เดะ ดูซา อีตู เลอ”_ ตูฮัด ญา จะ.
8กะฆีเตอ_ คาอิน บืออาฌะ เฮเบน_ อาดี เดะ ญา_ จะ_ “โฌฮ_ กีตา ปี กะ ปาดัก.” กาลา รอจ กะ ปาดัก ดัฮ_ คาอิน เตอ_ ญา อาเลฮ ปี_ บูนอฮ เฮเบน_ อาดี เดะ ญา.
9กะฆีเตอ_ ตูฮัด บือซัยํ เดะ อาตัซ_ ตาญา คาอิน จะ_ “เฮเบน_ อาดี เดะ เกา_ อาดา ปัจ ดีฮา?”
ตาปี คาอิน เตอ_ ญา ตีกัฮ จะ_ “ตาฮู เลอ. กู บูกัด ซือมียา ฮัจลีฮัจ อาดี เลอ.”
10ตาปี ตูฮัด บือซัยํ เดะ อาตัซ_ ญา มือเลา จะ_ “เกา บูวัจ ลาฆู นามา ดัฮ? ดารัฮ นะ อาดี เดะ เกา_ ตืองัฮ บลาโลก ดาตัก เดะ ตานัฮ_ รอจ กะ กู ดัฮ. 11ตะเดะ อีนี ปี_ เกา นะ กือนา อาโบยํ เดะ ตานัฮ_ นู งางา ซาโมจ ดารัฮ_ นะ อาดี เดะ เกา_ ดาตัก เดะ ตางัน นะ เกา. 12กะฆีเตอ_ กาลา เกา นะ บือกรือฌา บือนัก_ ปาดี นะ ฮอย เตด บือตูโมฮ บูวัฮ บาญะ. เกา นะ ฌาดี ซือมียา ลารี ปี มาแรฮ_ นะ ฌาดี ซือมียา บักซัจ เดะ ดือนียา”_ ตูฮัด ญา จะ.
13ตาปี คาอิน มือเลา ฌางัน ตูฮัด บือซัยํ เดะ อาตัซ จะ_ “นู เกา กรัจ ฮูโกบ กู_ ญา บรัจ โตระ_ ฌู กู นะ ตาฮัด เตด บือเลฮ เลอ. 14ลีฮัจ เลอ_ อารี อีนี_ ตูฮัด โปรฮ กู_ บรี ตรือเบะ เดะ ตือปัจ ตานัฮ_ ปี ดูโดะ บรี ลือปัซ เดะ มูคา นะ ตูฮัด. กู ฆาโดฮ ฌาดี ซือมียา ลารี ปี มาแรฮ_ ฌาดี ซือมียา บักซัจ เดะ ดือนียา. ซือมียา ดีฮา นู ดาปัจ กู_ นะ บูนอฮ กู” ญา จะ.
15ตาปี ตูฮัด บือซัยํ เดะ อาตัซ_ ญา มือเลา ฌางัน คาอิน จะ_ “บูกัด กะฆีเตอ. ดัฮ ซือมียา ดีฮา บูนอฮ คาอิน เตอ_ ซือมียา อีตู_ ญา นะ กือนา ฮูโกบ_ รอจ กะ ตูโฌฮ กาลี ดัฮ” ตูฮัด ญา จะ.
กะฆีเตอ_ ตูฮัด บือซัยํ เดะ อาตัซ บูวัจ ปือนานา_ เดะ ญาวา นะ คาอิน_ บีดา จะ_ ราตา ซือมียา นู ดาปัจ ญา_ นะ เตด บือเลฮ บูนอฮ ญา. 16กะฆีเตอ_ คาอิน ญา ตรือเบะ ปี_ ลือปัซ เดะ มูคา นะ ตูฮัด บือซัยํ เดะ อาตัซ. ญา ปี ดูโดะ เดะ นังฆรี โนด#4.16 นังฆรี โนด ฌาดี จะ_ นังฆรี บักซัจ._ เดะ โซะ ตีมอยํ เดะ กือโบด เอเดน.
ลูมอฮ บือแนฮ นะ คาอิน
17คาอิน ญา บือเลฮ บือซามา ฌางัน บีนี นะ ญา_ บีนี อีตู บือโปรจ_ ดูโดะ เดะ อาปี_ นานะ กีลากี_ ปือนามา เอโนก. คาอิน เตอ_ ญา บูวัจ ฌาดี ตูโปะ_ ซา ตูโปะ_ ตืองะ ปือนามา ตูโปะ อีตู จะ_ เอโนก_ ตูโรจ กะ ปือนามา นะ นานะ ญา. 18เอโนก อาดา นานะ กีลากี_ ปือนามา จะ อีรัด. อีรัด อาดา นานะ กีลากี_ ปือนามา จะ มือฮูยาเอน. มือฮูยาเอน อาดา นานะ กีลากี_ ปือนามา จะ มือทูซาเอน. มือทูซาเอน อาดา นานะ กีลากี_ ปือนามา จะ ลาเมก.
19โซะ ลาเมก เตอ_ บือเลฮ บีนี ดูวา อูรัก_ ซา อูรัก ปือนามา จะ_ อาดัฮ_ ซา อูรัก ปูลัก ปือนามา จะ_ ซีลา. 20อาดัฮ อาดา นานะ กีลากี_ ปือนามา จะ ยาบัน. ญา ฌาดี บีลาแก นะ ลูมอฮ ซือมียา_ นู ดูโดะ เดะ รูมัฮ กาฌัก กาเยด_ ปือบือลา บือนาตัก. 21อาดี เดะ ญา_ ปือนามา จะ ยูบัน. ยูบัน ฌาดี บีลาแก นะ ลูมอฮ ซือมียา ซือมูฮา_ นู ปานัย อูซิ กลาติก_ ตีโยะ ซือลูนัย. 22ซีลา ฌูฆา_ อาดา นานะ กีลากี_ ปือนามา จะ ทูบันคาอิน. ญา ฌาดี ตูกัก_ บูวัจ ซือบารัก ตือมาฆา มีรัฮ_ ซือบารัก บือซี. ญา อาดา อาดี นีบีนี_ ปือนามา จะ นาอามา.
23ลาเมก มือเลา ฌางัน บีนี ดูวา อูรัก จะ_
“อาดัฮ เออ_ ซีลา เออ_ มือนีงัย กะ ซือวารา นะ กู เลอ.
บีนี นะ ลาเมก เออ_ มือนีงัย เลอ_ กะ ปือมือเลา นะ กู.
ซาเบะ กู บูนอฮ กีลากี ซืออูรัก ดัฮ_ นู บูวัจ บรี กู ซาเกะ.
อูรัก มูดา ซืออูรัก_ นู กาเตาะ กู.
24ดัฮ ซาปา กาเตาะ คาอิน_ ญา นะ กือนา กาเตาะ บาลัซ ปาเระ ตูโฌฮ กาลี ดัฮ.
ดัฮ ซาปา กาเตาะ ลาเมก_ ญา นะ กือนา กาเตาะ บาลัซ ปาเระ
รอจ กะ ตูโฌฮ ปูโลฮ ตูโฌฮ (77) กาลี เลอ”_ ญา จะ.
อาดับ อาดา นานะ อาซิก
25กะฆีเตอ_ อาดับ ญา บือซามา ฌางัน บีนี นะ ญา ปูลัก. กะฆีเตอ_ ฮาวา ญา ดูโดะ เดะ อาปี_ นานะ กีลากี. ญา ตืองะ ปือนามา นะ ญา จะ_ เซด.#4.25 ปือนามา “เซด”_ ฌาดี จะ_ “นู บรี ดัฮ.” กรานา_ “ตูฮัด เดะ อาตัซ บรี กู อาดา บือแนฮ ซืออูรัก ปูลัก_ ฆาตี เฮเบน_ กรานา คาอิน บูนอฮ เฮเบน ดัฮ.”
26กะฆีเตอ_ เซด โปด_ อาดา นานะ กีลากี ซืออูรัก_ ตืองะ ปือนามา นะ ญา จะ_ เอโนด. ตะเดะ อีตู มาแรฮ_ โกะ ลูมอฮ ซือมียา ฮืนตะ นะ มือญือมัฮ_ ตรือเบะ ปือนามา นะ ตูฮัด บือซัยํ เดะ อาตัซ.
Currently Selected:
ลามูลา 4: ULBIBLE
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ลามูลา 4
4
คาอิน บูนอฮ เฮเบน
1กะฆีเตอ_ กีลากี อีตู ญา บือเลฮ บือซามา ฌางัน ฮาวา_ บีนี นะ ญา. กะฆีเตอ_ ฮาวา ญา บือโปรจ_ ดูโดะ เดะ อาปี_ นานะ กีลากี_ ปือนามา จะ_ คาอิน. กะฆีเตอ_ ฮาวา มือเลา จะ_ “กู บือเลฮ#4.1 ปือนามา จะ คาอิน_ ญา ดืองัยํ ซือรูปา กะ ปือมือเลา บาซา ฮีบรู จะ_ “กู บือเลฮ.” นานะ กีลากี_ ซืออูรัก เตอ_ กรานา ตูฮัด บือซัยํ เดะ อาตัซ_ ตูโลก กู.”
2เดะ บลากัก เตอ_ ญา ดูโดะ เดะ อาปี_ นานะ กีลากี ปูลัก_ ฌาดี อาดี เดะ คาอิน_ ปือนามา จะ_ เฮเบน. โซะ เฮเบน เตอ_ ญา ฌาดี ซือมียา ปือบือลา กาเมก_ ตาปี คาอิน_ ญา ฌาดี ซือมียา กรือฌา มือนานัม ปูโฮด.
3อาดา ซืออารี_ คาอิน ญา บาวา อาเมด โกะ บูวัฮ เดะ กือโบด_ มาแรฮ มือญือมัฮ กะ ตูฮัด บือซัยํ เดะ อาตัซ. 4ตาปี เฮเบน เตอ_ ญา อาเมด อานะ กาเมก นู ซูโลก_ เดะ ลูมอฮ กาวัด กาเมก นะ ญา_ บาวา มาแรฮ_ มือญือมัฮ กะ ตูฮัด บือซัยํ เดะ อาตัซ_ ฆือนะ ฌางัน ลือมะ นะ ญา ฌูฆา. กะฆีเตอ_ ตูฮัด บือซัยํ เดะ อาตัซ_ ญา ซูกา ฮาตี กะ เฮเบน_ ฌางัน บารัก มือญือมัฮ นะ ญา. 5ตาปี ตูฮัด ญา เตด ซูกา ฮาตี_ กะ คาอิน_ ฌางัน บารัก มือญือมัฮ นะ ญา. กะฆีเตอ_ คาอิน ญา มูซัยํ โตระ_ มูคา นมดาฮานม. 6ตาปี ตูฮัด บือซัยํ เดะ อาตัซ_ ญา ตาญา คาอิน จะ_ “บูวัจ นามา_ เกา มูซัยํ กะฆีนี? บูวัจ นามา_ มูคา นะ เกา นมดาฮานม? 7ดัฮ เกา บูวัจ บาฌิ_ กู นะ ซาโงะ เกา บาฌิ_ บูกัด เฆอ? ดัฮ เกา บูวัจ ลาฆู นู เตด บาฌิ_ ฌาดี ซือรูปา กะ ดูซา ตือมะ เดะ ปีตู_ บือคานะ นะ ซรือโกะ เกา. ตาปี บรี กะ เกา ฌือนัฮ เดะ ดูซา อีตู เลอ”_ ตูฮัด ญา จะ.
8กะฆีเตอ_ คาอิน บืออาฌะ เฮเบน_ อาดี เดะ ญา_ จะ_ “โฌฮ_ กีตา ปี กะ ปาดัก.” กาลา รอจ กะ ปาดัก ดัฮ_ คาอิน เตอ_ ญา อาเลฮ ปี_ บูนอฮ เฮเบน_ อาดี เดะ ญา.
9กะฆีเตอ_ ตูฮัด บือซัยํ เดะ อาตัซ_ ตาญา คาอิน จะ_ “เฮเบน_ อาดี เดะ เกา_ อาดา ปัจ ดีฮา?”
ตาปี คาอิน เตอ_ ญา ตีกัฮ จะ_ “ตาฮู เลอ. กู บูกัด ซือมียา ฮัจลีฮัจ อาดี เลอ.”
10ตาปี ตูฮัด บือซัยํ เดะ อาตัซ_ ญา มือเลา จะ_ “เกา บูวัจ ลาฆู นามา ดัฮ? ดารัฮ นะ อาดี เดะ เกา_ ตืองัฮ บลาโลก ดาตัก เดะ ตานัฮ_ รอจ กะ กู ดัฮ. 11ตะเดะ อีนี ปี_ เกา นะ กือนา อาโบยํ เดะ ตานัฮ_ นู งางา ซาโมจ ดารัฮ_ นะ อาดี เดะ เกา_ ดาตัก เดะ ตางัน นะ เกา. 12กะฆีเตอ_ กาลา เกา นะ บือกรือฌา บือนัก_ ปาดี นะ ฮอย เตด บือตูโมฮ บูวัฮ บาญะ. เกา นะ ฌาดี ซือมียา ลารี ปี มาแรฮ_ นะ ฌาดี ซือมียา บักซัจ เดะ ดือนียา”_ ตูฮัด ญา จะ.
13ตาปี คาอิน มือเลา ฌางัน ตูฮัด บือซัยํ เดะ อาตัซ จะ_ “นู เกา กรัจ ฮูโกบ กู_ ญา บรัจ โตระ_ ฌู กู นะ ตาฮัด เตด บือเลฮ เลอ. 14ลีฮัจ เลอ_ อารี อีนี_ ตูฮัด โปรฮ กู_ บรี ตรือเบะ เดะ ตือปัจ ตานัฮ_ ปี ดูโดะ บรี ลือปัซ เดะ มูคา นะ ตูฮัด. กู ฆาโดฮ ฌาดี ซือมียา ลารี ปี มาแรฮ_ ฌาดี ซือมียา บักซัจ เดะ ดือนียา. ซือมียา ดีฮา นู ดาปัจ กู_ นะ บูนอฮ กู” ญา จะ.
15ตาปี ตูฮัด บือซัยํ เดะ อาตัซ_ ญา มือเลา ฌางัน คาอิน จะ_ “บูกัด กะฆีเตอ. ดัฮ ซือมียา ดีฮา บูนอฮ คาอิน เตอ_ ซือมียา อีตู_ ญา นะ กือนา ฮูโกบ_ รอจ กะ ตูโฌฮ กาลี ดัฮ” ตูฮัด ญา จะ.
กะฆีเตอ_ ตูฮัด บือซัยํ เดะ อาตัซ บูวัจ ปือนานา_ เดะ ญาวา นะ คาอิน_ บีดา จะ_ ราตา ซือมียา นู ดาปัจ ญา_ นะ เตด บือเลฮ บูนอฮ ญา. 16กะฆีเตอ_ คาอิน ญา ตรือเบะ ปี_ ลือปัซ เดะ มูคา นะ ตูฮัด บือซัยํ เดะ อาตัซ. ญา ปี ดูโดะ เดะ นังฆรี โนด#4.16 นังฆรี โนด ฌาดี จะ_ นังฆรี บักซัจ._ เดะ โซะ ตีมอยํ เดะ กือโบด เอเดน.
ลูมอฮ บือแนฮ นะ คาอิน
17คาอิน ญา บือเลฮ บือซามา ฌางัน บีนี นะ ญา_ บีนี อีตู บือโปรจ_ ดูโดะ เดะ อาปี_ นานะ กีลากี_ ปือนามา เอโนก. คาอิน เตอ_ ญา บูวัจ ฌาดี ตูโปะ_ ซา ตูโปะ_ ตืองะ ปือนามา ตูโปะ อีตู จะ_ เอโนก_ ตูโรจ กะ ปือนามา นะ นานะ ญา. 18เอโนก อาดา นานะ กีลากี_ ปือนามา จะ อีรัด. อีรัด อาดา นานะ กีลากี_ ปือนามา จะ มือฮูยาเอน. มือฮูยาเอน อาดา นานะ กีลากี_ ปือนามา จะ มือทูซาเอน. มือทูซาเอน อาดา นานะ กีลากี_ ปือนามา จะ ลาเมก.
19โซะ ลาเมก เตอ_ บือเลฮ บีนี ดูวา อูรัก_ ซา อูรัก ปือนามา จะ_ อาดัฮ_ ซา อูรัก ปูลัก ปือนามา จะ_ ซีลา. 20อาดัฮ อาดา นานะ กีลากี_ ปือนามา จะ ยาบัน. ญา ฌาดี บีลาแก นะ ลูมอฮ ซือมียา_ นู ดูโดะ เดะ รูมัฮ กาฌัก กาเยด_ ปือบือลา บือนาตัก. 21อาดี เดะ ญา_ ปือนามา จะ ยูบัน. ยูบัน ฌาดี บีลาแก นะ ลูมอฮ ซือมียา ซือมูฮา_ นู ปานัย อูซิ กลาติก_ ตีโยะ ซือลูนัย. 22ซีลา ฌูฆา_ อาดา นานะ กีลากี_ ปือนามา จะ ทูบันคาอิน. ญา ฌาดี ตูกัก_ บูวัจ ซือบารัก ตือมาฆา มีรัฮ_ ซือบารัก บือซี. ญา อาดา อาดี นีบีนี_ ปือนามา จะ นาอามา.
23ลาเมก มือเลา ฌางัน บีนี ดูวา อูรัก จะ_
“อาดัฮ เออ_ ซีลา เออ_ มือนีงัย กะ ซือวารา นะ กู เลอ.
บีนี นะ ลาเมก เออ_ มือนีงัย เลอ_ กะ ปือมือเลา นะ กู.
ซาเบะ กู บูนอฮ กีลากี ซืออูรัก ดัฮ_ นู บูวัจ บรี กู ซาเกะ.
อูรัก มูดา ซืออูรัก_ นู กาเตาะ กู.
24ดัฮ ซาปา กาเตาะ คาอิน_ ญา นะ กือนา กาเตาะ บาลัซ ปาเระ ตูโฌฮ กาลี ดัฮ.
ดัฮ ซาปา กาเตาะ ลาเมก_ ญา นะ กือนา กาเตาะ บาลัซ ปาเระ
รอจ กะ ตูโฌฮ ปูโลฮ ตูโฌฮ (77) กาลี เลอ”_ ญา จะ.
อาดับ อาดา นานะ อาซิก
25กะฆีเตอ_ อาดับ ญา บือซามา ฌางัน บีนี นะ ญา ปูลัก. กะฆีเตอ_ ฮาวา ญา ดูโดะ เดะ อาปี_ นานะ กีลากี. ญา ตืองะ ปือนามา นะ ญา จะ_ เซด.#4.25 ปือนามา “เซด”_ ฌาดี จะ_ “นู บรี ดัฮ.” กรานา_ “ตูฮัด เดะ อาตัซ บรี กู อาดา บือแนฮ ซืออูรัก ปูลัก_ ฆาตี เฮเบน_ กรานา คาอิน บูนอฮ เฮเบน ดัฮ.”
26กะฆีเตอ_ เซด โปด_ อาดา นานะ กีลากี ซืออูรัก_ ตืองะ ปือนามา นะ ญา จะ_ เอโนด. ตะเดะ อีตู มาแรฮ_ โกะ ลูมอฮ ซือมียา ฮืนตะ นะ มือญือมัฮ_ ตรือเบะ ปือนามา นะ ตูฮัด บือซัยํ เดะ อาตัซ.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo