Luke 16
16
1ဘွေဆိန့်နူး အပရာ တဟယ်ဒုန်း တာရီတာကေးမယ် ပရာဒူယောက်အော်တပရာလော်။ အဝေလားထောင်ပရာ အခူတပရာဒုန်း ကအုတ်ကကရူနူး အတာဖိတ်တာမာနူလော်။ 2ပရာဒူဟောင်းနူကမူးဝေ “ခေးသိုက်ဘုန်း နုရီကေးဟုန်း။ နမာသရားနူ တဟယ်မယ်ဆိန့်နူးခေး။ နဇာ့ဘာမာပယ်ခေးတာမာ” နဲဝေကကနူလော်။ 3တာမာအခူပရာနူ နဲလောင်ဇိန်အနဲ “ခေးဘာမာသရား၊ ခေးဘွေကာ့ခေးဘုန်ကလား ဆွားထောင်ခေးတာမာလော်။ 4ခေးနူဇာ့ခွာကိုက်ထောင်ဟယ်ကူး၊ ခေးကဘာကွီး အယ်တာနူခေးသာရ။ ခေးတာမာဇာ့အော်ပယ်ခိန်နူ မကိုက်ခေးကနူးဘာ ပရာအတာဘာလော ဒေါ်ကကာ့အယ်အွန်းခေးနူ ကဘာမှာ ကမားနူခေးသိုက်ဟုန်း။” 5ဘုန်နူအဝေလေဒုန်း အပရာ ဒူယောက်သင်ဒေါ် လေကာ့မူးပရာဒုန်း အကဘာဖင်ဇိန်တာ အော်တဟယ်နူလော်။ 6ပရာရူးကူးတပရာ နဲ“ဘွေခေးကဘာဖင်ဇိန်နာ တာအော်များမား” လွိုက်ကနူလော်။ ပရာတပရာနူ “ဆီအကလိမ်းတရာလော်။ နဲဘုန်လေဖိတ်ကလိုက်လိုင် ဒေါ်ရီလောင် ငိုင်းဆူး” အဝေနဲမူးနူလော်။ 7မာတပရာဘယ်နူ “ခေးဘာဖင်အော်များမား” လွိုက်ဒေါ် “ဘုတ်အဒေါင်းတထော်” နဲဇိန်နူလော်။ လေဖိတ်လိုင်ဒေါ်ရီလောင်ရှော့ဆူးကာနဲမူးနူးဝေလော်။ 8ဒေါ်ပရာဒူယောင်နူအုတ်ဆူဘာ တာမာခူနာ့မာတာတဟယ်ဇာ့မွက်အနခူးမာဒုန်း တာသိုက်ငှားဒူ အခူစား အထော်ဟော့မူးနူလော်။ ပရာအော်ဒုန်း ဟယ်ခူတဘာကူးတဟယ် နူမာတာအနဲခူးနူ အရောင့်ဒူဒေါ် ပရာတုန်း အမာတာရောင့် တဟယ်နူလော်။ 9ဘွေနူနဲအခီးအပရာတဟယ်ဒုန်းသူးကနူးဘာခီးခေါ်နဲခူး မာဟော့တာဒုန်းအမွေးတာဒူတာယောက်ဒုန်းအမွေးအအော်တပလောဖော့တဟယ်ကာ။တာဒူတာယောက်တဟယ်ကလောခိန်နူ တာကအော်ဝှီးသူးဒုန်းတာအော်သာ့အော်ယာ့မော့ခူနူလော်။ 10ပရာလောင် ဓိန်းလောက်ရှိုက်ဒုန်း တာအရှင်ခူနူဒေါ် ဘာတာယူးအော်ဒုန်းတာ အရီဒူး လူးခူနူလော်။ နဲမယ် ဇာ့လော်ဓိန်းဒုန်း တာအရှင် လူးခူဒေါ်တာရီ တာကေးအဒူလူးခွန်ဒူတာ ယုအော်ဇာ့ဒါ။ 11သူးမွက်ဇာ့ယူး တာလောဒူပရီဒူ အအော်တပလော့ဖော့ နုဒေါ်သူးကယူး တာဒုန်းအအော်ယွန့် မောခူဆူးဂက် ကမား။ 12ပရာကူးရူအတာဇူးတာလဲ အလူးခူတာယူးသူးဇာ့ါမယ် ပါးတပရာကဖင်လောင်ဘာသူး တရားတမီနူ။ 13သူးတဟယ်နူသူးမာဘွေသာ့နု့ အတာမာတဘလယ်ထိုက်ဇာ့ဒါ။ သူးဘာဘာလောဒူ ဘွေတပရာထိုက်နူလော်။ သူးတဟယ်နူ တဘလယ်ထိုက် သူးဇာ့ဘာမာ ဘွေအတာမာဒေါ် ရူးအဇွတ်ဘာ ဘွေမှာလောင်နူလော်။ 14ဖာရိရှဲ တဟယ်နူ အဘာလော ရူးဒေါ် မာဒေါ့မာနွားဒေါ် ငှားဟော့ဘွေ အတာပရွီးနူလော်။ ဘွေယေရှုနဲဇိန်ကယိုးနူလော်။ 15ဖာရိရှဲတဟယ်နူ အအော်တာမကိုက်ပရာ ဇုတ်ပရာဇူနူလော်။ နဲမယ်ဘွေနူသိုက်ငှား အဝေသူးတဟယ် အတာလား သူလားသနူလော်။ ပရာလောနူး တဟယ်နူအတာရီဒူ၊ အငူဒူတဟယ်နူဒုန်းဘွေအလောက်မောက်မူမယ် ထွားထောင်တာ ဇီဇူကလဲ တဟယ်နူလော်။ 16တရွန်း ပရာဘလုန်းတာ ယောဟန်ခိန်ဇာ့တူးမူးခိန်နူ ပရာတဟယ်နူအမာဇွတ်မကိုက်မောရှေလိုင်၊ ဖာရိရှဲအလိုင်ဆောင်းဆူး နူလော်။ နဲမယ်ကတူးဒုန်း ဘွေမော့ခူ ဘောထောင်ခိန်နူ ပရာတဟယ်ကမာထူး အလေနူးဘာမော့ မူဘောမူနူလော်။ 17မော့ခူဒေါ် ဟယ်ခူ ကထမိုက် ယူးလီးဒေါ် လိုင်ဖလုန်ဒုန်း အအော်လိုင်ကူးတဟယ်နူလော်။ 18ပရာဒုန်းအလားကေးအမား ဒေါ်ဖိတ်အပွန်မွန် အကူးရူနူမယ်ပရာ ဒုန်းအမာကမာ ပရာလဲမီးလော်။ ဖိတ်နူးပွန်မွန်ဒုန်း အလားကေးအဝါ နူမယ်အမာမကိုက် ကနူလော်။ 19လားအရီးနူ ပရာဒူယောက်တပရာ အဟော့ တာယားလီဒုန်း အရောင့်ဘုန်း အော်ပျော်အော်ပါးဒုန်း တာမူတာဘလူးကူးနူလော်။ 20နဲမယ် ဒုန်းအသင် လောင်းမောက်နူ ပရာကွီးအယ်တာ လာဇရုမီးလောင် အကဒန့်ပရီးနူလော်။ 21အဝေနူ နသူ့တုန်းအအယ်ဘာတာအယ်တုန့် ပရာဒူယောင်း အယ်ဒေါ်လမားတဟယ် နူဒေါ်အသနောင့် ယူနူးလော်။ အနဲတဒဲပရာဝိန်နူလော်။ အကူးလက်ကူးကိန်တဟယ် နူထွီလေလင်အယ်လောင်းလော်။ 22ပရာပေါင်းပရာဆားနူပရာ သူးမော့ ခူကလူတဟယ်ဇိန်ကာ့ဟော့ဝေဒုန်း အဗြဟံက တိတ်နူလော်။ ပရာဒူယောင်း နူအသူးဒေါ် ဘာတာဘူးလောင်အော်လော်။ 23အဝေနူလေဘာဒုန်း ငရဲအုန့်ဘုန် ခေါင်ဘာတာပေါင်း တာဆားလော်။ အဝေအုတ်ထောင်ဒုန်းတာ လူးခူနူဒေါ်ဒုန်းကလဲ ယုန်နူအုတ်ဆူ အဗြဟံဒေါ်ဒုန်း အဗြဟံစမိန်းကာထွိုက်နူ လာဇရုအော်လော်။ 24အနူဘုန် ပရာဒူယောက် နဲအဗြဟံဒုန်း “ခေါ်ဝယ်ဘာခေးတကင်၊ ခေးအော်တူးနဲးမီကားယိုးနူ ကူးကိုက်ဒူခေးလော်။ လားလာဇရု မာကြိုအစဓိန်း ဒေါ်ရှူးဒေါ်ထိုင်းလော်ဒုန်း ခေးပလီလော်တကင်” အငူးဒေါ်ကွီးနူလော်။ 25ဘုန်အခိန်နူ အဗြဟံနဲမူး “ခေးငေါ် နအော်မူးခိန်နူ နအော်ဘာအူးအော်ဘာရောင့်မွေး လားဇရု အခေါင်ဘာတာ ရှားရေမတော်လော်။ ခါးယိုးလာဇရုနူအော် ဘာဒုန်းတာသနောင့် ယူးကလေး၊ မွေးနာမယ် နကုန်းဘာခေါင်ဘာလော်။ 26နဲမယ် ပါဘုန်ဇုန်နူ အရော်ဒူအော် တဒပ်ဒေါ် တဘိုင်းဒေါ်တဘိုင်းနူပလေဘာ ရောက်ဇာ့ဒါ။ 27ပရာဒူယောက်နူ ခေးကွီးသဇာ့ဘာနာလော်ဘွေ၊ အသဘားထောင်ဒေါ် ကွီးဒုန်းဘွေကဘလိုင်လော် လာဇရုဒုန်း အဖါးအော်နူလော်။ 28“ခေးအော်ဒေါ် ခေးပူးသားငိုင်း မကိုက်အဝေသူး ဇာ့တူးလေဒုန်း ငရဲကူးယိုးနဲခူး လားလာဇရုလောင်ဖင်သနဲ ထောင်ဝေသူးတကင်” နူလော်။ 29အာဗြဟံနူနဲဝဒုတုန်း “နပူးနာဝေးတဟယ်နူ လားအဖတ်မောရှေ လိုင်ဆောင်း ဆူးဒေါ်ဝီးဒူ တဟယ်အလိုင်ဒေါ်နူ ကမာဇွတ်နူလော်။ 30ပရာဒူယောက်နူ “အဇာ့မွက်ကနူ၊ တာတဟယ်ယိုးနူ အဇာ့လုံးဇာ့ဘွေး ပရာသူးဘုန်တပရာက လေဒုန်း အအော်ဒေါ်ကဆိန့်နူးအဝေသူးမယ် အဝေသူး ကသိုက်ငှားလောင်ဇိန်အနဲဘုန်ကဇိန် ဘာ့မူးဘွေ အော်လော်” အနဲကနူလော်။ 31အာဗြဟံနူ “အဝေသူးတဟယ်နူမွက်လားကေးမောရှေ ဒေါ်ဝီးတဟယ်ဒေါ် အကနာဓိန်း ပရားသူးဘုန် တပရာအတာဘရွီးကမား” နဲနူလော်။
Currently Selected:
Luke 16: ktpv-rv
Tya elembo
Kabola
Kokisana
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This translation of the Karen, Geko Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.