Mateo 6
6
Ri Jesús kak'utun chwi ri limoxna
1»Mi'an ri kik'ut ri jusuk' ib'inik isilab'ik chiwachil xa re kixilitaj kuma ri tikawex;#Mt. 23:5 ma we jela' ki'ano, na jinta rajil uk'axel kik'ul che Riqaw Dios k'o chila' chikaj. 2E uwari'che, echiri' kiya limoxna che juna nib'a', mitzijoj chike ri tikawex, pacha' ri kaki'an ri xa keb' kipalaj pa taq sinagogas y pa taq b'e. Ma rike jela' kaki'ano xew cha' kayak kiq'ij. No'j ri'in paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 3E uwari'che, echiri' kiya limoxna chike ri nib'a'ib', mi'an chiwachil. 4Jek'ula' na jinta k'o kana'b'en re, xew Riqaw Dios keta'man wa'. Ek'u Rire kuya na ri rajil uk'axel chiwe.
Ri Jesús kak'utun chwi ri oración
(Lc. 11:1-13)
5»Echiri' kixch'a't ruk' ri Dios, mi'an iwe'ix pacha' ri kaki'an ri xa keb' kipalaj. Ma rike lik kuk'ul kik'u'x ri kakib'ololej oración e la' e tak'al pa taq sinagogas y pa taq jachb'al b'e cha' jela' keb'ilitaj kuma ri tikawex. No'j ri'in paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 6No'j ri'ix echiri' kixch'a't ruk' ri Dios, chixok pa ja, chitz'apij lo ri puerta y chixch'a't ruk' Riqaw Dios xa itukel; jek'ula' Riqaw Dios karil ri ki'an xa itukel y kuya na k'u ri rajil uk'axel chiwe chiwachil.
7»Ek'uchiri' kixch'a't ruk' ri Dios, miwererej ch'a'tem uk'iyal laj pacha' kaki'an ri na keta'am ta uwach ri Dios; ma e kakich'ob' rike ruma ri kakiwererej ch'a'tem, ketataj ruma ri Dios. 8Mi'an k'u iwe'ix pacha' ri kaki'an rike, ma Riqaw Dios lik reta'am chik sa' ri kajawax chiwe echiri' k'amaja' ne kitz'onoj che.
9»Ek'u ri'ix echiri' kixch'a't ruk' ri Dios utz jewa' taq ri kib'i'ij:
Qaqaw Dios, Lal k'o la chila' chikaj,
¡lik cheta'maxoq nim uq'ij ri b'i' la!
10Peta la, taqana la paqawi';
chu'ana k'u ri rajawal k'u'x la wara che ruwachulew,
jela' pacha' ri ka'an chila' chikaj.
11Ya'a ko la waq'ij ri qawa,
ri kajawax chiqe ronoje q'ij.
12Kuyu ko la qamak,
jela' pacha' ri'oj kaqakuy kimak ri emakuninaq chiqij.
13Y maya ko la luwar chiqe kojtzaq pa mak;
e lik chojkolob'ej la chwach ritzel winaq.
Ma paq'ab' Rilal k'o wi ronoje taqanik y chuq'ab';
y xew che Rilal taqal wi ri yakb'al q'ij na jinta utaqexik. Amén.
14»Ma we ri'ix kikuy kimak taq ri tikawex, jek'ula' ri' ku'an ri Qaqaw Dios k'o chila' chikaj, kukuy imak ri'ix. 15No'j we ri'ix na kikuy ta kimak taq ri tikawex, jek'ula' ri' ku'an ri Qaqaw Dios, na kukuy ta imak ri'ix.#Mr. 11:25-26
Ri Jesús kak'utun chwi ri ayuno
16»Echiri' ri'ix ki'an ayuno, mik'ut b'is che ripalaj pacha' ri kaki'an ri xa keb' kipalaj. Ma rike kaki'an wa' xa pacha' keb'ilitaj kuma ri winaq. Paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 17No'j ri'ix echiri' ki'an ayuno, chich'aja ripalaj y chixiya riwi' chi utz. 18Jek'ula' ri tikawex na kakil taj we ri'ix ix k'o pa ayuno. Xew k'u Riqaw Dios, ri na kilitaj ta uwach, karil ri na kakil ta ri tikawex. Ek'u ri' Rire kaya'w na ri rajil uk'axel chiwe.
Ri b'eyomalil re chila' chikaj
(Lc. 12:32-34)
19»Mixchakun xa re kimol uk'u'xib'al b'eyomalil re ruwachulew, ma ri wara e taq ri ik'olom xa kapok'irik y ku'an mojos, yey keb'ok ne eleq'omab' che releq'axik b'i. 20We kiwaj kiriq ri saqil b'eyomalil, e chi'ana wara che ruwachulew janipa ri lik k'o uchak chwach ri Dios cha' jela' k'o kutiqoj chiwe ri'ix chila' chikaj. Ma ri ik'olom chila' na kapok'ir taj y na ku'an ta mojos, yey na jinta ne eleq'omab' keb'ok che releq'axik b'i. 21Ma pa k'o wi rib'eyomalil ri'ix, puwi wa' ke'ek wi ik'u'x.
Ri k'amb'al na'oj puwi ri qawach
(Lc. 11:33-36)
22»Ri qawach e pacha' candil re ri qacuerpo, ma ruma wa' kojtzu'nik cha' utz kojb'inik. Jek'ula', we ri qawach utz u'anom, ronoje ri qacuerpo nojinaq che q'ijsaq y kaqil k'u ronoje chi utz. 23No'j we ri qawach na utz taj, ronoje ri qacuerpo k'o pa q'equ'm. Jek'ula', we ri q'ijsaq k'o quk' u'anom junam ruk' ri q'equ'm, ¡ko'l chi lo q'equ'malil ri' oj k'o wi!#6:22-23 Pa ri ch'a'tem hebreo, we kab'i'x che junoq “utz ruwach”, wa' ke'elawi lik utz uk'u'x, na kaxu'yan taj. Yey we kab'i'x che junoq “na utz ta ruwach”, wa' ke'elawi lik ko ruk'u'x y lik xu'y.
Ri Jesús kak'utun chwi ri puaq
(Lc. 16:13)
24»Lik k'ayew we juna aj chak e ka'ib' ri rajaw. Ma laj tzel karil ri jun yey k'ax kuna' ri jun chik; o laj kuyak uq'ij ri jun yey kuk'aq b'i uq'ij ri jun chik. Ruma k'u la', na utz taj we junoq kuya rib' che unimaxik ri Dios yey kuya rib' che utzukuxik ri b'eyomalil re ruwachulew.
Ri Dios keb'uchajij ri ralk'o'al
(Lc. 12:22-31)
25»E uwari'che kamb'i'ij chiwe ri'ix: Mub'isoj ik'u'x rik'aslem; mub'isoj ne ik'u'x sa' riwa y rimiq'ina' kitijo o sa' riq'u' kikojo. ¿Na e ta neb'a más k'o uwach rik'aslem ri'ix chwach ri kitijo? ¿Yey na e ta neb'a más k'o uwach ri cuerpo chwach riq'u' kikojo?
26»Cheb'iwilape ri tz'ikin kexik'ik' che ruwa kaj. Rike na ketiko'naj taj, na kaki'an tane kimolonik y na jinta ne pa kakik'ol wi ri kimolonik. Na ruk' ta k'u ri', Riqaw Dios k'o chila' chikaj keb'utzuqu. ¡Mak'uwari' ri'ix, ri Dios kixuchajij, ma e más k'o iwach ri'ix chikiwa ri tz'ikin!
27»¿K'o neb'a junoq chiwe ri'ix kuriq kunajtirisaj jun chik q'ij che ruk'aslem wara che ruwachulew? Na jinta junoq, tob' ne lik kutij uq'ij che. 28¿Su'b'e k'u ri' lik kub'isoj ik'u'x riq'u' kikojo? Chiwilape' su'anik kek'iy ri kotz'i'j pa taq juyub'; wa' na kechakun taj y na kekeman ta nenare' cha' kaki'an ri kiq'u'. 29Yey ri'in kamb'i'ij chiwe: Ri rey Salomón, tob' lik k'o uchomal ruq'u' xukojo, wa' na xumaj ta k'ana ruchomalil taq ri kotz'i'j. 30Jek'ula' we ri Dios u'anom chom che ri aq'es k'o waq'ij pa juyub' yey chwe'q xa kaporox pa aq', ¿na kuya ta kami ri' ri Dios riq'u' kajawax chiwe? ¡Ri'ix lik xa jub'iq' ri kub'ulib'al ik'u'x ruk' ri Dios!
31»Kamb'i'ij k'u chiwe: Mub'isoj ik'u'x y mib'i'ij: “¿Sa' ri qawa, sa' ri qamiq'ina' kaqatijo? ¿Sa' ri qaq'u' kaqakojo?” 32Ma jenela' kaki'an ri winaq na keta'am ta uwach ri Dios, e kub'isoj kik'u'x taq wa'. No'j ri'ix k'o jun Iqaw chila' chikaj lik reta'am kajawax ronoje taq wa' chiwe.
33»Ri lik chirajawaxik chiwe nab'e e lik chixok il che rutaqanik ri Dios y che ri jusuk' b'inik silab'ik karaj Rire chiwe. Yey ronoje taq k'u ri kajawaxik, xa uwi' chik kaya'taj chiwe. 34Mub'isoj pan ik'u'x ri kiwil chwe'q, ma chujujunal q'ij uk'amom chi lo ruk'ayewal.
Currently Selected:
Mateo 6: acrN
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2009, Wycliffe Bible Translators, Inc. All rights reserved.
Mateo 6
6
Ri Jesús kak'utun chwi ri limoxna
1»Mi'an ri kik'ut ri jusuk' ib'inik isilab'ik chiwachil xa re kixilitaj kuma ri tikawex;#Mt. 23:5 ma we jela' ki'ano, na jinta rajil uk'axel kik'ul che Riqaw Dios k'o chila' chikaj. 2E uwari'che, echiri' kiya limoxna che juna nib'a', mitzijoj chike ri tikawex, pacha' ri kaki'an ri xa keb' kipalaj pa taq sinagogas y pa taq b'e. Ma rike jela' kaki'ano xew cha' kayak kiq'ij. No'j ri'in paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 3E uwari'che, echiri' kiya limoxna chike ri nib'a'ib', mi'an chiwachil. 4Jek'ula' na jinta k'o kana'b'en re, xew Riqaw Dios keta'man wa'. Ek'u Rire kuya na ri rajil uk'axel chiwe.
Ri Jesús kak'utun chwi ri oración
(Lc. 11:1-13)
5»Echiri' kixch'a't ruk' ri Dios, mi'an iwe'ix pacha' ri kaki'an ri xa keb' kipalaj. Ma rike lik kuk'ul kik'u'x ri kakib'ololej oración e la' e tak'al pa taq sinagogas y pa taq jachb'al b'e cha' jela' keb'ilitaj kuma ri tikawex. No'j ri'in paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 6No'j ri'ix echiri' kixch'a't ruk' ri Dios, chixok pa ja, chitz'apij lo ri puerta y chixch'a't ruk' Riqaw Dios xa itukel; jek'ula' Riqaw Dios karil ri ki'an xa itukel y kuya na k'u ri rajil uk'axel chiwe chiwachil.
7»Ek'uchiri' kixch'a't ruk' ri Dios, miwererej ch'a'tem uk'iyal laj pacha' kaki'an ri na keta'am ta uwach ri Dios; ma e kakich'ob' rike ruma ri kakiwererej ch'a'tem, ketataj ruma ri Dios. 8Mi'an k'u iwe'ix pacha' ri kaki'an rike, ma Riqaw Dios lik reta'am chik sa' ri kajawax chiwe echiri' k'amaja' ne kitz'onoj che.
9»Ek'u ri'ix echiri' kixch'a't ruk' ri Dios utz jewa' taq ri kib'i'ij:
Qaqaw Dios, Lal k'o la chila' chikaj,
¡lik cheta'maxoq nim uq'ij ri b'i' la!
10Peta la, taqana la paqawi';
chu'ana k'u ri rajawal k'u'x la wara che ruwachulew,
jela' pacha' ri ka'an chila' chikaj.
11Ya'a ko la waq'ij ri qawa,
ri kajawax chiqe ronoje q'ij.
12Kuyu ko la qamak,
jela' pacha' ri'oj kaqakuy kimak ri emakuninaq chiqij.
13Y maya ko la luwar chiqe kojtzaq pa mak;
e lik chojkolob'ej la chwach ritzel winaq.
Ma paq'ab' Rilal k'o wi ronoje taqanik y chuq'ab';
y xew che Rilal taqal wi ri yakb'al q'ij na jinta utaqexik. Amén.
14»Ma we ri'ix kikuy kimak taq ri tikawex, jek'ula' ri' ku'an ri Qaqaw Dios k'o chila' chikaj, kukuy imak ri'ix. 15No'j we ri'ix na kikuy ta kimak taq ri tikawex, jek'ula' ri' ku'an ri Qaqaw Dios, na kukuy ta imak ri'ix.#Mr. 11:25-26
Ri Jesús kak'utun chwi ri ayuno
16»Echiri' ri'ix ki'an ayuno, mik'ut b'is che ripalaj pacha' ri kaki'an ri xa keb' kipalaj. Ma rike kaki'an wa' xa pacha' keb'ilitaj kuma ri winaq. Paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. 17No'j ri'ix echiri' ki'an ayuno, chich'aja ripalaj y chixiya riwi' chi utz. 18Jek'ula' ri tikawex na kakil taj we ri'ix ix k'o pa ayuno. Xew k'u Riqaw Dios, ri na kilitaj ta uwach, karil ri na kakil ta ri tikawex. Ek'u ri' Rire kaya'w na ri rajil uk'axel chiwe.
Ri b'eyomalil re chila' chikaj
(Lc. 12:32-34)
19»Mixchakun xa re kimol uk'u'xib'al b'eyomalil re ruwachulew, ma ri wara e taq ri ik'olom xa kapok'irik y ku'an mojos, yey keb'ok ne eleq'omab' che releq'axik b'i. 20We kiwaj kiriq ri saqil b'eyomalil, e chi'ana wara che ruwachulew janipa ri lik k'o uchak chwach ri Dios cha' jela' k'o kutiqoj chiwe ri'ix chila' chikaj. Ma ri ik'olom chila' na kapok'ir taj y na ku'an ta mojos, yey na jinta ne eleq'omab' keb'ok che releq'axik b'i. 21Ma pa k'o wi rib'eyomalil ri'ix, puwi wa' ke'ek wi ik'u'x.
Ri k'amb'al na'oj puwi ri qawach
(Lc. 11:33-36)
22»Ri qawach e pacha' candil re ri qacuerpo, ma ruma wa' kojtzu'nik cha' utz kojb'inik. Jek'ula', we ri qawach utz u'anom, ronoje ri qacuerpo nojinaq che q'ijsaq y kaqil k'u ronoje chi utz. 23No'j we ri qawach na utz taj, ronoje ri qacuerpo k'o pa q'equ'm. Jek'ula', we ri q'ijsaq k'o quk' u'anom junam ruk' ri q'equ'm, ¡ko'l chi lo q'equ'malil ri' oj k'o wi!#6:22-23 Pa ri ch'a'tem hebreo, we kab'i'x che junoq “utz ruwach”, wa' ke'elawi lik utz uk'u'x, na kaxu'yan taj. Yey we kab'i'x che junoq “na utz ta ruwach”, wa' ke'elawi lik ko ruk'u'x y lik xu'y.
Ri Jesús kak'utun chwi ri puaq
(Lc. 16:13)
24»Lik k'ayew we juna aj chak e ka'ib' ri rajaw. Ma laj tzel karil ri jun yey k'ax kuna' ri jun chik; o laj kuyak uq'ij ri jun yey kuk'aq b'i uq'ij ri jun chik. Ruma k'u la', na utz taj we junoq kuya rib' che unimaxik ri Dios yey kuya rib' che utzukuxik ri b'eyomalil re ruwachulew.
Ri Dios keb'uchajij ri ralk'o'al
(Lc. 12:22-31)
25»E uwari'che kamb'i'ij chiwe ri'ix: Mub'isoj ik'u'x rik'aslem; mub'isoj ne ik'u'x sa' riwa y rimiq'ina' kitijo o sa' riq'u' kikojo. ¿Na e ta neb'a más k'o uwach rik'aslem ri'ix chwach ri kitijo? ¿Yey na e ta neb'a más k'o uwach ri cuerpo chwach riq'u' kikojo?
26»Cheb'iwilape ri tz'ikin kexik'ik' che ruwa kaj. Rike na ketiko'naj taj, na kaki'an tane kimolonik y na jinta ne pa kakik'ol wi ri kimolonik. Na ruk' ta k'u ri', Riqaw Dios k'o chila' chikaj keb'utzuqu. ¡Mak'uwari' ri'ix, ri Dios kixuchajij, ma e más k'o iwach ri'ix chikiwa ri tz'ikin!
27»¿K'o neb'a junoq chiwe ri'ix kuriq kunajtirisaj jun chik q'ij che ruk'aslem wara che ruwachulew? Na jinta junoq, tob' ne lik kutij uq'ij che. 28¿Su'b'e k'u ri' lik kub'isoj ik'u'x riq'u' kikojo? Chiwilape' su'anik kek'iy ri kotz'i'j pa taq juyub'; wa' na kechakun taj y na kekeman ta nenare' cha' kaki'an ri kiq'u'. 29Yey ri'in kamb'i'ij chiwe: Ri rey Salomón, tob' lik k'o uchomal ruq'u' xukojo, wa' na xumaj ta k'ana ruchomalil taq ri kotz'i'j. 30Jek'ula' we ri Dios u'anom chom che ri aq'es k'o waq'ij pa juyub' yey chwe'q xa kaporox pa aq', ¿na kuya ta kami ri' ri Dios riq'u' kajawax chiwe? ¡Ri'ix lik xa jub'iq' ri kub'ulib'al ik'u'x ruk' ri Dios!
31»Kamb'i'ij k'u chiwe: Mub'isoj ik'u'x y mib'i'ij: “¿Sa' ri qawa, sa' ri qamiq'ina' kaqatijo? ¿Sa' ri qaq'u' kaqakojo?” 32Ma jenela' kaki'an ri winaq na keta'am ta uwach ri Dios, e kub'isoj kik'u'x taq wa'. No'j ri'ix k'o jun Iqaw chila' chikaj lik reta'am kajawax ronoje taq wa' chiwe.
33»Ri lik chirajawaxik chiwe nab'e e lik chixok il che rutaqanik ri Dios y che ri jusuk' b'inik silab'ik karaj Rire chiwe. Yey ronoje taq k'u ri kajawaxik, xa uwi' chik kaya'taj chiwe. 34Mub'isoj pan ik'u'x ri kiwil chwe'q, ma chujujunal q'ij uk'amom chi lo ruk'ayewal.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2009, Wycliffe Bible Translators, Inc. All rights reserved.