LUKA 24
24
LUKA 24
1A dimaas ɔ̧t biitir bɔ gedu nɛɛd wɔ hi tuu hi rek a Yeesu loor lɛl bɔ ge bi̧i̧ltɔnɔ. Hi kam kurum ki̧i̧l-hɛmntya wɔ hi gɛms nɛko. 2Yɔ hi tuurɔ hi zɛm loorbet bɔ kibl bɛrko. 3Hi gulɔ hí zɛ̄m Waar Yeesu wɔrkɔ bɔ gɛ. 4Yɔ hinɔ yɔɔhi, yaala walɛ eerɛ hi midsihi, hi gbandil buudɛ gaatɛ fɛr a muulɛ. 5Yɔ hi gbɛn walɛ wɔ hoob gi ha̧a̧hi, hi tiis muutya̧ hɛbtdi. Walɛ wɔ hi warihi:
a nɛ ɓɛɛk za̧a̧nyɔ gi za̧a̧til a wɔrkɛ tees du nɔ? Taa nɛ dihɛ zaŋ, yɛrɛ rɛml ɗuukɔ. 6Mɔkin nɛ mɛɛ hinyɔ da dɔksinɛ, yɔ da gi nɛ a Galile: 7a gi an Za̧a̧n Waa bɔ gi gaay ma a dood hinha̧a̧lya naan du, hi dooge a dɔ̧ɔ̧r ha gi wɔrɔ, gi wɛɛ gi rɛml gi ɗukɔ a ɔ̧t taasimɛ.
8Nɛɛd wɔ hi wɛɛ hi mɔk hi mɛks hinyɔ Yeesu da dɔksihi nɛko. 9Yɔ hi ɔɔ loor bɔ, hi wɛɛ hi dɔks Yeesu walɛsɛrɛ ɔ̧ɔ̧ koobl daa gbun wɔ hi dood zaadɛ hin wɔrɔ sɛw. 10Nɛɛd wɔ hi fɔks Yeesu walɛsɛrɛ ɔ̧ɔ̧ wɔ hin wɔrɔ nuŋgya̧ gɛrɛ: Mariyama yɔ fu̧u̧ a Magdala, hi Yowana, hi Yakuba nɔɔtɔ Mariyama, hi nɛɛd zaadɛ wɔ hi gi nɛ hi hiya. 11Yeesu walɛsɛrɛ ɔ̧ɔ̧ wɔ be hi see dɔgl wɔrɔ hi fɔksihi an hinyorkyɔ, hi ɗɔ̄bs nɛɛd wɔ dɔglya̧ gɛ.
12Hɔnɛyɔ anbɔ Piyɛr ɗundɔ nɔɔ rek a loorlɛl bɔ ge. Yɔ tuurɔ, hu̧u̧r sèè loor bɔ, gbɛn hi̧i̧l wɔ hii loor du kpɔd, wɛɛ wɛɛ gi lɛlɛ. Hin wɔrɔ sɛw kɔmsig gɛrsɛ.
13A ɔ̧tɔge anbɔ yɔ walɛsɛrɛ wɔ eer hi rék a raa za bɔ nuŋgɔ a Emayus ge, hɛmlikɔ hi Urusalima gi kilomɛɛtre koobl daa gbunu, 14hi watingo hinyɔ daa a Yeesu zulha sɛw. 15Yɔ hi bookya̧a̧ hi watingo hin anbɔ lɛlgbunu, Yeesu hi zulɔ sɛ̧ɛ̧bɔ, retin hi hiya. 16Hi gbɛnige, wɛɛ hi mɛɛg gɛ, lɔlya̧ ruhirub gi muulɛ. 17Yeesu warihi:
a nɛ ɛmb nɛ boozig nɔ a gbɔnɔ du hɛ nɔ?
Wɔrɔ hi er hi mimto. 18Zaaya̧ gbun bɔ nuŋgɔ a Kiliyopas ta̧a̧ warige:
a rɔ̀bɛ wɔ hi zaa a Urusalima sɛw hi mɛɛ hinyɔ daa hɔ lelbɔ, mɔɔ mɔ gbunu, mɔ mɛɛ gɛ ya?
19Wɛɛ ɛrihi:
a nɔ nɛ daa?
Hi wɛɛ hi googe:
a hinyɔ daa a Yeesu Nazarɛdya bɔ gi zulha, za̧a̧nyɔ gi nɛ Bɛtya̧a̧kɛŋkya, woosɔ wɔ woo hi dɔglɔ wɔ boo hi gin tɛŋk gbɔɔltɔnɔ a Bɛt muut du hi dood sɛw. 20Wɛɛ Bɛtmaakwookya wi gbɔlɛ wɔ hi waar ɛ wi wɔ hi wa̧a̧ge, hi gaag dood gbɔlɛ naan du an hi yɛ̧ɛ̧ dɔglɔ hi gbɔŋge, hi doog a dɔ̧ɔ̧r ha. 21Winɛ wi ook nɛ a gii gi tuus Israhilaya wɔ zulya̧ aakil du. Hɔɔ, nɛɛko anyɔ ginɛ anbɔ sɛw, ɔ̧t taasum yɔ hin wɔrɔ hi daa du gii bɔ.
22Wɛɛ ɓɛ nɛɛd zaadɛ a wi teesdu hi wɛɛsiw gɛrsɛ. Hi rek loorlɛlɛ a bi̧i̧l ɗɔbt du. 23Yɔ hi rekɔ hi rɛŋks Yeesu wɔrkɔ bɔ rɛŋksɔ, hi wɛɛz hi dɔg a be gbɛn Bɛtwalɛ-sɛrɛ ɔ̧ɔ̧ hi midsib hɛw hi raasib a gi za̧a̧tilyɔ. 24Dood zaadɛ wɔ hi gi hi wii hɛw hi rek a loorlɛl bɔ ge hi zɛm hin daa anyɔ nɛɛd wɔ hi dɔgɔ ; yɛrɛ giya, hi gbɛ̄nig lɛlɔ gedu gɛ.
25Yeesu raahi:
a hey! Nɛɛ dood wɔ nɛ taan zulɛ, nɛ wɛɛ nɛ gin kpoos ɓaatili nɛ ta̧a̧ ɗɔbsig hinyɔ Bɛtya̧a̧kɛŋkya hi dɔg sɛw gɛ! 26Taa nɛ an Masihu gi ha̧a̧ya̧a̧r a hin wɔrɔ gedu sɛw an kuudu gi gul a gi gbɔlums du ya?
27Yɔ anbɔ, Yeesu wadsihi hinyɔ hi bi̧i̧ a gi zulha a Bɛt ɗɛɛrwol du sɛw, yɛɛl a Muusa ɗɛɛrwol du, wɛɛ tuur a Bɛtya̧a̧kɛŋkya wɔ ɗɛɛrwolya̧ wɔ hi bi̧i̧ sɛw gedu. 28Yɔ hi sɛ̧ɛ̧b a raaya̧di a lɛlyɔ hi rek nɛ ge, gɔ an gɔ gi taalɔ. 29Hi wɛɛ hi zɔ̧ge hi ya̧a̧hɛmnti a kɔmmɔ hi wiya, ɔ̧t leegɔ, yɛms gi bulk be. Yeesu ta̧a̧ ya̧a̧ya̧ gulɔ, kɔm hi hiya an gi lehinɛ.
30Yɔ gi yɛɛlik hinlek hi hiya, loo koko, baan Bɛto, ɓɛɛdɔ gɛ̧ɛ̧sihi. 31Yɔ anbɔ lɔlya̧ kpɛ̧ɛ̧rɔ hi wɛɛ hi mɛɛg gɔ ma ɓɔrɔ. Wɛɛ waglɛl a hi lɔlgbar tɛgrɛg. 32Hi wɛɛ hi watinu:
a yɔ gi wɛ ya̧a̧book a gbɔnɔ du gi wɛɛ gi gisɛ Bɛt ɗɛɛrwolɔ dɔgl wadugo, kpoos wɛ ɗuk hi hat gɛ ya?
33Hi ɗund ɓɔrbɔ hi wɛɛ hi wɛɛ a Urusalima, hi zɛm Yeesu walɛsɛrɛ ɔ̧ɔ̧ koobl daa gbun wɔ hi dood zaadɛ wɔ hi gi hi hiya hi mɔksɔ; 34zaadɛ wɔ hi dɔgɔ:
a hi rɔbo, Waar Yeesu rɛml ɗundɔ. Zuns Simɔŋ muutɔ.
35Eerɛ wɔ be hi fɔ̀k hinyɔ tursihi a gbɔnɔ du hi Yeesu mɛksigɔ bɔ hi mɛksige yɔ gi ɓɛɛdik koko an gi gɛ̧ɛ̧sihi. 36Yɔ walɛsɛrɛ ɔ̧ɔ̧ wɔ hi dɔgl bɔrɔ booko, Yeesu hi zulɔ mid er hi teesdu raahi:
a an boolum gi gi hi nɛya!
37Hɔnɛyɔ anbɔ kol tuuhi, hoob wɛɛ ha̧a̧hi, hi rum a hi gbɛnik loorɛyɔ. 38Yeesu wɛɛ warihi:
a zul nɛ dɔɔsin saasa nɔ? Nɔ nɛ faakhin nɛ kpoos du? 39Seen naan be hi dɔɔ be wɔ. Bee ma yɔ. Ki̧i̧nbe nɛ see. Loorɛ taan yɔ̧kti, taan lɛŋko anyɔ nɛ gbɛn be ginɔ.
40Yɔ raa anbɔ, zunsihi naanɔ wɔ hi dɔɔɔ wɔ. 41Hɔnɛ an gɔ hi ɗɔbsɔ, hi dag hat daarinhi lɛl be, hi ɗɛɛ gɛ; hin wɛɛ wɛɛsihi gɛrs yɛ̧ltɔnɔ be. Yɔ anbɔ, Yeesu warihi:
a nɛ gin lees hɛdi ya?
42Hi loo dut nɔɔmiki hi gaage. 43Gii wɛɛ loo tɔb a hi lɔlgbarɔ. 44Kuudu wɛɛ raahi:
a hinyɔ be da be raasin nɛ gɛrɛ, yɔ be da be gi hi nɛya: gi nɛ an hinyɔ hi bi̧i̧ a Muusa maakdɔgl du hi a Bɛtya̧a̧kɛŋkya wɔ hi ɗɛɛrwol du a be zulha hi a Zaabura du sɛw gi wooyyɔ . Yɛrɛ wooy da̧a̧da̧.
45Yɔ anbɔ wɛɛ kpɛ̧rsihi zulya̧ an hi kɛm hinyɔ hi bi̧i̧ a Bɛt ɗɛɛrwol du. 46Wɛɛ raahi:
a hi bi̧i̧ an yɛrɛ lɛ: a Masihu gi ha̧a̧ya̧a̧rɛ, gi wɔrɔ, gi wɛɛ gi rɛml gi ɗund ɔ̧t taasimɛ a wɔrkɛ tees du. 47Gi an hi dɔks dood hɛbtdi sɛw kpoos zɛmriki hi hinha̧a̧l bisig dɔgl hi Bɛt dɔgl a gi nuŋg du, gi yɛɛl a Urusalima. 48Nɛɛ gi hin wɔrɔ segyaadɛya̧. 49Yɛrɛ be gisin yaazig hinyɔ Baa be raa nɛ a bé gaazɔ; yɛrɛ nɛya, kɔmbin a waal bɔrɔ gedu gi tuur an tɛŋkyɔ gi wɛɛha a bɛtha gi siz nɛ muulɛ.
50Yeesu tuun walɛsɛrɛ ɔ̧ɔ̧ wɔ a waal gbɔɔl bɔ gedu renihi a Betani gbaŋgi. Yɔ hi tuur lɛlɔge pɛɛ naanɛ rɔbsihi. 51Yɔ gihi rɔbsig anbɔ hɛɛtin gɔ hi hiya, ɗund dɔɔ a bɛtha. 52Walɛsɛrɛ ɔ̧ɔ̧ wɔ hi zagl di hi ɗɔbsige, hi wɛɛ a Urusalima hi hat gbɔɔltɔnɔ. 53Gɔ ma anbɔ hi waak rek a Bɛtluk du ɔ̧t nuŋg sɛw hi baanik Bɛto. Anbɔ.
Currently Selected:
LUKA 24: NTD
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Doyayo New Testament © Bible Society of Cameroon, 1991.
LUKA 24
24
LUKA 24
1A dimaas ɔ̧t biitir bɔ gedu nɛɛd wɔ hi tuu hi rek a Yeesu loor lɛl bɔ ge bi̧i̧ltɔnɔ. Hi kam kurum ki̧i̧l-hɛmntya wɔ hi gɛms nɛko. 2Yɔ hi tuurɔ hi zɛm loorbet bɔ kibl bɛrko. 3Hi gulɔ hí zɛ̄m Waar Yeesu wɔrkɔ bɔ gɛ. 4Yɔ hinɔ yɔɔhi, yaala walɛ eerɛ hi midsihi, hi gbandil buudɛ gaatɛ fɛr a muulɛ. 5Yɔ hi gbɛn walɛ wɔ hoob gi ha̧a̧hi, hi tiis muutya̧ hɛbtdi. Walɛ wɔ hi warihi:
a nɛ ɓɛɛk za̧a̧nyɔ gi za̧a̧til a wɔrkɛ tees du nɔ? Taa nɛ dihɛ zaŋ, yɛrɛ rɛml ɗuukɔ. 6Mɔkin nɛ mɛɛ hinyɔ da dɔksinɛ, yɔ da gi nɛ a Galile: 7a gi an Za̧a̧n Waa bɔ gi gaay ma a dood hinha̧a̧lya naan du, hi dooge a dɔ̧ɔ̧r ha gi wɔrɔ, gi wɛɛ gi rɛml gi ɗukɔ a ɔ̧t taasimɛ.
8Nɛɛd wɔ hi wɛɛ hi mɔk hi mɛks hinyɔ Yeesu da dɔksihi nɛko. 9Yɔ hi ɔɔ loor bɔ, hi wɛɛ hi dɔks Yeesu walɛsɛrɛ ɔ̧ɔ̧ koobl daa gbun wɔ hi dood zaadɛ hin wɔrɔ sɛw. 10Nɛɛd wɔ hi fɔks Yeesu walɛsɛrɛ ɔ̧ɔ̧ wɔ hin wɔrɔ nuŋgya̧ gɛrɛ: Mariyama yɔ fu̧u̧ a Magdala, hi Yowana, hi Yakuba nɔɔtɔ Mariyama, hi nɛɛd zaadɛ wɔ hi gi nɛ hi hiya. 11Yeesu walɛsɛrɛ ɔ̧ɔ̧ wɔ be hi see dɔgl wɔrɔ hi fɔksihi an hinyorkyɔ, hi ɗɔ̄bs nɛɛd wɔ dɔglya̧ gɛ.
12Hɔnɛyɔ anbɔ Piyɛr ɗundɔ nɔɔ rek a loorlɛl bɔ ge. Yɔ tuurɔ, hu̧u̧r sèè loor bɔ, gbɛn hi̧i̧l wɔ hii loor du kpɔd, wɛɛ wɛɛ gi lɛlɛ. Hin wɔrɔ sɛw kɔmsig gɛrsɛ.
13A ɔ̧tɔge anbɔ yɔ walɛsɛrɛ wɔ eer hi rék a raa za bɔ nuŋgɔ a Emayus ge, hɛmlikɔ hi Urusalima gi kilomɛɛtre koobl daa gbunu, 14hi watingo hinyɔ daa a Yeesu zulha sɛw. 15Yɔ hi bookya̧a̧ hi watingo hin anbɔ lɛlgbunu, Yeesu hi zulɔ sɛ̧ɛ̧bɔ, retin hi hiya. 16Hi gbɛnige, wɛɛ hi mɛɛg gɛ, lɔlya̧ ruhirub gi muulɛ. 17Yeesu warihi:
a nɛ ɛmb nɛ boozig nɔ a gbɔnɔ du hɛ nɔ?
Wɔrɔ hi er hi mimto. 18Zaaya̧ gbun bɔ nuŋgɔ a Kiliyopas ta̧a̧ warige:
a rɔ̀bɛ wɔ hi zaa a Urusalima sɛw hi mɛɛ hinyɔ daa hɔ lelbɔ, mɔɔ mɔ gbunu, mɔ mɛɛ gɛ ya?
19Wɛɛ ɛrihi:
a nɔ nɛ daa?
Hi wɛɛ hi googe:
a hinyɔ daa a Yeesu Nazarɛdya bɔ gi zulha, za̧a̧nyɔ gi nɛ Bɛtya̧a̧kɛŋkya, woosɔ wɔ woo hi dɔglɔ wɔ boo hi gin tɛŋk gbɔɔltɔnɔ a Bɛt muut du hi dood sɛw. 20Wɛɛ Bɛtmaakwookya wi gbɔlɛ wɔ hi waar ɛ wi wɔ hi wa̧a̧ge, hi gaag dood gbɔlɛ naan du an hi yɛ̧ɛ̧ dɔglɔ hi gbɔŋge, hi doog a dɔ̧ɔ̧r ha. 21Winɛ wi ook nɛ a gii gi tuus Israhilaya wɔ zulya̧ aakil du. Hɔɔ, nɛɛko anyɔ ginɛ anbɔ sɛw, ɔ̧t taasum yɔ hin wɔrɔ hi daa du gii bɔ.
22Wɛɛ ɓɛ nɛɛd zaadɛ a wi teesdu hi wɛɛsiw gɛrsɛ. Hi rek loorlɛlɛ a bi̧i̧l ɗɔbt du. 23Yɔ hi rekɔ hi rɛŋks Yeesu wɔrkɔ bɔ rɛŋksɔ, hi wɛɛz hi dɔg a be gbɛn Bɛtwalɛ-sɛrɛ ɔ̧ɔ̧ hi midsib hɛw hi raasib a gi za̧a̧tilyɔ. 24Dood zaadɛ wɔ hi gi hi wii hɛw hi rek a loorlɛl bɔ ge hi zɛm hin daa anyɔ nɛɛd wɔ hi dɔgɔ ; yɛrɛ giya, hi gbɛ̄nig lɛlɔ gedu gɛ.
25Yeesu raahi:
a hey! Nɛɛ dood wɔ nɛ taan zulɛ, nɛ wɛɛ nɛ gin kpoos ɓaatili nɛ ta̧a̧ ɗɔbsig hinyɔ Bɛtya̧a̧kɛŋkya hi dɔg sɛw gɛ! 26Taa nɛ an Masihu gi ha̧a̧ya̧a̧r a hin wɔrɔ gedu sɛw an kuudu gi gul a gi gbɔlums du ya?
27Yɔ anbɔ, Yeesu wadsihi hinyɔ hi bi̧i̧ a gi zulha a Bɛt ɗɛɛrwol du sɛw, yɛɛl a Muusa ɗɛɛrwol du, wɛɛ tuur a Bɛtya̧a̧kɛŋkya wɔ ɗɛɛrwolya̧ wɔ hi bi̧i̧ sɛw gedu. 28Yɔ hi sɛ̧ɛ̧b a raaya̧di a lɛlyɔ hi rek nɛ ge, gɔ an gɔ gi taalɔ. 29Hi wɛɛ hi zɔ̧ge hi ya̧a̧hɛmnti a kɔmmɔ hi wiya, ɔ̧t leegɔ, yɛms gi bulk be. Yeesu ta̧a̧ ya̧a̧ya̧ gulɔ, kɔm hi hiya an gi lehinɛ.
30Yɔ gi yɛɛlik hinlek hi hiya, loo koko, baan Bɛto, ɓɛɛdɔ gɛ̧ɛ̧sihi. 31Yɔ anbɔ lɔlya̧ kpɛ̧ɛ̧rɔ hi wɛɛ hi mɛɛg gɔ ma ɓɔrɔ. Wɛɛ waglɛl a hi lɔlgbar tɛgrɛg. 32Hi wɛɛ hi watinu:
a yɔ gi wɛ ya̧a̧book a gbɔnɔ du gi wɛɛ gi gisɛ Bɛt ɗɛɛrwolɔ dɔgl wadugo, kpoos wɛ ɗuk hi hat gɛ ya?
33Hi ɗund ɓɔrbɔ hi wɛɛ hi wɛɛ a Urusalima, hi zɛm Yeesu walɛsɛrɛ ɔ̧ɔ̧ koobl daa gbun wɔ hi dood zaadɛ wɔ hi gi hi hiya hi mɔksɔ; 34zaadɛ wɔ hi dɔgɔ:
a hi rɔbo, Waar Yeesu rɛml ɗundɔ. Zuns Simɔŋ muutɔ.
35Eerɛ wɔ be hi fɔ̀k hinyɔ tursihi a gbɔnɔ du hi Yeesu mɛksigɔ bɔ hi mɛksige yɔ gi ɓɛɛdik koko an gi gɛ̧ɛ̧sihi. 36Yɔ walɛsɛrɛ ɔ̧ɔ̧ wɔ hi dɔgl bɔrɔ booko, Yeesu hi zulɔ mid er hi teesdu raahi:
a an boolum gi gi hi nɛya!
37Hɔnɛyɔ anbɔ kol tuuhi, hoob wɛɛ ha̧a̧hi, hi rum a hi gbɛnik loorɛyɔ. 38Yeesu wɛɛ warihi:
a zul nɛ dɔɔsin saasa nɔ? Nɔ nɛ faakhin nɛ kpoos du? 39Seen naan be hi dɔɔ be wɔ. Bee ma yɔ. Ki̧i̧nbe nɛ see. Loorɛ taan yɔ̧kti, taan lɛŋko anyɔ nɛ gbɛn be ginɔ.
40Yɔ raa anbɔ, zunsihi naanɔ wɔ hi dɔɔɔ wɔ. 41Hɔnɛ an gɔ hi ɗɔbsɔ, hi dag hat daarinhi lɛl be, hi ɗɛɛ gɛ; hin wɛɛ wɛɛsihi gɛrs yɛ̧ltɔnɔ be. Yɔ anbɔ, Yeesu warihi:
a nɛ gin lees hɛdi ya?
42Hi loo dut nɔɔmiki hi gaage. 43Gii wɛɛ loo tɔb a hi lɔlgbarɔ. 44Kuudu wɛɛ raahi:
a hinyɔ be da be raasin nɛ gɛrɛ, yɔ be da be gi hi nɛya: gi nɛ an hinyɔ hi bi̧i̧ a Muusa maakdɔgl du hi a Bɛtya̧a̧kɛŋkya wɔ hi ɗɛɛrwol du a be zulha hi a Zaabura du sɛw gi wooyyɔ . Yɛrɛ wooy da̧a̧da̧.
45Yɔ anbɔ wɛɛ kpɛ̧rsihi zulya̧ an hi kɛm hinyɔ hi bi̧i̧ a Bɛt ɗɛɛrwol du. 46Wɛɛ raahi:
a hi bi̧i̧ an yɛrɛ lɛ: a Masihu gi ha̧a̧ya̧a̧rɛ, gi wɔrɔ, gi wɛɛ gi rɛml gi ɗund ɔ̧t taasimɛ a wɔrkɛ tees du. 47Gi an hi dɔks dood hɛbtdi sɛw kpoos zɛmriki hi hinha̧a̧l bisig dɔgl hi Bɛt dɔgl a gi nuŋg du, gi yɛɛl a Urusalima. 48Nɛɛ gi hin wɔrɔ segyaadɛya̧. 49Yɛrɛ be gisin yaazig hinyɔ Baa be raa nɛ a bé gaazɔ; yɛrɛ nɛya, kɔmbin a waal bɔrɔ gedu gi tuur an tɛŋkyɔ gi wɛɛha a bɛtha gi siz nɛ muulɛ.
50Yeesu tuun walɛsɛrɛ ɔ̧ɔ̧ wɔ a waal gbɔɔl bɔ gedu renihi a Betani gbaŋgi. Yɔ hi tuur lɛlɔge pɛɛ naanɛ rɔbsihi. 51Yɔ gihi rɔbsig anbɔ hɛɛtin gɔ hi hiya, ɗund dɔɔ a bɛtha. 52Walɛsɛrɛ ɔ̧ɔ̧ wɔ hi zagl di hi ɗɔbsige, hi wɛɛ a Urusalima hi hat gbɔɔltɔnɔ. 53Gɔ ma anbɔ hi waak rek a Bɛtluk du ɔ̧t nuŋg sɛw hi baanik Bɛto. Anbɔ.
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Doyayo New Testament © Bible Society of Cameroon, 1991.