MARKUS 16
16
MARKUS 16
1Yɔ holum-ɔ̧t bɔ da̧a̧, Mariyama a Magdala hi Mari-yama Yakuba nɔɔtɔ, hi Salomɛ hi zeb kurum ki̧i̧l-hɛmntya an hi re hi gubs Yeesu muulɛ. 2Yɔ yoosig bi̧i̧ltɔnɔ, a dimaas ɔ̧t biitir bɔ gedu, yɔ ɔ̧t gi kazugo, hi rek a Yeesu loorlɛlɛ, 3hi ɛtin gɔ hi tees du:
a bɔ gi kiblsɛ bet bɔ a loorya̧a̧gbar nɔ?
4Yɔ hi sɔ̧ɔ̧ anyɔ, hi gbɛn loorbet gbɔɔl fɛɛt bɔ kibl bɛrko. 5Nɛɛd wɔ hi gul gɔ loor bɔ gedu, hi gbɛn walsɛr za gi ɗɔɔtig a naanrɔbo hi gban buu fɛr a gi muulɛ. Kol tuuhitu. 6Hɔnɛ walsɛr bɔ raahi:
a bɔ kol gi tuunɛ. Nɛ tɛk Yeesu Nazarɛdya bɔ dooy a dɔ̧ɔ̧r ha gii ya? Rɛml a wɔrk du ɗuundɔ, taa dihɛ. Sɔ̧ɔ̧nɛ, lɛl yɔ hi gbaag nɛ gɛrɛ. 7Yɛrɛ rekin nɛ raas walɛsɛrɛ ɔ̧ɔ̧ wɔ hi Piyɛr hɛw a Yeesu rɛml ɗund gisin dork a Galile. Nɛ rek nɛ gbɛnig hɔ ro anyɔ da raasinɛ.
8Nɛɛd wɔ hi tuu hi nɔɔ hi beeto; lɛl wilihi be. Yɔ hoobha̧a̧hi be, hí rāās doo hinza gɛ.
[ 9Yɔ Yeesu rɛml gi ɗuk a dimaas ɔ̧t doos bɔ gedu bi̧i̧ltɔnɔ, yɛɛl mits Mariyama a Magdala, a dɔŋgɔ ro gi nin nɛ loorɛha̧a̧l nɔɔn-erɛ. 10Mariyama a Magdala re fɔks wɔ hi gitin nɛ hi Yeesu , hi kaak be, hi hekig hi ya̧a̧rhant be. 11Hɔnɛyɔ dood wɔ hi lag hinyɔ nis bɔ fɔkɔ: a Yeesu ɗuk gi za̧a̧tilyɔ, be gbɛnige, hí ɗɔ̄bs nis bɔ dɔglɔ gɛ.
12Kuudu yɔ walɛsɛrɛ wɔ eer hi wa̧a̧k gbɔnɔ an hi rek a hɛt du Yeesu zunsihi muulɔ za dɔɔmi. 13Walɛsɛrɛ eerɛ wɔ hi wɛɛ hi wɛɛz hi fɔks zaadɛ wɔ hinɔ. Wɔrɔ be hí ɗɔ̄bs dɔglya̧ bɔ hɛw gɛ.
14Yɔ̧ɔ̧sumɔ, Yeesu mits walɛsɛrɛ ɔ̧ɔ̧ koobl daa gbun wɔ yɔ hi lek nɛ hinɛ. Biglihi anyɔ hi ta̧a̧ ɗɔbsig gɛ hi gin kpoos ɓaatil be. Dood wɔ hi gbɛnig nɛ rɛml a wɔrk du gi za̧a̧tili hi gisihi dɔglɔ booko, wɛɛ hii be, hi tā̧ā̧ nɛ gɛ. 15Wɛɛ raahi:
a rekin a waal du sɛw, nɛ dɔg Dɔgl Rɔb bɔ dɔglɔ a dood teesdu sɛw. 16Za̧a̧nyɔ gɔ gi ɗɔbsɔ gi dag Bɛtmɛmɛ gi za̧a̧; za̧a̧nyɔ gɔ gí ɗɔbs gɛ, dɔgl gi matige. 17Yɛrɛ gɛrs yɔ ɗɔbsigya wɔ gɔ hi zuun gɛrɛ: hi nin loorɛha̧a̧l a be nuŋg du; hi boo ya̧a̧boon segdɛ; 18hi wa̧a̧ beks hi naanɛ; gid hi yɔ̧ ɗɔŋko, hinza taahi gɔk nɛ zaŋ; hi gbaa naanya̧ a gumtil wɔ hi muulɛ, gumtil wɔ hi za̧a̧.
19Yɔ Waar Yeesu dɔgsihi hin bɔrɔ anbɔ, ha̧sa dɔɔ bɛtha, wɛɛ da ɗɔɔt a Bɛt naanrɔbo. 20Walɛsɛrɛ wɔ hi rek Dɔgl Rɔb bɔ dɔglɔ dɔk gɔ lɛl sɛw be. Waar Yeesu gi wook hi hiya, wɛɛ gis dood wɔ zuunik a walɛsɛrɛ wɔ hi dɔk dɔgl rɔbo hi gɛrs wɔ gisihi ɗaanuko. ]
Currently Selected:
MARKUS 16: NTD
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Doyayo New Testament © Bible Society of Cameroon, 1991.
MARKUS 16
16
MARKUS 16
1Yɔ holum-ɔ̧t bɔ da̧a̧, Mariyama a Magdala hi Mari-yama Yakuba nɔɔtɔ, hi Salomɛ hi zeb kurum ki̧i̧l-hɛmntya an hi re hi gubs Yeesu muulɛ. 2Yɔ yoosig bi̧i̧ltɔnɔ, a dimaas ɔ̧t biitir bɔ gedu, yɔ ɔ̧t gi kazugo, hi rek a Yeesu loorlɛlɛ, 3hi ɛtin gɔ hi tees du:
a bɔ gi kiblsɛ bet bɔ a loorya̧a̧gbar nɔ?
4Yɔ hi sɔ̧ɔ̧ anyɔ, hi gbɛn loorbet gbɔɔl fɛɛt bɔ kibl bɛrko. 5Nɛɛd wɔ hi gul gɔ loor bɔ gedu, hi gbɛn walsɛr za gi ɗɔɔtig a naanrɔbo hi gban buu fɛr a gi muulɛ. Kol tuuhitu. 6Hɔnɛ walsɛr bɔ raahi:
a bɔ kol gi tuunɛ. Nɛ tɛk Yeesu Nazarɛdya bɔ dooy a dɔ̧ɔ̧r ha gii ya? Rɛml a wɔrk du ɗuundɔ, taa dihɛ. Sɔ̧ɔ̧nɛ, lɛl yɔ hi gbaag nɛ gɛrɛ. 7Yɛrɛ rekin nɛ raas walɛsɛrɛ ɔ̧ɔ̧ wɔ hi Piyɛr hɛw a Yeesu rɛml ɗund gisin dork a Galile. Nɛ rek nɛ gbɛnig hɔ ro anyɔ da raasinɛ.
8Nɛɛd wɔ hi tuu hi nɔɔ hi beeto; lɛl wilihi be. Yɔ hoobha̧a̧hi be, hí rāās doo hinza gɛ.
[ 9Yɔ Yeesu rɛml gi ɗuk a dimaas ɔ̧t doos bɔ gedu bi̧i̧ltɔnɔ, yɛɛl mits Mariyama a Magdala, a dɔŋgɔ ro gi nin nɛ loorɛha̧a̧l nɔɔn-erɛ. 10Mariyama a Magdala re fɔks wɔ hi gitin nɛ hi Yeesu , hi kaak be, hi hekig hi ya̧a̧rhant be. 11Hɔnɛyɔ dood wɔ hi lag hinyɔ nis bɔ fɔkɔ: a Yeesu ɗuk gi za̧a̧tilyɔ, be gbɛnige, hí ɗɔ̄bs nis bɔ dɔglɔ gɛ.
12Kuudu yɔ walɛsɛrɛ wɔ eer hi wa̧a̧k gbɔnɔ an hi rek a hɛt du Yeesu zunsihi muulɔ za dɔɔmi. 13Walɛsɛrɛ eerɛ wɔ hi wɛɛ hi wɛɛz hi fɔks zaadɛ wɔ hinɔ. Wɔrɔ be hí ɗɔ̄bs dɔglya̧ bɔ hɛw gɛ.
14Yɔ̧ɔ̧sumɔ, Yeesu mits walɛsɛrɛ ɔ̧ɔ̧ koobl daa gbun wɔ yɔ hi lek nɛ hinɛ. Biglihi anyɔ hi ta̧a̧ ɗɔbsig gɛ hi gin kpoos ɓaatil be. Dood wɔ hi gbɛnig nɛ rɛml a wɔrk du gi za̧a̧tili hi gisihi dɔglɔ booko, wɛɛ hii be, hi tā̧ā̧ nɛ gɛ. 15Wɛɛ raahi:
a rekin a waal du sɛw, nɛ dɔg Dɔgl Rɔb bɔ dɔglɔ a dood teesdu sɛw. 16Za̧a̧nyɔ gɔ gi ɗɔbsɔ gi dag Bɛtmɛmɛ gi za̧a̧; za̧a̧nyɔ gɔ gí ɗɔbs gɛ, dɔgl gi matige. 17Yɛrɛ gɛrs yɔ ɗɔbsigya wɔ gɔ hi zuun gɛrɛ: hi nin loorɛha̧a̧l a be nuŋg du; hi boo ya̧a̧boon segdɛ; 18hi wa̧a̧ beks hi naanɛ; gid hi yɔ̧ ɗɔŋko, hinza taahi gɔk nɛ zaŋ; hi gbaa naanya̧ a gumtil wɔ hi muulɛ, gumtil wɔ hi za̧a̧.
19Yɔ Waar Yeesu dɔgsihi hin bɔrɔ anbɔ, ha̧sa dɔɔ bɛtha, wɛɛ da ɗɔɔt a Bɛt naanrɔbo. 20Walɛsɛrɛ wɔ hi rek Dɔgl Rɔb bɔ dɔglɔ dɔk gɔ lɛl sɛw be. Waar Yeesu gi wook hi hiya, wɛɛ gis dood wɔ zuunik a walɛsɛrɛ wɔ hi dɔk dɔgl rɔbo hi gɛrs wɔ gisihi ɗaanuko. ]
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Doyayo New Testament © Bible Society of Cameroon, 1991.