Matalikilo 22
22
Abrahamu mbwaakasi tuule Izaka
1 #
Heb 11:17-19; Jak 1:12-14 Lino kusule lyayaaya Leza wakasunka Abrahamu, Wakati, Abrahamu. Walo wakati, Mpondi. 2#2 Mak 3:1; Joh 3:16Wakati, Tola mwanaako simuzyalwaalike ngoyandisya, nkokuti Izaka, ukainke kunyika ya-Menya akumutuula mbuli cipaizyo atala lyacimwi cazilundu ncenjookutondezya. 3#Heb 11:17-19Lino nibwakaca, Abrahamu wakafuma, wabopa imbongolo, wabweza bobile babalanda bakwe a-Izaka mwanaakwe, waandula inkuni zyakupaizya, wanyamuka, waya kubusena obo Leza mbwaakamwaambila. 4Nkabela mubuzuba bwatatu Abrahamu wakatambya meso aakwe, wabona busena kulekule. 5Mpoonya awo Abrahamu wakaambila balanda bakwe kuti, Amulindile ano ambongolo. Mebo amwana tulaya kunembo kuyookomba. Tulaboola kulindinywe. 6#Joh 19:17; 1 Pet 2:24Lino Abrahamu wakatola inkuni zyacipaizyo, wamukoleka Izaka mwanaakwe, alimwi mujanza lyakwe wakatola mulilo acifulo, aboobo bakainka boonse bobile. 7Nkabela Izaka wakaambila Abrahamu wisi kuti, Taata! Wakati, Mpondi, mwanaangu. Wakati, Bona! Inkuni nkuzili, amulilo nkuuli. Pele kabelele kakupaizya kali kuli? 8#1 Pet 1:19Lino Abrahamu wakavuwa kuti, Leza mwini ulalibambila kabelele kakupaizya, mwanaangu. Elyo bakacili kuya bweenda boonse bobile.
9 #
Jak 2:21; Joh 10:17,18; Heb 11:17 Basike buyo kubusena obo Leza mbwaakamwaambila, Abrahamu wakayaka cipaililo nkuko, wabamba inkuni. Amane kucita obo, wakaanga Izaka mwanaakwe, wamulazika acipaililo atala lyankuni. 10#Is 53:6-12Mpawo Abrahamu wakatandabika ijanza lyakwe, wabweza cifulo kuti ajaye mwanaakwe. 11Pele angelo wa-Jehova wakamoongolola kuzwa kujulu, wati, Abrahamu! Abrahamu! Wakati, Mpondi. 12#1 Sam 15:22; Matl 26:5; Rom 8:32; Jak 2:22Elyo wakati, Utatandabiki ijanza lyako kumwana nikuba kumucitila cintu, nkaambo lino ndaziba ncobeni kuti ulamuyoowa Leza, nkaambo tokwe nowandikakila mwanaako simuzyalwa alike. 13#1 Kor 5:7,8Mpawo Abrahamu wakatambya meso aakwe, wabona mugutu ulipatide muciteo ameja aakwe. Nkabela Abrahamu wakaya, wajata oyo mugutu, wamutuula mbuli cituuzyo mucibaka camwanaakwe. 14Lino oko kuntu Abrahamu wakakuulika izina lya-Jehova-Jire. Asunu kucaambwa obo. Mucilundu ca-Jehova mulaboneka.
15Lino angelo wa-Jehova wakoongolola Abrahamu lwabili kuzwa kujulu, 16#Heb 6:13-14; Int 105:9; Lk 1:73wati, Ndakonkezya muzina lyangu ndemwini, mbwaamba Jehova, kuti mbubonya mbowacita obo akutakasya mwanaako simuzyalwaalike, 17#Heb 11:12; Matl 15:5; Jer 33:22; Matl 13:16; 24:60; Mik 1:9ncobeni njookupa coolwe loko, akuvuzya njoovuzya lunyungu lwako mbuli inyenyeezi zyakujulu ambuli musec wakunkomwe yalwizi, nkabela basilunyungu bako bayoovuba mulyango wabasinkondonyina. 18#Inc 3:25; Matl 12:3; 18:18; Gal 3:8,9,16,18; Matl 22:3,10; 26:5Mulunyungu lwako zisi zyoonse zyaansi moziyoojana coolwe, nkaambo kakuti waswiilila ijwi lyangu. 19Mpawo Abrahamu wakapiluka kubalanda bakwe, banyamuka, baya boonse antoomwe ku-Beereseba, Nkabela Abrahamu kakede nkukonya oko ku-Beereseba.
20 #
Matl 11:29
Lino kusule lyayaaya Abrahamu wakalwiidwa kuti, Alakwe Milika wazyalila mwanaakwanu Nahori bana: 21#Job 1:1; 32:2Uzi mutaanzi, a-Buzi mwanike wakwe, a-Kemueli wisi Aramu, 22Kesedi, a-Hazo, a-Pilidasi, a-Jidilafi a-Betuele, 23#Matl 24:15Betuele nguwakazyala Rebeka. Aba bana bali musanu abatatu, Milika mbaakazvalila Nahori mwanaakwanu Abrahamu. 24Alakwe simamambe wakwe, izina lyakwe kali Reuma, wakazyala Tebaki a-Gahamu a-Tahasi a-Maaka.
Currently Selected:
Matalikilo 22: Ibbaib63
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Bible in Tonga (Zambia) © United Bible Societies, 1963.