Jenɨzɨzɨ 5
5
Ataamɨmɨre kaimɨraayara kwala naanga yɨrɨyaa'.
(4:25–5:32)
1-32 Kwarame naangegaa' 130 Ataamɨ wavɨlavakei gannya kaimale pwai yawakɨna. Yɨva' gawaalɨ' Ataamɨ ganɨmaangeibɨ'nanyai mɨlaka gannya kaimalerɨ ganaange' wɨdɨna “Satai gɨnnya yaya' gɨthɨwana.” Dɨvi sagaa' Satai naanga mena yɨma'nakegaa' kaimale Yɨnozarɨ yawakɨna. Sɨnnawɨ Gotɨyarɨna majɨ, mwaalɨna yesara Yɨnozai yɨma'nakegaa' ayɨna Gotɨyarɨna dadɨvɨ' mwaale'. Ataamɨjɨ Yɨvasɨ sawaare kaimale taaya mɨlagi. Kwarame 930 kwavɨlava' Ataamɨ bala'. Yɨnozai kaimale Kenanɨmɨ kyawakɨna', Kenanɨ kaimale Maalalelɨmɨ kyawakɨna', Maalalelɨ kaimale Jaaretharɨ yawakɨna'. Jaarethai kaimale Yɨnokɨyarɨ kyawakɨna', Yɨnokɨyai kaimale Metuzalaamɨ yawakɨna'. Gotɨyareburɨ Yɨnokɨyai tewaanna yɨna yaka mabalyakei Gotɨyai maraabɨna ya'. Metuzalaa kaimale Lamekerɨ yawakɨna'. Kwarame 969 wavɨlavakei Metuzalaa bala'. Lamekei kaimale Nowaarɨ yawakɨna'. A'mwe pwara kaimale taaya yawakɨne'. Nowaai kaimale Samɨ, Aamɨ, Jaivetai saraavɨ yawakɨna'.
Currently Selected:
Jenɨzɨzɨ 5: byr
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2013, Wycliffe Bible Translators, Inc. All rights reserved.