Populiarios Biblijos eilutės iš Luke 5

Dalintis

ဟောဂိုကျီးဟေကားအချိန်ငါ ကိုယ်တော်စာ ရှိမုန်ငင် "အိန်းစိဟေကဟိုက်နီးယာ လှေယင် လှော်ခတ်ဂို့ တနာရိန်ကဇိစ်အတွက် နင်က တနာတန်နူးယင် အဟိုက်နက်အင်" ငါးဂို့ င့လင်ကဟေ။

ရှိမုန်ယဲ့ "အရှင်၊ ငါရက် ယက်တာပတ်လုံး ကြိုးစားဂို့ တနာရိန်ဟေငါးဒင်း မာရာယေ့ ရိန်ဂို့အလှုပါ(လ်) ။ ညီးင့ဒင့်ယဲ့ ကိုယ်တော် လုပ်ကဖန်းကအတွက် တနာရိန်ဂါးပိုက်အင် အယောက်ဟက်တာ ငါအဟြက်နိုင်ဂါးဟေ" ငါးဂို့ ဖြေလင်ကဟေ။ အိမ်မဒေလေ တနာရိန်က ပိုက်ရက်အင် အဟြန်နက်ကယဲ့ အမာရက်စာ ပိုက်ကွန်ရက် အဆပ်စာရောက်မှ တနာဘောင်းကိုအင် ရိန်ကို လှုလင်ကဟေ။

ဆိုဆော် ကိုယ်တော်နာ လူးသူကင်းဝေးကအရပ်အာ တစ်ကိုယ်တည်း လင်ဂို ဆုစိန်လင်ကဟေ။

ဖြောင့်မတ်ဟေကလူရက်ကအတွက် ငါဗန်(ဖ်)ဟေကားအရိ(လ်)ပါ(လ်)။ ညီးငဲ့ဒင့်ယဲ့ အပြစ်ဒုစရိုက်သမားရက်အင် နောင်တလှုဂါဇီးအတွက် ငါဗာန်(ဖ်)ဂါးဖြစ်ဟေ"ငါ့ကို ငှားလင်ကဟေ။

မှာအဖြစ်အပျက်ရက်အင် ပိုဟေကအခါ ရှိမုန်ပေတရုစာ ကိုယ်တော်ယေရှုဂါ အတာရင်းငင် ဒူးထောက်ဆဗားဂို့ " အရှင်၊ ငါနာ အမိကားအလုပ်ရက်အင်လိစ်ဟေကဒေါင်း ငါထနဲဘင်း ပြုကလင်ဒက်" ငါးဂို့ လျှောက်တင်လင်ကဟေ။

ကိုယ်တော်နာ အမှာရာအင် ဖြေဟေကရပ်နာ "ကျန်းမာဂါးလူးရက်ကအတွက် ဆရာဝန် အစိုးပါ(လ်)။ ဟပိုဆာအရိကားလူရက်မေ ဆရာဝန် စိုးဟေ။

အိမ်မှအခါ အမှာရက်အ(လ်) လှေရက်အင် ကမ်းဖုံးငါ ကိ(လ်)တင်ကိုကျီးကရပ် ငါဟေကားစုတ်ရက်အင် မလောက်ကို ကိုယ်တော်ကအလိုဝါ ယိုးလင်ကဟေ။

ကျီးကအိမ် ကိုယ်တော်ယေရူစာ မြို့တစ်မြို့ယာငါတုန်းကရပ် အမန်ပြောင်ရောဂါစွဲကပ်တုန်း ကလူး တာဆာပြိုင်းဟူးဝါငါ့လင်ကဟေ။ အမာစာ ကိုယ်တော်ယင် ပေါ်ကအိမ်ရှေ့ယာ ပုပ်ကို "ကိုယ်တော်၊ ကိုယ်တော်အလိုငါနဲ့က(လ်) အနာရောဂါယင် ပျောက်စိမ်းလူကအတွက် ငါကရောဂါယင် ပျောက်စိမ်းယန်နက်နိမ့်"ငါ့ကို လျှောက်တင်လင်ကဟေ။ အိမ်မားအခါ ကိုယ်တော်နာ အိမ်မာလူးယင် တာဟူးအိမ်တိုးကို "ငါအလိုငါဟေ၊ ပျောက်လင်ပါစေ" ငှားနက်ကအိမ်ချက်ချင်းဒင့် အိမ်မာလူးက ရောဂါနာ ပျောက်လင်ကဟေ။

ဆိုးဆော် ကိုယ်တော်ယေရှုဂါးဂုဏ်သတင်းနာ နေရာဆန်စူရက်အာ ပြန်နှံ့ကလင်ဂို လူးအစုအဝေးရက်စာ ကိုယ်တော်ကဟောပြောဆနိန်အီဟေကရက်အင် အတေးကအိမ် ဟာပိုဆာအငါကမှဘင်း ပျောက်ဇိစ် ကလှုမနီး စုရုံးဗန်(ဖ်)ကဟေ။