Populiarios Biblijos eilutės iš Luke 6

Dalintis

လူးရက်ဇိစ် ပေးကမ်းယင် နနိန်ရက်အ(လ်) နနိန်ရက်အီကတောင်မာဒင့် ဘောင်းကိုကအူဇာရက်အင် ပေးကမ်းဟေကဟင်းလင် ပေါ်ကား။ နနိန်ရက် လူးရက်ဇိစ်အီဟေကားပမာဏာအတိုင်း ဘုရားရှင်စာ နိန်ရက်အင် ပြန်ကိုပေးကမ်းလင်ကား"ငါ့ကို င့လင်ကဟေ။

မီဟေကားလူးနာ အမာကစိတ်နှလုံးထဲယာကား မီဟေကအူဇာရက်အင်မယ် ဆနပ်ဟေ။ အမီကလူးနာ အမာရက်ကစိတ်နှလုံးထဲယာကား အမီကအူဇာရက်အင်မယ် ဆနပ်ဟေ။ နနိန်ရက်က အင်းဆီငါဘင်းပြုဟေကား စကားလုံးရက်နာ နနိန်ရက်ကစိတ်နေစိတ်ထားယင် ဆနပ်တုန်းဟေ။

နနိန်းရက်က(လ်) ရန်သူရက်အင် မေတ္တာပီကို အမာရက်ကအတွက် ကောင်းကျိူးလုပ်အီယင့်။ ပြန်ဂိုလှုဂါးငါဂို့အမျှော်လင့်ထန်း တင်္ဂါချေးအီယင်း။ ဘုရားရှင်စာ ကျေးဇူးအချေးကလှုရက်အိမ် ဆိုးယုတ်ကလူးရက်အင် မေတ္တာပီဟေဖြိုက်ကို နနိန်ရက် အိမ်မဒေလေလုပ်နဲ့က(လ်) အကျိူးကျေးဇူး ဘောင်းကိုလှုဂို့ အမြင့်မြတ်ဆုံးကဘုရားရှင်က အဆာ၊ဆာအိရက် ဖြိုက်လင်ကား။

နင်ဂါး အဗား(ဖ်)ဘုရားရှင်စာ မေတ္တာဂရုဏာတော်အိမ်ပြည့်စုံကဖြိုက်ကို နနိန်ရက်အ(လ်) မေတ္တာကရုဏာအိမ် ပြည့်စုံယင့်ဂီး။

အိမ်မားအပြင် လူးရက်အင် အစီရင်ငဲ့၊ ညီးင့တောင်မယ် ဘုရားရှင်ကစီရင်ဟေကယဲ့ နနိန်ရက်ဟင်းလင်ပေါ်ကအရိ(လ်)ပါ(လ်)။ လူးရက်အင် ပြစ်တင်အဝေဖန်ယဲ့၊ ညီးင့တောင်မယ် ဘုရားရှင်က အပြစ်တင်ဟေကား ဟင်းလင်ပေါ်ကားအရိ(လ်)ပါ(လ်)။ လူးရက်အင် ခွင့်လွတ်အင်း။ အိမ်မဒေလေလုပ်နဲ့က(လ်) ဘုရားရှင်စာ နနိန်ရက်အင် ခွင့်လွတ်လင်ကား။

"သို့ရာတွင် အတတ်အတေးတုန်းကနနိန်ရက်အင် ငါပြိစ်ယန်ကား။ ရန်သူအပေါ် မေတ္တာပီးယင့်။ အပါနာယင် မုန်းတီးတုန်းကလူးရက်အင် အမာရက်ကကောင်းကျိူးယင် လုပ်အီယင့်။ နင်ငင်အတျဲကလူးဝင်ယဲ့ ဘုရားရှင်ကောင်းကျိူးမင်္ဂလာအီယန်မာနီး ဆုစိန်အီးယင်။ နင်ငင် ရက်စက်ဟေကားလူးအပေါင်းရက်အင်ယဲ့ ဆုစိန်အီယင့်။

အပါနာယင် ပြုမူဆက်ဆံဇိစ်ကက်ကဒေလေ အယောက်ကလူးရက်ကအပေါ်ဝါယဲ့ ပြုမူဆက်ဆံအီးယင်။

လူးဝါနာ နင်ကအာနာဘင်း ဟိုက်တာပေါက်နဲက(လ်) အယောက်ဟိုက်တာယဲ့ ပေါက်ဇိစ်ယင့်။ လူးဝါနာ နင်ကပါဇူယင် စိန်နဲ့က(လ်) နင်ကအထဲခံယင်ဒင့်အီယင့်။ နင်ကမား ဆူဝါပါဆာ ဇိစ်ဗာ(ဖ်)ဟေကားလူးအပေါင်းရက်အင်ယဲ့ အီနက်အင့်ဂီ။ လူးဟူးဝါနာ နင်ကအူဇာရက်အင် လာပီနဲ့က(လ်) အမာရက်ထနဲ့ ပြန်ကိုအစိန်ယဲ့။

မီဟေကားအဖင်းနာ အမီကအဆီယင် အဆီလှုကဒေလေ အမီကအဖင်းယေ့ မီကားအဆီယင် ဆီလင်လှုကအရိ(လ်)ပါ(လ်)။

အဆီးငင်ယူဂို့ အဖင်အကြောင့်ငင် ငှားလှုဟေ။ မရက်အဖင်းငါဘင်း သဖန်းသီးယင် အလာလှုကဒေလေ ချုံပုတ်အင်ဘင်းယေ့ စပျစ်ဆီးအင် တန့်ဂို့အလှုဝိုင်းပါ(လ်)ဂါး။