ᒉᓂᓯᔅ 6
6
ᑳᑮᐃᔑᒪᒋᐃᔑᒋᑫᐙᒡ ᐯᒫᑎᓯᐙᒡ
1 # Job 1.6; 2.1. ᐊᐲ ᑕᔥ ᑮᓂ ᐹᑏᓄᐙᒡ ᐯᒫᑎᓯᐙᒡ ᐅᐅᒫ ᐊᑮᕽ, ᐅᑖᓂᓯᐙᐞ ᓴ ᑮᐊᓂ ᓂᑖᐎᑭᐗᐞ᙮ 2ᐃᑭ ᑕᔥ ᐅᑯᓯᓯᒫᒃ ᑮᔑᑯᕽ ᑳᑮ ᐅᒌᐙᒡ ᐅᑮ ᐙᐸᒫᐙᐞ ᐁᒥᓄᓈᑯᓯᓂᒡ ᐃᐃ ᐅᑖᓂᓯᒫᐞ᙮ ᒦᑕᔥ ᑳᐃᔑ ᐅᑖᐱᓇᒫᓱᐙᒡ ᐐᓇᐙ ᐱᑯ ᐁᑮ ᐅᓀᓂᒫᐙᒡ ᐊᐌᓀᓇᐞ ᐙᐐᐎᐙᒡ᙮ 3ᑳᑎᐯᒋᑫᒡ ᑕᔥ ᑮᐃᑭᑐ, ᓂᑕᒑᒃ ᓴ ᑳᐐᓐ ᓀᐱᒡ ᐅᑲ ᐐᒋ ᐊᔮᒫᓰᓐ ᐯᒫᑎᓯᓂᒡ, ᐋᓃᔥ ᐊᒋᓇ ᐁᑕ ᑕᐱᒫᑎᓯ, ᓅᑯᒻ ᑕᒫᒋᓭ ᓂᑯᑣᒃ ᓃᔥᑕᓇ 120 ᑕᓱ ᐱᐴᓐ ᐁᑕ ᑕᐱᒫᑎᓯ᙮ 4#Num 13.33. ᐃᑭ ᑕᔥ ᐅᑯᓯᓯᒫᒃ ᑳᑮ ᐅᒌᐙᒡ ᑮᔑᑯᕽ ᑮᐐᒌᐙᐙᒡ ᐃᑴᐗᐞ ᐅᐅᒫ ᐊᑮᕽ ᑳᑮ ᐅᒌᓂᒡ, ᐅᑮ ᓂᑖᐎᑭᐋᐙᐞ ᒥᓵᐯᐞ᙮ ᒦᑕᔥ ᑳᑮ ᐅᒋ ᐊᔮᐙᒡ ᒥᓵᐯᒃ ᐃᐃ ᐊᐲ᙮ ᐋᐱᒋ ᑕᔥ ᑮᓲᑫᑖᑯᓯᐗᒃ ᐃᑭ ᒥᓵᐯᒃ, ᒥᓯᐌ ᑲᔦ ᑮᓅᑖᑳᓂᐎᐗᒃ᙮
5 # Mat 24.37; Luk 17.26; 1Pe 3.20. ᑳᑎᐯᒋᑫᒡ ᓴ ᐅᑮ ᐙᐸᑖᓐ ᐋᓃᓐ ᑳᐊᐲᒋ ᒪᒋᐃᔑᐌᐱᓯᓂᒡ ᐯᒫᑎᓯᓂᒡ ᐅᐅᒫ ᐊᑮᕽ, ᐅᑮ ᐙᐸᑖᓐ ᑲᔦ ᑲᑳᒋᒡ ᐁᓂᑖ ᐃᓀᑕᒥᓂᒡ ᐅᑌᐃᓃᕽ, ᒨᔕᒃ ᐁᑮ ᒪᒋᓈᓈᑲᑕᐌᑕᒥᓂᒡ᙮ 6ᑳᑎᐯᒋᑫᒡ ᑕᔥ ᑮᒥᒋᓇᐌᓯ ᐁᑮ ᐅᔑᐋᒡ ᐃᓂᓂᐗᓐ ᐅᐅᒫ ᐊᑮᕽ, ᐁᑮ ᒫᓀᑕᕽ ᐅᑌᐃᕽ᙮ 7ᑳᑎᐯᒋᑫᒡ ᑕᔥ ᑮᐃᑭᑐ, ᐃᑕᐙ ᓂᑲ ᓂᔑᐗᓈᒋᐋ ᐊᐊ ᐃᓂᓂ ᑳᑮ ᐅᔑᐊᒃ ᐅᐅᒫ ᐊᑮᕽ᙮ ᐃᓂᓂᐗᒃ, ᐊᔭᐋᐎᔕᒃ ᑲᔦ ᑳᐸᐹᒨᑌᐙᒡ, ᐱᓀᔒᔕᒃ ᑲᔦ ᑳᐸᐹᒥᓭᐙᒡ; ᓂᒥᒋᓇᐌᔅ ᐁᑮ ᐅᔑᐊᒀ᙮ 8ᐯᔑᒃ ᑕᔥ ᐃᓂᓂ ᓅᐗ Noah ᑳᑮ ᐃᔑᓂᑳᓱᒡ, ᑭᔐᒪᓂᑑᓐ ᐅᑮ ᒥᓍᐸᒥᑰᓐ᙮
ᓅᐗ ᑮᐅᔑᑑᒡ ᑭᒋ ᒌᒫᓐ
9ᒦᑕᔥ ᐅᐅ ᓇᑫ ᐁᔑ ᑕᔑᓱᒡ ᐊᐊ ᓅᐗ Noah᙮ ᐋᐱᒋ ᓴ ᑮᑾᔭᒀᑎᓯ, ᑳᐐᓐ ᐊᐙᒡ ᐸᑮ ᑫᑰᓐ ᑮᐃᔑ ᐊᓈᒣᑖᑯᓯᓰ ᐃᐃᒫ ᑳᑮ ᐅᑕᑳᓀᓯᒡ᙮ ᓅᐗ ᑲᔦ ᐅᑮ ᐐᒋ ᐱᒧᓭᒫᓐ ᑭᔐᒪᓂᑑᓐ᙮ 10ᓅᐗ ᑮᓂᓯᐗᐞ 3 ᐅᑯᓯᓴᐞ ᐁᑮ ᐃᔑᓂᑳᓱᓂᒡ ᔐᒻ Shem, ᐁᒻ Ham, ᒉᐸᑦ Japheth᙮ 11ᐅᐅᒫ ᑕᔥ ᐊᑮᕽ ᑳᑮ ᐱᒫᑎᓯᐙᒡ ᑮᓂᔑᐗᓈᑕᑲᒥᑭᓯᐗᒃ ᐁᓈᓴᒦᓂᒡ ᑭᔐᒪᓂᑑᓐ, ᒫᓇᑲᒥᑭᓯᐎᓐ ᑲᔦ ᒥᓯᐌ ᑮᐊᔮ ᐅᐅᒫ ᐊᑮᕽ᙮ 12ᑭᔐᒪᓂᑑ ᐅᑮ ᐙᐸᑖᓐ ᐱᔑᔑᒃ ᓂᔑᐗᓈᑕᑲᒥᑭᓯᐎᓐ ᐁᐊᔮᒪᑲᓂᓂᒃ ᐅᐅᒫ ᐊᑮᕽ᙮ ᐋᓃᔥ ᑲᑭᓇ ᐯᒫᑎᓯᐙᒡ ᑮᐸᐹ ᓂᔑᐗᓈᑕᑲᒥᑭᓯᐗᒃ ᐅᐅᒫ ᐊᑮᕽ᙮
13ᑭᔐᒪᓂᑑ ᑕᔥ ᐅᑮᐃᓈᓐ ᓅᐗᐗᓐ, ᐋᔕ ᓂᑮ ᑮᔐᑖᓐ ᐁᐐ ᓂᔑᐗᓈᒋᐊᒀ ᑲᑭᓇ ᐯᒫᑎᓯᐙᒡ᙮ ᐗᐐᑫ ᓂᐐ ᑕᑯ ᓂᔑᐗᓈᒋᐋᒃ ᓂᔑᐗᓈᒋᑖᐗᒃ ᐅᐅ ᐊᑮᓂ, ᐋᓃᔥ ᒥᓯᐌ ᐅᒫᓇᑲᒥᑭᓯᐎᓂᐙᓐ ᐊᔮᓂ ᐅᐅᒫ ᐊᑮᕽ᙮ 14ᑮᓐ ᑕᔥ ᐅᔑᑑᓐ ᑭᒋ ᒌᒫᓐ, ᒥᑎᑰᒃ ᑳᓲᑭᑭᓯᐙᒡ ᐋᐸᒋᐞ᙮ ᐃᔑᑑᑲᓐ ᓴ ᒋᐸᐸᑫᔮᒃ ᐃᐃ ᑭᒋ ᒌᒫᓐ᙮ ᐱᑭᐤ ᑲᔦ ᐋᐸᒋᐞ ᐲᑑᓇᒃ, ᓵᑭᑑᓇᒃ ᑲᔦ᙮ 15ᒦᑕᔥ ᑫᐃᔑᑑᔭᓐ, ᓃᐙᒃ ᓈᓂᒥᑕᓇ 450 ᑕᓱ ᒥᓯᑦ ᑕᐊᑰᓇᑲᓐ, ᓃᔣᓯᒥᑕᓇᔑᓈᓈᓐ 75 ᑕᓱ ᒥᓯᑦ ᑕᐃᓇᑾᑯᑌᔫᓇᑲᓐ᙮ ᓃᒥᑕᓇᔑᓈᓈᓐ 45 ᑕᓱ ᒥᓯᑦ ᑕᐊᐲᑖ᙮ 16ᐯᔑᑯ ᒥᓯᑦ ᐋᐱᑕ ᐃᔥᐹᔭᐄ ᑭᑲ ᐅᒋ ᒫᒌ ᐊᐱᒀᓇᑯᑲᑖᓐ ᐃᐃ ᑭᒋ ᒌᒫᓐ᙮ ᐃᔥᒀᑌᒥᑲᑕᓐ ᐋᓴᒨᓇᒃ᙮ ᓃᔣ 3 ᒋᐊᑸᑕᐎ ᐃᔥᐱᒦᒋᑳᑌᒃ ᑭᑲ ᐃᔑᑑᓐ᙮ 17ᐃᓇᔥᑫ, ᓃᓐ ᓂᐐ ᓂᔑᐗᓈᒋᑑᓐ ᐅᐅ ᐊᑭ ᐁᐐ ᓂᑭᐸᑑᔮᓐ, ᐁᐐ ᓂᔑᐗᓈᒋᐊᒀ ᐯᒫᑎᓯᐙᒡ ᔒᐹᑮᔑᒃ ᐁᔮᐙᒡ᙮ ᑲᑭᓇ ᓴ ᑫᑰᓐ ᑕᓂᐴᒪᑲᓐ ᐅᐅᒫ ᐊᑮᕽ᙮ 18ᓂᑲ ᐅᔑᑑᓐ ᐃᑕᔥ ᐊᔓᑕᒫᑫᐎᓐ ᑮᓇᐎᓐᑦ ᐅᒋ᙮ ᐴᓯᓐ ᐃᐃ ᑭᒋ ᒌᒫᓐ, ᑭᐐᐤ ᑲᔦ ᑕᐴᓯ, ᑭᑯᓯᓴᒃ ᑲᔦ, ᐅᐐᐎᐗᐞ ᑲᔦ ᑕᐴᓯᐗᐞ᙮ 19ᓀᓃᔑᓐ ᓴ ᐁᑕᓶᐙᓇᑭᓯᐙᒡ ᐊᔭᐋᐎᔕᒃ ᑭᑲ ᐴᓯᐋᒃ ᐃᐃᒫ ᑭᒋ ᒌᒫᓂᕽ᙮ ᐊᔮᐯ, ᔑᑾ ᓅᔐᔭᐋ ᑫᐐᓇᐙ ᒋᐱᒫᑎᓯᐙᒡ᙮ 20ᐃᑭ ᑲᔦ ᐱᓀᔒᔕᒃ ᐁᑕᓶᐙᓇᑭᓯᐙᒡ, ᐊᔭᐋᐎᔕᒃ ᐁᑕᓶᐙᓇᑭᓯᐙᒡ, ᑳᐸᐹᒨᑌᐙᒡ ᑲᔦ ᒥᑕᑲᒥᒃ ᐁᑕᓶᐙᓇᑭᓯᐙᒡ᙮ ᑕᓀᓃᔑᐗᒃ ᐃᑕᔥ ᒋᐱ ᓈᓯᑲᐎᒀ ᒋᐱᒫᑎᓯᐙᒡ᙮ 21ᑫᑮᓐ ᑕᔥ ᒫᒌᑑᓐ ᐁᑕᓶᐙᓇᑲᒃ ᒦᒋᒻ ᑳᒦᒋᓈᑳᑌᒃ, ᒫᐗᑑᓇᓐ ᑲᔦ᙮ ᒦᑕᔥ ᐃᐃ ᑫᐅᑖᑎᓯᔭᓐ, ᐃᑭ ᑲᔦ ᐊᔭᐋᐎᔕᒃ᙮ 22#Heb 11.7. ᓅᐗ ᑕᔥ ᑮᐃᔑᒋᑫ ᑲᑭᓇ ᑫᑰᓂᓂ ᑳᑮ ᐃᔑ ᐊᓅᓂᑯᒡ ᑭᔐᒪᓂᑑᓐ᙮
Šiuo metu pasirinkta:
ᒉᓂᓯᔅ 6: OJBS
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Ojibwe Shorter Bible (Syllabic Script) © 2008 Canadian Bible Society