Daa 17

Lua tↄ̃zↄ̃yã dilɛa Ablaũɛ

1Kɛ́ Ablaũ kà wɛ̃̀ basↄo mɛ̀ndosai, Dii bↄ̀ mↄ̀wà à mɛ̀: Mámɛmaa Lua Gbãapiide. Tɛmazi, níↄ ku tàaesai. 2Ma bàakuannↄ aↄ gɛ́ɛ, mí n bui kã́fĩnɛ maamaa. 3Ablaũ wùlɛ a gbɛɛu Lua aɛ, ↄ̃ Lua òɛ̀: 4Lá ma bàa kunnↄ, ńyↄ̃ gↄ̃ bui dasiↄ dezi ũ. 5Wàli onɛ Ablaũ lↄo, sema Ablahaũ,#17.5 Bee mɛ̀ buidaside. asa má n kɛ buiↄ dezi ũɛ.#17.5 Lom 4.17 6Má tó n bui dasikũ, buiↄ ń kíaↄ bↄ n kĩ́iɛ. 7Ma bàa aↄ kunnↄ ń n buiↄ e gↄↄpiiɛ.#17.7 Luk 1.55 Máↄ dɛ n Lua ũ ń n buiↄ n kpɛ. 8Má Kanaa bùsu pↄ́ ń kú a guu nibↄ ũ kpama píi ń n buiↄ n kpɛ, kɛ́ aaↄ vĩ gↄↄpii, míↄ dɛ ń Lua ũ.

9Lua ɛ̀a ò Ablahaũɛ: Mpi ń n buiↄ, àↄ ma bàakuaánↄ yã́ kũa e á buiwa. 10Mpi ń n buiↄ, yã́ pↄ́ málɛ dilɛɛ́ àↄ kũan kɛ: Sema á gↄ̃ɛ píi lí tↄ̃zↄ̃. 11À tↄ̃zↄ̃ ma bàakuaánↄ seela ũ.#17.11 Zĩn 7.8, Lom 4.11 12Sema n bui nɛgↄ̃ɛↄ lí tↄ̃zↄ̃ an gↄↄ swaaↄ̃de zĩ́ e an buiwa, nɛ́ pↄ́ wà ń í n bɛↄ ń zↄ pↄ́ wa lù buipãleↄwaↄ píi. 13Wà aà ì n bɛn nò, wa lù zↄ ũn nò, sema aà tↄ̃zↄ̃. Bee iↄ dɛ ma bàakuaánↄ gↄↄpii seela ũ á mɛwa. 14Sema àli gyafↄↄde bↄ á guu, asa gbɛ̃́ pↄ́ i tↄ̃zↄ̃o i ma bàakuaánↄ yãdaoɛ.

15Ɔ̃ Lua ɛ̀a ò Ablahaũɛ: Ńsuli o n naɛ Salai lↄo, nìli oɛ̀ sa Sala.#17.15 Bee mɛ̀ kía nɛnↄɛ. 16Má báaadaaàgu, mí tó aà nɛ'i gↄ̃ɛ ũ, i gↄ̃ buiↄ dazi ũ. Bùsu kíaↄ bↄ aà kĩ́iɛ. 17Ɔ̃ Ablahaũ wùlɛ a gbɛɛu Lua aɛ, à yáalↄ̀ a ò a nↄ̀sɛ guu: Gbɛ̃́ pↄ́ kà wɛ̃̀ basↄo a nɛ'ie? Lá Sala kà wɛ̃̀ basiiↄ̃kwi, a nɛ'ie? 18Ɔ̃ à ɛ̀a ò Luaɛ: Suɛ! Ǹyↄ̃ Isimaɛla gwa. 19Lua mɛ̀: Sĩana guu n na Sala a nɛ'i gↄ̃ɛ ũ, ní tↄ́kpaɛ̀ Izaaki.#17.19 Bee mɛ̀ yaalↄ. Ma bàa aↄ kuaànↄ ń aà buiↄ e gↄↄpiiɛ. 20Isimaɛla yã́ musu, ma n yãmà. Má báaadaaàgu, a nɛ'i, i kã́fĩ maamaa. A nɛgↄ̃ɛↄ i gbɛ̃ↄn kuɛpla, mɛ́ aa gↄ̃ kíaↄ ũ, aà bui i dasikũ. 21Ń beeo ma bàakuannↄ a gↄ̃ Izaakiɛɛ. Zii maa'i ↄ̃ Sala a aà i. 22Kɛ́ Lua yã'ò Ablahaũɛ a làa, ↄ̃ à gòaàla à tà musu.

23Ɔ̃ Ablahaũ a nɛ́ Isimaɛla sɛ̀ ń a bɛ gↄ̃ɛ pↄ́ wà ń í a bɛↄ ń zↄ pↄ́ wà ń lúↄ píi, ↄ̃ à tↄ̃zↄ̃̀nɛ́ zĩbeezĩ gↄ̃̀ↄ lá Lua òɛwa. 24Ablahaũ kà wɛ̃̀ basↄo mɛ̀ndosai, ↄ̃ à gbàsa tↄ̃zↄ̃̀, 25aà nɛ́ Isimaɛla sↄ̃ wɛ̃̀ kuɛ'aaↄ̃. 26Zĩ́ doũ zĩ ↄ̃ Ablahaũ tↄ̃zↄ̃̀ ń a nɛ́ Isimaɛlao 27ń a bɛ gↄ̃ɛ pↄ́ wà ń í aà bɛↄ ń zↄ pↄ́ wà ń lú buipãleↄwaↄ píi. Aa tↄ̃zↄ̃̀ gↄↄ doũ zĩ́ɛ.

Šiuo metu pasirinkta:

Daa 17: BBL2010

Paryškinti

Dalintis

Kopijuoti

Norite, kad paryškinimai būtų įrašyti visuose jūsų įrenginiuose? Prisijunkite arba registruokitės

Sužinoti daugiau apie Bòó Bibeli Luayãtaala

Daa 17

Populiarios Biblijos eilutės iš
Daa 17

Biblija:

Boko

Versija: Bòó Bibeli Luayãtaala - BBL2010

Daa 17

Daa 17

Populiarios Biblijos eilutės iš Daa 17

Biblija:

Boko

Versija: Bòó Bibeli Luayãtaala - BBL2010

Daa 17

Populiarios Biblijos eilutės iš
Daa 17