Zenasis - Stat blo ebriting 5
5
Stori blo pamlelain blo Adam
1-2Diswan ya stori blo pamlelain blo Adam. Wea dat taim wen God i bin meke ol pipol, em bin meke dempla gad seimkain imiz wase God. Em bin meke dempla, man ane oman. Wen em bin meke dempla em bin blese dempla, ane kole dempla “pipol”.
3Wen Adam i bin kese 130 iya oul, em i bin gad wan boi pikinini uda bin prapa luk wase em, ane em bin kolem Set. 4Da taim apta wen Set i bin bon, Adam i bin stap laip po nada 800 iya, ane Adam i bin gad ol nada boi ane gel pikinini tu. 5Wen Adam bin ded, em bin 930 iya oul.
6Wen Set i bin kese 105 iya oul, em bin gad wan boi pikinini, ane em bin kolem Inos. 7Da taim apta wen Inos i bin bon, Set i bin stap laip po nada 807 iya, ane Set i bin gad ol nada boi ane gel pikinini. 8Wen Set i bin ded, em bin 912 iya oul.
9Wen Inos i bin kese 90 iya oul, em bin gad wan boi pikinini, ane em bin kolem Kenan. 10Da taim apta wen Kenan i bin bon, Inos i bin stap laip po nada 815 iya, ane Inos bin gad ol nada boi ane gel pikinini. 11Wen Inos i bin ded, em bin 905 iya oul.
12Wen Kenan i bin kese 70 iya oul, em bin gad wan boi pikinini, ane em kolem Malalil. 13Da taim apta wen Malalil i bin bon, Kenan i bin stap laip po nada 840 iya, ane Kenan i bin gad ol nada boi ane gel pikinini. 14Wen Kenan i bin ded, em bin 910 iya oul.
15Wen Malalil i bin kese 65 iya oul, em bin gad wan boi pikinini, ane em bin kolem Zared. 16Da taim apta wen Zared i bin bon, Malalil i bin stap laip po nada 830 iya, ane Malalil i bin gad ol nada boi ane gel pikinini. 17Wen Malalil i bin ded, em bin 895 iya oul.
18Wen Zared i bin kese 162 iya oul, em bin gad wan boi pikinini, ane em bin kolem Inok. 19Da taim apta wen Inok i bin bon, Zared i bin stap laip po nada 800 iya, ane Zared i bin kip gad ol nada boi ane gel pikinini. 20Wen Zared i bin ded, em bin 962 iya oul.
21Wen Inok i bin kese 65 iya oul, em bin gad wan boi pikinini, ane em bin kolem Metusela. 22Da taim apta wen Metusela i bin bon, Inok i bin prapa pole God klostu po 300 iya. Inok i bin gad ol nada boi ane gel pikinini. 23Ane Inok i bin kese 365 iya oul. 24Inok i bin prapa lisen ane pole God prapa klostu. Den i no bin gad Inok eniwea lo ert ya daun, bikoz God i bin tekem lo laipbodi go antap lo eben.
25Wen Metusela i bin kese 187 iya oul, em bin gad wan boi pikinini, ane em bin kolem Lamek. 26Da taim apta wen Lamek i bin bon, Metusela i bin stap laip po nada 782 iya, ane Metusela i bin gad ol nada boi ane gel pikinini. 27Wen Metusela i bin ded, em bin 969 iya oul.
28Wen Lamek i bin kese 182 iya oul, em bin gad wan boi pikinini, 29ane em bin kolem Noa. Ane Lamek i bin spik, ‘Dis pikinini i go gibe yumpla spel prom dem adwok yupla mekem lo gadan, bikoz God i bin kerse da graun.’ 30Da taim apta wen i Noa bin bon, Lamek i bin stap laip po nada 595 iya ane Lamek bin gad ol nada boi ane gel pikinini. 31Wen Lamek i bin ded, em bin 777 iya oul.
32Wen taim blo laip blo Noa i bin kese 500 iya em bin pinis gad tri boi pikinini, ane em bin kole dempla Sem, Am ane Zapet.
Šiuo metu pasirinkta:
Zenasis - Stat blo ebriting 5: tcsNTPO
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2014, Wycliffe Bible Translators, Inc. All rights reserved.