YAPHANG SINIRWMUNG
SINIRWMUNG
Yaphangni bijap hwnma khe “Yaphang” eba takchengrama. O bijap wng kha bebak hayung nokharok snamjakmani kók, borokrokni yaphang, sumsokni yaphang tei ha saka-o tong khochor sátokma chengma tei bororokno tẃi samung tangmarokni kók. Yaphangni bijapno khaknwi khe khagwi mano:
1. Rem 1-11 Hayung snamjakma kók tei borokrokni yaphangni láibuma. Oro Adam tei Ebini kók, Kain bai Abelni kók, Noa tei bini jora-o twi torma kók tei Babilonni nok kuchukni kókrok tongo.
2. Rem 12-50 Israil dophani yaphang bosongni kók. Swkang hwn khe Abraham, bo wng kha poito bai bini kók khnamano tẃi muitu wngjaknai. Aboni ulo khe bini bwsla Isak tei busuk Jakob (bono Israilbo hwno) tei bini ulo khe bini takhuk chinwi bwsarok, bórokno Israilni bosong chiknwino songcha-o. Abórokni bisingo khoroksa bwsano mokol kaijak kuk kha, bo wng kha Josep tei bo bai tei kubun bwsarokno núkhung tẃiwi ha Ijibo tubuma kothoma.
O bijap borokrokni kothomano sa phuru khe, omo swkang tei tamo Kaitor samung tang gra kha abono sa-o. Omo Kaitor hayungno snammano kwrak khe sa-o tei Kaitor bini borokrokno khá-o chongwi tonmano tei swmaini kókno sa-o. Bijap gwnangwini kók khe Kaitor simi se, bono buj thumo tei cha ya khlainairokno khe majra rw-o tei bini borokrokno khe tẃithero tei chuba-o tei bórokni láibumano songcha-o. O bijap kwcham swima khe borokrokni poitoni kókno tisaui narwkna tei a poitono kwthang tonna bagwi chubana bagwi se swijago.
Buro tamo Kóktháirok
Hayungrok tei Borokno Snamma 1.1-2.25
Sumsok chengjakma tei sátokmung manma 3.1-24
Adamni simi Noani jora 4.1-5.32
Noa tei twi tormani kók 6.1-10.32
Babilonni nok kuchuk 11.1-9
Semni simi Abram jora 11.10-32
Yaphangni bosongrok: Abraham, Isak, Jakob 12.1-35.29
Esauni bosongrok 36.1-43
Josep tei bini takhuksong 37.1-45.28
Israilrok Ha Ijibo tongwima 46.1-50.26
Šiuo metu pasirinkta:
YAPHANG SINIRWMUNG: KOKBSI
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.