Aˇ dahˬ 5
5
Aˬdaˬ-euˬ zaˬ deuˬ uˆ deuˬ
(1 Laˬsaˬbaˬ 1.1-4)
1Heu-aˬ, Aˬdaˬ-ahˇ neh dehꞈ ka leꞈ-euˬ tsuiꞈ pyeuꞈ-eu meh. Tsawˇ haˬ zaˬ-ahˇ Miˬyehˇ beh ngeh, aˬ yawꞈ-ahˇ duˇ ni beh-euˬ meh. 2Kʼaˬ dzeˇ zaˬ hawˇ-eu zaˬ miˬ zaˬ-ahˇ aˬ yawꞈ beh gʼaˬ ngeh, aˬ yawꞈ nyaꞈ-ahˇ guiˬ lahˬ biꞈ nehˬ-awˇ, “Tsawˇ haˬ zaˬ” lehˇ myahˇ nehˬ-euˬ meh. 3Aˬdaˬ tiˬ yaˇ smˬ tseˇ kʼoꞈ kʼawˆ ngeh, aˬ yawꞈ-ahˇ duˇ-eu aˬ li tiˬ li paˇ jawˇ le-awˇ, Seˬtaˆ lehˇ myahˇ nehˬ-euˬ meh. 4Kʼoeˇ naˇ, Aˬdaˬ aˬ yawꞈ yehꞈ yaˇ kʼoꞈ paˇ dehꞈ-awˇ, zaˬ paˇ jawˇ lahˬ le-euˬ meh. 5Gʼoeˬ yaˇ tseˇ shiꞈ kʼoꞈ kʼawˆ ngeh, aˬ yawꞈ ziˇ jiˇ-euˬ meh.
6Seˬtaˆ tiˬ yaˇ ngaˬ kʼoꞈ kʼawˆ ngeh, aˬ li tiˬ li jawˇ le-awˇ, Iˇnoˆ lehˇ myahˇ nehˬ-euˬ meh. 7Aˬ li kʼoeˇ li jawˇ le gʼaˬ miˇ tsa, yehꞈ yaˇ shiꞈ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 8Gʼoeˬ yaˇ smˬ tseˇ kʼoꞈ kʼawˆ ngeh, aˬ yawꞈ ziˇ jiˇ-euˬ meh.
9Iˇnoˆ gʼoeˬ tseˇ kʼoꞈ kʼawˆ ngeh, Gaˬnaˬ lehˇ myahˇ-euˬ aˬ li tiˬ li jawˇ le-euˬ meh. 10Aˬ li kʼoeˇ li jawˇ le gʼaˬ miˇ tsa, yehꞈ yaˇ tseˇ ngaˬ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 11Gʼoeˬ yaˇ ngaˬ kʼoꞈ kʼawˆ ngeh aˬ yawꞈ ziˇ jiˇ-euˬ meh.
12Gaˬnaˬ shiꞈ tseˇ kʼoꞈ kʼawˆ ngeh, Maˬhaˬleˬlaˇ lehˇ myahˇ-euˬ aˬ li tiˬ li jawˇ le-euˬ meh. 13Aˬ li kʼoeˇ li jawˇ le gʼaˬ miˇ tsa, yehꞈ yaˇ oeˬ tseˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 14Gʼoeˬ yaˇ tseˇ kʼoꞈ kʼawˆ ngeh aˬ yawꞈ ziˇ jiˇ-euˬ meh.
15Maˬhaˬleˬlaˇ koꞈ tseˇ ngaˬ kʼoꞈ kʼawˆ ngeh, Jaˬyehˆ lehˇ myahˇ-euˬ aˬ li tiˬ li jawˇ le-euˬ meh. 16Aˬ li kʼoeˇ li jawˇ le gʼaˬ miˇ tsa, yehꞈ yaˇ smˬ tseˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 17Yehꞈ yaˇ gʼoeˬ tseˇ ngaˬ kʼoꞈ kʼawˆ ngeh aˬ yawꞈ ziˇ jiˇ-euˬ meh.
18Jaˬyehˆ tiˬ yaˇ koꞈ tseˇ nyiꞈ kʼoꞈ kʼawˆ ngeh, Iˇnawˆ lehˇ myahˇ-euˬ aˬ li tiˬ li jawˇ le-euˬ meh. 19Aˬ li kʼoeˇ li jawˇ le gʼaˬ miˇ tsa, yehꞈ yaˇ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 20Gʼoeˬ yaˇ koꞈ tseˇ nyiꞈ kʼoꞈ kʼawˆ ngeh, aˬ yawꞈ ziˇ jiˇ-euˬ meh.
21Iˇnawˆ koꞈ tseˇ ngaˬ kʼoꞈ kʼawˆ ngeh, Maˬtuˇseˬlah lehˇ myahˇ-euˬ aˬ li tiˬ li jawˇ le-euˬ meh. 22Kʼoeˇ naˇ, Iˇnawˆ aˬ yawꞈ smˬ yaˇ kʼoꞈ byah ni Miˬyehˇ nehˬ-ehˇ cawˬ cawˬ taꞈ-awˇ, zaˬ paˇ jawˇ lahˬ le-euˬ meh. 23Smˬ yaˇ koꞈ tseˇ ngaˬ kʼoꞈ kʼawˆ ngeh keuˆ ni, miˇ tsaˬ kʼoeˇ taˆ aˬ yawꞈ dehꞈ-euˬ meh. 24Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.
25Maˬtuˇseˬlah tiˬ yaˇ yehꞈ tseˇ shiꞈ kʼoꞈ kʼawˆ ngeh, Laˬmehˇ lehˇ myahˇ-euˬ aˬ li tiˬ li jawˇ le-euˬ meh. 26Aˬ li kʼoeˇ li jawˇ le gʼaˬ miˇ tsa, shiꞈ yaˇ yehꞈ tseˇ nyiꞈ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh. 27Gʼoeˬ yaˇ koꞈ tseˇ gʼoeˬ kʼoꞈ kʼawˆ ngeh, aˬ yawꞈ ziˇ jiˇ-euˬ meh.
28Laˬmehˇ tiˬ yaˇ yehꞈ tseˇ nyiꞈ kʼoꞈ kʼawˆ ngeh, aˬ li tiˬ li jawˇ le-euˬ meh. 29Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ#5.29 ‘Noˇaˬ’ lehˇ ehˇ-eu dawˬ tsuiꞈ-aˬ, ‘bi buˬ-iˇ-eu’ lehˇ ehˇ mawꞈ-eu meh. lehˇ myahˇ nehˬ-euˬ meh. 30Noˇaˬ dehꞈ le gʼaˬ miˇ tsa, ngaˬ yaˇ gʼoeˬ tseˇ ngaˬ kʼoꞈ Laˬmehˇ paˇ dehꞈ-awˇ, zaˬ paˇ jawˇ lahˬ le-euˬ meh. 31Shiꞈ yaˇ shiꞈ tseˇ shiꞈ kʼoꞈ kʼawˆ ngeh aˬ yawꞈ ziˇ jiˇ-euˬ meh. 32Noˇaˬ ngaˬ yaˇ kʼoꞈ dzehˬ-iˇ ngeh, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ le-euˬ meh.
Šiuo metu pasirinkta:
Aˇ dahˬ 5: AHK
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Akha Bible Revision (Latin Script) © Thailand Bible Society, 2011.