Tabekacane 3
3
Kai umawmase wabaebalre ki drekase
1Kai sulrau yai ikai ki bekace ki Tamatama ka Twaumase sanaka waudriwdripi malrilrigilinga ku salrilrigilane. Ku sulrau la kivaga kwini ki ababai, “Ku Twaumase tengane ka madha kanekane amia numiane kikai sanaka madru ki angatu ikai mawivaivai?”
2Kwini ababai la tubalre, “Kikai yakai mawivaivai sanaka madru ki ivai lri dulru nai kane patuelre; 3kathane kavai yakabicelrakane ki mawivaivai kavai angatu ku madru ka kaika adulrwane kane. Ku Twaumase pakaicilri naiane kane kikavai madru ki angatu. Adravane ka atakelane; lu kai nai kilalra, lri tara pacai nai.”
4Ku sulrau la iya kai ki ababai, “Bekace ngimia kwini! Kai numi lri pacai. 5Ku taiyane kai ki Twaumase, amani sathingale sana kane numi kavai madru ki angatu, lri ledra kwi maca numi; lai lri ngimia numi ki Twaumase#3.5 “Twaumase” ku wahunyake madu iya kai “latwaumase”. dulru thingale ku mathariri si malisi#3.5 “dulru thingale ku mathariri si malisi,” ku wahunyake madu iya kai “wathingale patuelre”..”
6Kwini ababai la drele kwini madru ki angatu ka matidadalame, matikaekane, lai lri dulru kalrigili, la pusamalra turamuru. La malra labutu kwini madru, si la kane, ala baai pakane ki tauwaneini; kwini tauwaneini la mialri kane. 7Sa kane kwini madru, la ledra ku maca, si ngithathingalenga ka vialralrakane; ala ngwalai kikai, la arakai ku vasau ki icizike ka angatu darepe tukunu si paidringi ki kinawmasane.
8Kwini sakamiauawbu, kwini lalasu la kilalra ki Tamatama ka Twaumase sa dadadavace ikai mawivaivai, la katwase lailai mwadringi ki angatungatu kilepenge. 9Ai ku Tamatama ka Twaumase watawtau kwini ki lasu, “Yakaisu inu?”
10Kwini lasu la tubalre, “Kialalraku sa dadadavacesu ikai mawivaivai, la mukuludraku turamuru, si kilepenge; asi lwiyane vilralralrakanaku.”
11Ku Tamatama ka Twaumase la kivaga, “Aneane ku peaelaela muswane, ka vialralralrakanesu? Wakanesu kwidra madha kanekane iyali muswane kwidra madru ki angatu?”
12Kwini umawmase la tubalre, “Amani kavai pasipalrasu nakwane kavai ababai ka wabaai nakwane ka madru, la kaneaku.”
13Ku Tamatama ka Twaumase la kivaga kwini ki ababai, “Manemane kai piasu kai?”
Kwini alisu la tubalre, “Amani kavai sulrau ka walrilrigili nakwane, lakamani ku kaneli.”
Twapasalrivane ku Twaumase
14Ku Tamatama ka Twaumase la iya kai kwini ki sulrau, “Lri ngwalaisu kikai si kipathavungu. Ikai ki sanaka waudriwdripi, kathanesu ka lri kipiakai kipusu: Twalainga kikai lri arakaisu ku barange dadavace, si kane ku dae makalautu. 15Lri makakabadhasu kavai ki ababai, ku mwabaibalrithi numi lri makakabadha. Kwini lasu lri twithi ki awlrusu; ala lri kacesu pakadula ki alrudrudraneini.”
16Ku Tamatama ka Twaumase amia kai kwini ki ababai, “Lri aru padrimaku ku akwalrianesu lu katawbalirisu, akiangeangane lu tulalalakesu. Adravane ka miyaiya kai, lri kathadalranesu urikai ki tauwanesu; kwi lasu lri kadrenge muswane.”
17Ku Tamatama ka Twaumase la iya kai kwini ki sawvalai, “Kikai kialalrasu patupapalra ki taelrelresu, kane ku madha kanekane iyali muswane ku madru ki angatu, kikai kadaengane lri ngwalai ku tabaebalreanesu ku drekase si kipusu. Lri makalautusu kwalri kaungu ala lri makakelrete ku taleke. 18Kai kadaengane lri cebe ku cecenekane ka angatu si ubulu, la lri kanesu ku singi angangade ku lacenge. 19Lu kaigipisu ki sakwalrialri lri kabucukusu. Lri kaungusu, pakeela ku tapacadhanesu, siwlri mwa ki dae; asi lwiyane niara daeanesu kibekace, lri siwlrisu adae.”
20Ku Adame#3.20 “Adame” ku pacugane yai “laumawmase” amia. la sunagane ki taelrelreini pasi Iva#3.20 “Iva” ku pacugane yai “niake” amia., asi lwiyane kai alisu amani ku tina ki laumawmase. 21Ku Tamatama ka Twaumase arakai ku lrangici ki bulabulai tulaimai si baai ki Adame si taelrelreini pasilaimai.
Kiapakatwase Idingi ku Adame si Iva
22Sakabilrilinga, ku Tamatama ka Twaumase amia kai, “Kikavai umawmase ngiamianga mitane, ikainga ku thingalane apapilripilri ki mathariri si malisi#3.22 “ikainga ku thingalane apapilripilri ki mathariri si malisi” ku wahunyake madu iya kai “saikainga ku thingalane patuelre”.; kai lri maka kanenga kavai madru ki niake ka angatu si apalralrawthunga panianiake.” 23Ku Tamatama ka Twaumase la pakatwase liniane pulatadre Idingi, pakatwase liniane pakauawngu ki kadaengane, kai lasu niarakaiyane ku dae kibekace. 24Ku Tamatama ka Twaumase sa pakatwasenga kwini ki umawmase, la ikai tali talrawane ki Idingi pikai ku Kirubime, la pikai ku wakelrakelrabe ku apwi, ngithalringulu ku ngiapalrilrilridingi ku dramu, pakai ku atelengane ki umawmase lu kela deethe ki niake ka angatu.
Šiuo metu pasirinkta:
Tabekacane 3: NDV
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© The Bible Society in Taiwan, 2017
All rights reserved
© 臺灣聖經公會版權所有，2017