Tabekacane 5
5
Mwabaibalrithi ki Adame
(1 Lacaili 1.1-4)
1Kikai tailebe kai pacase amani ku mwabaibalrithi ki Adame. (Ku Twaumase sa bekace ki umawmase yai, arakai ku tangimiamianeini bekace iniane. 2Ku Twaumase wabekace liniane, yakai ku sawvalai yakai ku ababai, la subulrubulru liniane, si pasudalepe “Umawmase” iya liniane.) 3Ku Adame satara 130 ku cailini la tulalake ku vaeva ku sawvalai, la ngimiya iniane, la sunagane iniane pasi Sethe. 4Ku Adame sa tulalakenga ki Sethe yai, la panianiakeana tara 800 ka caili, si tulalalalakeana. 5Sa pacai ku Adame yai tara 930 ku cailini.
6Ku Sethe satara 105 ku caili twalalake ku vaeva ku sawvalai, ku sia Inuse, 7la panianiakeana tara 807 ka caili, si tulalalalakeana. 8Sa pacai yai tara 912 ku caili.
9Ku Inuse sa taramabangate ku caili twalalake ku vaeva ku sawvalai, ku nagane sia Kenane, 10la panianiakeana tara 815 ka caili, si tulalalalakeana. 11Sa pacai yai tara 905 ka caili.
12Ku Kenane satara mapitulu ku caili la tulalake ku sawvalai, ku nagane sia Mahalalile, 13la panianiakeana tara 840 ka caili, si tulalalalakeana. 14Sa pacai tara 910 ku caili.
15Ku Mahalalile satara 65 ku caili twalalake ku vaeva ku sawvalai ku nagane sia Yarede, 16la panianiakeana tara 830 ka caili, si tulalalalakeana. 17Sa pacai yai tara 895 ku caili.
18Ku Yarede satara 162 ku caili twalalake ku vaeva ku sawvalai, ku nagane sia Inuke, 19la panianiakeana tara 800 ka caili, si tulalalalakeana. 20Sa pacai yai tara 962 ka caili.
21Ku Inuke satara 65 ka caili la tulalake ku vaeva ku sawvalai, ku nagane sia Methusela. 22Sakabilrilinga, ku Inuke la makakisudaalru ki Twaumase, kai lasu la panianiakeana tara 300 ka caili, si tulalalalakeana. 23Ku taikaiyaneini kawmasane tara 365 ka caili. 24Ku tapanianiakaneini makakiasudaalru ki Twaumase, ku Twaumase la malra iniane, la kaulrawnga.
25Ku Methusela satara 187 ka caili la tulalake ku vaeva ku sawvalai, ku nagane sia Lameke, 26la panianiakeana tara 782 ka caili, si tulalalalakeana. 27Sa pacai tara 969 ka caili.
28Ku Lameke sa 182 ka caili la tulalake ku vaeva ku sawvalai, 29ku nagane sia Nua#5.29 “Nua” ku vaga ki Hiburu “wasasa” amia.; asi lwiyane kai lasu amia kai, “Ku Tamatama wapusu ki kadaengane, lakamani ku kwalrita kaungu; kikai lalake lri kamani ku wasasa ki sakwalrialrita.” 30Ku Lameke la panianiakeana tara 595 ku caili, si tulalalalakeana. 31Kai lasu sa pacai tara 777 ka caili.
32Ku Nua sa lribatenga ki tara 500 ku caili twalalake ngutulru ku sawvalai, ku nagane sia Seme, Hame, Yapethe.
Šiuo metu pasirinkta:
Tabekacane 5: NDV
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© The Bible Society in Taiwan, 2017
All rights reserved
© 臺灣聖經公會版權所有，2017