Matta 1
1
Zhikankirku ɓu̱ Masiya Yesu
(Luk 3:23-38)
1Nang ke lagarkati dlu̱dlarsi zhikankirku ɓu̱ Yesu Masiya zhikan Dauda zhikan Yibram.
2Yibram khaki Yishaku, tu̱ Yishaku kha Nyagham, tu̱ Nyagham kha Yakhuda ndu̱ khachinku. 3Yakhuda khaki Peres ndu̱ Zera, Tamar ke man wora. Tu̱ Peres kha Khesruna, tu̱ Khesruna kha Aram, 4tu̱ Aram kha Aminadab, tu̱ Aminadab kha Nashon, tu̱ Nashon kha Salmon. 5Tu̱ Salmon kha Boaz Rakhab ke man. Boaz khaki Obida Rut ke man, tu̱ Obida kha Jesse, 6tu̱ Jesse kha kuji Dauda.
Kuji Dauda khaki Solomon, Barsheba nokhzi Yuriya khaki yenda, 7tu̱ kuji Solomon kha Rekhobowam, tu̱ Rekhobowam kha Abija, tu̱ Abija kha Asa. 8Tu̱ Asa kha Jekhoshapat, tu̱ Jekhoshapat kha Jekhoram, tu̱ Jekhoram kha Yuziya. 9Tu̱ Yuziya kha Jotam, tu̱ Jotam kha Akhaz, tu̱ Akhaz kha Khezekaya, 10tu̱ Khezekaya kha Manase, tu̱ Manase kha Aman, tu̱ Aman kha Josaya, 11tu̱ Josaya kha Jekhoniya ndu̱ khachinku. Kha wor sarchi nu̱ gharki Israila ma yir ghai Babilon.
12Gaanje ghaari wor ma yir Babilon, tu̱ Jekhoniya kha Sheyaltiyel, tu̱ Sheyaltiyel kha Zarubabel. 13Tu̱ Zarubabel kha Abikhuda, tu̱ Abikhuda kha Eliyakim, tu̱ Eliyakim kha Azor. 14Tu̱ Azor kha Zadok, tu̱ Zadok kha Akim, tu̱ Akim kha Aliyuda. 15Tu̱ Aliyuda kha Aliyaza, tu̱ Aliyaza kha Mattan, tu̱ Mattan kha Nyagham. 16Kom tu̱ Nyagham kha Yusufu zhime Maryam. Maryam ke man Yesu nu̱ka qaki nda Masiya.
17Ɗyi nu̱ jiiki ɗyin Yibram ma yir she Dauda zhikankirku gwaanggu̱m vat, ji yin Dauda ma yir sarchi nu̱ gharki wor ma yir Babilon zhikankirku gwaanggu̱m vat. Gaanje ghaari wor nu̱ Babilon ma yir she Masiya, zhikankirku gwaanggu̱m vat tu̱k.
Labar Khar ɓu̱ Yesu Masiya
18Wonji ɗyi nu̱ ɗatlki mbe khar ɓu̱ Yesu Masiya: Man, Maryam wa tlogha ɓu̱rti ndu̱ Yusufu, me ku̱ shi ɓu̱rtang ku, tu̱ gwa nda ndu̱ ghu̱rɓandi nu̱ ku̱nshe Jiimbi shakhshakhndi. 19Yang Yusufu khu̱rti ɓaranang ɗya nduk mbarkandi nu̱ shim sa nda nu̱ mbu̱ me nduki ɓa, tu̱ shim shakhti ndu̱ chin mbu̱ tuka.
20A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi. 21Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”
22Ɗyi nang shi kap ma ku̱ nyel ɗyi nu̱ Magham zu̱ki nu̱ ku̱nshe annabyang za, 23“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”
24Nu̱ Yusufu nakhaki ɗyenirang, tu̱ mbu zu̱r ɓu̱ nu̱ ru̱kti ɓu̱ Maghamang tu̱ ɓu̱r Maryam. 25Yang nu̱ zu̱n nda me ku̱ kha woyang ɓa. Yang nu̱ ku̱s bu̱nan ɓa kope qu̱rse khar woyang. Nu̱ khaki woyang, tu̱ Yusufu qa dlu̱man Yesu.
Šiuo metu pasirinkta:
Matta 1: ttrNT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Nigeria Bible Translation Trust in cooperation with Wycliffe Bible Translators, Inc.
© Wycliffe Bible Translators, Inc. and
© The Nigeria Bible Translation Trust 2016