Marcos Marcospa qhelqasqan Evangelio
Marcospa qhelqasqan Evangelio
Kay evangelioqa Marcospa qhelqasqan, chantapis aswan unayniyoj. Payqa Bernabejpa qaylla ayllun karqa, Juan Marcos sutiyoj (Col 4.10). Hechos p'anqapi paymanta astawan parlan. Kay evangelioqa Jesús imatachus ruwasqanmanta willan, yachachisqanmantataj pisillata, imaraykuchus Jesuspa ruwasqanqa yachayta qon Jesús tukuy atiyniyoj kasqanmanta, jinallataj juchatapis pampachayta atisqanmanta ima. Kay evangelio willallantaj Jesusqa Tata Diospa kamachin kaspa, kay pachapi Diospa munayninta junt'asqanta. Chaywanpis Tata Diosqa Jesusta nerqa: Munasqa Churiy, nispa. Kay evangelio qhelqasqa karqa mana judío kaj runakunapaj paykuna yachanankupaj Tata Diosqa Jesusta kachamusqanta Qhespichej kananpaj. Kay evangelioqa mana anchata parlaspalla ashkha imamanta willan.
Marcospa rikusqanman jina Jesusmanta Evangelioqa kay jina:
Jesusqa imachus ruwananta qallarinanpaj wakichikun (1.1-13)
Galileapi Jesús imatachus ruwasqan (1.14—9.50)
Jesús Judeapi yachachin (10)
Jesús Galileamanta Jerusalenman rin (11.1-26)
Kay pachapi Jesuspa kawsayninmanta tukukuy semana (11.27—16.20)
Šiuo metu pasirinkta:
Marcos Marcospa qhelqasqan Evangelio: DQDC
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Revisión Biblia Quechua Boliviano © Sociedad Bíblica Boliviana, 2017.