Litanga 8
8
1Na Nyasaye yidzulitsa Nuhu, netsimyama tsyosi, nemitugu gyosi vya li halala naye mu liatu: na Nyasaye ya leta imbuudza ku lirova, na amadzi ga geha; 2kandi visenukiru vyamadzi na madirisha gomigulu ga kunikwa, nembula yomigulu ya gaywa; 3kandi amadzi girana kutwula ku lirova kazozo: na inyima wa madiku mia na makumi gatano amadzi ga geha. 4Na liatu lya singira ku kigulu kya Ararati ku mweli gu kola gyitano na gyiviri, ku lidiku li kola likumi na gatano na gaviri. 5Na madzi ga kamuluka kazozo kuduka ku mweli gu kola likumi; noku mweli gwelikumi, ku lidiku lyokutanga mweli, tsisonga tsyevigulu tsya loleka.
6Kunangwa inyima wa madiku makumi gane, Nuhu yigula lidirisha lyeliatu lya ya lomba: 7kandi ya tuma lijikolo, nalyo lya tsia yiyi na yiyi, kuduka amadzi guuma ku lirova. 8Kandi ya tuma likuulu, a lole amadzi ni ga va ni ga kama ku lirova; 9Navutswa likuulu zana lya vula kunyola ha li sena kirenge kyalyo, na lirana kuye mu liatu; kigira amadzi ga li ni ga kikiri ku lirova lyosi: naye ya nyira mkono gwigwe, na a li vugula, nokulileta kuye mu liatu. 10Na a linda madiku gatano na gaviri gandi; kandi ya tuma likuulu kutwula mu liatu; 11na likuulu lirana kuye mgolova; na henza, mmunwa gwalyo lya li nelitu livisi lya mzeituni lya nogwa: kunangwa Nuhu ya manya amadzi ga kami ku lirova. 12Na ya linda madiku gatano na gaviri gandi, na a tuma likuulu; nalyo lya vula kwirana kuye kandi.
13Kunangwa ga duka mu muhiga gwetsimia tsitano na indala na mulala, ku mweli gwokutanga, lidiku lyokutanga lyomweli, amadzi guma ku lirova: na Nuhu ya vimbula liatu, na, henza, marova gumi. 14Na mu mweli gwa kaviri, ku lidiku li kola likumi na gatano na gaviri lyomweli, lirova Iyuma. 15Na Nyasaye ya volera Nuhu, na a vola, 16Twula ku liatu, ive, nomukali wowo, na avana vovo, navakali va avana vovo halala nive. 17Twulidza halala nive, vyosi vi veye nelivamwoyo vi veye halala nive, ku tsinyama tsyosi, manyonyi, nemitugu, noku vyosi vi molanga ku lirova; vivulane ligali ku lirova, nokwaala, nokumedeka ku lirova. 18Na Nuhu ya twula, navana veve, nomukali wewe, navakali va avana veve halala naye: 19tsinyama tsyosi, nevimolanga vyosi, na manyonyi gosi, na vyosi vi gendanga ku lirova, kuli tsihiri tsyavyo, vya twula mu liatu.
20Kandi Nuhu yombakira Yahova bwali; na a vugula ku tsinyama tsinifu tsyosi, noku manyonyi manifu gosi, na a leta vihaanwa vyokusambwa ku bwali. 21Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola. 22Tsinyinga tsyamadiku gosi ku lirova, tsi la va tsinyinga tsyokutaga na tsyokugesa, ubukindu noluya, kimeyu nenkindirira, umbasu nobudiku, tsinyinga yitsyi si tsi la hera mba.
Šiuo metu pasirinkta:
Litanga 8: MBE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Bible Society of Kenya, 1967