Luka 24
24
1Kandi ku lisabato va honga kuli malago. Navutswa ku lidiku lyokutanga lisidza, mabwebwe, va tsia ha kilindwa, ni va hila vya funya mwayu vya va lombi. 2Ni va nyola ligina li gomagominyeywi kutwula ku kilindwa. 3Kandi vingira mu, si va nyola mubiri gwo Mwami Yesu. 4Lwa va genya yaga, henza, avandu vaviri va singira navo, vivika tsingubo tsing'ereng'anu: 5lwa va tia ni vinaminya mitwe gyavo ni va kupa tsimoni hasi, va va volera, Kigira ki mwinye mwenya mu vakudzi, u veye mwoyo? 6Si a veye hano, navutswa u simuguki: mwidzulitse kuli wa ya mu volera lwa ya li mu Galilaya, 7na a vola, Mwana wa Adamu ga mu dukira kuvikwa mu makono gavoni, nokubambwa, nokusimuguka ku lidiku lyagavaka. 8Kandi vidzulitsa amakuva gege, 9ni va twula ha kilindwa ni virana ni va volera ava li likumi na mulala vindu yivi vyosi, kandi va volera avandi vosi. 10Yavo va li Maria Magdalene, na Yoana, na Maria mama wa Yakobo: na vakali avandi halala navo va volera avatumwa vindu yivi. 11Kandi amakuva yaga ga li kuvo kuli tsimbaka; kandi va vula kugasuuvira. 12Navutswa Petro ya singira na a nyagula kuduka ha kilindwa; ni yinama na a henza mu, na a lola tsingubo tsyakatani tsyeng'ine; na a twula kutsia yengo wewe, na a genya vya kolwa.
13Kandi henza ku lidiku zana vaviri kuvo va li ni va tsitsa mu kadala ihale ne Yerusalemi ulugendo lwetsisaa tsiviri, ka langwa Emau. 14Ni va volerana avene ku vindu vyosi vya kolwa. 15Lwa va vole rana ni va tevana avene, Yesu mwene yisunda himbi na a tsia halala navo. 16Navutswa tsimoni tsyavo tsya bofwa va ta mu manya mba. 17Naye ya va volera, Amakuva ki ga mu volerana, ni mu genda? Navo va singira va loleka kuli va verera. 18Na mulala kuvo wa langwa Kileopa, ya tivula na a mu volera, Ive weng'ine u veye mugeni mu Yerusalemi, kandi u ta manya vindu vi koleywi mu madiku yaga? 19Naye ya va volera, Ni vindu ki? Navo va mu volera, Vindu vya li ku Yesu Munazareti, wa li muprofeti wetsingulu tsyokukola netsyokuvola imbiri wa Nyasaye, nembiri wavandu vosi: 20kandi kuli avasalisi vanene navanene vetu va mu zama mu likalaga lyelikudza, ni va mu bamba. 21Navutswa kwinye kwa suuvira ya li uyu u li honnya Israeli. Kandi halala na yaga, kutwula inyinga vindu yivi vya kolwa lero ikavaka. 22Kandi avalala ku vakali vowetu va ku gennya, ava kivira ha kilindwa mugamba tsuri; 23kandi lwa va vula kulola mubiri gwigwe; vadza ni va vola, va loli tsingelosi va loleka kuvo, ava vola, A veye mwoyo. 24Kandi avalala ku kwinye va tsia ku kilindwa, ni va ki nyola kuli avakali va voye, navutswa uyu mwene si va mu lola. 25Kandi ya va volera, O avandu avasiru, avemyoyo midinyu kusuuvira vyosi vyavaprofeti va vola 26Si bu li bulahi Kristo a saliridzwe vindu yivi vyosi nokwingira mu bukumi bwibwe? 27Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene. 28Navo va duka himbi kadala aka va tsitsa mu: naye ya fwana yenya kuvita. 29Va mu saala, ni va vola, U gona nekwinye; kigira i veye himbi ku mwama, kandi mbasu gu mali kuvita. Naye yingira na a gona yo. 30Lwa yikala navo ku vyokulia, ya vugula mulango na a gu gasidza na a megannya na a va ha. 31Tsimoni tsyavo tsya kunulwa, ni va mu manya; ya va gota mu tsimoni tsyavo ni va vula kumulola. 32Ni va volerana, Myoyo gyetu si gya liaaka mu kwinye lwa ya ku volera ku inzira, na a ku vuulira mang'oda? 33Kandi va twula ku isaa zana ni virana Yerusalemi; ni va nyola ava li likumi na mulala ni va vugana halala navandi ava li navo, 34ni va vola, Mwami u simuguki ligali, u mali kuloleka ku Simoni. 35Navo va vola vindu vya kolwa ku inzira, kandi kuli wa ya manyekana kuvo ku limegannya lyomulango.
36Lwa va li ni va vola amakuva yaga, Yesu mwene ya singira hagati havo, na a va volera, Mirembe ku mwinye. 37Navutswa vegosa lignli, ni va tia, ni va ganagana va lola kigingi. 38Kandi ya va volera, Kigira ki mu henda mwoyo? Kandi kigira ki ubuhayahayidzi bu duka mu myoyo gyenyu? 39Mu henze makono gange nevirenge vyange, ni inze mwene: mu mminamine, mu lole; kigira roho si gu veye nomubiri nevigumba, kuli mu lola mbeye navyo. 40Kandi lwa ya mala kuvola yaga, ya va mannya makono gege nevirenge vivye. 41Lwa va vula kusuuvira kigira ubuyanzi bwavo, ni va genya, ya va volera, Mu veye nevyokulia hano? 42Ni va mu ha kidonye kyesudzi inyuminyi. 43Na a ki vugula na a lia imbiri wavo.
44Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa. 45Hene yaho ya va kunulira ubugeeri bwavo, va duke kumanya mang'oda; 46ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka; 47kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi. 48Kandi mwinye mu veye avalole kidzi ku vindu yivi. 49Kandi henza, inze ndeta lisuuviridza lya Dada wange ku mwinye: navutswa mu linde mu lidala mu duke kuvikwa tsingulu tsi twula migulu.
50Yimira na a tsia navo kuduka himbi Betani, kandi ya ginga makono gege na a va gasidza. 51Lwa ya li na a va gasidza yahuka kuvo, na a hilwa migulu. 52Navo va mu sigamira, ni virana Yerusalemi nobuyanzi ubunene: 53kandi va li mu litempeli kazozo ni vidzominya Nyasaye.
Šiuo metu pasirinkta:
Luka 24: MBE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
©Bible Society of Kenya, 1967