PANDARIADDI 5
5
Papapulunni Adam
1Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane. 2I Tou naola'a si mangitou esaka wuṛṛu wawine. I Tou nangal᷊amatta si mangitou wuṛṛu nissago-Ne i mangitou “Taumata.”) 3Napawe i Adam uukke 130 su tonnane, i tou naasomba ana'a esakka ere lihiddu watanganne, ana see nionggol᷊annu aranne i Set. 4Wua'udde i Adam ta'e nabbiakka 800 su tonnane lai wuṛṛu naasomba al᷊aṛṛana'a waine lai. 5I tou nate su uukka 930 su tonnane.
6Su tempo i Set uukke 105 su tonnane, i tou naasomba ana'a esakka aranne i Enos. 7Wua'udde i Set ta'e nabbiakka 807 su tonnane, wuṛṛu naasomba al᷊aṛṛana'a waine lai. 8I tou nate su uukka 912 su tonnane.
9Su tempo i Enos uukke 90 su tonnane i tou naasomba ana'a esakka, aranne i Kenan. 10Wua'udde i Enos ta'e nabbiakka 815 su tonnane wuṛṛu naasomba al᷊aṛṛana'a waine lai. 11I tou nate su uukka 905 su tonnane.
12Su tempo i Kenan uukke 70 su tonnane, i tou naasomba ana'a esakka, aranne i Mahalaleel. 13I Kenan ta'e nabbiakka 840 su tonnanen wuṛṛu naasomba al᷊aṛṛana'a waine lai. 14I tou nate su uukka 910 su tonnane.
15Su tempo i Mahalaleel uukke 65 su tonnane, i tou naasomba ana'a esakka aranne i Yared. 16Wua'udde i Mahalaleel ta'e nabbiakka 830 su tonnane wuṛṛu naasomba al᷊aṛṛana'a waine lai. 17I tou nate su uukka 895 su tonnane.
18Su tempo i Yared uukke 162 su tonnane, i tou naasomba ana'a esakka, aranne i Henokh. 19Wua'udde i Yared ta'e nabbiakka 800 su tonnane wuṛṛu naasomba al᷊aṛṛana'a waine lai. 20I tou nate su uukka 962 su tonnane.
21Su tempo i Henokh uukke 65 su tonnane, i tou naasomba ana'a esakka aranne i Metusalah. 22Wua'udde i Henokh nabbiakka sulal᷊ummu paa'aukka ringannu Ruata al᷊annune 300 su tonnane. I tou naasomba al᷊aṛṛana'a waine lai 23wuṛṛu napaddatingngu uukka 365 su tonnane. 24Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.
25Su tempo i Metusalah uukke 187 su tonnane, i tou naasomba ana'a esakka, aranne i Lamekh. 26Wua'udde i Metusalah ta'e nabbiakka 782 su tonnane lai wuṛṛu naasomba al᷊aṛṛana'a waine. 27I tou nate su uukka 969 su tonnane.
28Su tempo i Lamekh uukke 182 su tonnane, i tou naasomba ana'a esakka. 29I Lamekh nabbisara, “Ana'a indi sarun mangonggollu sasumbala su tempo i ite mammanara masahadda, mabbailla leta'a apan niwontohannu Mawu.” Ana waugu udde i Lamekh nanagon ana'a udde i Nuh. 30Wua'udde i Lamekh ta'e nabbiakka 595 su tonnane lai. I tou naasomba al᷊aṛṛana'a waine lai, 31wuṛṛu nate su uukka 777 su tonnane.
32Napawe i Nuh uukke 500 su tonnane, i tou naasomba siri tallu ana'a esakka, eteudde i Sem, i Yafet wuṛṛu i Ham.
Šiuo metu pasirinkta:
PANDARIADDI 5: LAITLD
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės