পত্থম 3
3
মান্জ্যর্ অবাধ্যঅনা
1লগেপ্রভু গোজেনর বানেয়্যে মাদি উগুরে ঝার্বো পরাণবলাগুনো ভিদিরে সাপ্পো এলদে বেক্কুনোত্তুন্ চালাক্। এ সাপ্পো একদিন্যে সে মিলেবোরে কলঅ, “গোজেনে কি হামাক্কায় তমারে কোইয়্যে, বাগানর বেক্ গাজ গুলোগুন তুমি হেই ন-পারিবা?” 2জোবত্ মিলেবো কলঅ, “বাগান গাজর গুলোগুন আমি হেই পারিই। 3মাত্তর্ বাগান সংমোধ্যে যে গাজ্চুয়ো আঘে সে গুলোগুন পৌইদ্যেনে গোজেনে কোইয়্যেদে, ‘তুমি সে গুলোগুন নয়ো-হেবা, নয়ো-ধুরিবা। যুদি হঅ সালে তুমি মুরিবা।’”
4সেক্কে সাপ্পো মিলেবোরে কলঅ, “কনদিনঅ নয়, কনদিনঅ তুমি ন-মুরিবা। 5গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”
6মিলেবো যেক্কে বুঝি পারিলো, গাজ্চো গুলোগুন্ খাদে সুয়োত্ অবাক্ আর সিগুন চাদেয়ো দোল্ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ। 7ইয়োত্ সেক্কেনে তারার দ্বি-জনর চোখ্কুন্ খুলি গেলঅ। তারা বুঝি পারিলাক্, তারা লাঙ্দা-বাঙ্দা আগন্। সেক্কে তারা কয়েক্কান ডোমোর গাজঅ পাদা এগত্তর্ গুরি নেযেইনে নিজোত্যে থৈল্যেকানি ধোক্ক্যেন বানেলাক্। 8যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্। তে বাগান ভিদিরে আদা-উদো গরের্। সেক্কে আদমে আর তা মোক্কো বাগান গাজঅ আন্দলত্ পোল্যে থেলাক্ যেনে লগেপ্রভু গোজেন মুজুঙোত্ তারা ধরা ন-পড়ন্। 9লগেপ্রভু গোজেনে আদমরে ডাগিনে কলঅ, “তুই কুদু?”
10তে কলঅ, “বাগান ভিদিরে মুই তঅ রঅবো শুন্যং। মাত্তর্ মুই লাংদা-বাংদা, সেনত্যে দরে লুগি আগং।”
11সেক্কে লগেপ্রভু গোজেনে কলঅ, “তুই যে লাংদা-বাংদা সে কধাগান কন্না তরে কোইয়্যে? যে গাজ্চো গুলোগুন হেবাত্যে মুই তরে মানা গোজ্যং সিগুন কি তুই হেইয়োচ্?”
12আদমে কলঅ, “যে মিলেবো তুই মরে সমাজ্যে ইজেবে দুয়োচ্ তেয়-ই মরে সে গাজ্চো গুলোগুন দিয়্যে আহ্ মুই সিগুন হেইয়োং।”
13সেক্কে লগেপ্রভু গোজেনে সে মিলেবোরে কলঅ, “তুই ইয়ান্ কি গোজ্যচ্?”
মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”
গোজেনে সাজা-দিলো
14সেক্কে লগেপ্রভু গোজেনে সেই সাপ্পোরে কলঅ, “তর এ কামানত্যে মাদি উগুরে বেক্ ঘোর্বো আর ঝাড়্বো পরাণবলাগুনো ভিদিরে তুই বেশ্ অভিশাব্ পেইয়্যে। তুই সারা জিংকানিবর্ পেদ উগুরে ভর্ দিইনে আঢিবে আহ্ ধুল্যে হেবে। 15মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্ খুদিবে।”
16সে পরেদি তে সে মিলেবোরে কলঅ, “মুই তরে পুয়ো অবার অক্তত্ তঅ শুলোনি অমকদ বাড়েই দিম্। তুই দুঘোত্ পুয়ো পুদেবে। নেগত্যে তর্ অমকদ আওজ্ অবঅ, আরঅ তে তঅ উগুরে সদ্দারী গুরিবো।” 17পরেদি তে আদমরে কলঅ, “যে গাজ্চো গুলোগুন হেবাত্তে মুই মানা গোজ্যং তুই তঅ মোগো কধা শুনিনে সিগুন হেইয়োচ্। সেনে তত্ত্যে মাদিগান অভিশাব্ পেলঅ। সারা জীংকানিবর্ অমকদ দুঘো কামগুরিনে তে তুই মাদি উগুরে খেত-খেত্তি হেই পেবে। 18তত্ত্যে মাদিত্ কাদাগাছ আর হের্ উদিবো, মাত্তর্ তঅ হানা অবদে ক্ষেদর্ গুলোগুলিগুন। 19যে মাদিত্তুন্ তরে বানা ওইয়্যে সে মাদিত্ ফিরি ন-যানা সং মাঢার ঘাম্ টেঙত্ ফেলেনে তত্তুন্ হা-পুরিবো। তর এ ধুল্যার কিয়্যেগান্ ধুল্যাদই ফিরি যেবঅ।”
20আদমে তা মোক্কো নাঙান দিলো হবা (যিয়েনর ভেদ্তান “জীংকানি”), কিত্তে তে বেক্ জেদা মানুচ্চুনোর মা অবঅ। 21আদম আর তা মোক্কোত্তে লগেপ্রভু গোজেনে য়েমান চাম্বোই পোজাক্ বানেইনে তারারে উরেই দিলো। 22সে পরেদি লগেপ্রভু গোজেনে কলঅ, “ চঅ, গম্-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্ সেনত্যে আমার কিজু গরানা দরকার।”
23ইয়েন্ কোইনে লগেপ্রভু গোজেনে মাদিলোই বানেয়্যে মানুচ্চ্যরে মাদিত্ চাষ গুরিবাত্তে এদন বাগানত্তুন্ নিগিলেই দিলো। 24এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্চো ইধু যেবার পথ্তান্ চুগি দিবাত্তে এদন বাগান পূগেদি করূব্পুনোরে রাগেল, আর সে সমারে সিয়োত্ এক্কান জোল্জোল্যা খড়্গঅ রাগেল যিয়েনে নিত্য ঘুরোনাত্ থেলঅ।
Šiuo metu pasirinkta:
পত্থম 3: CBT
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Copyright © 2021 Bangladesh Bible Society