Roiatatokenti San 1
1
Raoriȣiiotsera, ne Sonkȣaianer Iesos Keristos tsini hoiaton ne Roiatatokenti San.
1Tsi tiotasaȣe Ranakorekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.
2Ok Niio sinikȣekon tsi tiotasaȣe.
3Oriȣakȣekon Raonha roson, iah othenon tekason nʼiah raonha tahoson.
4Raonhake kaiontakȣo nʼatonnhest, nok nʼatonnhest noh akosȣathetsera kenhne nonkȣeokon.
5Asatakon ȣatiosȣathene nok nasatakon ronon iah tohonȣanikonraientaon.
6Saiatat tahotori ne Niio Saȣatis ronȣaiastskȣe.
7Neh raniente nahatkatto nok ahatrori tsinonkati ne kasȣathotsora eh naontaȣe akȣekon aontaiaketakȣe Raonhako.
8Iah raonha tehken ne kasȣathotsora, ne ok tanon tsi thonȣatoriaton nahatrori tsinonkati ne Kasȣathe-tsera.
9Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.
10Ranakerekȣe tsi ionȣentsiate raonha roson tsi ionȣentsiate, nok ki iah tehonȣathontati ne iakon-ȣentsiakeronon.
11Rokȣathon tsi rotonȣentsiate, nok iah tatehon-ȣarhoton ne ronhionȣentsiakeronon.
12Nok tsiniiakon tehonȣarhoton, sakoȣi no Niio sakoienhokonha aionton. Nehne tsiniiakon tiakaȣe-takon ne raosennakon.
13Nehne iah Onekȣensake tetiakoientakon, iah oni onkȣo tehotennikonra; akȣa tanon Niione tiakoientakon.
14Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanera-kȣatsera, eh nihoiatanerakȣatseroten tsini hoiatanera-kȣatseroten nʼenskat ok Niio Roionha, titkahere atanitenrasera oni ateriȣakȣarisionsera.
15Neh ratroriathakȣe ne Saȣatis, satehohenreta tsi ratonhakȣe: neh ȣahi ne ritonhakȣe sikaton rihentestonhatie ne Taknonteratie aseken onen sihanakere, nii sakehnakerenne.
16Nok akȣekon ionkȣataȣeiaton ne raotanitenra-serakon, akȣa neok Rotanitenron nʼatanitenron.
17Aseken ne kaianerensera Moïs roson; nok kenhkaien natanitenron oni no kariȣakȣarisionsera, Iesos Keristos nohneh rahaȣine.
18Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.
19Kenh niiot tsi roriȣakȣarision ne Saȣatis: sahonȣariȣanontonso ne ratitsihenstatsi okon iesako-hnatorionne, ȣahonniron: oh nasiatoten?
20Aseken akȣa tahariȣaierite, iah oni tehotonn-hiien tsi ȣahenron: Iah ii teken ne Keristos.
21Nese ȣaonni tontahonȣariȣanontonse: Onka kati nise? Ise ken nʼElie? tahenron iah ii teken. Satokense kati ken? Tontasakoȣennaȣeron, nok ȣahenron: iah.
22Sekon tontahonniron: takȣarori niha oh nasiatoten aontiesenhake iaonsaiakhirori ne tionkhiia-torion? ohnahoten satatenatonkȣa?
23Ȣahenron: ii ne karhakonson raȣennotaties, raton: Soȣahalmkȣarisi no Roianer raohaha, tsini haȣcn ne Rotokensehakȣe Esaï.
24Pharisian are neneh ne iesakonatorionne.
25Sekon sahonȣariȣanontonse, ȣahonniron oh kati nontieren tsi senekȣahesta; iah se ise tehken no Keristos, iah oni ne Elie, iah oni tesatokense?
26Tontahenron ne Saȣatis: neok nii naȣonke khenekȣahesta nok tanon saiatat seȣentiokȣakon renteron nehne iah tetsiseȣaionteri.
27Neh tenhiatiatasonterako, takhonteston, oni; neh oni noiah teȣakerionte nook oni nahiiennikatse-nanerensi.
28Bethani nonȣe kohiken nahaȣenseron ihsi nakaihionhati ne Jourdain tsinonȣe nisakohnekȣahes-takȣe ne Saȣatis.
29Tsi ȣahorhonne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣanera-aksera.
30Nehne ritonhon tsi ȣaken: saiatat tenhiatiata-sonterako noh ne takhenteston aseken ohenton sihanakere tsi nii niiot.
31Iah sane nii tehiienterine: nok ki ne ȣene akenhake tsinonkȣati nʼisraerronon noh ȣahonni aȣenko tokhcnckȣahestanon.
32Ethono oni nihatrori no Saȣatis tsi raton: Sahiken no Rotkon Roiatatokenti Orite kenraken rotiatontakȣenhatie tsi ȣahotionhase.
33Iah ki oni tethiienterine: rahonhaki ne iehaka-torion akhenekȣahostana naȣenke raȣon: neh nenstskon enhotienhase ne Rotkon Roiatatokenti neh onsakohnekȣahosto nonikonratokentike.
34Nok riken, oh oni niiot tsi ȣakatrori tsi nehne Niio Roienha.
35Tsi are saiorhenne, ȣathatano ne Saȣatis teniiase ronnene ne raotiokȣa.
36Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.
37Nok ne teniiase no raotiokȣa, oni ne ronȣa-thonte tsiniiot tsi tahatati, oksaok Iesos sahonȣatera-nentakton.
38Nok ne Iesos tontahatkarhateni, ȣahonikon-raientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?
39Tontahenron: kaseno nok tsiatkatto. Eh niiahane nok ȣaiatkatto tsinonȣe nihentorontakȣe; otho oni ne rononha ȣahiatien nehneh ȣonniaerate, aseken onen oieri siioȣistahehatie tsini ȣatonniserine.
40André, Simon Tier iatatekenha nekenhon saiatat ne teniiase ronȣaȣennaronkon ne Saȣatis, neh oni no roseron ne Iesos.
41Raonha oni tahatierente iahoken ne iatatekenha Simon, ȣahaȣenhase: ȣasakeniken nii no Keristos.
42Nok eh niiahoiatonhaȣe tsi ihtres ne Iesos: ȣahenron ne Iesos nonen sahoken: Ise no Simon Jonas iahienha; Cephas entsiesanatonkȣake (neh sakat naiahiron oststenra).
43Tsi ȣahorhenne Galile niionsare ne Iesos, eh ȣahoken no Philip, ȣahaȣenhase oni neneh: takser.
44Betsahida oni neneh thanakerekȣe ne Philip tsinonȣe tninakorekȣe ne André tanon ne Tier.
45Nok ne Philip Nathanael ionsahokon nok ȣahonron: Onon nii sakȣaken noh rotonhon tsi roiaton no Moïs, oni ne Rotitokonsohakȣe ronȣatro-riaton: nehne Iesos Nazaretronon Sose Roienha,
46Tontahenron no Nathanael: kah nekonh naontaȣo naontaionkȣotaieriko Nazaretke ahontahaiakenne. Tontahenron ne Philip: kastski nok hetsiatkatto.
47Iesos iahoken Nathanael eh nontahaȣenonhatie, ȣahaȣenhase tsi ȣahonron: noh kehiken ne tokensko onȣe Israerhaka niah tekaien naienikonrhate.
48Nathanael tahenron: katke sistienteri? Iesos tontahoȣennaȣeron nok ȣahonron ohenton siiaien-nonke ne Philip okȣirokon tesiterontakȣe satekon-kanerakȣe.
49Nathanael tontahoȣennaȣeron, nok ȣahenron: Saianer! ise ne Niio Iaionha, ise iesanontiio nʼIsraerhaka.
50Tontahenron ne Iesos: neh tsi ȣakonrori tsi tekonkanorakȣe nʼokȣirokon sitesiterontakȣe neh aho-riȣa tasetakȣe; ensatkatoseron no senha kariȣanorons tsiniiot ne kehiken.
51Ȣahaȣenhaso oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshone-nonhatie ne Niio Raoronhiakeronon en honastsnenton-hatie oni tsinonȣo nenhenterontake nʼOnkȣe Roienha.
Šiuo metu pasirinkta:
Roiatatokenti San 1: MOH1880
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Published by the British and Foreign Bible Society in 1880.